وش الافضل ونشستر s3 او بريدا

[Oskar]

السلام عليكم ورحمة الله وبركاته


ان شاء الله ناوي اشتري شوزن

بس محتار

وقلت مالي غيركم يساعدني

شوزن ونشستر s3

او

شوزن بريدا

[الذئب الاسود]

خذ لك بريتا افضل وان شاء الله قد افدتك

بس القيمه غاليه شوي 20 الف

[كومفورت]

وعليكم السلام
شوازن كلهن طيبات بريدا ايطاليه عمليه اكثر والونشستر رميه حلو بس يبي الي يداريها تنظيف الشوزن وتحا فظ عليها

[مجنـ قطا ــون]

السلام عليكم ورحمة الله وبركاته




ان شاء الله ناوي اشتري شوزن


بس محتار


وقلت مالي غيركم يساعدني


شوزن ونشستر s3


او


شوزن بريدا





حياك الله اخوي اوسكار

بالنسبه للشوازن الي تستفسر ماقد والله جربتهن

لكن اذا بغيت نصيحت اخو يحب لك الخير
دورلك اكستريما2 28 انش تلقاها بحدود اسعار الشوازن الي ذكرت
وافضل من الي ذكرت بمليون مره ويكفي انها من شركة برتا الايطاليه
والله يكتب لنا ولك الي فيه الخير
تحياتي لك

[شاهين12]

حياك الله اخوي اوسكار

بالنسبه للشوازن الي تستفسر ماقد والله جربتهن

لكن اذا بغيت نصيحت اخو يحب لك الخير
دورلك اكستريما2 28 انش تلقاها بحدود اسعار الشوازن الي ذكرت
وافضل من الي ذكرت بمليون مره ويكفي انها من شركة برتا الايطاليه
والله يكتب لنا ولك الي فيه الخير
تحياتي لك




الله يهديك مليييييييييييييييون مره ،قل امين:D:D:D:D:D:D,

كيف تحكم على السلاح وانت ماجربته.:no2::no2::no2:

[شاهين12]

السلام عليكم ورحمة الله وبركاته


ان شاء الله ناوي اشتري شوزن

بس محتار

وقلت مالي غيركم يساعدني

شوزن ونشستر s3

او

شوزن بريدا





هلابك اخوي البريدا اطاليه وتجي انواع ،اي نوع لاهنت:

عندك السوبر البريدا جهازها نفس البنلي بلاك ايقل.

بالنسبه لرمي لمصلحة sx3 ..

اما الجهاز صعبه انك تقارن غازيه بغير غازي..

الجهاز لمصلحة البريدا ..

ويبقى لك الخيار.



معلومات sx3،(لملاك الداهيه)..

http://www.mekshat.com/vb/showthread.php?t=349319

[قناص خلاوي]

ماقصروا الربع
الاكس3 تجي اكثر من نوع
سوبر ماقنوم 30 انش
وماقنوم 32 انش

البريدا انواعها اكثر
سوبر بريدا سوبرماقنوم 28 انش
بريدا 32 انش فل تشوك
بريدا 30 انش فل تشوك
بريدا 30 انش تشوكات
بريدا 28 انش تشوكات

حدد اي نوع ونفيدك إن شاء الله
موفق خير

[Oskar]

الله يعطيكم الف عافيه

وماقصرتووو جميعكم

[بانللي وبس]

انا أنصحك بالبريدا 32 بدون تشوكات افضل من الونشستر وأقوى جهاز وأسهل عدة

[معطاب 1]

وعليكم السلام ورحمة الله وبركاته
والله وانا اخوك الونشستر s3 معروفه لها شهادات عده
واذا في راسك طرب اخذها ولا تشاور :good:

اخووك /معطاب

[على كف القدر]

أنصحك وانا أخوك بالبريدا ماصورته 32 بلد وتبرد التسبد ويكفيك خفه لاصرت راعي تدبيل وطيار
هذا رأي الشخصي بحكم تجربتي له.

[ابو سلطان 123]

السلام عليكم اخواني اعضاء ومشرفين وزوار هذا المنتدى الرائع الحقيقه ان البندق بريدا بحثت عنها في المنتديات وبين اوساط اصحاب القنص وماوجدت احد سبها او قدح فيها بل بالعكس اثنو عليها وخاصه الذين جربوهااما32 انش المذهبه فلا والله يعلى عليها عن تجربه وانصح باقتنائها اذا وجدتها ولا تتردد تحيه خاصه لكل عشاق البريدا 32 انش الملكيه وشكرا

[ابو سلطان 123]

اخواني اليكم بعض مميزات الملكيه بريدا الصناعه ايطاليه السبطانه 32انش بدون تشكات بدون جسر يعني ماله داعي تبحث عن ماصوره جايه شد بلد اخشاب روعه معتق خفيفه مره زناد مذهب على جنبيها خط نحاسي مذهب مكينتها برونزيه نظامها نفس السوبر بانلي ليست غازيه مخزن 5 طلقات مسكر لكن قابل للترهيم الى10 رهموه اهل بريده عطي الله ولا يهونون الشباب شكلها جذاب رميها خيال و تسو ق بعيد يقتنيها في ايطاليا النخبه لانها غاليه وعلى فكره هي في الكويت 750 ديناروالسبر بانلي 570 دينار تحيه خاصه لقناص خلاوي وبانلي وبس وعلى كف القدر وشاهين12 ولايهونون الشباب وننتظر ردكم ودمتم

[بارق الحفن]

السلام عليكم
والله أنا شفت بريدا مع واحد من الربع(خشاب-30 انش-بدون تشكات-جسر) يعني شكلها خيال ورميها حامي وخفيفه مره والله اعجبتي بالحيل
أما الاكستريما والله ما جربتها ولا أقدر أحكم عليها
ودي وإحترامي

[ابو سلطان 123]

وعليكم السلام الحقيقه ان البريدا بجميع انواعها عال العال اما الملكيه 32 انش المذهبه فهذي لحالها ودمتم

[ابو سلطان 123]

السلام عليكم ياهلا بالشباب الحقيقه بريدا 32 انش الملكيه طلعت مع شباب توهم مبتدئين وابدعوا بالبريدا وبشركم شروا كل واحد بريدا 4الملكيه وواحده 28 عقبالكم ودمتم

[معزز رماي]

عليك باشراف بالبلجيك الطيبه رميها يطربك وسوقها خيال
خذها وتوكل على الله
عاد معروفه sx3

[ابو سلطان 123]

ياشباب الله يعافيكم الذي عنده علوم عن البريدا الايطاليه لايبخل علينا من كل ناحيه سواء السعر او الرمي الخ ودمتم

[ابوتركي83]

السلام عليكم ورحمة الله وبركاته اخوي انا عندي بريدا echo اللي تجي ماصورته
28انش وللمعلوميه انا توني شاريها يعني جديد على عالم الشوازن ام خمس
لو تسال عن الندف لان واحد من الشباب رما فيها ويقول تندف والرجال هذا
عنده شوزن تركيه بلاك وولف يقول الجهاز ما شاء الله حلو وآسف على الاطاله

[ابوتركي83]

السلام عليكم ورحمة الله وبركاته بالنسبه للتشوك اللي راكب عليها تشك 660 الرمي حلو
لكن ودي اركب عليها ال اكسترا فل اللي يزيد طول الماصوره يخليها 32 انش اللي يقدر
يفيدني عن هذا التشوك من ناحية حرارة الرمي ووين القاه لا يبخل علينا بالمعلومات.
والله يحفظكم ويرعاكم

[PATROL]

وعليكم السلام الحقيقه ان البريدا بجميع انواعها عال العال اما الملكيه 32 انش المذهبه فهذي لحالها ودمتم
يالربع ياليت لو تفيدوننا كم ضوق ماصورة البريدا 32 انش

[ابو سلطان 123]

الاخوه الاعزاء بالنسبه للتوصيله فهي بالجرده ببريده يالغالي وبالنسبه لضوق الماصوره 3 على 18 وتجي 4على18 هذا بالنسبه للملكيه 32 انش اما ااذا كنت تقصد الفوهه حقت الماصوره لااعلم لكنها ضيقه وسوف نبحث في هذا الامر علشان عيونك ياغالي ياباترل ويابو تركي مبروك عليك المزيونه وفالك الشحم ودمتم سالمين

[ابو سلطان 123]

السلام عليكم وين الشباب وبالمناسبه ابارك لكم بقدوم هذا الشهر الفضيل اللهم اجعلنا من صوامه وقوامه ومن المقبولين امين

[PATROL]

الله يبيض جهك يابو سلطان وماقصرت!
اللهم بلغني واياكم رمضان واجعلنا فيه من المقبولين

[صقار محترف]

مالي والله خبره فيهن لكن اسمع الناس تمدحها والله أعلم

[ابو سلطان 123]

وين اهل الخبره عطونا علومكم ياشباب وشكرا

[بارق الحفن]

للرفع.............نرجوا المشاركه لمن لديه أي معلومه تخدم الموضوع
:):):):)

[سطام F15]

وعليكم السلام ورحمة الله وبركاته
هلا بك ياخوي اوسكآر ويامرحبا الرأي ذمة وأمانه ومن طلب الرأي دخل في ذمتك .
أمتلك الونشستر أول ماجات عندنا والله إنها بندق تنومس قانيها ونصيحتي لك خذ ونشستر بإذن الله غير تدعيلي وماراح تندم . .. تمت تجربه الونشستر مع البريدا تجربه خفيفة أدت بالغرض رمينا على قواطي
زيت مسافات مختلفة النتيجة لصالح الونشتر سواء بحرارة الرمي
أو بتنظيم الحلبي . وسلامتك .. أرجوا إني أفدتك وأشكر أخي الغالي أبو أحمد
هو اللي نبهني على الموضوع وطلب مني الرد عليك بحكم التجربة . في أمان الله
أخوك
سطام F15

[أبو حمد 700]

ودي أنا بونشستر أكس ثري بس ما حصلته


ودي أقتنيه

[HoOoba]

انا عندي بريدا ٣٠ انش Echo تشوكات ، البندق ممتازه جدا زي ما قالو الشباب تبيض الوجه
خفيفه الوزن جميلة المظهر ، احد الشباب ركب عليها ماصورة الريفالو ( بانيللي) على ما اعتقد
يقول شي خياااالي ، المخزن مقفل لكن ما ادري اذا يرهم ( ودي بإجابه شافيه) ؟

[ابوتركي83]

السلام عليكم ورحمة الله وبركاته
ماشاء الله تبارك الله مبروك عليك المزيونه وفالك الشحم
كيف حالك اخوي بالنسبه لسؤالك عن ترهيم البريدا انا سألت في المنتدى نفس السؤيال ورد علي واحد من الاعضاء يقول تترهم وتكلف من 2500ريال الى3000ريال وما ادري هل السعر هذا صحيح والا مبالغ فيه وياليت اللي رهم مخزن اضافي يفيدنا.

[تميم2222]

شف يالغالي انا من محبين ونشستر .....لكن اذا حصلت بريدا ماصوره 30 او 32 فخذها وانت مغمض ويستحسن تكون فيبر اقوى لك ويتحمل واذا مالقيت فالونشستر .. مدتها ماتخيب راعيها ..ماشالله ابشر بسوق يهول وسلااامتك