المساعد الشخصي الرقمي

مشاهدة النسخة كاملة : مشكله في ثلاجة الطمره 50 لتر اليكترونيه ارجو المساعه والمشوره


ابو سلطان898
27/06/2012, 02:57 PM
السلام عليكم ورحمة الله وبركاته ،،،،،،،،،،،،،،،

اخواني الاعزاء وبالأخص اخوي سرهيد معروض علي ثلاجة الطمره الوارد القديم 50 لتر اليكترونيه مستعمله وبعد التجربه وجدت مايلي :
الثلاجه تبرد في المحل وتثلج على محول 12 فولت لكن في السياره تبرد خفيف وتسحب كهربا السياره بقوه واللمبه حقت ضعف الكهربا تأشر باستمرار غيرت البطاريه بجديده 105 امبير مانفع وشبكتها على محول كهربا بالسياره 220 فولت مانفع ( لها مدخلين بيت وسياره )
وجربتها على سيارة واحد من ربعي معه نفس الثلاجه برضه تسحب كهربا بقوه وتبرد على الخفيف
والغطا حق الثلاجه يحتاج تغيير هل هو متوفر
اذا كانت الحلول بسيطه يالربع ومتوفره شريت لأني ارغب هذا النوع بشده واذا كانت صعبه استخرت وشاكراً ومقدراً لكم
سرهيد
28/06/2012, 09:50 AM
السلام عليكم

هلا بك اخوي الكريم

ويحيك ربي

السؤال : هل تم شبكة الثلاجة على الولاعة اما بسلك دايركت للبطارية

لأن الانسب لها يكون سلك لا يقل عن 6 ملي ومباشر للبطارية

تحياتي لك
علي العساف
28/06/2012, 01:56 PM
شف جرب اشبكها بسلك دايركت للثلاجة
اما اذا انت ممد داخلي حط فيوز كبير
ولكن تأكد من السلك
ابو سلطان898
28/06/2012, 03:17 PM
التمديد دايركت من البطاريه والسلك مناسب لها لأني جربتها على سيارة رفيقي معه نفسها بالضبط وشغاله تمام
بس لما نركبها هي تجي المشكله الي قلت عنها سحب كهرب قوي والتبريد خفيف
واسئل عن الغطاء هل هو متوفر بالسوق
علي العساف
28/06/2012, 04:19 PM
تأكد من الفيوز أو الكتاوت وعشان تتأكد من البطارية خذ بطارية زميلك وركبها بموترك عشان تتأكد
ميه بالميه انه من الاسلاك لأن البطارية لوهي جديدة يمكن يكون العيب فيها
الغطاء مايباع كذا لحاله
بالتوفيق
اناميين
29/06/2012, 03:24 PM
المشكلة واضحة بالثلاجةالرجال يقول ركبتها بسيارة زميلي
تبرد خفيف وتسحب البطارية
سرهيد
29/06/2012, 04:36 PM
المشكلة واضحة بالثلاجةالرجال يقول ركبتها بسيارة زميلي
تبرد خفيف وتسحب البطارية

مرحبا بالاخ لاكريم اناميين

اغلب ثلاجات الفريزر او التثليج اذا لم يكن السلك 6 ملي ومباشر للبطارية يحدث فيها مثل هذا الاشكال حتى لو ركبها في كم سيارة ...

تحياتي لك
هدد ؟؟؟
29/06/2012, 04:57 PM
نفس المشكلة صارت معي ، واكتشفت أن المشكلة من سلك الثلاجة الأصلي ، وكان الحل هو :
سلك مباشر من منظم الكمبروسر 6 ملي مشبوك بسلك الثلاجة الممدد من البطارية عن طريق فيش مثل فيش الكنود (ثنائي) والأفضل ثلاثي (سلكين للموجب وسلك للسالب). وان شاء الله تصير الثلاجة قالب ثلج . لأنك لو تلاحظ سلك الثلاجة الأصلي تلقاه أقل سماكة من السلك الممدد ! وأيضاً الولاعة ماتنقل الكهرب بنفس قدرة الفيش . فالمشكلة من سلك الثلاجة الأصلي لأن الكهرب جاي من البطارية بسلك 6 ملي وإذا وصل للثلاجة ضعف بسبب قلة سماكة السلك وهذا يؤثر على نقل الكهرب بسبب ارتفاع المقاومة . وكنك يابو زيد ماغزيت.



قبل تسوي الحل السابق :

شيك على عمر البطارية وقوتها .
افحص الفيوز.
افحص سلك الثلاجة ممقدار الكهرب اللي فيه ، من الطرف اللي بالشنطة لاحتمال وجود خلل في التسليك.
جرب الثلاجة على سيارة أحد الربع.
هالخطوات الثلاث ببلاش قبل تدفع دراهم على حل غير مضمون .
هدد ؟؟؟
29/06/2012, 05:00 PM
إذا كنت بالرياض ، أخبر لك واحد خبير بالثلاجات و إصلاحها ويشتغل تمديد بطارية ثانية ولمبات ، ممكن يفحصها لك .
كذلك يوجد بالقصيم واحد .
ابو سلطان898
01/07/2012, 03:44 PM
مشكور اخوي هدد وبيض الله وجهك بنسوي الي قلت ونشوف