حرارة اليوكن والسيارة واقفه والمكيف شغال

[جي ام سي 2002]

السلام عليكم ورحمة الله وبركاته
اخواني في الله
انا عندي يوكن 2002 امريكي اذا وقفت السيارة اكثر من عشر دقائق شغاله والمكيف شغال ترتفع الحرار الى الاخر واذا دست على البنزين تنخفض الحرارة
سؤالي/ 1 هل اغير تماتيك المروحه ؟
2 ام اركب مروحه اضافيه بين الشبك والرديتر تشتغل مع المكيف اذا اشتغل
3 الغي مروحة شد بلاده اللي على السير واركب مروحه اتوماتيكيه
ارجو من اللي عندة خلفيه عنها ان يدلني وجزاكم الله خير

[راعي المطافيل]

اها بس اها اخوي كرهت اناااااااااا شيء اسمه يوكن عندي واحد2001 سعودي بس غثني
اخوي ما عندي خلفيه بس انا غيرت تماتيك المروحه كان اذا وقف تقفز حرارته واذا مشيت ترجع
يفيدونك اهل الخبررررررررره انا توني عليمي

[mody s9]

اولا شيك على تماتيك المروحه اذا شغلت المكيف لازم تعمل المروحه بقوة اضافيه بحكم انه مروحه واحده , وافحص السير تبع المروحه يمكن على وشك الانتهاء , واذا فيه نقص بموية الاديتر شيك ع طرمبة الماء ولياتها والبلف تبعها ,,

[mody s9]

ونسيت شغله افحص الفيوز تبع المروحه يمكن عطلان

[وجعين]

كل اليوكن والتاهو والجمس كذ انا نفس مشكلك حصلت لي صيخت الاديتر ونتهت مشكله الحراره في الخطوط بس لاوقفت ترتفع فوق النصف وحلها بسيط وهو الخيار الثاني ركب مروحه تشتغل مع المكيف وتنتهي مشكلك

[قمة افرست]

ركب مروحه اضافيه بين الشبك والاديتر
لاتخسر نفسك باي شي ثاني
وطبيعي يوم تقف ترتفع لان المروحه بسيارتك ميكانيكيه

[Magellan]

من الواضح ان الحرارة عندك بسبب كلتش المروحة ،خفيف جدا
لما تمشي يدخل الهواء الرديتر ويبرد
تأكد من انه ثقيل لو كان خفيف الكلتش راح يحتر
ومع تغييره تأكد ان الرديتر نظيف وطرمبة الماء كويسة

[ولد وايل 2010]

أعانك الله

[abuanas11]

السلام عليكم
انا عندي نفس المشكلة يوكون 2003 ولازلت محتار بصراحة.
ودنا من الاخوان زيادة التفاعل وذلك لتعم الفائدة .
والاخوان اللي اشاروا بتركيب مروحة كهربائية اضافية هل فيه نوع معين من المراوح ينصح فيه ؟ وجزاكم الله خير

[سلطان ابوجوري]

انا عندي تاهو 2001 امريكي نفس المشكلة

ركبت مروحة بين الشبك والرديتر ماكلفتني 200ريال شغلة نص ساعة لو الكهربائي سبق وركبها وعنده خبره

نوع المروحه عند محلات قطع الغيار اسمها مراوح توليف

بس اهم شي الكتاوت خذ افضل نوع وخليها تعمل على المكيف اول ما تشغلة تشتغل المروحة

راح تشوف فرق كبير وانت واقف
1- مافي ارتفاع في الحرارة
2- المكيف مايفصل والا يضعف

وان شاء الله اكون افدتك

[وجعين]

السلام عليكم
انا عندي نفس المشكلة يوكون 2003 ولازلت محتار بصراحة.
ودنا من الاخوان زيادة التفاعل وذلك لتعم الفائدة .
والاخوان اللي اشاروا بتركيب مروحة كهربائية اضافية هل فيه نوع معين من المراوح ينصح فيه ؟ وجزاكم الله خير
افضل شي مروحة مرسيدس الكبيره تركب عندك سعره180 اصليه يجي صينيه تقليد نفس القوه تقريبا ونفس السعر بس الاختلاف بلمروحه تجي كأنها طاقيه منتفخه وهذي ما تركب لانها تحك بشبك خذ الصخيفه الالمانيه

[tevo]

افضل شي والاصح انك تغسل الرديتر من برا وتغير التماتيك اذا هو خربان واكيد انه ضعيف .
واذا تبي ترتاح وتبي تبريد ممتاز مع الوقوف ركب مروحه تشتغل مع المكيف.

[sgl2002]

الخيار رقم ٢

[جي ام سي 2002]

بارك الله فيكم جميعا والله لايهينكم
ولكم دعوة صادقه من القلب
بالنسبه للمروحه اللي تشبك مع المكيف هل لها مقاس والورشه اللي تركبها في الرياض او الخرج احد يعرف عنها شي

[abuanas11]

اشكركم على التفاعل
ولكن هل يكون صوت المروحة الاضافية مزعج او يكون عادي؟