White_Shark
25/06/2012, 02:04 PM
السلام عليكم ورحمة الله وبركاته
يوم الربوع الماضي دق علي ( ولد أختي ) بعد ماطلعت له تصريح قبلها بيوم للحداق في جزيرة أبو علي , وقال يبي يروح معي و صار له مدة عن الحداق لأن توه جاي من أمريكا بعد الدراسة في إجازة .. وكان يومها الجو " غبار " فقلت له الجو مايساعد .. فأصّر أنه يطلع لأبوعلي :D ( يقول فيني صيدة سبيطي وخاصة بعد ماشفت تقاريرك الأخيرة والمسلسلات ) لأن ماعمره صاد سبيطي وماخليه يدخل معي داخل البحر لأني بشيل همه .. و قلت له خلاص بس اطلع من الدوام أمرك ونتوكل على الله .. وبوديك محل ندخله شوي يعني مسافة 150 متر
المهم طلعت من الدوام ومريت البيت .. تبون شي أنا طالع لأبو علي .. وبدلت وجهزت العده وخذيت ( ميد ) ومريت ولد أختي وقال وش أجيب معي ؟ قلت له جوتي حق البحر وبس !! قال مدري عن جوتيي وين صار ؟! قلت نشتريك لك واحد .. وشرينا الله يعزكم جوتي للبحر .. ووقفنا عند بقالة وشرينا ( العزبة ) ووصلنا العصر عند البوابة ودخلنا لين صفطنا عند الموقع .. وكان البحر توه يثبر ومازال عميق .. فقال لي والحل .. قلت لازم ننتظر لين ينزل شوي مستوى البحر وبعدها نقدر ندخل .. فقال يعني كم ساعة .. قلت احتمال ساعتين أو ثلاث :eek: .. فقال طيب وبنقعد جالسين كذه ؟! قلت مافيه غير هذا الحل .. وصيد على السيف قليل ولاتتعب نفسك .. المهم جلسنا نسولف عن أمريكا وعن الحداق .. ويقص لي بطولاته في صيد السمك في بحيرات الثلج .. وشلون يفتحون لهم فتحه فوق البحيرة المتجمده ويصيدون سمك أكبر من الكف .. وشوي وزاد علينا الغبار .. وقال خلينا نجلس في السيارة .. قلت له في عندي " كمامات " في السيارة إذا تبغى خذ لك واحد عن الغبار .. وأذن المغرب وصلينا وأنا كل شوي اروح للسيف اطالع وين وصل الثبر .. والدنيا كانت ظلمة وحتى أنوار الجبيل الصناعية والمصانع ماتشوف منها شي من قوة الغبار .. فقال لي ولد أختي يبغى ينام شوي :o .. قلت مابتعرف تنام هنا !! .. قال ليش :eek: !! قلت له إذا طلعنا من البحر ذكرني بعدين وأسولف لك .. قال والله من الحين بديت أخاف .. قلت مافيه شيء .. بس ذكرني بعدين :D .. " أم الرعب " :D .
يوم نزل مستوى البحر شوي .. قلت له يالله قوم البس جوتيك .. وفي العادة إذا دخلنا بالليل نخلي ( السراج ) شغال فوق السيارة .. لكن ماخذيته من الشباب .. وتوكلنا على الله ودخلنا داخل ومستوى البحر لين الساق .. فمشينا لين وصلنا موقع الحداق وعطيته حداقه وأنا قاط حداقتين على ميد بس .. ورمينا باتجاه يكون أغزر .. ومستوى البحر لازال ينزل .. الحين بيضرب سبيطي .. الحين بيضرب .. مافيه شي .. قال لي ولد أختي ( هذا موقعكم اللي تصيدون منه سبيطي ) ؟! قلت له ( لأ ) .. قال أفااا , ليش ماخذيتني له ؟ .. قلت بعيد ويحتاج مشي كيلو ونص .. وبعدين مستوى البحر بيكون أعمق وغبار فما أبغى أجازف .. المهم الرجال طفش وزهق وكل شوي يقول نبغى نصيد حتى لو لخمة :D .. فما توفقنا بالصيد .. قلت له يمكن يبدي الصيد مع السقي " المد " .. وانتظرنا لين بداية المد ومابين شيء برضه .. فقلت له يالله مشينا .. مالنا رزق اليوم .. وحنا راجعين كان الغبار خف شوي وكان عندي " كشاف قوي " فوجهته باتجاه السيارة من بعيد وبانت لمعة الأنوار الخلفية .. وحنا راجعين شاف قبقب واقف فوق صخرة صغيرة وراح تحت الصخرة وراح يطرد وراه :D .. وقلت لو ترفع هذي الصخور يمكن تلقى تحتها " نغاق " .. وهو يعرف النغاق من تقاريري بس ماعمره شافه .. المهم قال يالله ندور .. فجلسنا نرفع الصخور وندور نغاق لمدة ربع ساعة تقريباً .. ولا ارفع راسي إلا الغبار صار قوي .. ومستوى الرؤية بالكشاف صارت قصيرة .. ووجهته باتجاه السيارة لكن مابين شي .. فظليت واقف .. قال لي ولد أختي ( شكلك ضيعت يخال ) .. قلت لا ماضيعت بوصلتي تقول بهذا الاتجاه :D .. بس ما أبغى أمشي إلا وأنا متأكد من الإتجاه .. فجلست أطالع يمين يسار أبغى أشوف أثار خطوات دخولنا مابين شي .. المهم قلت له توكلنا على الله .. ومشينا ومشينا .. وحسيت أن المسافة للسيف بعدت شوي .. فعرفت بأننا ميلنا شوي ولكن قلت الأهم بأن نطلع للسيف قبل مايرتفع مستوى البحر ويصير المشوار أتعب .. وبعدها بيّن السيف ومشينا باتجاهه وطلعنا الحمد لله .. فقال لي طيب الحين السيارة ( يمين ولا يسار )!! .. المشكلة ماتقدر تشوف شيء .. فقلت أغلب الظن أنها يسار خلينا نجرب نمشي .. ومشينا .. ومشينا وقام السيف ينحني بنا .. فقلت بس أرجع السيارة ورانا بالإتجاه الثاني ( عرفت من الحنية ) .. فرجعنا ومشينا ومشينا لين شفت " طعيس " صغير وقلت السيارة ورى هذا الطعس .. وبيني وبينكم كنت مشكك بعد .. يمكن يطلع طعيس ثاني يشبه اللي صفطنا عنده .. ولكن الحمد لله طلع هو نفسه وفعلاً لقينا السيارة .. ويوم وصلنا قال لي ولد أختي ( أفااا , وايت بن شارك يضيع في راس ابو علي ) ؟! قلت له ( البحر مايعرف وايت بن شارك ولا يحسب له حساب ) .. قال لي أجل ( بتكتب القصة هذي في المنتدى ولا فيها إحراج عليك) :D .. قلت له (إذا فضيت بكتبها ومافيها عيب أو إحراج بالعكس فيها فايدة كبيرة , وموعيب أن الواحد يتعلم من أخطاءه ومن أخطاء غيره , ومر علي مثل هذا الموقف في " منيفه " وقابلنا شايب مضيع سيارته في الغبار من نص الليل لين الصبح ومالقى سيارته وظل جالس على السيف ست ساعات وهو ينزف من رجله لأنه طاح على صخور وانشقت رجله ومامعاه أكل ولا مويه .. وعشان كذه كان هذا الموقف في بالي ومارحنا لموقعنا أبو مشي كيلو ونص .. يوم ركبنا السيارة الا يقول لي ( وش قصة يوم تقول لي مابتعرف تنام هنا ) .. فقلت له عن القصص والسوالف المرعبة اللي كتبتها في مواضيعي السابقة و اللي واجهناها في جزيرة أبو علي .. فقال كويس بأنك ماقلتها لي قبل ماندخل , لأني لو سمعتها قبل ماراح أدخل معاك حتى لو تقول لي فيها ثلاجة سبيطي :D.
وبعدها وصلت للمنزل وجلست أفكر وأحمد الله بأنني لم آخذه للموقع الآخر البعيد والأكثر صعوبة والأشرس من ناحية التيارات القوية , وإلا لو أخذته وحدث لنا مكروه لا سمح الله فسيكون في عنقي وهل سيرضى الله عني ثم والدته .. وشكراً لله على كل حال .
تحياتي لكم .
يوم الربوع الماضي دق علي ( ولد أختي ) بعد ماطلعت له تصريح قبلها بيوم للحداق في جزيرة أبو علي , وقال يبي يروح معي و صار له مدة عن الحداق لأن توه جاي من أمريكا بعد الدراسة في إجازة .. وكان يومها الجو " غبار " فقلت له الجو مايساعد .. فأصّر أنه يطلع لأبوعلي :D ( يقول فيني صيدة سبيطي وخاصة بعد ماشفت تقاريرك الأخيرة والمسلسلات ) لأن ماعمره صاد سبيطي وماخليه يدخل معي داخل البحر لأني بشيل همه .. و قلت له خلاص بس اطلع من الدوام أمرك ونتوكل على الله .. وبوديك محل ندخله شوي يعني مسافة 150 متر
المهم طلعت من الدوام ومريت البيت .. تبون شي أنا طالع لأبو علي .. وبدلت وجهزت العده وخذيت ( ميد ) ومريت ولد أختي وقال وش أجيب معي ؟ قلت له جوتي حق البحر وبس !! قال مدري عن جوتيي وين صار ؟! قلت نشتريك لك واحد .. وشرينا الله يعزكم جوتي للبحر .. ووقفنا عند بقالة وشرينا ( العزبة ) ووصلنا العصر عند البوابة ودخلنا لين صفطنا عند الموقع .. وكان البحر توه يثبر ومازال عميق .. فقال لي والحل .. قلت لازم ننتظر لين ينزل شوي مستوى البحر وبعدها نقدر ندخل .. فقال يعني كم ساعة .. قلت احتمال ساعتين أو ثلاث :eek: .. فقال طيب وبنقعد جالسين كذه ؟! قلت مافيه غير هذا الحل .. وصيد على السيف قليل ولاتتعب نفسك .. المهم جلسنا نسولف عن أمريكا وعن الحداق .. ويقص لي بطولاته في صيد السمك في بحيرات الثلج .. وشلون يفتحون لهم فتحه فوق البحيرة المتجمده ويصيدون سمك أكبر من الكف .. وشوي وزاد علينا الغبار .. وقال خلينا نجلس في السيارة .. قلت له في عندي " كمامات " في السيارة إذا تبغى خذ لك واحد عن الغبار .. وأذن المغرب وصلينا وأنا كل شوي اروح للسيف اطالع وين وصل الثبر .. والدنيا كانت ظلمة وحتى أنوار الجبيل الصناعية والمصانع ماتشوف منها شي من قوة الغبار .. فقال لي ولد أختي يبغى ينام شوي :o .. قلت مابتعرف تنام هنا !! .. قال ليش :eek: !! قلت له إذا طلعنا من البحر ذكرني بعدين وأسولف لك .. قال والله من الحين بديت أخاف .. قلت مافيه شيء .. بس ذكرني بعدين :D .. " أم الرعب " :D .
يوم نزل مستوى البحر شوي .. قلت له يالله قوم البس جوتيك .. وفي العادة إذا دخلنا بالليل نخلي ( السراج ) شغال فوق السيارة .. لكن ماخذيته من الشباب .. وتوكلنا على الله ودخلنا داخل ومستوى البحر لين الساق .. فمشينا لين وصلنا موقع الحداق وعطيته حداقه وأنا قاط حداقتين على ميد بس .. ورمينا باتجاه يكون أغزر .. ومستوى البحر لازال ينزل .. الحين بيضرب سبيطي .. الحين بيضرب .. مافيه شي .. قال لي ولد أختي ( هذا موقعكم اللي تصيدون منه سبيطي ) ؟! قلت له ( لأ ) .. قال أفااا , ليش ماخذيتني له ؟ .. قلت بعيد ويحتاج مشي كيلو ونص .. وبعدين مستوى البحر بيكون أعمق وغبار فما أبغى أجازف .. المهم الرجال طفش وزهق وكل شوي يقول نبغى نصيد حتى لو لخمة :D .. فما توفقنا بالصيد .. قلت له يمكن يبدي الصيد مع السقي " المد " .. وانتظرنا لين بداية المد ومابين شيء برضه .. فقلت له يالله مشينا .. مالنا رزق اليوم .. وحنا راجعين كان الغبار خف شوي وكان عندي " كشاف قوي " فوجهته باتجاه السيارة من بعيد وبانت لمعة الأنوار الخلفية .. وحنا راجعين شاف قبقب واقف فوق صخرة صغيرة وراح تحت الصخرة وراح يطرد وراه :D .. وقلت لو ترفع هذي الصخور يمكن تلقى تحتها " نغاق " .. وهو يعرف النغاق من تقاريري بس ماعمره شافه .. المهم قال يالله ندور .. فجلسنا نرفع الصخور وندور نغاق لمدة ربع ساعة تقريباً .. ولا ارفع راسي إلا الغبار صار قوي .. ومستوى الرؤية بالكشاف صارت قصيرة .. ووجهته باتجاه السيارة لكن مابين شي .. فظليت واقف .. قال لي ولد أختي ( شكلك ضيعت يخال ) .. قلت لا ماضيعت بوصلتي تقول بهذا الاتجاه :D .. بس ما أبغى أمشي إلا وأنا متأكد من الإتجاه .. فجلست أطالع يمين يسار أبغى أشوف أثار خطوات دخولنا مابين شي .. المهم قلت له توكلنا على الله .. ومشينا ومشينا .. وحسيت أن المسافة للسيف بعدت شوي .. فعرفت بأننا ميلنا شوي ولكن قلت الأهم بأن نطلع للسيف قبل مايرتفع مستوى البحر ويصير المشوار أتعب .. وبعدها بيّن السيف ومشينا باتجاهه وطلعنا الحمد لله .. فقال لي طيب الحين السيارة ( يمين ولا يسار )!! .. المشكلة ماتقدر تشوف شيء .. فقلت أغلب الظن أنها يسار خلينا نجرب نمشي .. ومشينا .. ومشينا وقام السيف ينحني بنا .. فقلت بس أرجع السيارة ورانا بالإتجاه الثاني ( عرفت من الحنية ) .. فرجعنا ومشينا ومشينا لين شفت " طعيس " صغير وقلت السيارة ورى هذا الطعس .. وبيني وبينكم كنت مشكك بعد .. يمكن يطلع طعيس ثاني يشبه اللي صفطنا عنده .. ولكن الحمد لله طلع هو نفسه وفعلاً لقينا السيارة .. ويوم وصلنا قال لي ولد أختي ( أفااا , وايت بن شارك يضيع في راس ابو علي ) ؟! قلت له ( البحر مايعرف وايت بن شارك ولا يحسب له حساب ) .. قال لي أجل ( بتكتب القصة هذي في المنتدى ولا فيها إحراج عليك) :D .. قلت له (إذا فضيت بكتبها ومافيها عيب أو إحراج بالعكس فيها فايدة كبيرة , وموعيب أن الواحد يتعلم من أخطاءه ومن أخطاء غيره , ومر علي مثل هذا الموقف في " منيفه " وقابلنا شايب مضيع سيارته في الغبار من نص الليل لين الصبح ومالقى سيارته وظل جالس على السيف ست ساعات وهو ينزف من رجله لأنه طاح على صخور وانشقت رجله ومامعاه أكل ولا مويه .. وعشان كذه كان هذا الموقف في بالي ومارحنا لموقعنا أبو مشي كيلو ونص .. يوم ركبنا السيارة الا يقول لي ( وش قصة يوم تقول لي مابتعرف تنام هنا ) .. فقلت له عن القصص والسوالف المرعبة اللي كتبتها في مواضيعي السابقة و اللي واجهناها في جزيرة أبو علي .. فقال كويس بأنك ماقلتها لي قبل ماندخل , لأني لو سمعتها قبل ماراح أدخل معاك حتى لو تقول لي فيها ثلاجة سبيطي :D.
وبعدها وصلت للمنزل وجلست أفكر وأحمد الله بأنني لم آخذه للموقع الآخر البعيد والأكثر صعوبة والأشرس من ناحية التيارات القوية , وإلا لو أخذته وحدث لنا مكروه لا سمح الله فسيكون في عنقي وهل سيرضى الله عني ثم والدته .. وشكراً لله على كل حال .
تحياتي لكم .