وين اجد الاشخاص اللي يربون الدلال او ينظفونها

[فهد 333]

السلام عليكم جميعا
يأخوان عندي دلال غاليات عندي وقديمات
من يعرف مكان بالمنطقه الشرقيه يربون الدلال او يقومون في تنظيفها
رحت للقناص يقول ماعنده
من يعرف لايبخل علينا
مشكورين مقدما

[فهد 333]

للرفع
ياخوااااااااااان

[ajaa2009]

ان ماحصلت احدبالشرقيه وانت ما انت عجل ارسلهن لي مع زاجل الى حائل وانا اخلصهن لك

[فهد 333]

جزاك الله خير يالغالي
للرفع يااخوان

[نايس × كول]

اذا بالاحساء راسلني واذا قصدك تلميع خاارجي فقط

[صاروخ الغطغط]

لها ناس متخصصين في هاذي الشغله الضاهر انهم خلو الشغله تطورو

[بياع]

روح للصناعية وأسأل عن معامل النحاسيات يزبطونها احسن من الصلب

[ولد وايل 2010]

فيه صلب بالنعيرية قريب من السوق اللي يسمونه ( سوق البدو)

[فهد 333]

ولد وايل تقدر توصف لي المكان وهل انت متاكد انهم موجودين لااني ابي اروح لهم من الدمام

[ابشر بسعدك]

فالرياض فيه فالشميسي شيبان يسوون صيانه وتلحيم للقدور ورب الدلال وارخص من اللي يبسطون عند الاشارات النصابين اسعارهم نار ونصابين اما الشميسي ارخاص على عشرة وعشرين ريال

[الزعازع]

ولد وايل تقدر توصف لي المكان وهل انت متاكد انهم موجودين لااني ابي اروح لهم من الدمام

ليه تعني نفسك من الدمام الى النعيريه في الاحساء اقرب لك وليه تعني نفسك الى الاحساء
فيه معجون خاص بتلميع النحاس انت بنفسك تقدر تربه رب على كيف كيفك....

الطريقة
معجون خاص بالنحاس - قطعة قطن او شاش او قماش - ادهن الدله بالمعجون - اتركها فترة على حسب مادة الخارصين الي عليها ( اللون الأخضر ) - افرك الدله



اذا ما لقيت المعجون عندي لك كذا طريقه لتنظيف النحاس اختصر لك الموضوع ....


1- معجون الأسنان يفي بالغرض خصوصاً الحار
أو
2- خليط من الملح والخل فعال جداً في تنظيف النحاس
3- الطريقه ذي ابتعدت عن سميات المعاجين لانك استخدمت مواد طبيعيه


ها وشرايك في الحلول

[جزاء الشمري]

دور لك أقرب صلبي هم أهل الرباب والشناذر وهم اللي مختصين بهالشغله

[جذآآآب]

مصنع الدلال بحائل

والعماله من البنقاليه

اذا انت قريب منه حائل

[ابورايف]

كلام بعض الأخوه صحيح
لم أجد لهم أثر
من خلال بحثي
مع العلم أني من سكان الرياض
أتمنى من الأخوه أن يفيدوك
تقبل مروري وردي

[الملتمس999]

فالرياض فيه فالشميسي شيبان يسوون صيانه وتلحيم للقدور ورب الدلال وارخص من اللي يبسطون عند الاشارات النصابين اسعارهم نار ونصابين اما الشميسي ارخاص على عشرة وعشرين ريال

السلام عليكم
وين بالضبط محلهم في الشميسي

[قليقلان]

الموضوع قديم
بس كنت ابحث عن طريقة لحام دلة النحاس
يا اخوان عندي دله من المقضب العلوي تهرب
ولا حولنا رببابن دلال لو الحمها بالكاويه الكهربائيه تضبط ؟؟