كتمه باترول 99 بخاخ

[شرخاوي]

السلام عليكم كلـ (ن) باسمه


عندي باترول 99 بخاخ طلع براسي نخل
مشكلته يكتم الجيب ادعس ولا يجاوب معي وهو بنمره افضيه وادعس ولا يجاوب معي
بعد ثواني بسيطه تروحه الكتمه ويصفي الجيب ولا عندك احلا منه
الكتمه تجي وتروح كل يومين ثلاثه ماهي متوصله
ولاحظت اذا شغلت الجيب وله وقت واقف وامشي عليه صوت بدبة الشكمان ومكتوم الجيب لين يحتر وتروح الكتمه والصوت يروح

توني مبدل فيه
1 بواجي
2 صفاية بنزين
3 فلتر هواء
4 وزن بلوف
5 فحصت طرمبة البانزين مافيها شي

وديته لمحل شكمانات وفحص الشكمان يقولي بدل بدبة الشكمان يمكن الكتمه منها يقول الدبه داخلها مواسير ووسخه تكتم وتفك ورحت لمحل ثاني يقولي مافيها شي وسليمه وسألته فيها مواسير قالي لا عاديه
ومحل ثاني يقولي يمكن تانكي البانزين فيه كيس يسكر علي الطرمبه وبعدها يفك

كل واحد يقول حل من عنده

انا اللي اتوقعه يا من دبة الشكمان او واحد من الحساسات

فيدوني يا اخوان

لكم مني الدعاء والشكر

[العتيبي 88]

ياغالي انا اعطيك 90 % انه حساس .. فلتر الهواء ..

لاكن نصيحه لاتغير شي الاالين تتأكد تراني نفس طريقكـ ،، ورحت اغير حساس بــ 700 ريال ولا استفدت اي شي وانحش لاتفحص كمبيوتر لانه مايجيب العلم .. بس تركد بالحيل وراح تنحل واذا طلع حساس الفلتر خذ حق مكسيما ارخص ويركب عليه ،

[شرخاوي]

يعطيك العافيه يالعتيبي 88

اليوم رحت كذا محل لشكمانات وقالو لي الشكمان سليم مافيه شي

بس كيف اعرف الكتمه سببها واحد من الحساسات ماودي اتخسر

يالربع اللي عنده خبر عن المشكله يفيدنا

الله يجزاكم بالخير

[العتيبي 88]

شرحاوي انا الموتر الي عندي يقطع تقطيع خفيف وثقيل مررره تقول تشيله على ظهركـ ،، والحمد لله غيرت طرمبة بنزين وكاله وطلع ماشاااء الله صاروخ ،، بس انت تأكد اول من الحساس حق الهواء لانه عاده يكتم .. ولا رح لم مكانيكي فنان خله يفصل الي الجاي من طرمبة البنزين وشغل وخله يشوف ضغط البنزين الي جاي من الطرمبه قويه ولا ضعيف وراح يبين معك .. الله يوفقك ويسر امورك ,,

[شرخاوي]

اخوي عتيبي 88 انا فحصت الطرمبة مثل ما قلت وقالي الميكانيكي الطرمبة تمام وضغطها زينه

امس شغلت الجيب وهو بارد ومشيت عليه وكتم بعد مية متر تقريبا وهذي عادته بس الغريب انه طول بالكتمه

اليوم حركة حساس الهواء وتغير ضغط المكينه مره يزيد ومره ينزل وفصلته والغريب انه طلع معي بسرعه ورجعت كبسته وخليته واقف فتره لين برد مره وشغلته واخذت مشوار فيه علي طول وهو بارد ولا كتم

معقوله يكون الحساس ماهي كابس عدل

[كبسولة2]

أخي الكريم هناك ليات هواء بين المكينة والكلتش وعلبة الفرامل

شيك عليها وأيضاً أسلاك البواجي والديلكو