تشكات الماكسس

[براوننق ماكسس]

السلام عليكم ورحمة الله وبركاته
اخواني انا عندي براوننق ماكسس لكن لاحظت ان تشكاتها كلها واسعه حتى الفل واسع
ياليت اذا احد عنده خبره ويدلني على تشكات تكون ضيقه وبنفس الوقت مناسبة مايكون لها تأثير على البندق
شاكر لكم تعاونكم

[قناص خلاوي]

عليكم السلام ورحمة الله وبركاته
مادري الماكسس اللي عندك 30 انش او 32
سبق وركبنا تشوك 700 و 680 نيكل على ماكسس 30 انش
والرمي صار طيب بالحيل
جرب هالتشوكات وإن شاء الله تعجبك
موفق خير

[براوننق ماكسس]

بيض الله وجهك اخوي على الرد والمعلومه
يعني الحين تشك 680 مناسب لها ومافيه مشكله مع التدبيل مايأثر عليها ؟
اللي عندي 32 انش
بارك الله فيك واكثر الله من امثالك

[Messerschmitt]

حياك اخوي

ما ادري وش اللي خلاك تحكم على ان التشوكات متوسعه

لاني اللي اشوفه ان مقاس التشوك حق الماكسس مناسب

خصوصاً full و modified وما عندك مشكله لو رميت فيها

الى ٧٠ متر مع مراعات الضغوط المناسبه.

خذها قاعده، اي شوزن غاز تحتاج لضغوط عشان

تؤدي المطلوب، يعني بالنسبه للماكسس انصحك

ترمي بها من ٤٠ وفوق

[براوننق ماكسس]

الله يعطيك العافيه اخوي
انا اللي خلاني اقول ان تشكاتها واسعه لاني رميت فيها مسافه تقريبا خمس واربعين متر بالفل تشك توزيع الرش ممتاز وحرارة الحلبي ممتازه لكن مشكلته مثل ماقلت لك اخوي انه يفرش وانا ابي تشوك ضيق على شان يجمع الحلبي على شان رمي الطيار
انا جربتها للطيار ممتازه جدا للقريب لكن للبعيد يبي لها تشك ضيق وما احب الضغوط صراحه انا ماارمي الا بـ 32 او 36 بس
شاكر لك مشاركتك ونصيحتك اعتز فيها من خبير مثلك اخوي الف شكر

[شرم جده]

اذا على قولتك 45متر
فرشه طيب
وش عاد تبي
ابعد طير ممكن ترميه 35متر
ولا ترمي طيار الا اذا سبقت له
واذا تبي تحديد
ودقة رش جرب مسافه20او 25 متر
وتحدا اللي معك

[براوننق ماكسس]

هلا باخوي شرم جده
ايه فرشها طيب وحرارتها طيبيه لكن انا ما ابيها تفرش في هالمسافه ابي تشك يجمع الحلبي على شان يصل للهدف لابعد نقطه من دون مايكون فيه فرق كبير بالحلبي لانه اذا كان فرشها من خمس واربعين متر بالشكل هذا هنا يكون صعبه اصابة الهدف ومايصلح الا لرمي الفروق مثل الزرازير وغيرها
انا ان شاء الله ابي اجرب تشك 680 وتشك 660 واشوف ان شاء الله بس ما ادري عن التشك 660 يأثر عليها ولالا لان واحد يمدحه بالحيل بالحيل هو اللي دلني عليه جزاه الله خير
شاكر لك اخوي تفاعلك وبيض الله وجهك

[براوننق ماكسس]

اخوني اليوم جربت تشك 660 و 680 بنفس المسافه ونفس الفشق وكانت النتايج ممتازه وكان جمع الحلبي لصالح الـ 680 افضل وعدد الحلبي كان اكثر من الـ 660
طبعا على هدف ثابت , لكنه فاتني حقيقه اني اغير المسافه واجرب نفس التشكين يمكن يكون 660 بالمسافه الابعد افضل والله اعلم
وان شاء الله راح اجربه رمي طيار واشوف الـ 680 لكن مهما كان راح يكون افضل من تشكاتها والله اعلم
اذا كان احد جرب التشك 670 يعطينا مرئياته عن هالتشك واكون له من الشاكرين

[شاهين12]

اخوني اليوم جربت تشك 660 و 680 بنفس المسافه ونفس الفشق وكانت النتايج ممتازه وكان جمع الحلبي لصالح الـ 680 افضل وعدد الحلبي كان اكثر من الـ 660
طبعا على هدف ثابت , لكنه فاتني حقيقه اني اغير المسافه واجرب نفس التشكين يمكن يكون 660 بالمسافه الابعد افضل والله اعلم
وان شاء الله راح اجربه رمي طيار واشوف الـ 680 لكن مهما كان راح يكون افضل من تشكاتها والله اعلم
اذا كان احد جرب التشك 670 يعطينا مرئياته عن هالتشك واكون له من الشاكرين




هلابك اخوي :
الطيار مايبغى تشوك يلم لم .
فتكون الاصابه فيه صعبه.ولازم تدقيق خاصه
لطيار الخاطم.
طبعا كلامي على القميري وما يشابهه.


افضل شي تشكات البلد 1،2.
افضل رمايه فيه لــــ40متر واقل.
طبعا حساب بتمتير .وليس تخميلي.
وهذي المسافه اشوف ابعد منها فيه صعوبه لطرح الطيار,
طبعا مع مراعات الفشق .
مثل :
32/7،5 RC4 RED SHOT
افضل فشق تم تجربته لطيار .
بالنسبه لي .



ملاحظه:ماصورة المكسيوس الجف حقها واسع وتتبع تقنية
VETOR PRO
يعني التضويق الزائد بتشوكات ياثر بالماصوره.
ولاانصحك ابدا بتشوكات الضيقه.
لانها لاتعطي نظم ممتاز مثل تشوك660.
وهو مخخص لطائر فردي وثابت يعني ليس لطيار .
افضل تشوك بعد شوكات البلد
اشوف انه :
تشوك680 .
وغيره مانصحك فيه ابدا.
واستخدامه لطيور الكبيره مثل الكرك وغيره.
والطيار البعيد المرتفع .
اتمنى اني افدك.

[براوننق ماكسس]

بيض الله وجهك اخوي شاهين شرح وافي وكافي وفعلا كلامك صحيح تنضيم الـ 680 افضل من الـ 660
وانا صراحه فضلت الـ 680 على تشكات البلد لسبب واحد انه يجمع اكثر من الفل حقها وهذا اللي انا ابيغاه اما بالنسبه للفل فأنا ارى انه يصلح للفروق والطيور الصغيره مثل الزرازير وغيره لان رشه صراحه ممتاز للمسافه اكثر من اربعين متر اما من ثلاثين متر واقل فأكيد التشكات الاوسع
حقيقه استفدت منك كثير والله يعطيك العافيه والف الف شكر اخوي شاهين

[شاهين12]

العفو اخوي ماسوينا شي ..



تحياتي لك,:)

[الطرقي3]

يا اخوان نفس المشكله عندي ولا حصلت تشكات تركب لماكسس الي عندي كلها يا للبيكال يا لبنليوين احصل تشك ٦٨٠ يركب للماكسس ارجو تفيدوني

[الششو]

يعطيكم العافيه ياشباب وعساكم على القوه
والله استفدت من المعلومات وانا ماعندي
شوزن معلومات قيمه صراحه
وفق الله الجميع

[براوننق ماكسس]

اخوي الطرقي سو بحث بقوقل وراح تلقا وهي موجود في احد المنتديات وتباع فيه واعذرني مااقدر اذكر اسم المنتدى

[الطرقي3]

بحثت ولا حصلت الا واحد ويقول خلصت كيف اقدر احصلها سوا من محلات داخل المملكه او برا

[الشمروخي]

الفل مقاسه ٧١٠ واثنين زد ١٠ وهاكذا
اطيب واحد الفل رغم انه وسيع الا ان رميه طيب وحلو مقارنه مع جميع الشوازن وافضل بعد من اكثرنهن
لان ماصورته وسيعه ولو حطيت تشك ضيق يحوس شوي ويتلخبط فالمناسب ٧١٠ وانبسط

[براوننق ماكسس]

الطرقي اذا انت بالقصيم ان شاء الله انك تحصلها ببريده