يا اخوان هل من مجيب ؟ عندي كم سوال الله لا يهينكم

[بدون عضويه]

السلام عليكم ورحمة الله ,,

اخواني اعضاء المنتدى انا جديد على القسم ذا بس قبل فتره كنت افكر بالاجهزة
اللاسلكية واستغربت ان لها تصريح وحبيت اقتني جهاز كنود يدوي بي معي كم سوال لا هنتو

1-الجهاز هالحين مثله مثل الي مع الامن العام يعني لا مني جلست اقلب بالترددات وقفطت تردد بامكاني اقط مع الدائرة واتكلم معهم ؟
اما ان كان كذا ف والله انها مشكلة وتخلف باتصالات الجهزة الحكومية

2-وش انواعه ما اقصد النوع بس المواصفات مثل مسافة الالتقاط

3-هو ما ينباع رسمي بالمحلات صح ؟ووين الاقيه بمكة


وشكرا لكم مقدما

وترقبوا (مطلوب جهاز كينود....<بحدد النوع بعدين, بمكة المكرمة )

[بدون عضويه]

لرفع <للاسف بحثت بالنت عنه بس ما حصلت جواب واضح ارجوا افادتي

[بدون عضويه]

وش بكم يا عرب ؟ ولا حد يرد

[الرجم النايف]

1-الجهاز هالحين مثله مثل الي مع الامن ؟

نعم الجهاز هو نفس الاجهزه الي مع الأمن العام الشرطه وغيرها ...

-وش انواعه ما اقصد النوع بس المواصفات مثل مسافة الالتقاط ؟

انواع اجهزة الاتصالات الاسلكيه تجي نوعين :ـ
فيه طال عمرك اليدوي يشحن ببطاريه وهذا مايتعدى العشره كيلو حسب معرفتي ويستخدم لقوانيص الضلع .. وفيه الايكوم والكينود ومداها يبلغ الخمسين كيلو ويتعدى للثمانين والميه مع تقوية ارساله ..

3-هو ما ينباع رسمي بالمحلات صح ؟ووين الاقيه بمكة ؟؟

اما اماكن بيعه فهو يباع بمحلات الاتصالات الاسلكيه ومحلات الكشتات البريه .. الخ ..

واخر اجابه على اخر تساؤل لك ترددات الأمن العام مشفره ولااحد يقدر يدخلها .. اما التصاريح فقليل الي يحرص انه يصرحها تمنى افدتك ..

[بدون عضويه]

كفيت ووفيت يا ذيبان هذي الردود السنعه وبخصوص اتصالات الامن واحد يقلي من 5 سنين كان معه كنود ولا قدهو مسافر يسمع بلاغات امن الطرق <والمشكلة انه موب واحد ولا اثنين الي يقولون الكلام ذا

[الرجم النايف]

كفيت ووفيت يا ذيبان هذي الردود السنعه وبخصوص اتصالات الامن واحد يقلي من 5 سنين كان معه كنود ولا قدهو مسافر يسمع بلاغات امن الطرق <والمشكلة انه موب واحد ولا اثنين الي يقولون الكلام ذا
كلامك صحيح هذا قديم اول ماطلعت هالاجهزه وكانت هي الاجهزه الي مع الشرطه وامن الطرق والمرور ... الخ انا كنت ادخل عليهم واطقطق عليهم واذا طلعوا من القناه ادورهم واحصلهم بس فيما بعد طوروا اتصالاتهم والترددات والشفرات وصار من الصعوبه اي شخص يخترقها الا شخص له خبره بهالامور ...

[بدون عضويه]

مدري وش اقلك مير الله يسلمك ويكثر من امثالك