سنارة صيد في الأحساء ، ساااعدوني

[Coco taleb]

السلام عليكم
طبعا انا عضوة جديدة ومالي في الصيد أبداً
حابة اشتري سنارة نتعلم عليها و نصيد بها تغيير عن روتين الرحلات

فـ احتاج نصيحتكم بنوع السنارة اللي تصلح لناس اول مرة تجرب تصيد
ماركتها وحجمها و كل شي عنها ،
و وين احصلها في الاحساااااء
و تقريباً كم سعرها

و ألف شكر :)

[x بروفيسور x]

الله يحييك أختي في خيمة الصيد البحري ، إذا كان على كلامك ما لك في الصيد كثير فأنصحك تأخذي من السنارات الجاهزة :قصبة + مكينة + عوامات + سنانير (خطاطيف) + ثقل + شنطة كلها تجي مع بعض ، أما شركاتها فعندك ميتشل المقلد لونها أزرق وهي جاهزة وسعرها تقريبا 120 ريال ، أما باقي الأنواع فتبدأ من 40 ريال إلى 180 ريال على قد فلوسك يعني

[aglanco]

انتظري اخونا العزيز


اكسنت كووووووووووووووووووووول


يفيدك أكثر

[النامون]

حياك معنا يا اختي وهلابك والاخ برقسور قام بالواحب وعقبال الصيد الطب انشاء الله بالتوفيق

[bingoo]

هلا والله اختي .. فيه عندك اكثر من محل في الحسا مثل مرسى الخليج .. اللي بالمبرز .. والصياد اللي عند خط قطر .. وفيه محل بالعيون .. ومثل ماقالوا الشباب اشتري لك سناره جاهزه من قصبه ومكينه وميادير .. والله يوفقك بالصيد

[عاشق الموج]

حياك الله في المنتدي

يا طويلة العمر في اكثر من محل في الحسا حق ادوات الصيد البحري

عندك جنب الدوار على شارع الظهران وانتي جايه ومتجها للهفوف فوق على خط الخدمة من بعد كنتاكي


وفي محل في المبرز اسمه صياد الخليج هذا وانتي طالعه من شارع النجاح ومتجها للمبرز مع لاشاره تكملي سيده يكون على يمينك


وفالك الهامور والسبيطي

[accentkool]

في طريقتين عندك ياتاخذيها جاهزة ياااقطاعي
1-الجاهزة
افظل الانواع الموجودة باسواق الاحساء
الوايت ربت كوية او المتشل فرنسية
2-القطاعي
تاخذين عصا اسمها قولدن ايزلند صينية
وماكينة جاكور تقريبا الذهبية الصينية


الطول /// افضل الاطوال في النوعين من 2ونص الى 3ونص
زكزي اختي على المرونة والخفة بالدرجة الاولى في القصبات
لان هذا يساعد كثير في عملية الصيد والاحساس في النقد
الثقول//// الثقل من 1ونص الى 2
الميدار ////12/13/14/15
الخيوط////40 افضل شي سوفكس او بيج جيم او تريليون او فانش او تربل فش
باقي الاستاند اللي تووووووووقف علية القصبة لابد منة
صندوق العدة////من 20 الى 35
وبكذا يكون كلشي جاهز للحداق والصيد
اذا اخذتي قصبة من الجاهز لابد ولازم من تغير الخيط اللي يجي معاها لانة تجريبي فقط وماينفع لللصيد يتقطع بسرعة


محلات الصيد بالاحساء////
1-المطيرفي///البحار
2-المبرز///صياد الخليج///مرسى الخليج
المجمع///الصياد
3-الهفوف///طريق قطر///الصياد

[عاشق الموج]

السلام عليكم

حياك الله في الخيمة البحريه

يا طويلة العمر في محل جديد توه فاتح على شارع الظهران

مكانه يصير في مجمع العفالق واسم المحل الصياد عنده تشكيله حلوه من ادوات الصيد البحري

[Coco taleb]

ألف شكر لكم جميييعاً والله ماخيبتوني رديتوا بأكثر من المطلوب
وطبعا كثير كلام ما فهمته بس مثل ما مكتوب بخبر صاحب المحل ويعطيني
يعني مثلاً ماكينة وميادير و قصبة وووو
بس توقعتهم أغلى بكثيير يعني ظنيت مافي اقل من ٥٠٠ - ٦٠٠

موفقين جميعاً

[زاحف بحر]

الله يوفقك ان شاء الله بصيد طيب. ..

ما شاء الله الاخوان ما قصروا إفادتك ..


ومع الايام والتجارب تتعرفين اكثر على السنارات والأفضل في الاستخدام. ..

[يعسوب النخيل]

كبداية يفضل شراء جاهزة للتعلم عليها ..

وهناك عدة محلات تبيع أدوات الصيد منها:

محل الصياد، طريق قطر عند دوار بنده 0567811123
محل صياد الخليج: المبرز بعد محطة الدريسي 0503010331 - 0552164774
محل الملا: شارع الظهران 0507146024 - 035310088
محل الصياد (الباخرة سابقا) شارع الظهران، المجمع
محل في المطيرفي قرب محطة بنزين

وكذلك توجد لدى محل ساكو قرب فندق انتركونتيننتال
واحتمال توفرها لدى محلات الرياضة

ملاحظة عن الطعم :
بخصوص الطعم استعمال الربيان بعد تمليحه ووضعه على ورق لمدة ساعة إلى ساعتين ليتماسك

تنبيه!: لمن يمارس الصيد عليه أخذ الاحتياطات والهدوء ومحاولة عدم التعرض لإصابات خاصة من السنارات