مشكله في الثلاجة تحتاج خبرا

[قااحش الدخل]

السلام عليكم
عندي ثلاجة شاريها من الامارات
اذا ركبته بلسياره تشتغل مضبوط
اذا كانت السياره شغاله بس اذا طفيت السيارة
تجلس ساعة ونص الى ساعتين وتطفاء
ومركب بطاريه اضافيه الاسلاك كلها 6ملم
حتى اسلاك الثلاجه مغيرها الى 6ملم
وانا حاط كتاوت واحد الازرق لشحن والبطاريه
اي سي ديلكو 50 امبير
1_ جربت بطاريه ثانيه بس قديمه احسن من اول بس ماتطول
2_ الكتاوت كويس او فيه مشكله
3_ الثلاجه بكهرب البيت مظبوطه
5_ وش احسن بطاريه اظافيه وهل كبر البطاريه يضر الدينمو والسيارة فتك
6_ كم الساعات المعقوله الي تجلس الثلاجه تشتغل اذا الموتر طافي
7_ حجم الثلاجه 38 لتر

[الزعازع]

وعليكم السلام ...

انا اتوقع ان الثلاجة فيها حساس يقيس كم المتبقي في البطاريه من كهرباء بحيث يفصل الكهرباء عن الثلاجة
و يترك المتبقي في البطاريه لتشغيل السيارة ..... و الله اعلم

[الخزز تقليد]

يفيدونك الاخوان

[علي العساف]

هلا اخوي شف رايح يدوخ راسك انا اعاني لي سنتين تجي المشكلة وتروح
شف اذا متأكد من الكتاوت شف ركب فيوز كبير واذا ما زانت فخذها متي طحت ببطارية خربانة ودمار
غير البطارية والله يعينك اما كم تجلس البطارية تجلس تقريبا من سبع الى عشر ساعات حسب جودة البطارية
بس استغربت كيفتحط 50 امبير اضافية القلاجة اقل شي تحتاج 70 امبير
أما كبرها يفرق اكيد تسعين امبير راح تجلس اكقر من السبعين امبير والله يعينك اخوي
انا نفس مشكلتك ومركب بطارية جديدة وبكرا راح اغيرها
قبل تغيرها جرب بطارية واحد من الشباب وشف كم تجلس عشان تتاكد انه من البطارية

بالتوفيق

[البانلي]

طب لاتكون نفس البطاره فيها عيب مصنعي ود البطاريه لضمان وخلهم يفحصونه

[نيسان2009]

اخي الكريم

جرب ركبها مباشرة بدون فيوز
ايضا جرب اشبكها على الاساسية

وشف النتيجة

[المصلحة]

حياك الله اخوي
المشكلة عندك لها عدة اسباب
1- بطارية أي سي ديلكو لا تناسب كثير من الثلاجات من واقع تجربة وحسب إفادة الفني ابو راكان.
2- اذا كانت درجة الحرارة داخل السيارة عالية فالثلاجة تفصل مثلاً موقف السيارة الظهر بالشمس.
3- تأكد من تهوية الثلاجة دخول وخروج الهواء لا يردة شيء.
4- بعض الثلاجات تحتاج لمراوح تبريد إضافية.


الحل
اذا كانت بطارية السيارة الأساسية غير أي سي ديلكو وصل عليها الثلاجة مباشرة واذا ما انحلت المشكلة شغل الثلاجة بالليل وجلسها برى السيارة على البطارية الأساسية وإذا اشتغلت مضبوط معاك هنا تكون الثلاجة بحاجة الى مراوح تبريد أضافية.
والله أعلم

[سرهيد]

السلام عليكم

ويحيك ربي

لا ازيد عما ذكر الاخوان من ان الاقرب في مشكلة ثلاجتك هو البطارية

انصح بان يتم شبكها بسلك آخر ومباشر على البطارية للتجريب فقط لتصل الى الاشكال

والسؤال المطروح : كم حجم البطارية يعني كم امبير ..

تحياتي لك