الدوده اوالدركسون

[landcruiser-g]

السلام عليكم
يا اخوان صوت حنه في السياره عند لف الطاره لليمين او لليسار وهو واقفه وخاصة وهي بارده خصوص اني مسوي لها اصلاح قبل كم شهر ولا فيها اي تهريب والزيت غير ناقص السياره جيب هدد .. الرجاء اللي عنده فكر ه او مريت عليه الحاله هذي ما يبخل علينا وشكرا ..

[علي عليوه]

أخوي إذا كانت تهرب وغيرت لها إصلاح وبعد التركيب حسيت بصوت ونة خفيف والدركسون يعمل معك بخفة

ولا تعاني من أي شئ غير الصوت الخفيف وأكرر ( الخفيف ) توكل على الله ولا تخاف سيارتك سليمة

وعن تجربة في هدد 2004 نفس المشكلة بالضبط وما خليت مهندس ما رحت له وكلهم قال ضعف بالدودة لا

يؤثر ’ الحل إنك تغير دودة كاملة وهذا صعب

وموفق بإذن الله

[GMC89]

اخوي رح لاقرب محل بنشر واشفط الزيت اللي في الدوده وبعدين شغل الموتر وخله يشفط الين ما يفضا الزيت
تشغيلك للموتر يشفط الزيت القديم والوسخ بعدين عب العلبه زيت اي سي ديلكو اصلي وان شاء الله بتضبط معك
طبعا بعد ما تعبيها زيت ولمده يومين كل يوم شيك على الزيت لا يكون نقص ولو نقص بينقص شي بسيط زده وباذن الله بيظبط موتر

[YUKON_GMC]

عادة الصوت يظهر من عطل علبة الباور اللي يصب فيها الزيت وليس من الدودة
السبب ماشي على الموتر والزيت ناقص ومع الوقت يزيت الصوت ويثقل الدركسون ولازم تغيير علبة الباور

أرسل بواسطة جلكسي نوت GT-N7000 بواسطة برنامج tapatalk2

[مهزوز]

كان عندي الصوت هدد 2002 وغيرت طرمبه زيت الدركسون وراح الصوت ارجو اني افدتك تقبل مروري

[landcruiser-g]

شاكر ومقدر مشاركتكم اخواني الزيت ما نقص ابدا دايم اعاير السياره عند تغيير زيت المكينه او بدون بس من بعد اصلاح الدوده وجيت الصيف ظهرت المشكله وكانت تظهر والسياره بارده اللحين حتى والسياره جايه من مشوار فيها صوت والمشكله العمال في ورشة الهيدروليك يقولون عادي ::
لكن راح اجرب مشورة اخوي جي ام سي 89 بشفط الزيت ربما انه يكون مقفل لي او اوساخ الله اعلم اللي صلح الدوده سوريين في الصناعيه الثانيه في الرياض وانا في الشرقيه وشكله علويين ..........

[mekshaat]

فيه لها ماده تضيفها مع زيت علبة الدركسون عشان صوت الاحتكاك موجوده عند راعي
محل زيت أتعامل معه لكن ماجربتها وفايدتها اذا كان الصوت بسبب احتكاك بتروس العلبه.

[landcruiser-g]

فيه انسداد في الليات الزيت ما يوصل العلبه هذا توقعي بعد الكشف اليوم والله اعلم .. والعلبه والدوده الجديده بحول 3500ريال

[landcruiser-g]

اشكر جميع الاخوان لتجاوبهم واخص بالشكر الاخ جي ام سي 89
الليله مريت بنشر وشفط الزيت وحطيت زيت جديد ما لقيت سي ديلكو وحط زيت امريكي ثاني وضبط واختفت الحنه .. وفقكم الله .... للفائده ..