تاهو 2011 وعلامة برتقالية في الطبلون افيدوني

[تاهو فضي]

مساء الخير ع الجميع

لدي تاهو 2011 وظهرت لي اليوم لمبة برتقالية في الطبلون فوق لمبة البريك الحمراء صراحة ماني عارف اوصف شكلها بس تأتي فوق لمبة البريك ولونها برتقالي وتقريبا هي عباة عن مربع له زوائد من اليمين واليسار

افيدوني عنها جزاكم الله كل خير

اخوكم ضيف ع المنتدى

[Magellan]

لو صورتها افضل
لكن محتمل لمبة المكينة وهي تشييك عادة تكون طبيعية
انصحك بزيارة هذا الرابط
http://mekshat.com/vb/showthread.php?t=492627

[كاشت وحداني]

هل هي هذي
http://img.tapatalk.com/d4768c16-a78d-01a1.jpg


Sent from my iPhone using Tapatalk

[الشهابة]

ياليت صور للمبه يكون أوضح ..

لكن مبدئياً احتمال تكون لمبة حساس ضغط هواء الكفرات ..

حاول تضبط هواء الكفرات على الضغط المطلوب و تعيد برمجة برمجة ضغط هواء الكفرات و بإذن الله تروح ..

و اذا غيرها .. الله و أعلم .. بس بالصورة يكون الحل أسهل بإذن الله ..

[الشهابة]

اللي انا اقصدها هذي

http://www9.0zz0.com/2012/06/21/23/603904134.jpg (http://www.0zz0.com)

[تاهو فضي]

العلامة هي التي ذكرها الأخ كاشت وحداني
وللمعلومية اكتشفت قبل قليل ا التشغيل عن بعد لا يعمل

[تاهو فضي]

الأخ كاشت وحداني وينك طمني ترا وسوست والسيارة جديدة

وترا العلامة زي الصورة اللي نزلتها والتشغيل عن بعد لا يعمل

[يالبى الهلا]

البطاريه على وشك الهلاك افحصا عن طريق كهربائي

[تاهو فضي]

يالبى الهيلا السيارة جديدة وتقول البطارية ع وشك الهلاك اذكر الله يارجل

السيارة ماكملت 10.000

[تمام]

الاخ / تاهو
هذي الله يسلمك احد الكفرات ناقص هواء

هذي تطلع عندي بالفورد

عبها وشف منتب خسران شي

دعواتك

[تمام]

وتراها ماهب طافيه على طول امش عليها شوي وتطفي ان شاء الله

[تاهو فضي]

يا أخوان العلامة اللي تظهر عندي هي العلامة التي وضع صورتها الأخ كاشت وحداني وليس علامة نقص الهواء

[تاهو فضي]

وين أهل الخبرة

[Magellan]

اهل الخبرة موجودين ولو قريت ردي عرفت السبب
هذي حاجة عادية جدا ولمبة تشييك
وتشغيل عن بعد راح يطفي توماتيك الين تطفي اللمبة
اقرأ الرابط في ردي بالأعلى وتبي تستفيد ان شاء الله

[تاهو فضي]

أخ ماجلان تشييك على ماذا لم توضح

[تاهو فضي]

الأخ ماجلان والأخ كاشت لوحدي وينكم

[Magellan]

عادية روتينية ، لايمكن تحديد المشكلة الا من جهاز فحص كمبيوتر
طبعا اغلب الظن ان سيارتك بحكم انها جيدة فالعادة يكون من فلتر الهواء متوسخ
عموما افصل اصبع البطارية السالب ثم اشبكه حاليا
وان شاء الله تروح

[كاشت وحداني]

هلا بك
اللمبه هذي تولع على اشياء كثيره ولا يبينها الا فحص الكمبيوتر
لكن فيه اشياء بسيطه ممكن تسويها
تأكد من نظافة فلتر الهواء وايضا والفيش حق الحساس حقه
افصل البطاريه نص ساعه ورجعها
وشف تروح ولا لا
واحذر من بعض الورش اللي يقولك بطفيها وتعال بكره
بعضهم يفك الطبلون ويمصع اللمبه
وتجيه من بكره قال سوينا لك تصفيه مكينه بمبلغ وقدره وغيرنا غيرنا


Sent from my iPhone using Tapatalk

[تاهو فضي]

هاه من عنده العلم الوكاد عن هذه اللمبة ياوجيه الخير

[تاهو فضي]

أخي كاشت وحداني وين الفيش حق الحساس لفلتر الهواء ما اعرف مكانه

[كاشت وحداني]

هذا هول طال عمرك
http://img.tapatalk.com/6d52f3e6-3e05-3b65.jpg

Sent from my iPhone using Tapatalk

[ابوالفهد]

هذه لمبة عيار الكفرات حط في الكفرهت الي 55 وتروح عنك ولكن نقصه للي تبي ثم ولا عليك من اللمبه عندي مثلك ج 0504107945

[Magellan]

تاهو فضي
اسمع كلامي انا اعرف الجمس قطعه قطعه
مشكلتك فقط في حاجتين
1- أما فلتر هواء متوسخ
2- أو الثروتل(اللهات) يبي تنظيف،،،

ابحث في قوقل تبي تشوف كم موضوع عن تنظيف الثروتل (منظم الهواء) للجمس
لاتقعد تفصل شيء او شيء ، انا بس قلت لك تفصل الاصبع حق البطارية عشان يروح التنبيه هاليومين وممكن يرجع
وإذا ماطلع كلامي صحيح انا مستعد اتحمل تكاليف فحص الكمبيوتر والاصلاح

[برج الرياض]

السلام عليكم ورحمة الله وبركاته
هذي اللمبة تظهر اذا زاد الكربون على حساس الكربون اذا مسكت خط 100 كم فاعلى تذهب اذا كان الكربون زايد .
انا عندي سوبربان 2009 وظهرت لي بعد مسك خط اختفت النور

[تاهو فضي]

اشكر جميع من شارك وأخص الأخ ماجلان وراح اجرب وأعطيك اخباري دمتم بود

[النبع الصافي]

هذه لمبة تشييك عامة
كل عطل يتعلق بالمكينة تشتغل
من البواجي إلى الشنابر
وتبي ترتاح افحص كمبيوتر
أو
ا ذهــــــــــــــــب إ لـــــى الـــــو كـــــــــــــيـــــــــــــــــــل
الذي قام ببيع السيارة مشكوراً مأجورا
موفق

[THE KILLER]

خل ضغط الكفرات 25 او 30 مستوى واحد لجميع الكفراان

لو الهواء زايد تطلع العلامة ولو الهوا ناقص تطلع العلامة فا خليه متوسط 25 او 30 وطف السيارة وحطها بوضع التشغيل انوار الطبلون 4 مرات كل اربع ثواني وبعدين امشي فيها 10 كيلو او 5 وان شاء الله تختفي

اذا ما نفع سوي الخطة B تفصل اصبع السالب

[THE KILLER]

بعدين بيني وبينكم السيارة جديدة

كان عندنا يوكن 2007 تقريبا 3 سنين ما غيرنا فلتر الهواء يعني ما تفك وماطلعت لمبة المكينة
واذكر مرة البنشري عبى الكفر على ضغط 60 وولعت لمبة الكفرات ورجعناها 30 وانطفت

وبالنسبة للفيش والحساسات ترا السيارة جديدة يا جماااعة

وهاذي اشياء بسيطة يعني لا تشيل لها هم صدقني ترووح لوحدهااا هاذي الحساسات وتعرف وهاذي مشكلة المواتر الجديدة اغلبها حساسات واشسمه ان شاء الله خيررر باذن الله والله يوفقك الاعضاء على المساعدة ووويسهل دربكم ان شاء الله

تحياااتي :
عاطل عن العمل OI I I I I I O

[THE KILLER]

وانصح الجموووس كلها على بنزين 91 ,, 91 احسن من 95 بالنسبة للجمووس الجديدة والقديمة

5 سنين عبيناه اخضر ماشتكى من شيء ولا من طرمبة بنزين ولا من حساسات كربوون ولا من حساسات مكينة ولا من حسحسات جيربوكس ولا من == دفرنس ولا من == كمبيوتر

الي يبا الراحة وزين القساطير ** عليك ببنزين اخضر علمن وكادي

تلقى علاج المكينة والحساس والجير ** من هو يعبيه مايشوف الخرابي

[قمة افرست]

صور اللمبة الي والعه بجوالك ونزلها وان شاء الله بيفيدونك الاخوان
الوصف غير واضح
لايمكن الحكم بدون مشاهدة
والاخوان ماخلو شي ماشاء الله يمكن تكون كذا او كذا او او الخ
صور اللمبة واكتب بقوقل رفع الصورة ماهي صعبة ونزل الرابط هنا
دمت بخير

[تاهو فضي]

مساء الخير ع الجميع
الحقوا علي يا أخوان انحلت مشكلتي اليوم ولا ني عارف كيف دلووووني

قبل فترة قمت بشراء غطاء لتانكي البنزين ابو مفتاح ب 15 ريال ووضعته بدل الغطاء اللي من الوكالة بدون مفتاح مسوي فيها حريص على السيارة من باب الاطمئنان

قبل يومين جيت اعبي بنزين وبس بدأ العامل يعبي ويفصل مسدس البنزين ويرجع يعبي ويفصل مرة ثانية قال لي بابا انت فيه بنزين فل قلت لا المهم يعي ويفصل المسدس لين شفت امبير البنين قرب ع الفل قلت خلاص رجعت الغطاء ابو مفتاح ومشيت

امس ونا نايم تذكرت مشكلة اللمبة اللي في الطبلون قلت والله لأجرب وأرجع غطاء التانكي اللي من بلاده بدون مفتاح يمكن تنطفي اللمبة وفعلا يا اخوان جيت شيكت ولقيت اللمبة راحت احد يفيدني كيف راحت اللمبة وهل الغطاء اللي شريته بمفتاح هو السبب وكيف

[ابو شريفة]

السـلأام عليكم ورحمه الله
اخوي هذي علامة الكفر يانقص بالهـوا او الجنوط بهآ شي
دمت سآلم عزيزي

[ابو شريفة]

واذا هي العلامة الثانية حقت التشييك فهي طأل عمرك في شي بالسيارة متغير او مفكوك مثل طبلون او باب او حتى القزازة اذا فكيتها او فكيت اليد تولع لمبه التشييك

[مسير عليهم]

لا توسوس ويضيق صدرك اللمبه شي طبيعي وهي تشتغل على الحساسات فترة وتختفي الا اذا اللمبه تأشر هناك مشكله

اما اشتغالها فهو طبيعي

[tevo]

مساء الخير ع الجميع
الحقوا علي يا أخوان انحلت مشكلتي اليوم ولا ني عارف كيف دلووووني

قبل فترة قمت بشراء غطاء لتانكي البنزين ابو مفتاح ب 15 ريال ووضعته بدل الغطاء اللي من الوكالة بدون مفتاح مسوي فيها حريص على السيارة من باب الاطمئنان

قبل يومين جيت اعبي بنزين وبس بدأ العامل يعبي ويفصل مسدس البنزين ويرجع يعبي ويفصل مرة ثانية قال لي بابا انت فيه بنزين فل قلت لا المهم يعي ويفصل المسدس لين شفت امبير البنين قرب ع الفل قلت خلاص رجعت الغطاء ابو مفتاح ومشيت

امس ونا نايم تذكرت مشكلة اللمبة اللي في الطبلون قلت والله لأجرب وأرجع غطاء التانكي اللي من بلاده بدون مفتاح يمكن تنطفي اللمبة وفعلا يا اخوان جيت شيكت ولقيت اللمبة راحت احد يفيدني كيف راحت اللمبة وهل الغطاء اللي شريته بمفتاح هو السبب وكيف
اي نعم السبب من غطاء البنزين اكيد الغطاء موب اصلي والمبه تولع لان فيه خلل في نظام الوقود .
واذا تبي تتأكد جرب لا تصك غطاء الوكاله زين وامش بعد فترة بتولع اللمبة.
انا من رايي خلك علي غطاء الوكاله وبس موب لازم ابو مفتاح ماله داعي ابدا لو احد بيدخل لي في التانكي الي اعرفه ما يدخل فيه زي المشخله .:good2: