اليوكن لايعمل لا بالريموت ولا المفتاح

[خيآآآل]

السلام عليكم ورحمة الله وبركاته

عندي مشكله مع يوكن 2007 فل كامل

عندي ريموتين جربتها كلها الاثنين ولا فتح الابواب ولا شغل السياره

فتحت الباب بالمفتاح حاولت اشغل رفظ وما فيه اي شي من الكهرباء حتى الازرار ما تقفل او تفتح من الداخل

هل تتوقعون ان المشكله من البطاريه مع العلم انه واقف من اسبوعين ما اشتغل

[يزيد 999]

أخوي لو عندك موتر ثاني وبطاريته مشابهه لبطاريتيك ركبه على موترك وشد على المسامير وشف وش يصير معك

[خيآآآل]

ما عندي كل الي عندي السيارات اعلاها 50 امبير

وهذا يبيله لا يقل عن 70

[alwali]

السلام عليكم
الامر طبيعي بس يبيله برمجه
ابحث في المنتدى في واحد حاط طريقة البرمجة لليوكن

[Magellan]

حط اي بطارية مؤقتا للتشغيل
وبعدين اشتر اصلية 78 امبير فما فوق

[خيآآآل]

السلام عليكم
الامر طبيعي بس يبيله برمجه
ابحث في المنتدى في واحد حاط طريقة البرمجة لليوكن

ما اضن برمجه لانه ما فيه كهرباء اصلا

[خيآآآل]

حط اي بطارية مؤقتا للتشغيل
وبعدين اشتر اصلية 78 امبير فما فوق


تشغله الـ 50 امبير
لو اركبها للتجربه عشان اذا عرفنا انها منه نشتري وحده ما نبي نخسر ويطلع البلا مو منها

[أَبوابراهيم]

كاني فهمت انك ماتقدر تفتح السياره .. اذا بكذا الله يعينك ماعندي خلفيه


اما اذا كنت تقدر
فشف اذا دقيت السلف او شغلت احد الانوار الداخلية او الخارجية واشتغلت فالمشكلة ماهيب من البطارية

اذا ما اشتغل اي شيء من الي ذكرت
فالمشكلة الاغلب من البطارية .. اذا البطارية تماتيك ولها سنتين حتى لو هي ماهيب خربانه غيرها افضل
وتتاكد هل المشكلة من البطارية او لا عطها اشتراك او اسحبها لاي ورشة يجرب باحد البطاريات الي عنده او بجهاز يشبكه على البطارية الي عندك

وفي مشكلة احتمالها ضعيف وهي الدينمو احتمال انه خربان .. والله اعلم

[rahban2000]

اتوقع الفيوزات الموصله لقطعة ال board

افحصها

[خيآآآل]

ما فيه شي يشتغل نهائيا لا نور ولا غيره يعني زي الي كانك فاك البطاريه من السياره حتى اليلف ما يبين فيه لا دقك ولا لمبات ولا غيره

[Magellan]

تشغله الـ 50 امبير
لو اركبها للتجربه عشان اذا عرفنا انها منه نشتري وحده ما نبي نخسر ويطلع البلا مو منها

سو اشتراك للسيارة حتى لو هي الكترونية
بس هل الاصابع للبطارية جنب وإلا فوق

[خيآآآل]

الاصبع فوق

والبطاريه الي عليه حايه 4 اصابع 2 فوق 2 جنب والي مشبوك فوق

[خيآآآل]

المشكله مكانها ما نقدر نسوي لها اشتراك والا كان سويناه من زمان

[Magellan]

واضح المشكلة من البطارية
يعني مافي شي يشتغل
بالتأكيد ان البطارية ميتة

[alwali]

نعم اخوي المشكلة من البطارية
حط الاشتراك على البطارية واضرب الاشتراك مع بعض بهذي الطريقة تنشط خلايا البطارية وتشتغل السيارة
والله يعينك اشتر بطارية ايسي ديلكو
وبالتوفيق

[قمة افرست]

المشكلة بطاريه كما هو واضح
شيك على اصابع البطارية اذا تتحرك يمكن محلوله
طبعا لوجبت مهندس بيبدا باشتراك للسيارة اول شي بيسويه
اذا لازم تحاول باشراك السيارة
جرب اي سيارة حتى لوصغيرة خلها تشحن 5 دقايق
اشتراك فقط اذا ولع لمبات او اي شي كهرباء جيب بطاريه جديده وغيرها

[خيآآآل]

فعلا طلع البلا من البطاريه

وغيرناها
اي سي دلكو 48/7

نفس الي عند زميل لي مركبها مطلعين الموتر سوى انا وياه

ويعطيكم العافيه جميعا على المساعده