مدرب طيور [الأرشيف] - منتديات مكشات

مشاهدة النسخة كاملة : مدرب طيور

ابو العز بلس

25/06/2006, 04:29 AM

السلام عليكم ورحمة الله وبركاته
ياجماعة اريد شخص يدرب لي الطير ويكون مكانه في الرياض او قريب من الرياض
ويكون ثقة وكم تكون اسعار التدريب
وجزاكم الله خيرا

alwammy

26/06/2006, 12:52 AM

هلا اخويي
انا من الامارات وما عندي فرصة اسوي لك هالخدمة
بس عندي فضول
شو الطير الي تبي تعلمه
وانصحك لو تحاول تدربه بنفسك
مشان تفهم طيرك وتضمنه

خيال الصبحا

26/06/2006, 02:19 AM

السلام عليكم
لا أخي alwammy
أنا اختلف معك بهذا الشيء
الأخطاء التي تحدث أثناء التدريب
تنعكس على الطير مستقبلاً.لذلك أنصح
أنه يحطه بيد صقار متمرس على هذه الشغله
والآن أعتقد أن الوقت ماهو مناسب للتدريب.لذلك
إذا حبيت تدرب الطير أصمل على رايك ودور لك صقار
يدربه لك.وأن شاء الله الشباب مايقصرون معك الي عنده خبر
عن صقار يدرب أو واحد منهم يخدمك بنفسه.وأنت خلك معه مره أو مرتين
تشوفهم يدربون الطيور وتتعلم تدرب طيورك بنفسك مع الأيام.على كل حال مر محلات
الطيور وأسأل وأن شاء الله تحصل الي يدربه لك.أسف على الإطاله .وشكراً

الفيتو

26/06/2006, 03:24 AM

طيرحوران

26/06/2006, 09:12 AM

بسم الله الرحمن الرحيم

السلام عليكم ورحمة الله وبركاته
مساء الخير يا خوي / حيدون
انا مع كلام اخوي خيال الصبحا ميه ميه بعدين اي نوع من التدريب
تخديم الطير والا تعليم على صيده معينه .كل شي له تسعيره
وش طيرك ووش تبغى تدريبه عشان نكون على بياض
من البدايه واظن ما نختلف .تراي خسران
في الأسهم وابغى اعوض
والسلام
الفيتو
الحجاز
30/6/1427هـ

الأخ حيدون
حياك الله
ترى اشوف الفيتو أفضل واحد في تدريب الطيور خبره اكثر من 30 سنه
وغير ذلك انه محتاج يعني يبي يبذل جهد مضاعف في التدريب فنصيحه لا تفوته لا وترى الرجال ثقه وووو يكفي هذا
الف شكر للجميع

ابو العز بلس

26/06/2006, 01:51 PM

جزاكم الله خير الجزاءا
اخوي الفيتو
كم رقمك

طيرحوران

26/06/2006, 01:57 PM

حياك الله ياحيدون وابشر والله بسرعة الرد حظك أني كنت متواجد على الماسنجر
عموما
الفيتو وما ادراك مالفيتو
تعريفه لغة هو رجل من الرجال المشهود لهم بالخير
تعريفه اصطلا حا صقارمحنك من الطراز القديم ومحب للطيور ويقني الطيور الثمينه والفعاله (محب للدنيا) واي يشيء عن طريق الطيور يبي يفيدك فيه
والسلام

خيال الصبحا

26/06/2006, 07:30 PM

السلام عليكم
الفيتو من الحجاز
والرجال يبي من نجد
ولكن لو كانت لك روحه
للحجاز ترى الفيتو (ماشاء الله
عليه)صقار من يوم أمريكا بالصنادق:D
وأن مسك طيرك فهذا مربح لك.وبكره تبي
تهده على النياق والبعارين ههههههههههههههه

عموماً زبدة الهرج.كان أتفقت مع الفيتو تراك أنت الربحان

ابو العز بلس

26/06/2006, 11:28 PM

طيب ابي رقمه كيف

مارشال

27/06/2006, 12:17 AM

انا مستعد اعلمك على استخدام الجهاز! ..........وهذا شي مهم

الفيتو

27/06/2006, 03:17 AM

بسم الله الرحمن الرحيم

السلام عليكم ورحمة الله وبركاته

مساء الخير يا خوي / حيدون

ياهلا والله وانا ما ابغى امدح نفسي هاشف الجماعه زكوني . قربنا نتفق بس انت وانا خوك ما علمتنا

طلبك بالضبط ودنا نتفاهم على الهوا مباشره والشباب متواجدين ..من باب الدعايه .. ويمكن

يكثرون الزباين وهذا اخوي مارشال ماقصر وبتفاهم معه يعني بأخذاها مقاوله

تدهيل وتدريب على الجهاز وانا احاسب ما رشال بعدين واللي بيدخلون

معنا..يمكن راعي مقيض بعد يدخل معنا وتصير تدهيل وتدريب

وتعليم جهاز وتقييض طير ويمكن يدخل معنا دليله مواقع

صيد وتصير تدهيل وتدريب وتعليم جهاز وتقييض

طير ودليله مواقع صيد ويمكن يدخل معنا قناص ياخذ الطير

ويصيده وانت مرتاح من البرد التعب . وتصيرتدهيل وتدريب وتعليم

جهاز وتقييض طير و دليله مواقع صيد وقناص ياخذ الطير ويصيده وانت

مرتاح من البرد..كلها في صالحك ياخوي بس اخاف يدخل معنا عميل مزدوج

ياخذ علومنا ويبلغ عنا .. وتلقى اسامينا في قائمة المطلوبين لأمريكا متهمين بالأرهاب

لأن الأرهاب لهالحين ما لقوا له تعريف (هل هو اللي يقتل مثل الأسرائيليين والا اللي ينقتل

مثل الفلسطينيين) (وهل هو اللي يقتل العراقيين والا الخليه اللتي تخطط لـ قتل الحباري والأرانب)

والسلام

الفيتو

الحجاز

1/7/1427هـ

خيال الصبحا

27/06/2006, 03:33 AM

السلام عليكم

ماشاء الله عليك

يالفيتو .رتبت كل شيء.

مافيه وظيفه شاغره بأسم

خوي.يخاويكم ويتونس مع هالوجيه

الطيبه.وبالأخير ياخذ المقسوم ويمشي هههه

عموماً مشكور على أسلوبك وطرحك الحلو وجزاك

الله ألف خير.

حزام سبيع

28/06/2006, 08:09 PM

حرام عليكم تتمسخرون على الريال
ماطلب شي عيب

خيال الصبحا

28/06/2006, 09:14 PM

حرام عليكم تتمسخرون على الريال
ماطلب شي عيب
الأخ عفريت
السلام عليكم
ماهي مسخره مثل
ماتقول.صادقين والله
إذا الفيتو مسكه تراه من
حظ الرجال.جزاك الله خير

العزيزي

29/06/2006, 11:23 PM

مساء الخير للجميع كيفكم ان شا الله بخير بصراحه هذي اول مشاركه لي في هذا المنتدى.

الاخ حيدون انا راعي طيور وانا حاضر لتعليمك على الصقاره وتدريب طيرك انت الي تدربه وانا معاك
(طبعاً بدون مقابل)
واعلمك على اي شئ تبيه عن الصقاره والطيور, من غير قصورللي هنا في المنتدي فيهم الخير والبركه.

مع العلم انا من سكان الرياض وهذا رقمي(0556448829)

خيال الصبحا

30/06/2006, 02:18 PM

السلام عليكم
الأخ العزيزي
أشكر لك مبادرتك الكريمة
وجزاك الله ألف خير.
وشكراً