محتاج ورشة متخصصة تويوتا لاندكروزر 93

[ALZAEEM_999]

السلام عليكم ورحمة الله وبركاته

نوع السيارة : لاندكروزر 93 صالون قير عادي 6 سلندر
محتاج ورشة متخصصة بالجيوب بالرياض وياليت تكون بالصناعية القديمة
السيارة فيها أكثر من مشكلة وبعضها أنحلت ولله الحمد بشكل كلي ومن المشاكل الي ما أنحلت إنخفاض عزم السيارة بالطلعات حتي الخفيفة أيضا أرتفاع الحرارة مع الطلوع والوقوف بالزحمة
ولقد قمت بتغيير جميع القطع الإستهلاكية وعملت صيانة شاملة تقريبا للسيارة من كم شهر ,,,
شاكر ومقدر لكم ,,,

[ALZAEEM_999]

:redcar:
للرفع

[ابوراكان تبوك]

كانك مشيك عليه من ناحية الكربريتر ووزنية الكلتش وبواجي واسلاكها وفلتر هواء وصفايه تأكد من الشكمان لا يكون مسكر مشكله مشهوره باللاند
مووووووووووووفق

[س.س.التميمي]

وينكم ياهل الرياض

[ALZAEEM_999]

كانك مشيك عليه من ناحية الكربريتر ووزنية الكلتش وبواجي واسلاكها وفلتر هواء وصفايه تأكد من الشكمان لا يكون مسكر مشكله مشهوره باللاند
مووووووووووووفق


من ناحية الكربريتر جديد من فترة وما يدخن إلا شي بيسط اما الكلتش موزون باقي فيه عمر والبواجي وفلتر الهواء وصفاية البنزين كلها مغييرها والأسلاك كيف أعرف إن فيها عطل ؟ وبالنسبة للشكمان هل يجي فيه دبة تلوث ؟ لاني سألت المحلات قالوا الشكل هذا مايجي فيه وإذا كان يجي فيه هل تنفك بمسامير أو بلحام وهل تتنظف أو تغيير ؟

ومشكور على الرد

[وبل نجد]

احتماااال يكون عندك الديلكو يبغاله وزن

اوزنه عند كهربائي فنااان

[ALZAEEM_999]

احتماااال يكون عندك الديلكو يبغاله وزن

اوزنه عند كهربائي فنااان

جزاك الله خير ... فعلاً يمكن فيه إحتمال ...

[وبل نجد]

اهم شي توزن عند كهربائي فنان

وهل تسمع للموتر لقلقه ف ااطلوع او اذا كتمت له بنزين ؟؟

وموقعك ي الغالي يمكن نعرف احد حولك

[ابوراكان تبوك]

من ناحية الكربريتر جديد من فترة وما يدخن إلا شي بيسط اما الكلتش موزون باقي فيه عمر والبواجي وفلتر الهواء وصفاية البنزين كلها مغييرها والأسلاك كيف أعرف إن فيها عطل ؟ وبالنسبة للشكمان هل يجي فيه دبة تلوث ؟ لاني سألت المحلات قالوا الشكل هذا مايجي فيه وإذا كان يجي فيه هل تنفك بمسامير أو بلحام وهل تتنظف أو تغيير ؟







ومشكور على الرد

اسلاك البواجي فحصها يا طويل العمر تفك الغطاء اللي عليها وتشغل السيارة في مكان مظلم وتدعس بنزين على خفيف اذا شفت شرار يخرج من الاسلاك معناه تهرب كهرباء
بالنسبه للدبه ادري ان مافيه دبة تلوث لكن الدبه الاخيره اكبر وحده فيها شخالات احيان تسكر افصل الشكمان من قدام وجرب مو شرط انك تغييرها ان لاحظت فيه تغير في العزم فتأكد انها رايحه فيها ولا تغيرها الا اصلي يحتى ينوزن الهواء مظبوط

عموماً أبدأ في الاسهل ومر على كذا ورشه واللاند 93 صيانته سهله لا حساسات ولا كمبيوتر لو انه عندي ما يصبح عليه الصبح الا وانا جايب خبره :D

موووووووووووفق اخوي وتقبل مروري

[عاشق البسيتين]

شيك على الحساسات

[Salamah.y]

كما تفضلوا الاخوان ,, اتوقع و الله العالم , انه الديلكو
دام المسأله ضعف و ارتفاع بالحراره
اوزنه و ان شاء الله يضبط ~

موووفق @~

[ALZAEEM_999]

اهم شي توزن عند كهربائي فنان

وهل تسمع للموتر لقلقه ف ااطلوع او اذا كتمت له بنزين ؟؟

وموقعك ي الغالي يمكن نعرف احد حولك


عفواً ما فهمت قصدك بالضبط . .؟
موقع بالرياض .

[ALZAEEM_999]

شيك على الحساسات


أخوي يمكنك ما انتبهت ... السيارة لاند 1993 ما أعتقد فيها حساسات نهائياً ... يمكن أكون مخطئ بس ما أعتقد ..

[ALZAEEM_999]

كما تفضلوا الاخوان ,, اتوقع و الله العالم , انه الديلكو
دام المسأله ضعف و ارتفاع بالحراره
اوزنه و ان شاء الله يضبط ~

موووفق @~


شاكر ومقدر لك مرورك ...
هل الديلكو له علاقة بالحرارة ؟ وضح لي للفايدة لأن ترى خبرتي متواضعة ؟

[ALZAEEM_999]

اسلاك البواجي فحصها يا طويل العمر تفك الغطاء اللي عليها وتشغل السيارة في مكان مظلم وتدعس بنزين على خفيف اذا شفت شرار يخرج من الاسلاك معناه تهرب كهرباء
بالنسبه للدبه ادري ان مافيه دبة تلوث لكن الدبه الاخيره اكبر وحده فيها شخالات احيان تسكر افصل الشكمان من قدام وجرب مو شرط انك تغييرها ان لاحظت فيه تغير في العزم فتأكد انها رايحه فيها ولا تغيرها الا اصلي يحتى ينوزن الهواء مظبوط

عموماً أبدأ في الاسهل ومر على كذا ورشه واللاند 93 صيانته سهله لا حساسات ولا كمبيوتر لو انه عندي ما يصبح عليه الصبح الا وانا جايب خبره :D

موووووووووووفق اخوي وتقبل مروري


أشكرك على الي ذكرته .. وأتفق معك على سهولة صيانة الموديلات القديمة لكن الورش الي عندنا ماهي كلها سواء بعضها ما شاء الله والبعض الآخر لو تجيب له سيكل طلع فيه البلاوي وخساير ولايزين .. وقلت نختصر الموضوع ونستشير إذا فيه أحد يعرف له ورشة عند خبرة بالموديل المذكور ..

[محمد 2002]

تأكد من كلتش المروحه لأنه يسبب حراره في الزحام وفي الطلعات

[ALZAEEM_999]

تأكد من كلتش المروحه لأنه يسبب حراره في الزحام وفي الطلعات


بالنسبة للكاتش فحصوه إثنين واحد يقول الزيت طالع غيره وواحد يقول لا المروحة تدور زين سليمة ؟
لكن أبي أفحصه مرة ثانية إن شاء الله ,,

[وبل نجد]

للعلم الديلكو يسبب حراره وضعف عزم وصرفية بنزين كل هالاشياء يسببها الديلكو
وذلك ان الانفجار يحدث ف وقت يكون بلف العادم مقفل فيبقئ العادم داخل المكينه لم يخرج فيسبب حراره داخل المكينه وذلك لان الديلكو لم توزن شرارته مظبوط فيرسل الشراره ف غير وقتهاا (شرح طويل)لكن هذا باختصار
وانا اقصد بالقلقه : يعني الموتر اذا دعست البنزين كله تسمع صوت المكينه كذا ( لق لق لق لق )

اذا كان كذا فلابد من وزن الديلكو

[عنبري]

السلام عليكم ورحمة الله وبركاته عند ورشة عسير في الصناعية القديمة عندهم بخص في الموديلات القديمة

[ذيب الفرَع]

خذ العلم مني نفس علت الجيب عندي وغيرت كل شي وفي النهايه طلع الجنزير مرتخي

[ALZAEEM_999]

للعلم الديلكو يسبب حراره وضعف عزم وصرفية بنزين كل هالاشياء يسببها الديلكو
وذلك ان الانفجار يحدث ف وقت يكون بلف العادم مقفل فيبقئ العادم داخل المكينه لم يخرج فيسبب حراره داخل المكينه وذلك لان الديلكو لم توزن شرارته مظبوط فيرسل الشراره ف غير وقتهاا (شرح طويل)لكن هذا باختصار
وانا اقصد بالقلقه : يعني الموتر اذا دعست البنزين كله تسمع صوت المكينه كذا ( لق لق لق لق )

اذا كان كذا فلابد من وزن الديلكو


مشكور أخوي ,,,
مريت على ورشة شبكة المحترف بالصناعية القديمة بالرياض "يشتغلون لاندكروزر تحت 2007" قالي المعلم إن الديلكو موزون للأخير رح لم التشليح وجرب بديلكو ثاني ..؟؟؟
وشرايكم بالكلام

[ALZAEEM_999]

السلام عليكم ورحمة الله وبركاته عند ورشة عسير في الصناعية القديمة عندهم بخص في الموديلات القديمة


ممكن وصف الورشة إذا تكرمت ...

[ALZAEEM_999]

خذ العلم مني نفس علت الجيب عندي وغيرت كل شي وفي النهايه طلع الجنزير مرتخي


طيب بالنسبة لإرتخاء الجنزير وش أسبابة وكيف تنحل المشكلة ؟
صيانة الجنزير يعني فك المكينة هل هذا صحيح ..؟

[وبل نجد]

الجنزير له صوت خصوصا عند تشغيل السياره وهي بارده

وهو احد الاحتمالات لكنه اقرب شي لمشكلتك الديلكو

وبالنسبه للورشه اللي قال لك ان الديلكو مفرور للاخير هل جرب يحل المسمار حقه ويفره ولا لا ؟؟
او قال الكلام كذا بس من راسه
جرب رح لاحد الكهربائين واوزن عنده

وترئ المساله سههله جدا
يعني رح لكذا واحد وخلهم يفحصون الديلكو ويشوفون

[ALZAEEM_999]

الجنزير له صوت خصوصا عند تشغيل السياره وهي بارده

وهو احد الاحتمالات لكنه اقرب شي لمشكلتك الديلكو

وبالنسبه للورشه اللي قال لك ان الديلكو مفرور للاخير هل جرب يحل المسمار حقه ويفره ولا لا ؟؟
او قال الكلام كذا بس من راسه
جرب رح لاحد الكهربائين واوزن عنده

وترئ المساله سههله جدا
يعني رح لكذا واحد وخلهم يفحصون الديلكو ويشوفون


لا يوجد صوت قوي أو غير طبيعي عند التشغيل ,,,
والي قالي عن الديلكو .. فحصه بالنظر ودعسة البنزين فقط ,,,
حول الموضوع : اليوم أنا كنت عند ورشة عندي شغلات كثيرة بنفس السيارة وقلت للمهندس عن موضوع ضعف العزم والديلكو قبل ما أخلص من عنده .. وأرخاء على المسمار ورجعه للعكس بعدين رجعة لمكانه الي كان عليه .. قال إنه موزون على الاخير ما فيه مجال .. أول ما حركت من عنده فيه تغيير ملاحظ اول ما حركت فقط بعدين الوضع عادي الكلام هذا كان العصر .. بالمغرب شغلت وحسيت مثل أحتكاك شي أو تقطيع سريع وبعدين مشيت وملاحظ أول ما تقوم السيارة بأول وثاني .. على سرعة خفيفة .. ومرة وقفت ودعست بنزين وإلا حد معين(يعني إذا إرتفع الضغط فوق ثلاثة مثلاُ) يطلع صوت من جهة الديلكو تقريباً .. مثل صوت إحتكاك حديد .. ويروح إذا فكيت دعست البنزين ..
آسف على الإطالة ..
ههههههه .. حرك تبلش ..