مابي يصيده غير رامع مكيني......الحل 78 ........................حله برق القصيم

[ابو ماجد 2]

بسم الله الرحمن الرحيم

السلام عليكم ورحمة الله وبركاته



لغز وقاف الصدر ياصاحبي ( قف )=والعجز قافه لاتمعنته ابني
لغز بغطوٍ ياهل العرف يسقف=مابي يصيده غير رامع مكيني
اختين مايخفن على من تثقف=في محكم التنزيل وردن يقيني
قوم عذابه يوم وصلهن توقف=ماجهلهن فذٍ حصيفٍ فطيني
وليابغيت الزود زوده تلقّف=من تقلبه اختٍ لها لك تبيني




مع تحيات ابو ماجد

منتديات مكشات 0 خيمة الالغاز

[ابو الشبرميات]

وعليكم السلام ورحمة الله وبركاته
صح لسانك واعتلى شانك يابو ماجد
ما شاء الله عليك
الغاز في كل الاتجاهات
نرمع على بركة الله ونقول
قرية نينوى
وهم قوم يونس عليه السلام
...

[ابو ماجد 2]

وعليكم السلام ورحمة الله وبركاته


صح لسانك واعتلى شانك يابو ماجد
ما شاء الله عليك
الغاز في كل الاتجاهات
نرمع على بركة الله ونقول
قرية نينوى
وهم قوم يونس عليه السلام

...


هلا بك يالغالي
وصبحك الله بالخير
صح بدنك
والاتجاهات وتعددها يقولون اصحاب الخبره لاتستمر على نهج واحد تسهل صيدات الغازك وكذلك تمل انت ويمل الرامع
الرمعه ماصادت هدفنا
انتظرك في مرماع قادم

[عطري]

و عليكم السلام و رحمة الله و بركاته
ماشاء الله تبارك الرحمن ، إبداع جديد و تلاعب بالألفاظ و الكلمات
بالأمس أبيات تطرب و اليوم أبيات تدهش (زادك الله من فضله)
في البداية توجهت وجهة أخي الشبرميات ، ولا زلت قريب من وجهته سأراجع الأبيات أكثر.
امكن قبيلتي يأجوج و مأجوج


أو ربما تقصد :
وَيَدْرَأُ عَنْهَا الْعَذَابَ أَنْ تَشْهَدَ أَرْبَعَ شَهَادَاتٍ بِاللَّهِ إِنَّهُ لَمِنَ الْكَاذِبِينَ (8)

[ذيب الفقارة]

صح لسانك

يمكن المقصود ابنتي لوط عليه السلام

[معتزة بثقتي]

انا كذلك أقول يأجوج ومأجوج
والله أعلم

[صقر السديرات]

صح لسانك ابو ماجد
ايهاالفارس الزعيم
نقول ابنتي شعيب واللتان تزوج موسى عليه السلام احداهن
دمت موفقا

[ابو ماجد 2]

و عليكم السلام و رحمة الله و بركاته

ماشاء الله تبارك الرحمن ، إبداع جديد و تلاعب بالألفاظ و الكلمات
بالأمس أبيات تطرب و اليوم أبيات تدهش (زادك الله من فضله)
في البداية توجهت وجهة أخي الشبرميات ، ولا زلت قريب من وجهته سأراجع الأبيات أكثر.
امكن قبيلتي يأجوج و مأجوج


أو ربما تقصد :
وَيَدْرَأُ عَنْهَا الْعَذَابَ أَنْ تَشْهَدَ أَرْبَعَ شَهَادَاتٍ بِاللَّهِ إِنَّهُ لَمِنَ الْكَاذِبِينَ (8)


هلا بالعطر الفواح
شرفني مرورك وكلماتك المحفزه
الرمعه مالك لوى
وانتظر القادم

[ابو ماجد 2]

صح لسانك




يمكن المقصود ابنتي لوط عليه السلام


صح بدنك يالذيب
والمرماع مالك لوى
تقبل مودتي وتقديري

[ابو ماجد 2]

انا كذلك أقول يأجوج ومأجوج


والله أعلم


هلا بك اختنا العزيزه
الرمعه مالك لوى
تحيتي وتقديري

[ابو ماجد 2]

صح لسانك ابو ماجد

ايهاالفارس الزعيم
نقول ابنتي شعيب واللتان تزوج موسى عليه السلام احداهن

دمت موفقا


هلا بك يابو فيصل
تشرفت بتواجدك على اللغز
مالك لوى يالغالي
انتظر مرماعك القادم

[عبدالله العمرو]

حيا الله اللي جاب لغزٍ موقِّف ....... لغزٍ صعِب حتى على العارفيني
مع ذا بحاول واجتهد واتصرف ...... و أقلّب أفكاري يسار و يميني
(عاد وثمود) وما يجي غيرهم صف ...... والا ترى لغزك بيبطي سجيني :D
وتحيةٍ مني بها الورد يقطف ..... وينثر (لأبو ماجد) وللطيبيني

========================

[ابو ماجد 2]

حيا الله اللي جاب لغزٍ موقِّف ....... لغزٍ صعِب حتى على العارفيني

مع ذا بحاول واجتهد واتصرف ...... و أقلّب أفكاري يسار و يميني
(عاد وثمود) وما يجي غيرهم صف ...... والا ترى لغزك بيبطي سجيني :D
وتحيةٍ مني بها الورد يقطف ..... وينثر (لأبو ماجد) وللطيبيني



========================


هلا بالغالي
شرفنا تواجدك
وصح لسانك على الابيات
آمل ان نراك باستمرار معنا
الرمعه ماصابت الهدف
انتظر مرماعك القادم

[ابو ماجد 2]

يالربع تكفون لايخمد المنتدى
نبي تفاعلكم
مع هاللغز وغيره
وخذوها نصيحة من شايب عايس المنتديات من مدة طويله
المنتدى اذا دخله الخمول يصعب عودته لماضيه مرة اخرى
والشواهد كثيره رغم الجهود الكبيره لعودته لماضي عهده

[عطري]

يالربع تكفون لايخمد المنتدى

نبي تفاعلكم
مع هاللغز وغيره
وخذوها نصيحة من شايب عايس المنتديات من مدة طويله
المنتدى اذا دخله الخمول يصعب عودته لماضيه مرة اخرى

والشواهد كثيره رغم الجهود الكبيره لعودته لماضي عهده

السلام عليكم
صبحك الله بالخير أخوي أبا ماجد
كما ذكرت سلفاً هالأيام الربع مشغولين بالإجازة مع أهاليهم و أولادهم و لابد يملون من الروحة و الجية، و بالتالي يرجعون لمواقعهم المكشاتية:lr يوسعون صدورهم و ينزلون حرتهم إما بسواليف أو شعر (تفريغ)، (حر سموم أسعار و إيجارات غالية حجوزات طيران مافي و زحام سيارات و عالم مؤذية و نحو ذلك من الأمور التي تواجه أي متنزه أو سائح).
بإذن الله سيستمر هذا المنتدى في العطاء و التقدم ، لوجود أناس مخلصين أمثالك أنت و الأخوان ، والأيام قادمة لتثبت ذلك.

[ابو ماجد 2]

السلام عليكم
صبحك الله بالخير أخوي أبا ماجد
كما ذكرت سلفاً هالأيام الربع مشغولين بالإجازة مع أهاليهم و أولادهم و لابد يملون من الروحة و الجية، و بالتالي يرجعون لمواقعهم المكشاتية:lr يوسعون صدورهم و ينزلون حرتهم إما بسواليف أو شعر (تفريغ)، (حر سموم أسعار و إيجارات غالية حجوزات طيران مافي و زحام سيارات و عالم مؤذية و نحو ذلك من الأمور التي تواجه أي متنزه أو سائح).
بإذن الله سيستمر هذا المنتدى في العطاء و التقدم ، لوجود أناس مخلصين أمثالك أنت و الأخوان ، والأيام قادمة لتثبت ذلك.

هلا بالعطر الفواح
واشهد بالله انك انت وابو مهند وابو علي وابو الشبرميات وابو سعد 0 ومااحد يواخذني ان كنت نسيته
لكم تواجد تشكرون عليه
وحبيب المساكين وابو فيصل ماقصروا بطرحهم للالغاز الجديده
وكل مااتمناه هو تفاعل الآخرين واعني المتواجد منهم

[معتزة بثقتي]

هل تكون الجنة و النار

[ابو ماجد 2]

هل تكون الجنة و النار


هلا بك اختنا العزيزه
وانتي ممن كان لهم تواجد في الفترة الاخيره تشكرين عليها
وانا بالواقع اكتب بدون تحضير لذلك المعذره على النسيان
اجتمعت ثنتين كتابه من الذاكره واصلا بحكم العمر اعتراها مااعتراها
الرمعه ماصادت وانتظر مرماعك القادم
واللغز يحدد رمعته وهو اكبر عين عليه الشطر الاخير

[المزيدي4]

صح لسانك يا أبو ماجد
وش قولك في
مكة والمدينة

[ابو ماجد 2]

صح لسانك يا أبو ماجد

وش قولك في
مكة والمدينة



هلا بك يابو سعد
والله اني فرحت بجيتك فكنت شايل هم اقول في نفسي اخشى اني اثقلت عليك بالمزوح
هلا بك وصح بدنك
ومالك لوى يالغالي
انتظر مرماعك القادم

[عطري]

السلام عليكم
مساك الله بالخير أبا ماجد
أول ماقريت الأبيات طرا لي النمل لكني تراجعت
كيف الوجهة ؟؟؟

[مسيرs]

ماشاء الله يافخر الالغاز...هذا اللغز طابخه وأنت معصب هههه
نحاول لعلنا نعرف قبلة اللغز ..عصا موسى..عصا سليان عليهما السلام ولو ان الثانيه لم تدكر باسمها
او(ان مع العسر يسرا)
ثم قوم هل هو الجمع من الرجال او معناها ثور عذابه
ولك جل تقديري ووافر احترامي

[ال-رايق]

وعليكم السلام ورحمة الله وبركاته
والله حي ابو ماجد وصح لسانه
على هاللغز المزيون الغالي
والغالي مصدره غالي/
----------
الشتاء والصيف أحد رمعها؟؟؟؟
وتقبل فائق احترامي وتقديري

[المزيدي4]

هلا بك يابو سعد
والله اني فرحت بجيتك فكنت شايل هم اقول في نفسي اخشى اني اثقلت عليك بالمزوح
هلا بك وصح بدنك
ومالك لوى يالغالي
انتظر مرماعك القادم



بالعكس يا أبو ماجد وأنا من الناس اللي يحبون المزوح
ومنك أنت بالذات..
وأنا تراي أتتبع ردودك
لسببين:
الأول : الاستمتاع بقفشاتك اللذيذة وتعليقاتك المركزة :good2:..
الثاني : أبغى أتقاضا منك وأتصيد لك وحدة مثل اللي أنت خابر ;)..




ولا يمكن إن أشيل في خاطري على أحد في هذه الخيمة ولله الحمد لأن اللي فيها
نشتري رضاهم ولا يمكن نفرط في أحد منهم ..
خاصة العمالقة مثلك وشرواك..

[ابو الشبرميات]

الله يسلمك يابو ماجد على التنبيه
وكلامك عين العقل ونابع من تجربة
والاخوان والاخوات مايقصرون

بالنسبة للرمعة اتوقع انهم
الجن والانس
اذا قلبنا انس تصير سنا
وهو وهج النار اللي خلق منها الجن
ورد العذاب بالاستغفار كما ورد في القرآن
...

[ابو ماجد 2]

السلام عليكم

مساك الله بالخير أبا ماجد
أول ماقريت الأبيات طرا لي النمل لكني تراجعت

كيف الوجهة ؟؟؟


وعليكم السلام ورحمة الله وبركاته
هلا بعبق الورد والبخور وجميع العطورات
صباح الخير يالغالي
مالك لوى
وفي الحقيقه اللغز اذا توجهت لفك شفرته معناها انحل
مع الاسف لم يتجه له اي مرماع واللغز اعذروني توضيحه معناها كشفه وانا ادري ان بعض اللماحين وما اكثرهم بالمنتدى سيستفيدون من كلامي هذا
على العموم اتمنى حله عن قريب

[ابو ماجد 2]

ماشاء الله يافخر الالغاز...هذا اللغز طابخه وأنت معصب هههه
نحاول لعلنا نعرف قبلة اللغز ..عصا موسى..عصا سليان عليهما السلام ولو ان الثانيه لم تدكر باسمها
او(ان مع العسر يسرا)
ثم قوم هل هو الجمع من الرجال او معناها ثور عذابه
ولك جل تقديري ووافر احترامي

هلا بك يابو معاذ
لله الحمد والشكر والله اني قليل قليل مااعصب وهذا من فضل الله
وبعدين ياخوك اذا اجتمعت كبر سن وعصبيه وش نبي نصير
الرمعه مالك لوى وقوم المقصود فيها المعنى الدارج

[ابو ماجد 2]

وعليكم السلام ورحمة الله وبركاته

والله حي ابو ماجد وصح لسانه
على هاللغز المزيون الغالي
والغالي مصدره غالي/
----------
الشتاء والصيف أحد رمعها؟؟؟؟

وتقبل فائق احترامي وتقديري


هلا بالغالي
الهيل طريدي مااغبطه الا على شيء واحد وهو شوفتك يالغالي
هلا بك ملايين
مالك لوى
انتظر القادم

[ابو ماجد 2]

بالعكس يا أبو ماجد وأنا من الناس اللي يحبون المزوح



ومنك أنت بالذات..
وأنا تراي أتتبع ردودك
لسببين:

الأول : الاستمتاع بقفشاتك اللذيذة وتعليقاتك المركزة

:good2:..

الثاني : أبغى أتقاضا منك وأتصيد لك وحدة مثل اللي أنت خابر ;)..







ولا يمكن إن أشيل في خاطري على أحد في هذه الخيمة ولله الحمد لأن اللي فيها

نشتري رضاهم ولا يمكن نفرط في أحد منهم ..
خاصة العمالقة مثلك وشرواك..




هذا العشم يالغالي
وهذا ماجزمنا على المزح
وانا مايحتاج تحرى لي زله كلي مقاضيب
حرف الدال انا واياه عداوه دايم اطمره مدري على شانه متشطر لحاله من بدهن
على العموم سأتوخى الحذر مع ذلك سأقع
بس لعلها تصير مع واحد نمون عليه

[ابو ماجد 2]

الله يسلمك يابو ماجد على التنبيه

وكلامك عين العقل ونابع من تجربة
والاخوان والاخوات مايقصرون


بالنسبة للرمعة اتوقع انهم
الجن والانس
اذا قلبنا انس تصير سنا
وهو وهج النار اللي خلق منها الجن
ورد العذاب بالاستغفار كما ورد في القرآن
...


هلا بك يالغالي
شرفتنا ودائما انت مشرفنا
الرمعه مابعد صادت الحل
انتظر القادم

[معتزة بثقتي]

هل تكون القراءة والكتابة

[حبيب المساكين]

وش رايك مرة فرعون آسيا ومريم ابنة عمران وبارك الله فيك

[ناصر العلي]

سلمت يالغالي
وصح لسانك
لغز ماشاءالله من العيار الثقيل
رمعة طرت يالغالي
ماتصير
شق تمرة...ونصفه الثاني... الشق الأخر
عن عدي بن حاتم رضي الله عنه، أن رسول الله صلى الله عليه وسلم قال: ... فاتقوا النار ولو بشق تمرة. وفي رواية: فمن لم يجد فبكلمة طيبة.
ومعنى شق التمرة نصفها

والرطب ذكر بالقرآن
{وَهُزِّي إِلَيْكِ بِجِذْعِ النَّخْلَةِ تُسَاقِطْ عَلَيْكِ رُطَبًا جَنِيًّا} (http://www.google.com.sa/url?q=http://www.listenarabic.com/ar/tafseer-quran19-25.html&sa=U&ei=xxLrT971L46f-war-ZHUBQ&ved=0CB0QFjAD&usg=AFQjCNG7O8wIDYV3a3UVV70VydGfDa1Kaw)

[ابو ماجد 2]

هل تكون القراءة والكتابة


هلا بك اختنا العزيزه
لايزال طليق
انتظر مرماع قادم

[ابو ماجد 2]

وش رايك مرة فرعون آسيا ومريم ابنة عمران وبارك الله فيك

هلا بحبيب الجميع
مالك لوى يالغالي
انتظر مرماعك القادم

[ابو ماجد 2]

سلمت يالغالي

وصح لسانك
لغز ماشاءالله من العيار الثقيل
رمعة طرت يالغالي
ماتصير
شق تمرة...ونصفه الثاني... الشق الأخر
عن عدي بن حاتم رضي الله عنه، أن رسول الله صلى الله عليه وسلم قال: ... فاتقوا النار ولو بشق تمرة. وفي رواية: فمن لم يجد فبكلمة طيبة.
ومعنى شق التمرة نصفها

والرطب ذكر بالقرآن

{وَهُزِّي إِلَيْكِ بِجِذْعِ النَّخْلَةِ تُسَاقِطْ عَلَيْكِ رُطَبًا جَنِيًّا} (http://www.google.com.sa/url?q=http://www.listenarabic.com/ar/tafseer-quran19-25.html&sa=U&ei=xxLrT971L46f-war-ZHUBQ&ved=0CB0QFjAD&usg=AFQjCNG7O8wIDYV3a3UVV70VydGfDa1Kaw)


هلا بك دكتورنا
يلمت وصح بدنك
مالك لوى يالغالي
ونخفف حمله شوي
القوم والعقاب والبنتين مذكورات بالقرآن الكريم

[ال-رايق]

صح لسانك أيها الفارس
أبو ماجد
-----------
والله حيّوه على قولة الشيخ!!!!!!!!!:D
وصح لسانك
----------------------------
اللي أخبره وانا مارحت اقوقل لضيق الوقت ..نضرب ونهرب اليومين هذي:
قوم يونس عليه السلام طلبوا من رب العالمين سبحانه يوم حسوا بالعذاب وتوقف عنهم.
---قرية نينوي ------------تقريبا
بعد ان ركب يونس الفلك وابتلعه الحوت..ودعى بالدعاء اللي في توقيع الدكتور الغالي والتوقيع على فكرة فيه حديث بما معناه ان من دعى بدعاء يونس عليه السلام يستجاب له والله اعلم.
وتقبل تحياتي
**************فيه واحد مهدي لك ساعة خرّاشة يقول كنّها من قوتها جرس مدرسة ما ادري وش يقصد بالخراشة أولا...........وبالمدرسة ثانيا:D:good2:

[عطري]

وَمَا كَانَ اللَّهُ لِيُعَذِّبَهُمْ وَأَنْتَ فِيهِمْ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ} [لأنفال:33].

[النبهاني]

وعليكم السلام ورحمة الله وبركاته
صح لسانك يازعيم
والله يمسيك بالخير
محاوله غدينا نتلمسه
الإنابه والتبين
ناب رجع
بان ظهر

[ابو ماجد 2]

صح لسانك أيها الفارس

أبو ماجد
-----------
والله حيّوه على قولة الشيخ!!!!!!!!!:D
وصح لسانك
----------------------------
اللي أخبره وانا مارحت اقوقل لضيق الوقت ..نضرب ونهرب اليومين هذي:
قوم يونس عليه السلام طلبوا من رب العالمين سبحانه يوم حسوا بالعذاب وتوقف عنهم.
---قرية نينوي ------------تقريبا
بعد ان ركب يونس الفلك وابتلعه الحوت..ودعى بالدعاء اللي في توقيع الدكتور الغالي والتوقيع على فكرة فيه حديث بما معناه ان من دعى بدعاء يونس عليه السلام يستجاب له والله اعلم.
وتقبل تحياتي

**************فيه واحد مهدي لك ساعة خرّاشة يقول كنّها من قوتها جرس مدرسة ما ادري وش يقصد بالخراشة أولا...........وبالمدرسة ثانيا:D:good2:


هلا بك يابو مهند
والله اني افرح لاشفتك مار بالمنتدى
ربي يكون بعونك
تشرفت بمرورك العطر
وياحبيلك حتى لو انت تجيب سيرة المعادين الشيخ وطريدي بس مقبوله منك
وراع الخراشه خله يحطه عند راسه لعله يقوم
يوم حنا صغار كنا ننام بالسطوح وكان الفارس المزعوم مايقوم الا اكبر ضحى لدرجة انه اصبح على جسمة رسمة العلاقيه من اثر الشمس
ومره لنا جار ماهو ملاصق ولكن اول الجيران يشمل الى سابع بيت
المهم ببيتهم عسبان لعلها شبة حريقه واتى الدفاع المدني ووقف عند بيتنا لضيق الشارع
والدفاع المدني اول يشغلون الونان بستمرار لغاية ماتنتهي المهمه الظاهر مايصدقون على الله تجيهم حريقه من شان يشغلونه
المهم طفوا الحريقه وانتهوا وراع الخراشه بالطايه ( السطح ) في سبات عميق
الرمعه ماصادت يالغالي

[ابو ماجد 2]

وَمَا كَانَ اللَّهُ لِيُعَذِّبَهُمْ وَأَنْتَ فِيهِمْ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ} [لأنفال:33].

هلا بالعطر الفواح
مالك لوى يالغالي

[حمزه 1]

السلام عليكم
رمعتي (العيون ) عين بكت من خشية الله وعين تسهر الليل في الحراسة لاتمسهما النار والله اعلم
اخوكم حمزه 1

[ابو ماجد 2]

السلام عليكم
رمعتي (العيون ) عين بكت من خشية الله وعين تسهر الليل في الحراسة لاتمسهما النار والله اعلم
اخوكم حمزه 1

وعليكم السلام ورحمة الله وبركاته
هلا بك بالغالي
الرمعه مالك لوى
تحيتي لك وتقديري

[عطري]

قال صلى الله عليه وسلم: (اقرءوا الزهراوين: البقرة وآل عمران؛ فإنهما يأتيان يوم القيامة كأنهما غمامتان أو غيايتان فرقان من طير صواف، يحجان عن أصحابهما).

[ال-رايق]

هلا بالغالي
الهيل طريدي مااغبطه الا على شيء واحد وهو شوفتك يالغالي
هلا بك ملايين
مالك لوى
انتظر القادم

===الله يسلمك ويغليك عند ربك ومحبيك ..وتشتاق لك العافية..وحنا أعظم طال عمرك..وبكلمتك هذي رقيتني فوق السحاب يعلم الله.


هلا بك يابو مهند
والله اني افرح لاشفتك مار بالمنتدى
ربي يكون بعونك
تشرفت بمرورك العطر
وياحبيلك حتى لو انت تجيب سيرة المعادين الشيخ وطريدي بس مقبوله منك
وراع الخراشه خله يحطه عند راسه لعله يقوم
يوم حنا صغار كنا ننام بالسطوح وكان الفارس المزعوم مايقوم الا اكبر ضحى لدرجة انه اصبح على جسمة رسمة العلاقيه من اثر الشمس
ومره لنا جار ماهو ملاصق ولكن اول الجيران يشمل الى سابع بيت
المهم ببيتهم عسبان لعلها شبة حريقه واتى الدفاع المدني ووقف عند بيتنا لضيق الشارع
والدفاع المدني اول يشغلون الونان بستمرار لغاية ماتنتهي المهمه الظاهر مايصدقون على الله تجيهم حريقه من شان يشغلونه
المهم طفوا الحريقه وانتهوا وراع الخراشه بالطايه ( السطح ) في سبات عميق
الرمعه ماصادت يالغالي

ههههههههههههههههه
ياماشاء الله عليك ..فعلا على ماقيل فيك وتوقعناه منك واكثر(نعم قليله في حقك)
-----------
واضحك الله سنّك-مايصدقون تجي حريقه ههههههههه.
والرجال تخيلته على نومته ..مدري بعد لويكون يحلم (مع حرف التاء :D).
ولعلمك الكريم ..انت تفرح باللي يفرح بك جعل عمرك طويل.
----وحكاية الثنين ياخوي تراهم ينقبلون قبلة زينة اذا في صف الواحد ..كذلك لهم قبول غريب تتقبله النفس حتى لو بينك وبينهم عداوه ما لقيت تعليل لذلك:D:good2:
--اما الطريد (طبعا والله ونعم ان جت للجد)اشوف انه خطير واعتقد وهو صغير اذا مر من عنده احد يقول رح أنا اقوا منك....هههههههههههههههههههههههههه

[ابو ماجد 2]

قال صلى الله عليه وسلم: (اقرءوا الزهراوين: البقرة وآل عمران؛ فإنهما يأتيان يوم القيامة كأنهما غمامتان أو غيايتان فرقان من طير صواف، يحجان عن أصحابهما).

صلى الله عليه وسلم
هلا بمعطرنا
مالك لوى يالغالي

[ابو الشبرميات]

اتوقع ان
البنتين
هما ام موسى عليه السلام واخته
والعذاب
هو قتل اطفال بني اسرائيل
والقوم
هم بني اسرائيل
...

[ابو ماجد 2]

===الله يسلمك ويغليك عند ربك ومحبيك ..وتشتاق لك العافية..وحنا أعظم طال عمرك..وبكلمتك هذي رقيتني فوق السحاب يعلم الله.



ههههههههههههههههه
ياماشاء الله عليك ..فعلا على ماقيل فيك وتوقعناه منك واكثر(نعم قليله في حقك)
-----------
واضحك الله سنّك-مايصدقون تجي حريقه ههههههههه.
والرجال تخيلته على نومته ..مدري بعد لويكون يحلم (مع حرف التاء :D).
ولعلمك الكريم ..انت تفرح باللي يفرح بك جعل عمرك طويل.
----وحكاية الثنين ياخوي تراهم ينقبلون قبلة زينة اذا في صف الواحد ..كذلك لهم قبول غريب تتقبله النفس حتى لو بينك وبينهم عداوه ما لقيت تعليل لذلك:D:good2:

--اما الطريد (طبعا والله ونعم ان جت للجد)اشوف انه خطير واعتقد وهو صغير اذا مر من عنده احد يقول رح أنا اقوا منك....هههههههههههههههههههههههههه


هلا بك يابو مهند
وكأنك ماشاء الله عليك تعرف طريدي منذ الصغر
طريدي ماشاء الله عليه بالفعل كان نشيط رغم قصر قامته الا انه ماتاقف داتسون الا ويروح ينهضه من الخلف لدرجة اننا بدينا نحاول مانجي شارع فيه داتسون
ومن كثر مايشيلهن ويستعرض قواه مسميه اخوي الكبير رحمة الله عليه ( الونش )
ننتهي من المقدمات وندخل بالقصه
في حفل للمركز الصيفي نظم المدرب مصارعه بينه وبين طالب آخر ضخم الجثه كبر الهيل مرتين والظاهر ولد نعمه عليه اثر البدانه
طبعا هي عباره عن مشهد تمثيلي تنتهي بفوز الهيل عن طريق تثبيت الكتفين على هذا النحو

http://img216.imageshack.us/img216/5267/a152ti7.jpg

مع اتمام الحركه والعد لثلاث مرات والنهايه بفوز طريدي
كل شيء ماشي تمام وانتهت المصارعه واتى الحكم لرفع يد الهيل فتسقط يده ارضا والهيل يترنح وسط ضحكات الجمهور
يوم انتهت المباراة واتى الهيل يمي قلت حلوه الحركه اللي سويت وكأنك انت الدايخ
قال بلاك ماتدري ويش اللي صار هالحركات ماهي خياري
قلت ويش اللي حصل
قال انا تحمست مع المصارعه وزريت الرجال من جد والرجال الظاهر مبغث عند اهله واطلق صاروخ ارض جو طارت براسي وحسيت بالدوخه
المهم وحنا انسولف جاء المصارع الخصيم زعلان
قال اشوفك من جد ترى الدعوى تمثيل ترى لو هي صدق ماتاكل معي عيش
قال الهيل اها بس مانت فايز علي الا كان با ( .... ) القاضيه
والنقط تعرفها كرمت انت ومن اطلع على الموضوع
الرجال عقب هالكلمه جدع راسه وانسحب من النقاش الحاد
القصه لابد من تبهيرها شوي حق التسويق

[ابو ماجد 2]

اتوقع ان

البنتين
هما ام موسى عليه السلام واخته
والعذاب
هو قتل اطفال بني اسرائيل
والقوم
هم بني اسرائيل
...



مالك لوى يالغالي
تحيتي لك وتقديري

[ناصر العلي]

هلا بك يابو مهند







وكأنك ماشاء الله عليك تعرف طريدي منذ الصغر
طريدي ماشاء الله عليه بالفعل كان نشيط رغم قصر قامته الا انه ماتاقف داتسون الا ويروح ينهضه من الخلف لدرجة اننا بدينا نحاول مانجي شارع فيه داتسون
ومن كثر مايشيلهن ويستعرض قواه مسميه اخوي الكبير رحمة الله عليه ( الونش )
ننتهي من المقدمات وندخل بالقصه
في حفل للمركز الصيفي نظم المدرب مصارعه بينه وبين طالب آخر ضخم الجثه كبر الهيل مرتين والظاهر ولد نعمه عليه اثر البدانه
طبعا هي عباره عن مشهد تمثيلي تنتهي بفوز الهيل عن طريق تثبيت الكتفين على هذا النحو


http://img216.imageshack.us/img216/5267/a152ti7.jpg


مع اتمام الحركه والعد لثلاث مرات والنهايه بفوز طريدي
كل شيء ماشي تمام وانتهت المصارعه واتى الحكم لرفع يد الهيل فتسقط يده ارضا والهيل يترنح وسط ضحكات الجمهور
يوم انتهت المباراة واتى الهيل يمي قلت حلوه الحركه اللي سويت وكأنك انت الدايخ
قال بلاك ماتدري ويش اللي صار هالحركات ماهي خياري
قلت ويش اللي حصل
قال انا تحمست مع المصارعه وزريت الرجال من جد والرجال الظاهر مبغث عند اهله واطلق صاروخ ارض جو طارت براسي وحسيت بالدوخه
المهم وحنا انسولف جاء المصارع الخصيم زعلان
قال اشوفك من جد ترى الدعوى تمثيل ترى لو هي صدق ماتاكل معي عيش
قال الهيل اها بس مانت فايز علي الا كان با ( .... ) القاضيه
والنقط تعرفها كرمت انت ومن اطلع على الموضوع
الرجال عقب هالكلمه جدع راسه وانسحب من النقاش الحاد


القصه لابد من تبهيرها شوي حق التسويق


سلط الله على بليسك ياأبوماجد
وأخيراً طلعت سالفة المصارعة الحرة
يابطنيه
http://forum.te3p.com/images/smilies/2009/t074.gif http://forum.te3p.com/images/smilies/2009/t074.gif http://forum.te3p.com/images/smilies/2009/t074.gif http://forum.te3p.com/images/smilies/2009/t074.gif http://forum.te3p.com/images/smilies/2009/t074.gif http://forum.te3p.com/images/smilies/2009/t074.gif http://forum.te3p.com/images/smilies/2009/t074.gif http://forum.te3p.com/images/smilies/2009/t074.gif
الحتسي كان وجه الهيل صايرن مثل هاللي بالصورة
بس حلوة
الطقـ؟ـــة القــــــاضية
سالفك هذى ياأبوماجد ذكرتن بسالفة صارت للأهل
بالإختبارت النهائية بالكلية من سوء حظه صار مكان جلوسه ورا وحدة من بنات الروا؟؟ وذولي مشهورات الله يكرمكم بريحة الصنان الصلفة...الظاهر مايسبحن...ماعندهن وقت..أو..يمكن من زود الإفرازات مع رهبة الإختبارات...الشاهد جت المراقبة وإلى حرمنا المصون ماأكتبت ولا حرف..ليه؟عسى ماشر؟ مار تشر الحرمة بيده وتسد خشمه وتشر على اللي قدامة...قالت له تكفين..إلحقي علىّ...عجزت أركز..غيّري مكاني..المسكينة أنعمت...أشوى..ويغيرون مكانه..والحمدلله عدت على خير
دمتم بخير

[ابو الشبرميات]

هههههههههههههههه
ذا اللغز ما عاد يندخل سلط الله على ابلايسكم
انقلب من لغز الى سواليف وذكريات اليمة
هذا الله يسلمكم واحد من الربع يقول حنا طالعين البر ايام الربيع
ونفطر لنا على فول وتميس ونتغدى على كبيسة مليانةِ ثوم
ونمر الحريم اللي يبيعن الاقط
وكل واحد اشترى المقسوم لاهله وبيته
ونلقى لنا كرتون اقط طري البارح مصلح
وناخذه نطقطق به لين ناصل الديرة
ومع الشاهي والوناسة والسواليف
كل واحد خذ راحته
المهم يقول وحنا مسكرين الدرايش من البرد
ونمر ذاك التفتيش يوم وقفنا عنده ونفتح الدريشة
ويطل العسكري يبي يشوف من اللي ورى
جيبنا مظلل
وهو اللي ينصرع وينحشر ويقعد يكحكح
قال حرك حرك حرك يالطقوع جعل جنسكم ما يكثر
...

[فرخ العقاب]

ما شاء الله عليك يابو ماجد يازين ألغازك . واللي بعد ازين منها سوالفك .
ابو ماجد البيت الأول هل هو مكتوب صح . يعني آخر كلمه في البيت الأولى ما فيها خطأ املائي .

الكلمة ابني هل المقصود منها يبين أو يبيني . أي يتضح .

ومحاولة في الرمعة . / الحية والعصى .
أو الريح .

[ابو ماجد 2]

هلا بك وأبو علي
تعقيب حلو
ههههههههههههه
الهيل طال عمرك بدا لا يشاهد المصارعه بعدها
والسبب كل ماشافها حس بوقع الطـقـ ؟ــــــه القاضيه

[ابو ماجد 2]

هههههههههههههههه

ذا اللغز ما عاد يندخل سلط الله على ابلايسكم
انقلب من لغز الى سواليف وذكريات اليمة
هذا الله يسلمكم واحد من الربع يقول حنا طالعين البر ايام الربيع
ونفطر لنا على فول وتميس ونتغدى على كبيسة مليانةِ ثوم
ونمر الحريم اللي يبيعن الاقط
وكل واحد اشترى المقسوم لاهله وبيته
ونلقى لنا كرتون اقط طري البارح مصلح
وناخذه نطقطق به لين ناصل الديرة
ومع الشاهي والوناسة والسواليف
كل واحد خذ راحته
المهم يقول وحنا مسكرين الدرايش من البرد
ونمر ذاك التفتيش يوم وقفنا عنده ونفتح الدريشة
ويطل العسكري يبي يشوف من اللي ورى
جيبنا مظلل
وهو اللي ينصرع وينحشر ويقعد يكحكح
قال حرك حرك حرك يالطقوع جعل جنسكم ما يكثر
...



هاللغز صار ماينقرب
الا للي حاسة الشم عنده معدومه
ههههههههههههههههههه

[ابو ماجد 2]

ما شاء الله عليك يابو ماجد يازين ألغازك . واللي بعد ازين منها سوالفك .

ابو ماجد البيت الأول هل هو مكتوب صح . يعني آخر كلمه في البيت الأولى ما فيها خطأ املائي .


الكلمة ابني هل المقصود منها يبين أو يبيني . أي يتضح .


ومحاولة في الرمعة . / الحية والعصى .
أو الريح .


حياك يالغالي
والهدف سعة صدر يالغالي
والعجز قافه لاتمعنته ابني
نعم الالف دخلت عرض
والمقصود ان قاف العجز ينتهي بـني
الباء حرف جر و ني هي حرفي قاف اللغز
الرمعه مالك لوى

[ال-رايق]

السلام عليكم/
-أبو ماجد:
اضحك الله سنك ..والهيل لايق عليه كل شي الله يمسيه بالخير ..يصلح مصارع وحكم:D:good2:
وسمّوها سنة الطقّه..مع العين ههههههههههههههههه.ويمكن تخبر قصة اللي قالوا لها متى ولدتي قالت سنة......!!!!!!!!!!!!!!
ومشوها يالربع من الطفش قولوا اللي تبون..وحلوه حكاية اللغز صار..............
------------------------
أبوعلي:
أسعدك الله كما اسعدتنا..لابو لحاهن أثاريهن مايردنها..وان قلت لحاهن هقوتي لهن بعد شنبات /مرهمّات الله ياخذهن ومسقط لهن شيصان رجال.:D:good2:
------------------------
أبو الشبرميات:
وسع الله صدرك انت وخوياك..
تهقى العسكري يحسبكم في غرفة تحميض أفلام هههههههههههههههه.اضافة الى التسريبات والوان المواد الكيماوية ..كأنكم في غرفة اطلاق المكوك ديسكفري :D:good2:
============بقى دوري:
فيه واحد ضحك بالمجلس ويقوم اللي جنبه اثناء الضحك وينغز بطنه والمسكين يجاوب بالصوت الرفيع..والحاضرين حوالي خمسة يكرّونها ضحك ..آخرتها راح السيارة وجاب 9ملم ويقفل الباب قال:
(علي الحرام لتطق)يقصد اللي انغزه..عدل بدّل..وهو يوم شاف الرجّال عازم..وينفّذ:D:good2:
ويكرّونها الباقين كالعاده بالضحك..قال كلّكم ياعيال.....؟!!!!!!!!!!! طقّوها:
والعموم ينفّذ وبأكثر من المطلوب ..تقل صباح العيد طرطعة شروووووووووووخ
ههههههههههههههههههههههه.
تحياتي
واستروا ماواجهتم.

[ابو ماجد 2]

السلام عليكم/

-أبو ماجد:
اضحك الله سنك ..والهيل لايق عليه كل شي الله يمسيه بالخير ..يصلح مصارع وحكم:D:good2:
وسمّوها سنة الطقّه..مع العين ههههههههههههههههه.ويمكن تخبر قصة اللي قالوا لها متى ولدتي قالت سنة......!!!!!!!!!!!!!!
ومشوها يالربع من الطفش قولوا اللي تبون..وحلوه حكاية اللغز صار..............
------------------------
أبوعلي:
أسعدك الله كما اسعدتنا..لابو لحاهن أثاريهن مايردنها..وان قلت لحاهن هقوتي لهن بعد شنبات /مرهمّات الله ياخذهن ومسقط لهن شيصان رجال.:D:good2:
------------------------
أبو الشبرميات:
وسع الله صدرك انت وخوياك..
تهقى العسكري يحسبكم في غرفة تحميض أفلام هههههههههههههههه.اضافة الى التسريبات والوان المواد الكيماوية ..كأنكم في غرفة اطلاق المكوك ديسكفري :D:good2:
============بقى دوري:
فيه واحد ضحك بالمجلس ويقوم اللي جنبه اثناء الضحك وينغز بطنه والمسكين يجاوب بالصوت الرفيع..والحاضرين حوالي خمسة يكرّونها ضحك ..آخرتها راح السيارة وجاب 9ملم ويقفل الباب قال:
(علي الحرام لتطق)يقصد اللي انغزه..عدل بدّل..وهو يوم شاف الرجّال عازم..وينفّذ:D:good2:
ويكرّونها الباقين كالعاده بالضحك..قال كلّكم ياعيال.....؟!!!!!!!!!!! طقّوها:
والعموم ينفّذ وبأكثر من المطلوب ..تقل صباح العيد طرطعة شروووووووووووخ
ههههههههههههههههههههههه.
تحياتي

واستروا ماواجهتم.


هلا بك يابو مهند
ههههههههههههههههههههه
هاللغز حتى ريحته صار ماحد يدانيها من كثر مارافقه من سو الروايح

[عطري]

السلام عليكم و رحمة الله و بركاته
مساك الله بالخير يالفارس
نعاود المحاولات لعل و عسى
أقول مستعيناً بالله : آخر آيتين من سورة البقرة

[ابو ماجد 2]

السلام عليكم و رحمة الله و بركاته

مساك الله بالخير يالفارس
نعاود المحاولات لعل و عسى

أقول مستعيناً بالله : آخر آيتين من سورة البقرة


وعليكم السلام ورحمة الله وبركاته
مساء النور
مالك لوى يالغالي

[عطري]

محاولة أخرى :

{ لَقَدْ كَانَ لِسَبَإٍ فِي مَسْكَنِهِمْ آيَةٌ جَنَّتَانِ عَنْ يَمِينٍ وَشِمَالٍ كُلُوا مِنْ رِزْقِ رَبِّكُمْ وَاشْكُرُوا لَهُ بَلْدَةٌ طَيِّبَةٌ وَرَبٌّ غَفُورٌ (15) فَأَعْرَضُوا فَأَرْسَلْنَا عَلَيْهِمْ سَيْلَ الْعَرِمِ وَبَدَّلْنَاهُمْ بِجَنَّتَيْهِمْ جَنَّتَيْنِ ذَوَاتَيْ أُكُلٍ خَمْطٍ وَأَثْلٍ وَشَيْءٍ مِنْ سِدْرٍ قَلِيلٍ (16)

[ابو ماجد 2]

محاولة أخرى :

{ لَقَدْ كَانَ لِسَبَإٍ فِي مَسْكَنِهِمْ آيَةٌ جَنَّتَانِ عَنْ يَمِينٍ وَشِمَالٍ كُلُوا مِنْ رِزْقِ رَبِّكُمْ وَاشْكُرُوا لَهُ بَلْدَةٌ طَيِّبَةٌ وَرَبٌّ غَفُورٌ (15) فَأَعْرَضُوا فَأَرْسَلْنَا عَلَيْهِمْ سَيْلَ الْعَرِمِ وَبَدَّلْنَاهُمْ بِجَنَّتَيْهِمْ جَنَّتَيْنِ ذَوَاتَيْ أُكُلٍ خَمْطٍ وَأَثْلٍ وَشَيْءٍ مِنْ سِدْرٍ قَلِيلٍ (16)

هلا بك بالغالي
مالك لوى
انتظر مرماعك القادم

[badr2003]

السلام عليكم ورحمة الله وبركاتة
حيا الله الجميع
نعتذر منكم عن الغياب بسبب ضروف الاجازة ونتمنى ان الجميع بصحة وعافية
دخلت المنتدى اليوم وشفت مشاركات الشباب الله يعطيهم العافية وانواع الضحك الله يوسع صدوركم
ان شاء الله نرجع من الاجازة ونتواصل مع الجميع

وبرمع قبل الخروج مع ان اللياقة ماتساعد مبطين عن الرمع خخخخخخ

{ وَلَقَدْ نَجَّيْنَا بَنِي إِسْرَائِيلَ مِنَ الْعَذَابِ الْمُهِينِ }
اتوقع البنتين المن والسلوى
سلامي لجميع الاعضاء بدون استثناء ونراكم ع خير

[ابو ماجد 2]

السلام عليكم ورحمة الله وبركاتة
حيا الله الجميع
نعتذر منكم عن الغياب بسبب ضروف الاجازة ونتمنى ان الجميع بصحة وعافية
دخلت المنتدى اليوم وشفت مشاركات الشباب الله يعطيهم العافية وانواع الضحك الله يوسع صدوركم
ان شاء الله نرجع من الاجازة ونتواصل مع الجميع

وبرمع قبل الخروج مع ان اللياقة ماتساعد مبطين عن الرمع خخخخخخ

{ وَلَقَدْ نَجَّيْنَا بَنِي إِسْرَائِيلَ مِنَ الْعَذَابِ الْمُهِينِ }
اتوقع البنتين المن والسلوى
سلامي لجميع الاعضاء بدون استثناء ونراكم ع خير


وعليكم السلام ورحمة الله وبركاته
اخوي بدر
فرحت كثيرا بتواجدك
تصل ان شاء الله سالم غانم
ونراك مغردا بالمنتدى كالعاده
الرمعه مالك لوى يالغالي

[معتزة بثقتي]

هل تكون السنة والشيعة

[ابو ماجد 2]

هل تكون السنة والشيعة

هلا بك اختنا العزيزه
مالك لوى
انتظر مرماعك القادم

[معتزة بثقتي]

هل تكون الاسراء والمعراج

[ابو ماجد 2]

هل تكون الاسراء والمعراج

هلا بك
الاسراء والمعراج
مالك لوى
واللغز فيه حاجة لو فكت شفرتها حله اتى بسهوله
تحيتي لك وتقديري

[حبيب المساكين]

وشرايك اصحاب السبت امتين منهم نجاهم الله من العذاب الذين انتهوا والذين وعظوا المذنبين وبارك الله فيك

[ابو ماجد 2]

وشرايك اصحاب السبت امتين منهم نجاهم الله من العذاب الذين انتهوا والذين وعظوا المذنبين وبارك الله فيك

هلا بحبيب الكل
صباح الخير
مازال طليق
ولا تس ردي السابق

اللغز فيه حاجة لو فكت شفرتها حله اتى بسهوله

[راعي العجراء]

صح السانك يابو ماجد ومبروك الاعتزال
وان شاءالله نقيم لك حفل تكريم وتوديع
مع هديه متواضعه من اخيك الصغير راعي العجراء عباره عن
http://assets.sbnation.com/assets/99610/crutches.gif

محاوله ياعم العود


( فلولا كانت قرية آمنت فنفعها إيمانها إلا قوم يونس لما آمنوا كشفنا عنهم عذاب الخزي في الحياة الدنيا ومتعناهم إلى حين (http://www.islamweb.net/newlibrary/display_book.php?idfrom=750&idto=750&bk_no=49&ID=762#docu)

[ابو ماجد 2]

صح السانك يابو ماجد ومبروك الاعتزال

وان شاءالله نقيم لك حفل تكريم وتوديع
مع هديه متواضعه من اخيك الصغير راعي العجراء عباره عن
http://assets.sbnation.com/assets/99610/crutches.gif


محاوله ياعم العود


( فلولا كانت قرية آمنت فنفعها إيمانها إلا قوم يونس لما آمنوا كشفنا عنهم عذاب الخزي في الحياة الدنيا ومتعناهم إلى حين (http://www.islamweb.net/newlibrary/display_book.php?idfrom=750&idto=750&bk_no=49&ID=762#docu)

ههههههههههههههههههههههه
آه بس ياليت من تقفاك فيهن انت وعمتك منيفه والهيل معكم
من الصدف ان العيال مسوين حفل للتقاعد ومن الصدف ان الهيل حاضر
والحفل كان مفاجئة لي من العيال
عاد اقول في نفسي الحمدلله ان الهيل ماعنده خبر مسبق والا كان كلف نفسه بهديه وهديته معروفه الاقشر

http://hooor.org/uploaded/up_pic/91cb0a86b912ef6543fd7e10408cf180.jpg

الرمعه مالك لوى وحتى لو كانت صح مالك لوى
هههههههههه
انتظر مرماعك القادم

[ابو الشبرميات]

قرية النمل

والعذاب تحطيم سليمان عليه السلام لهن
والله اعلم
...

[ابو ماجد 2]

قرية النمل

والعذاب تحطيم سليمان عليه السلام لهن
والله اعلم
...


هلا بك يالغالي
مابعد صدته
انتظرك في مرماع قادم

[معتزة بثقتي]

هل يكون التين والزيتون

[مقرنس الشيهان]

السلام عليكم ورحمة الله وبركاته
امسي عليك اخوي ابو ماجد وعلى الاخوان
الله يمسيكم بالخير كلن باسمه عبر متصفح حبيبنا فارس الالغاز واعتذر عن طول الغيبه
ولكن ضروف اسأل المولى عز وجل ان تزول الضروف ونعود للتواصل معكم
ولضيق الوقت لم اطلع على الرمعات الماضيه عندي رمعه يمكن سرت
وش رايك طال عمرك بسورة البقره وآلعمران
تحياتي للجميع

[ابو ماجد 2]

هل يكون التين والزيتون


هلا بك اختنا العزيزه
مالك لوى
انتظرك في مرماع قادم

[ابو ماجد 2]

السلام عليكم ورحمة الله وبركاته

امسي عليك اخوي ابو ماجد وعلى الاخوان
الله يمسيكم بالخير كلن باسمه عبر متصفح حبيبنا فارس الالغاز واعتذر عن طول الغيبه
ولكن ضروف اسأل المولى عز وجل ان تزول الضروف ونعود للتواصل معكم
ولضيق الوقت لم اطلع على الرمعات الماضيه عندي رمعه يمكن سرت
وش رايك طال عمرك بسورة البقره وآلعمران

تحياتي للجميع


هلا ومليون هلا
هاللغز كل مامليت منه ومن تعذرحله يظهر مايوسع الصدر فيه
واليوم تشريفك يالغالي جددت نشاطي حيال هاللغز
هلا ومليون هلا وما يكفون
الحمدلله على السلامه
واهم شيء انك بخير وعافيه والظروف تزول ان شاء الله ونراك بيننا بين اخوانك ومحبيك
الرمعه ماصادت الحل يالغالي
واللغز فيه لفه والربع مابعد طاحوا فيها

[مقرنس الشيهان]

هلابك اكثر اخوي ابو ماجد وش اخبار الهيل عساه بخير
وش رايك بالزكاه والصدقه

[ابو الشبرميات]

الامر بالمعروف والنهي عن المنكر
...

[ابو ماجد 2]

هلابك اكثر اخوي ابو ماجد وش اخبار الهيل عساه بخير



وش رايك بالزكاه والصدقه


الله يحييك
والهيل ماعنده الا العياره
يقول انه يبي يهدي لي بمناسبة التقاعد
طقم اسنون

http://hooor.org/uploaded/up_pic/91cb0a86b912ef6543fd7e10408cf180.jpg

الرمعه ماصابت
انتظر مرماعك القادم

[معتزة بثقتي]

هل تكون علامات الوصل والوقف ( صلي - قلي ) في القرآن

[ابو ماجد 2]

الامر بالمعروف والنهي عن المنكر

...


صباح الخير يالغالي
مالك لوى

[ابو ماجد 2]

هل تكون علامات الوصل والوقف ( صلي - قلي ) في القرآن


هلا بك اختنا العزيزه
مالك لوى
انتظر مرماعك القادم

[معتزة بثقتي]

هل تكون الشهادتين ( شهادة أن لا إله إلا الله وأن محمد رسول الله )

[ابو ماجد 2]

هل تكون الشهادتين ( شهادة أن لا إله إلا الله وأن محمد رسول الله )


هلا بك اختنا العزيزه
لاتنسين اللي تقلبينه منهن تظهر اخته

[برق القصيم]

صح لسانك زعيمنا
عز الله لغز من راس زعيم


نرمع مع الرامعينا


الخوات 7 و8
لياقلبت وحده تبان اخته
والقوم قوم عاد
وعذبوا بالريح
قال تعالى (سَخَّرَهَا عَلَيْهِمْ سَبْعَ لَيَالٍ وَثَمَانِيَةَ أَيَّامٍ حُسُومًا فَتَرَى الْقَوْمَ فِيهَا صَرْعَى كَأَنَّهُمْ أَعْجَازُ نَخْلٍ خَاوِيَةٍ )

[ابو ماجد 2]

صح لسانك زعيمنا

عز الله لغز من راس زعيم


نرمع مع الرامعينا


الخوات 7 و8
لياقلبت وحده تبان اخته
والقوم قوم عاد
وعذبوا بالريح

قال تعالى (سَخَّرَهَا عَلَيْهِمْ سَبْعَ لَيَالٍ وَثَمَانِيَةَ أَيَّامٍ حُسُومًا فَتَرَى الْقَوْمَ فِيهَا صَرْعَى كَأَنَّهُمْ أَعْجَازُ نَخْلٍ خَاوِيَةٍ )


ماشاء الله تبارك الله
لماح يابو عبدالرحمن الله يزيدك من فضله
كفوووووووووووو كفوووووووووووووو
نعم
سبعه وثمانيه
قال تعالى
(وَأَمَّا عَادٌ فَأُهْلِكُوا بِرِيحٍ صَرْصَرٍ عَاتِيَةٍ (6) سَخَّرَهَا عَلَيْهِمْ سَبْعَ لَيَالٍ وَثَمَانِيَةَ أَيَّامٍ حُسُوماً
فَتَرَى الْقَوْمَ فِيهَا صَرْعَى كَأَنَّهُمْ أَعْجَازُ نَخْلٍ خَاوِيَةٍ )
فعذاب قوم عاد توقف عند سبع ليال وثمانية ايام
واذا ماقلبت 7 اصبحت 8 والعكس بالعكس
الله يريحك مثل ماريحتنا من هاللغز

[شاعر الجوف]

ما شاء الله عليك يا برق القصيم ..وبارك الله فيك يا أبو ماجد والله من يوم ما دخلت اللغز وأنا افكر فيه
قصص الأنبياء وقريت من القرآن الآيات اللي فيها عذاب ..
عز الله أنك كسبت حسنات وانت ما تعلم الله يجزاك خير دائماً ما يكون هكذا طرحك
فيه متعة وثقافة عامة ودينية ..ما أقول الله يطول في عمرك يا رب..
أخوك شاعر الجوف /عبدالله

[حبيب المساكين]

ماشاء الله تبارك الله

لماح يابو عبدالرحمن الله يزيدك من فضله
كفوووووووووووو كفوووووووووووووو
نعم
سبعه وثمانيه
قال تعالى
(وَأَمَّا عَادٌ فَأُهْلِكُوا بِرِيحٍ صَرْصَرٍ عَاتِيَةٍ (6) سَخَّرَهَا عَلَيْهِمْ سَبْعَ لَيَالٍ وَثَمَانِيَةَ أَيَّامٍ حُسُوماً
فَتَرَى الْقَوْمَ فِيهَا صَرْعَى كَأَنَّهُمْ أَعْجَازُ نَخْلٍ خَاوِيَةٍ )
فعذاب قوم عاد توقف عند سبع ليال وثمانية ايام
واذا ماقلبت 7 اصبحت 8 والعكس بالعكس

الله يريحك مثل ماريحتنا من هاللغز

ابوماجد صح لسانك على هذ اللغز المرتب على الغطاء السميك والايهام بالحقيقه المباشره عوضا عن البديل ورغم التلميحات المتكرره الا ان اذهاننا بقيت في مكانك سر وبيض الله وجه برق القصيم الذي وصل اليه بعد ان عجز عنه الكثير واعتبر هذا اللغز من النوادرالصعب حله

[ابو الشبرميات]

لغز محبوك حبكة معلم
وبرق القصيم ما شاء الله عليه
ذكاه بالطريقة المكشاتية
جعله يسلم هو وكل من شارك او قرأ وفكر
اهنيك عليه فارسنا الله لايضرك
ونبي من نوعيته واجد
والله اني كل ما دخلت مريته واخذت شوي احوس به واقلّبه عل وعسى
والحمد لله على حله
ويستاهل برق القصيم
...

[ابو ماجد 2]

ابوماجد صح لسانك على هذ اللغز المرتب على الغطاء السميك والايهام بالحقيقه المباشره عوضا عن البديل ورغم التلميحات المتكرره الا ان اذهاننا بقيت في مكانك سر وبيض الله وجه برق القصيم الذي وصل اليه بعد ان عجز عنه الكثير واعتبر هذا اللغز من النوادرالصعب حله

هلا بحبيب الكل
شرفنا تواصلك وشرفنا تعقيبك بعد الحل وهذا هو الاهم والسبب انه تقييم اعم ليشمل اللغز ورمعته
بارك الله فيك على هذا التواصل

[ابو ماجد 2]

لغز محبوك حبكة معلم

وبرق القصيم ما شاء الله عليه
ذكاه بالطريقة المكشاتية
جعله يسلم هو وكل من شارك او قرأ وفكر
اهنيك عليه فارسنا الله لايضرك
ونبي من نوعيته واجد
والله اني كل ما دخلت مريته واخذت شوي احوس به واقلّبه عل وعسى
والحمد لله على حله
ويستاهل برق القصيم
...


هلا بك يالغالي
وكلماتك الطيبه تاج على راسي ومحفزه لناتي بالالغاز ولو زاد فيها معيار التمويه

[شاعر الجوف]

أتمنى من أن تقرأ كلماتي يا أبو ماجد ..

[معتزة بثقتي]

بارك الله في الجميع
لا فُض فوهه ولا شُلت يمينه على حل هاللغز

[ابو ماجد 2]

أتمنى من أن تقرأ كلماتي يا أبو ماجد ..


ما شاء الله عليك يا برق القصيم ..وبارك الله فيك يا أبو ماجد والله من يوم ما دخلت اللغز وأنا افكر فيه
قصص الأنبياء وقريت من القرآن الآيات اللي فيها عذاب ..
عز الله أنك كسبت حسنات وانت ما تعلم الله يجزاك خير دائماً ما يكون هكذا طرحك
فيه متعة وثقافة عامة ودينية ..ما أقول الله يطول في عمرك يا رب..
أخوك شاعر الجوف /عبدالله


والله اني قريتها ياشاعرنا
وشدني قولك واللي علمته بالاحمر الله يجزاك خير
وكنت اظن اني رديت عليك
والمعذره اخوي عبدالله احتمال اني رديت والنت عندي يتقطع وظننت اني ادرجتها ولكن النت تعطل
سرتني كلماتك الطيبه يالطيب

[ابو ماجد 2]

بارك الله في الجميع




لا فُض فوهه ولا شُلت يمينه على حل هاللغز


بارك الله فيك اختنا العزيزه
وبرق جالس يتختل ويتربص لينقض على اللغز العصي الله يزيده من فضله

[ناصر العلي]

لله درك ياأبوماجد على حبكة هاللغز
فعلاً العذاب يوم وصلهن توقف
أستمر سبعة ليال وثمانية أيام
٧ ٨
وكفو والله ياأبوعبدالرحمن
عوايدك يالغالي
وماهي غريبة منك
أشهد بالله إنك أنت الدكتور
دمتم بخير

[ابو ماجد 2]

لله درك ياأبوماجد على حبكة هاللغز

فعلاً العذاب يوم وصلهن توقف
أستمر سبعة ليال وثمانية أيام
٧ ٨
وكفو والله ياأبوعبدالرحمن
عوايدك يالغالي
وماهي غريبة منك
أشهد بالله إنك أنت الدكتور

دمتم بخير


هلا بك دكتورنا
والغطو مهما قطعنا فيه مشوار فالفضل بعد الله لكم يالرماعين امثالك وامثال برق القصيم وغيرهم مما يزخر فيهم منتدانا
وما وصلنا الى ماوصلنا الا لمحاولة الهرب عن مراميعكم اللي تذبح اللغز في مهده