صوت موية بالباترول

[نيسان فتك]

السلام عليكم ورحمة الله وبركاته
اسعد الله مساكم بكل خير
عندي مشكلتين بالباترول فتك 2006م
الاولى : اسمع صوت موية بالسيارة من ورا ولا ادري من وين هالصوت
الثانية : وادري ان اكثر الناس معارض فيها بس ودي اخذ رايكم
وهي طبلون السيارة يفصل عند سرعة 180 تقريباً تنصحون افك الفصلة ولا لا علماً ان سرعتي معقولة يعني مااتعدى 160 وهل لو فصلت الطبلون له تاثير على المكينة

[Salamah.y]

بالبداية الله يبارك لك بحلالك , و يكفيك شرّهـ .. بالنسبه لصوت المويه
شيك على الاديتر و طبلته و الخراطيش , و مجاري الماء في البلوك و الراس
تأكد ان مافيه تهريب مويه , و تأكد اذا موية الأديتر ناقصه او لا ~

كنت اسمع هالصوت بموتري , لكزس
و و مع التشييك اتضح لي ان طبلة الاديتر تهرّب المويه
و كان فيه سدد بمجاري الموية ~

غيرت الطبلة و نظفت المجاري , و ضبط الحمدلله

,

اما الفصله , و الله و انا اخوك ما انصحك
الدنيا ملحوقه و السرعه مامن وراه خير , بعدين 180 اصلا ً كثيره
فما بالك فوق الـ 180 ,, الله يكفينا وياك شر هالحديد !!
استخر و لا تفك الفصله , بالنسبه لضررها يفيدونك الاخوه
و ما اظن فيه ضرر من فكة الفصلة , ممكن الضرر من جلد المكينه على سرعات عاليه


كل التوفيق @~

[واثق الخطوه-]

وعليكم السلام اخوي بالنسبه لصوت المويه من ورا يمكن فيه تانكي ماء مركب ورا لأنك تقول الصوت من ورا بس اذا كان الصوت قدام وانت في الغماره هذا طبيعي يجي عندي هذا الصوت فتره ويروح وموتري 2009 وبالنسبه للفصله موتري يفصل على 200 ولا انصحك بالسرعه خلك على 160

[نيسان فتك]

بالبداية الله يبارك لك بحلالك , و يكفيك شرّهـ .. بالنسبه لصوت المويه
شيك على الاديتر و طبلته و الخراطيش , و مجاري الماء في البلوك و الراس
تأكد ان مافيه تهريب مويه , و تأكد اذا موية الأديتر ناقصه او لا ~

كنت اسمع هالصوت بموتري , لكزس
و و مع التشييك اتضح لي ان طبلة الاديتر تهرّب المويه
و كان فيه سدد بمجاري الموية ~

غيرت الطبلة و نظفت المجاري , و ضبط الحمدلله

,

اما الفصله , و الله و انا اخوك ما انصحك
الدنيا ملحوقه و السرعه مامن وراه خير , بعدين 180 اصلا ً كثيره
فما بالك فوق الـ 180 ,, الله يكفينا وياك شر هالحديد !!
استخر و لا تفك الفصله , بالنسبه لضررها يفيدونك الاخوه
و ما اظن فيه ضرر من فكة الفصلة , ممكن الضرر من جلد المكينه على سرعات عاليه


كل التوفيق @

مشكور وما قصرت على مرورك
وجزاك الله خير على المعلومات اللي كتبتها والله يكفينا وياك شر الحديد ويبارك لنا ولك في حلالنا

[نيسان فتك]

وعليكم السلام اخوي بالنسبه لصوت المويه من ورا يمكن فيه تانكي ماء مركب ورا لأنك تقول الصوت من ورا بس اذا كان الصوت قدام وانت في الغماره هذا طبيعي يجي عندي هذا الصوت فتره ويروح وموتري 2009 وبالنسبه للفصله موتري يفصل على 200 ولا انصحك بالسرعه خلك على 160


شاكر لك على المرور وجزاك الله خير
انا فعلاً مركب تانكي ماء في الخلف
بس اللي اسمعه صوت ماء كأنه يغلي
ولا أظن انه صوت ماء التانكي
ولكن ليطمئن قلبي بفرغ ان شاء الله التانكي واتاكد واعطيكم العلم ان شاء الله