اخواني وأحبتي مشكلتي في آمبير الزيت وآمبير الحراره للاندكروزر 2004

[المجهر..]

أخواني محبكم المجهر عضو جديد هنا ولكني بداية اتوجه لكل القائمين على هذا الصرح الشامخ وكل الأعضاء الكرام دون تخصيص وبادئ بالسلام عليكم ورحمة الله وبركاته .. أسعد الله أوقاتكم بالمسرات .

أخواني شريت موتر وهو جيب لاندكروزر 2004 خليجي وممشاه 278 طبع كشفت على المكينه ونسبتها 88% وش رايكم في النسبه زينه << طبعاً هذه ليست المشكله ولكنها صفه تعريفيه والموتر له شهر معي .

المشكله الأولى : آمبير الزيت على لو lo وأوقات بسيطه يشتغل ويبقى على النص ولكن دااااااائماً على لو .
وأيضاً وآمبير الحراره ماياصل الربع سواء ماشي او واقف مع المكيف أبد مدري هو شغال والا مثل خويه . رحت لكهربائي وقال غير الطبلون كله . فأرجو كل من لديه خبره أن يفيدني وله مني خالص الدعاء في ضهر الغيب . تكفوووووووون علموني يا أهل الخبره وش الدبره .

الثانيه : الأي بي أس يهرب ع خفيف وسعره غاااالي بالحيل هل بالأمكان أغيره باكم عادي وكم يكلف .
الثالثه : علبة الدركسون اللي تحت تهرب تهريب خفيف ايضاً وشوركم يالربع . وأسأل الله بمنه وكرمه أن يرزقكم الصحة والسعادة الدائمه . تفضلو بقبول خالص تحياتي .

[فورد ماركيز]

ان شاء الله تتهنا بجيبك ومايكون فيه الا اشياء بسيطة ننتظر الخبراء

[المجهر..]

ان شاء الله تتهنا بجيبك ومايكون فيه الا اشياء بسيطة ننتظر الخبراء

الله يهنيك بنعيمه و يسلمك ويسعدك جزاك الله كل خير .. ومشكوور طال عمرك

[المجهر..]

أحس أن مشكلتي حلها معقد . وينكم يا أهل الخبره تكفوووووووون دلوني .

[وبل نجد]

اهلا اخوي مشاكلك بسيطه ان شا الله لاتهتم ابدا ان شا الله وبتذوق من موترك كل خير وتتهنئ به

مشكلتك الاولى/والله اعلم انه حساس حق الامبير وتحصله مركب فجنب المكينه من يمين اويسار
وامبير الحراره تاكد من الحساس حق الحراره او ربما يكون الامبير نفسه خربان يغير لحاله من دون الطبلون
او لاقدر الله يكون اللي شريت منه السياره يربطه بخيط صغير من الداخل
المشكله الثانيه /فيه موضوع لاحد الاخوان ذكر فيه الحل لكني ماحصلت الرابط للاسف لكن ذكر ان له اصلاح ةقطع صغيره تباع بالوكاله ويصلح من غير تغيير للنظام كامل
المشكله الثالثه/تهريب العلبه له اصلاح يباع فالوكاله وانتبه تروح لاحد الورش ويقولك اصلحه لك ومع الظمان ويجيب القطع من عنده لانه بعد فتره راح تهرب وترجع مره ثانييه
لكن الحل انك تشتري اصلاح للعلبه. وتروح لميكانيكي ويركبه لك وامورك زينه ان شا الله

اي استفسار انا حاظر

[المجهر..]

اهلا اخوي مشاكلك بسيطه ان شا الله لاتهتم ابدا ان شا الله وبتذوق من موترك كل خير وتتهنئ به

مشكلتك الاولى/والله اعلم انه حساس حق الامبير وتحصله مركب فجنب المكينه من يمين اويسار
وامبير الحراره تاكد من الحساس حق الحراره او ربما يكون الامبير نفسه خربان يغير لحاله من دون الطبلون
او لاقدر الله يكون اللي شريت منه السياره يربطه بخيط صغير من الداخل
المشكله الثانيه /فيه موضوع لاحد الاخوان ذكر فيه الحل لكني ماحصلت الرابط للاسف لكن ذكر ان له اصلاح ةقطع صغيره تباع بالوكاله ويصلح من غير تغيير للنظام كامل
المشكله الثالثه/تهريب العلبه له اصلاح يباع فالوكاله وانتبه تروح لاحد الورش ويقولك اصلحه لك ومع الظمان ويجيب القطع من عنده لانه بعد فتره راح تهرب وترجع مره ثانييه
لكن الحل انك تشتري اصلاح للعلبه. وتروح لميكانيكي ويركبه لك وامورك زينه ان شا الله

اي استفسار انا حاظر

يامرحبا أخي الحبيب وبل نجد وأشكرك على ماذكرت لاهنت يامال السعد . بالنسبه لربط الأمبير فهذا غير محسوب ليش حبيبي لأني شريت الموتر من شايب والله ومايعرف هالحركات وكلمته قال والله ياولدي من يوم شريته وهو بهذه الطريقه . والاي بي أس تقول له قطع الله يبشرك بمى يسرك . لكن لو أحوله باكم عادي كم يكلف وانا خوك عشان أرتاح والله . . وبشوف الحساسات اللي تقول ويارب تكون بسيطه . أخي وابل نجد وافر إحترامي لشخصك الكريم . وياليت من واجه مثل هالمشاكل يفيدني .

[المجهر..]

وييينكم يا أهل الخبره .. تكفوووووووون . اشوف المنتدى فيه ناس لديهم خبره وعمالقه ماشاء الله عليهم مرو على موضوعي يا أهل الخبره أرجوكم بالله .

[شامخ ألهيلا]

سلام عليكم
اخوي المجهر
من ناحية الزيت ماقدر افيدك يمكن من ساعة الزيت
من ناحية الحرارة تعبتر طبيعيه اذا فيه بلف
ابفيدك في الفرامل abc لايوجد له اصلاح في الوكالة ويباع كامل وسعره تقريباً 8000
والمستعمل 4000 ريال
لاتهمله من الان شف التهريب من وين وفيه بعض الفنين بفكه لك ويغير ربلات فيه توقف التهريب

من ناحية علبة الدركسون امرها بسيط
مر اقرب مركز هدروليك وهم وتخصصهم وهي غير مكلفه

اتمناء اني افدتك

[كاشت بالحر]

من ناحية الامبير وهذه المشكلة عندي وماخليت كهربائي مارحت لمه وكل واحد يقول كلام غير الثاني

وما قتنعت اللي يقول الطبلون والثاني من حساس الزيت وفيه واحد كهربائي قال لي بسيطه هذا من الفيوز جايهن ماء

وانا ما ادري وش السالفة والله تعبت

يارب نلاقي حل مشكلتنا وحده

[ردار 555]

الله يعينك ...

[ردار 555]

لا اله الا الله ..

[فهدنت2007]

هلا اخوي المجهر مشاكلك بسيطة والحل عندي كلها مارتن علي وانا اخوك
1_ امبير الزيت يبدو لي المشكلة عندك بالساعة اويسمونه حساس الزيت قيمته 150 ريال ضروري تغييرة لان صارت معي بنفس الموديل العداد مرة على النص ومرة على الصفر تحت غيرت الحساس وضبط العداد صار مابين الثلث والنص متحرك طبعا حسب دعسة البنزين
2_ بخصوص امبير الحرارة رح لم محل رديترات خله يتأكد من السيارة فيها بلف حرارة والا
اذا كان فيها بلف تأكد من سلامته اذا كان سليم فالمشكله عندك في الامبير ويبيلك طبلون كامل
اما اذا لم يكن فيها بلف فمعناها ان الامبير سليم لان الجيب اذا مافيه بلف تنزل حرارته تحت وماترتفع ويزيد عندك استهلاك البنزين
3_ بخصوص تهريب علبه زيت البريك انصحك انك تشيلها وتركب باكم من موديل 2000 وطالع تراه يركب ويوفرلك الكثير من المال والجوده طبعاً يحتاج ميكانيكي شاطر
4-الدودة وانا اخوك يركب لها طقم اصلاح ب300 ريال وترجع ميه بالمية كمان يحتاج واحد شاطر ومتمكن لايخرب لك الكيبل اللي داخل الطارة ويطفي البوري الزاموروالايرباق وقيمة الكيبل 400 ريال احذر واشترط عليه قبل فك الدودة دعواتك لي بالولد الصالح

[المجهر..]

وااااااااااااااااااااااا فر شكري واحترامي لكل من مر على موضوعي وممنوووون لكم بارك الله فيكم وسددخطاكم يارب .... نفسي اغير الأي بي اس وأركب باكم ومدري متخووووف يصلح اركبه وهل فيه خطوره او مشكله فيما بعد أرجوووووكم علموني ياشباب محتاج شوركم يا اهل الخبره والمهندسين راجي الله سبحانه ثم راجيكم تدلوني .

[شامخ ألهيلا]

اذا قير تماتيك موترك لاتحط باكم

[GMC89]

والله ما عندي علم ولكن الله ييسر امرك ..

[المجهر..]

يا اخوان والله اني كل يوم ادخل هنا و أتأمل الله سبحانه ان اجد لي حل في مشكلتي و يعلم الله انني محتاج لخبرتكم في موضوعي . فأرجو افادتي جزاكم الله خير

[فهدنت2007]

كتبت لك الحلول وانا اخوك اقرا ردي

[أبو ريما111]

المشاكل الأولى بسيطه ومامنها خوف تتصلح وسهله

مشكلة الأي بي اس عندي بالجيب دايم تولع اللمبه واحيان تطفى

مامنها خوف لان حتى لو مولعه اللمبه تبقى الفرامل العاديه شغاله طبيعي

وكان عندي تهريب وراح من كيفه الحمدلله ولكن بعد ماسحبت الزيت بإبرة (حقت المستشفى) وحطيت زيت فرامل اصلي من تويوتا علبه سودا لونها وراح التهريب جرب يمكن تضبط

اما بالنسبه لتغيير لباكم عادي ماانصحك لان يبي لها محترف وكذلك اللمبه بتصير شغاله على طول مع الانذار


دعواتك لبنتي

[السومر]

المشكله الأولى : آمبير الزيت على لو lo وأوقات بسيطه يشتغل ويبقى على النص ولكن دااااااائماً على لو .امبير الزيت دائمآ وفي أغلب الجيوب يكون نازل ولا تعطيه أهتمام لأن اذا فيه مشكله بعوامة الزيت بتشتغل عندك لمبه في الطبلون توضح علامة الزيت .


وأيضاً وآمبير الحراره ماياصل الربع سواء ماشي او واقف مع المكيف أبد مدري هو شغال والا مثل خويه . رحت لكهربائي وقال غير الطبلون كله . فأرجو كل من لديه خبره أن يفيدني وله مني خالص الدعاء في ضهر الغيب . تكفوووووووون علموني يا أهل الخبره وش الدبره .ما شاء الله تبارك الله . طيب بعد ما تجي من مشوار وتطفي السياره ينزل عداد الحراره ولا لا وارجع افتح السويتش شف هو يرتفع ولا لا .
ملاحظه: بعد ما تجي من مشوار وتطفي السياره اتركها 5 دقايق وافتح السويتش اذا ارتفع اكثر من ما كان عليه فهو شغال لان امبير الحراره يرتفع حاجه بسيطه عن يوم كانت السياره شغاله لحجب الهواء عن السياره بالوقوف امام جدار او ما اشبه ذلك


الثانيه : الأي بي أس يهرب ع خفيف وسعره غاااالي بالحيل هل بالأمكان أغيره باكم عادي وكم يكلف .
فيه موضوع عن حل مشكلة الباكم وتفادي تغييره بقيمه مكلفه .. نزله واحد من الاخوان و وضح المشكله في الموضوع عن تغيير جلد فقط هي المسببه في تهريب الزيت بقيمة 250 ريال مع شغل اليد
وبكذا ترتاح من التغيير الي باكم عادي و من خساره 8000 ريال تقريبآ من الوكاله

ولو رحت للوكاله يقولون لك غير الباكم كامل :(



الثالثه : علبة الدركسون اللي تحت تهرب تهريب خفيف ايضاً وشوركم يالربع . وأسأل الله بمنه وكرمه أن يرزقكم الصحة والسعادة الدائمه . تفضلو بقبول خالص تحياتي .هذي بسيطه صارت معي وكان الدركسون له صوت ونه قويه ورحت صلحته
عند ورشة الطاير بصناعية الميه بـــ 800 ريال

[مواطن مدني]

هلا اخوي المجهر مشاكلك بسيطة والحل عندي كلها مارتن علي وانا اخوك
1_ امبير الزيت يبدو لي المشكلة عندك بالساعة اويسمونه حساس الزيت قيمته 150 ريال ضروري تغييرة لان صارت معي بنفس الموديل العداد مرة على النص ومرة على الصفر تحت غيرت الحساس وضبط العداد صار مابين الثلث والنص متحرك طبعا حسب دعسة البنزين
2_ بخصوص امبير الحرارة رح لم محل رديترات خله يتأكد من السيارة فيها بلف حرارة والا
اذا كان فيها بلف تأكد من سلامته اذا كان سليم فالمشكله عندك في الامبير ويبيلك طبلون كامل
اما اذا لم يكن فيها بلف فمعناها ان الامبير سليم لان الجيب اذا مافيه بلف تنزل حرارته تحت وماترتفع ويزيد عندك استهلاك البنزين
3_ بخصوص تهريب علبه زيت البريك انصحك انك تشيلها وتركب باكم من موديل 2000 وطالع تراه يركب ويوفرلك الكثير من المال والجوده طبعاً يحتاج ميكانيكي شاطر
4-الدودة وانا اخوك يركب لها طقم اصلاح ب300 ريال وترجع ميه بالمية كمان يحتاج واحد شاطر ومتمكن لايخرب لك الكيبل اللي داخل الطارة ويطفي البوري الزاموروالايرباق وقيمة الكيبل 400 ريال احذر واشترط عليه قبل فك الدودة دعواتك لي بالولد الصالح


الله يعطيك العافية .. نفس الشي حصلت معي باستثناء اي بي اس مدري عنها
وواللي ذكرته في الباقي مضبوط وهذا اللي سويته في موترنا 2002 لاند كروزر
اذكر طقم الاصلاح حق الباور بعشرين دينار وشغل اليد بخمسة وثلاثين دينار
وعداد الزيت بعد من الدقمة او الحساس بدلتها سعرها حول 18 دينار او اقل وضبط ضغط الزيت وهو اول دايم نازل تحت ومرات يوصل النص او تحته شوي
والحرارة اذا على الربع دايم اشوفها طبيعية وخاصة اذا نظام التبريد تمام ..

والله يعطيكم العافية جميعاً .. ماقصروا الشباب خوش اجابات بخصوص امبير الزيت
وطقم اصلاح الباور وامبير الحرارة لأنها والله ماره علي وخابرها عن تجربة
والباقي هم اكيد ابخص والحين عرفناها الله يجزاهم غير ..

[الشاهين111]

بسم الله الرحمن الرحيم
اخوي المجهر بالنسبة لعداد ضغط الزيت مافيه مشكلة مادام انه يشتغل (يعني يرتفع وينزل )المشكلة عندك
اما من الحساس الي هو ساعة الزيت او تكون عندك طرمبة الزيت ضغطها ضعيف ولاتهملها
شيك على ساعة الزيت اول والله يعينك

[ابوياسر11]

مشكلتي مع الفرامل في نظام abs لجيب تايوتا gxr -vxr )



اكتب في قوقل هذه العبارة وستجد ماينفعك بقوة في الفرامل

[asdc]

اخوي المجهر بخصوص ABS

[asdc]

اخوي المجهر بخصوص ABS حصل معي نفس المشكله
اولأ: لاتترك الزيت ينقص لانه يخرب الدينمو والطرمبه الموجوده بالجهاز
ثانيا: يتم اصلاحه ويباع قطع غير له ولاكن المشكله بلفني المتخصص فاذا كان التهريب تحت علبة الزيت مباشرةً فهو يحتاج تغيير ثلاث ربلات تحت العلبه أما اذ التهريب من المنظم يحتاج وجه المنظم او تغييره كامل طبعن يوجد عند التركي قطع من التشليح وسعرها مناسب فأنا قمت بالصلاحه عند كهربائي تركي ببريده بشارع التجاري مقابل المسجد اما بخصوص عداد الزيت فاذا لقيت الحل قلي لاني عندي نفس المشكله والمعذره لضعف الاملاء