ودي رايكم بمرض طيري

[yasser1389]

السلام عليكم ورحمة الله وبركاته
يالربع عندي حر ما شاء الله فاعل ورابطه عندي بالبيت واليوم طلعت عنده اعلفه لاحظت عليه يحاول يروبج كررها كثير وهومابه رباجه ويوم مسكته لقيت بلهاة الطير بياض مثل الحبوب بس موقلاع الله واعلم التهاب بالهاة وفيه ورم خفيف بوحده من رجوله من تحت مكان السده لكن ما به سده ولا حفاه الحمد لله اللي عنده خلفيه يفيدنا انا عطيته اليوم حبتين من علاج القلاع وحبة مضاد حيوي وبعد ربع ساعه زوعها هل كثيره عليه الكميه او اعطيه اول حبوب القلاع ولا تشافه من الحبوب اللي بحلقه اعطيه المضاد وانا اقول ان الورم الخفيف اللي برجله ممكن يكون مثل ما نقول بالعاميه حيل للالتهاب اللي فيه وش رايكم يالربع الطير تراه يعلف عادي جدا وما به ريحه
وشكرا للجميع

[توكار]

ولله ماحنا أهل عرف لكن ماأقوووووووووووووول الله يشفيه ويعافية من كل سقم ومن راي لاتتهون عجل بدقة السلف لمستشفي الرياض

[yasser1389]

الله يجزاك خير

[وسًاام]

الله يشفيه

[ابودواس518]

الله يشفيه

[عبيد العرجاني]

الله يشفيه ويبارك لك فيه

[راعي لادن]

مرحباً اقرب بيطري انشا الله تلقا العلاج ... تحياتي

[النااااااادر]

مثل ماقالك اخونا اقرب بيطري


فالك الجنه

[قلب ذيب]

وعليكم السلام ورحمة الله وبركاته .
.. ان شاء الله مايشوف شر من الافضل الذهاب به الى البيطري .
من وصفك الطير به قلاع وعلاج القلاع معروف , اما باخذه من البيطري او دهن فم الطير بالدواء الازرق الخاص ( بالكاثي ) عند الاطفال , اما ورم الرجل بأربط الطير بسبق واحد اذا كان مهوب طلق وبدل وكره الى وركر من الترتان او وكر غير صلب ... والله الموفق .

[عاشق البسيتين]

يعافيه الله وفاله الخرب

[خيرها بغيرها]

مرحبا ياياسر
من كلامك ان الي فا الطير فطريات احتمال تكون مسببة للقلاع الداخلي وعلاجة بسيط انشاء الله داوم على كورس القلاع خمسة ايام وبعدين أبدا بأي كورس تبغاة وبنسبة للكف بدل وكرة بحصاة بحر ان وجد وبعد مكان الماء من شأن اكفوفة وعقبال صيدة للخريش
ودمتم سالمين

[الـسـاطـع]

أنصحك لاتهمل الطير وتطبب فيه بدون أية خبره أوتشخيص من طبيب
أفزع لأقرب بيطري أو مستشفى
الله يشفيه ويباركلك فيه ويطعمك من صيده

[هاوي وكارى]

الله يشفيه وانا رأيي مع الساطع لا تتهاون فية وافزع وودة لا تخلية

[جـرح الشمـال]

طيرك فيه اقلاع وده لقرب مستشفى للطيور
عندك في الرياض وعنيزه والحفر
شف اقرب مستشفى لك منهن وده بس نصيحتي لك لاتاخر على طيرك

[yasser1389]

اشكر جميع اللي ردوووو عليا
وبالنسبه للبيطري ما عندنا بالديره بيطري لكن ورم الكف وش علاجه اللي يعرف مرهم لا يبخل علينا

[جـرح الشمـال]

حط له رمل خله ينزل عليه
وحجر مالح بنسبه لكفه

[(هزاع)]

اللي بطيرك اقلاع الله العالم
وما للي بكفوفه دخل بالاتهاب
الكفوف هين امرها طوبة طين جافه ون مالقيت حجر وشف السبوق وتاكد منها
اما الاقلاع لاتلاحقت عليه ماهوب شي
وبودي اعرف وين ديرتك يمكن اني افيدك
وعلفه هبر بدون عضم

[احمدالصالح]

هذا قلاع وانا اخوك لازم تاخذله حبوب تلقاه عند العويدي او الصقر والصقار

[راعي شلهوب]

يامررحبا ومسهلا ومايشووف شر الطير
الطير اذا انت متاكد انه مهب اقلاع هاذا الله يسلمك فطريات
والفطريات لها كورس غير القلاع والسبارتكس ماتنفع معاه
وهاذا الكلام جايبه من الدكتور علاء اللي بمسشتفى العرين
لان كان عندي طير مريض وانا اقول قلاع وعطيته من الحبووب الين ايست منه ولاطاب
وشافه الدكتور قال فطريات وعطاني كورس وسلم الطير
وبالنسبه لطيرك يوم قذف يمكن المضاد اللي انت عطيته قوي عليه حاول تخففه شوي
والحق على الطير بالعلاج
وبالنسبه للحفاه افادوك الاخوان بالاضافه الى مرهم ابواسد وفيه انوواع مراهم جديده وقويه
وشف تجارب الشباب اللي بالمنتدى
اتمنى اني افدتك

[أبو فااارس]

صباح الخير .. الطير فيه بكتيريا بمعلفه وبمنسره والبكتيريا هي اللي يسمونها الاخوان فطريات وورم كفه التهاب بسبب البكتيريا وترى فيه طيور الالتهاب ينفخ عين الطير وينفخ راسه مثل الآدمي بعض الاوادم من لاشي تلقا فمه وارم والا برطمه ههه الله يزين احوال الطير شف أي واحد قريب من الرياض والا القصيم يمر المستشفى ويجيب لك مضاد حيوي عن البكتيريا وحبوب التهاب ومثل ماقال هزاع عطه صافي واسقه ماء زود عليه

[جفنان ينبع]

أنصحك لاتهمل الطير وتطبب فيه بدون أية خبره أوتشخيص من طبيب
أفزع لأقرب بيطري أو مستشفى
الله يشفيه ويباركلك فيه ويطعمك من صيده

:good2::good2::good2::good2::good2::good2:

[سنجااار]

الي بفم الطير مثل ما افادوك قلاع / بنطن كف الطير سليم مافيه شي او ورم بس

[بو عبدالله 11]

جزاهم الله خير ما قصرو الاخوان

[جـرح الشمـال]

اسمع اخوي فيه اعلاج سريع مفعوله خاص بالقلاع
تعطيه نصف حبه لمدة 3 ايام فقط من
افلاجين 250قبل العلف بنص ساعه اذا تقدر تحطها بحلقه مباشره
او تضعها بقطعه الحمه صغيره لمدة 3 ايام فقط
توجد عند البيطري
الورم مرهم مضاد له عند المستشفى وتا كد من السبق ليكون لاف عليه
وذا مايوجد مستشفى قريب ضع فكس الخاص بالانسان على الورم بس شي بصيط ولاتشغل المكيف عليه لمدة نصف ساعه حتى تروح حرارة الفكس اتمنى اني فدتك
ابو فهد

[yasser1389]

الله يجزاكم الف خير
المضاد الحيوي يكفي ولا لا مع علاج القلاع

[reavaldo2000]

انا قد مر علي المرض ذا مع واحد من طيوري ولما كشفت عليه طلع اللي فيه قلاع داخلي. اذا حولك مستشفي مر عليهم. ولا عطه حبوب قلاع الخضر ولا عليه خلاف ان شاء الله

[خلف الفار]

مرحبا /
لاتخلط العلاج عطه علاج الاقلاع سبعه ايام ثم ريحه يومين ثم عطه علاج المضاد سبعه ايام
والله يشفيه اناشاءالله / والله هو العالم

[عواد الشمري2]

الله يشفيه وقلاع مابه كلااام لو تقرب له تشم ريحه مهي زينه

[حامد الحنيني]

السلام عليكم

مساء الخير شف طال عمرك امسح بيدك على معلف الطير

كان حسيت به زي الروباجه من داخل المعلف هذا قلاع متكيس ولازم تطلعه من الطير

رح للعويدي وبيعطيك العلاج المناسب ويطلع لك القلاع

والله يشفي طيرك.