alwammy
25/06/2006, 01:55 AM
حبيت اقولكم يا جماعة عن حر فرخ مر علي في حيات القنص ومستحيل انساه
كنت ادعي طيوري ويا الوالد والاخوان كالمعتاد وفجاة واشوف طير يحوم معالينا
قلت لبويي وربطنا الحمامة بخيط طويلبريلها وفريناها
والطير ما صدق ولنه نازل تقول سهم وعلق الحمامة على طول
سرنا له وزخيناه عادي وعرفنا انه طير عرب لان الشبوج بريله
وكان ضعيف زووور
سألنا عن صاحبه
وفعلا حصلنا صاحبة وتخيلو شو قال لنا
قال شلوه ما باه انا اصلا عمد فارنه لانه خرطي وما ينفع
قلنا اوكي بنعده وبنشوف فعايله
ثاني يوم كنا نعلم شاهينة على كروان كسير بس ما بغاه
والطير الثاني معشينه فما شي غير هالطير وسميناه حليان
ما سوى للكروان سالفة من اليوع شله هو والتراب
عقب كم يوم فكيناه على صلال قاله على وين يا زين
وفكينا له اكثر من حمامة ولا فرط وحدة
والمشكلة انك يوم تدعيه بالتلواح يبين لك يناح يطيح من عينك سيدة
حتى في الروغ بس يكون اسرع ويعرف من وين اييها ولا يرد عن شي
حتى البط الطائر صادها بس كيف ما اعرف غط وياها وتبعناه بالجهاز لقيناه ياكل من فندوتها
قلنا ليش ما نجربه على الارانب
يبناله ارنبة بيت وفجيناها له
طار الها وارتفع وحام معاليها قلنا خلاص الطير ما يباها بس تم معاليها يحم
قلنا نتريا ومرة وحدة خر تقول مجنون وضربها ضربة والله ان الارنبة تمت تدور عالارض من قوة الضربة
وياها وحل عليها بكل سهولة وقام يزبح
ومرة وحدة علق الطير وفك الارنبة وتم ساكن وطاح على ظهره
ليش الله اعلم
وتم دقيقتين جي وعقب قام ولا كانه صار شي ورد للارنبة
شله ابويي ووسمه على قمة راسة
وتم عندنا ورصغناه
وعقب ما تجرنص وغسل عدل انا شراي وبعناله الطير
وعقب شهر اتصل راعي الطير يقول طيري زبح طيركم
وزعلت وايد عليه:(
وهذي صورة حليان
http://www.mekshat.com/pix/upload/images17/mk29305_h144.jpg
كنت ادعي طيوري ويا الوالد والاخوان كالمعتاد وفجاة واشوف طير يحوم معالينا
قلت لبويي وربطنا الحمامة بخيط طويلبريلها وفريناها
والطير ما صدق ولنه نازل تقول سهم وعلق الحمامة على طول
سرنا له وزخيناه عادي وعرفنا انه طير عرب لان الشبوج بريله
وكان ضعيف زووور
سألنا عن صاحبه
وفعلا حصلنا صاحبة وتخيلو شو قال لنا
قال شلوه ما باه انا اصلا عمد فارنه لانه خرطي وما ينفع
قلنا اوكي بنعده وبنشوف فعايله
ثاني يوم كنا نعلم شاهينة على كروان كسير بس ما بغاه
والطير الثاني معشينه فما شي غير هالطير وسميناه حليان
ما سوى للكروان سالفة من اليوع شله هو والتراب
عقب كم يوم فكيناه على صلال قاله على وين يا زين
وفكينا له اكثر من حمامة ولا فرط وحدة
والمشكلة انك يوم تدعيه بالتلواح يبين لك يناح يطيح من عينك سيدة
حتى في الروغ بس يكون اسرع ويعرف من وين اييها ولا يرد عن شي
حتى البط الطائر صادها بس كيف ما اعرف غط وياها وتبعناه بالجهاز لقيناه ياكل من فندوتها
قلنا ليش ما نجربه على الارانب
يبناله ارنبة بيت وفجيناها له
طار الها وارتفع وحام معاليها قلنا خلاص الطير ما يباها بس تم معاليها يحم
قلنا نتريا ومرة وحدة خر تقول مجنون وضربها ضربة والله ان الارنبة تمت تدور عالارض من قوة الضربة
وياها وحل عليها بكل سهولة وقام يزبح
ومرة وحدة علق الطير وفك الارنبة وتم ساكن وطاح على ظهره
ليش الله اعلم
وتم دقيقتين جي وعقب قام ولا كانه صار شي ورد للارنبة
شله ابويي ووسمه على قمة راسة
وتم عندنا ورصغناه
وعقب ما تجرنص وغسل عدل انا شراي وبعناله الطير
وعقب شهر اتصل راعي الطير يقول طيري زبح طيركم
وزعلت وايد عليه:(
وهذي صورة حليان
http://www.mekshat.com/pix/upload/images17/mk29305_h144.jpg