تكفون افيدوني

[ss1111]

يطحاطيح افيدوني عندي ناقة نزل ديسها متى تلد بعد نزول الديس

[ابو الشبرميات]

اخوي
ss1111
نزول الضرع من علامات اقتراب الولادة
لكن الابل تختلف مهيب سوى
بعضها ولادته من يوم تتم السنة وبعضها قبل بأيام
وبعضها يجر له ايام واحياناً تعدي شهرين فوق السنة
لكن اذا انطلق الخويرم تراى الناقة ما عاد باقي عليها الا فترة بسيطة
والعلامة البارزة والواضحة لقرب الموعد
هي كبر حيا الناقة فليس بعده الا الوضع والولادة
اسأل الله ان يبارك لك في حلالك وجميع المسلمين
...

[محسن المري]

اخوي اذا انت حاسب لها احسب لها بعد ماتلاقي ب 40 يووم وذا انت ماحسبت لها من يوم ينزل الصفن وينزل ويكبر حيا المطيه وينزل خويرم المطيهه واذا قامت تطرف من الابل ولا تكسر الشبوك وتسدح , اعرف انها قربت مره يومين ثلاثه بالكثيراذا طولت ,, والله يبارك لك , في حلالك ولحد يخليني من الحليب

[محمد الظاهري]

مثل ماقال ابو الشبرميات
على عد الحول اما قبله بايام او بعده
والنزول عادي وهي علامات فقط
والله يباركلك في حلالك

[قرم وفقير]

بيض الله وجيهكم انا اشهد انكم كفيتو ووفيتو يطاحاطيح

[قزيزالنعام]

مرحباً اخوي من علامة قرب الولده الخلف او الشطر يمتلئ حليب من الممكن اقل من سبوع وتلد نقول الله يبارك فيها وتجيب بكره تحيتي لك

[راع الريمة]

نزل خفيف والا ملياااان


ان كان توه نزل معناه باقيلها وقت
لكن ان كان مليااااااان ودحاليلها مليانه...رووح شوف ذنبها مخورم....يعني محفور من يمينه ويساره...وان كان مخورم وقربت ولادتها يجيك حول ذنبها مياااااه الله يعزكم وحياها منتفخ....

وليا قررررررررررررربت تراها بترفع ذنبها وبتجيبلك الشي اللي تبيه ان شاء الله

[عواد الشمري2]

اذا شفت انتفخ حيها والي فوق الحيا ترهل وصار يروج تقول ماء وقامت تسدح قريب والده اما الديد مهو شرط انه قريبه حيل