قربة ماء متميزة !!

[الجريوي]

بسم الله الرحمن الرحيم

السلام عليكم ورحمة الله وبركاته

مساكم الله بالخير . .

في مثل هذه الأيام من العام الماضي
وأثناء دخولي لمحل بيع مستلزمات برية في إحدى المدن القريبة من مدينة الرياض لفتت انتباهي قربة متميزة الشكل مملوءة بالماء معلقة بالقرب من مدخل المحل .

أسلوب دعائي ذكي جاء في وقته ! ! حر شديد وريق ناشف . .

ارتشفت منها ماءً زلالاً لم أتذوق مثله جعلني أمد يدي للمحفظة
وأقول للبائع : ( لو سمحت . . عطني وحدة مثلها ) !!


هذه القربة من إنتاج محلات اليوسف بالرياض

وسعرها ( 40 ) ريالاً .

تتكون القربة من قماش باكستاني ثقيل ملبس عليه أسفنج، ومن ثم خيش، ومزودة بغطاء بلاستيكي علوي لتعبئة الماء
وحنفية ( ضغط ) للشرب .

ومع حلول الصيف . . وموسم السفريات والصيد أرى أنها ستقدم إضافة جميلة
وبمعية كأس ( الستيل ) المذاق شي ثاني !!

http://www.muslmh.com/save/91/data/111.jpg

http://www.muslmh.com/save/91/data/222.jpg

http://www.muslmh.com/save/91/data/333.jpg

http://www.muslmh.com/save/91/data/555.jpg

http://www.muslmh.com/save/91/data/666.jpg



* هناك خيار آخر ( التلبيس يكون شراع أبيض بدل الخيش )

http://www.muslmh.com/save/91/data/777.jpg

[حلتيت]

ماتباع بالقصيم

[مخاوي الليل1]

السلام عليكم ورحمة الله وبركاته

ماشاءلله .... ماشاءلله

تسلم يالغالي تقريرك جاء في وقته

بس عسى طعم الماء مايتغير

وجزاك الله خير



وفي انتظار جديدك يالغالي


اخوك

مخاوي الليل

[ناصح]

فعلا حرجة جديدة ورائعة

لكن أعجبني التصوير هنا
http://www.muslmh.com/save/91/data/111.jpg

:good2:

[falcon1]

مرحبا اخوي الجريوي ،،،،، واشكرك علي المعولمة الطيبة. بس احب اضيف اني اسمع كثير ويمدحون قربة وارد الكويت الهدلق القماش من المانيا وشكرا

[فرخ العقاب]

ما شاء الله وينهي مني اليوم الظهر . هههه
تسلم على التقرير الرائع .

[سرهيد]

السلام عليكم

هلا بك

الله يبيض وجهك

عز الله هذا وقت المطارات

انا من دخل الصيف وبرغم وجود ثلاجة في السيارة اللي اني معلق مطارة في وجه الموتر ولا اكيف الا لين اشرب منها ....

تحياتي لك

[عاشق البسيتين]

تصميم راااائع يازينها والله خلها بالسيارة ووحدة بالبيت
وتسلم على المجهود الرائع

[خط ليزر]

ماشاء الله شكل جميل ........ وحسب تجربتي الجلد المغطى بخيش ماله مثيل
مشكور على الموضوع تقبل اجمل تحيه

[منتعش]

عافاك الله اخوي الجريوي

على هذا العرض للمطارة
وهذا هو وقتها
بيض الله وجهك وما قصرت
ولا تحرمنا من جديدك وابدعاتك
والله يحفظك ويرعاك برعايته .

[abohmad]

مشاء الله على ها الجربة ذكرتنى فى جربة الهاف قبل 30 سنة وفى لواهيب الصمان دايما مبدع اخوى الجريوى لاعدمتك

[وحيد الدرب]

السلام عليكم ورحمة الله وبركاته
اشتريت وحده مثلها من أحد محلات أدوات الرحلات البرية بالرياض لكن للأسف تطعم بالماء بشكل لايستساغ للشرب وحطيت ملح قلت يمكت يروح الطعم ولكن بدون فائدة ورميتها بالمستودع ما استفدت منها أبد الشي الثاني تهرب الماء

[الجريوي]

حياكم الله جميعاً

ومشكورين على تواجدكم في الموضوع وتشريفه بتعقيباتكم وإضافاتكم .


ماتباع بالقصيم

كان ودي إني أفيدك لكن لا أعلم يا الغالي .

[الجريوي]

السلام عليكم ورحمة الله وبركاته
اشتريت وحده مثلها من أحد محلات أدوات الرحلات البرية بالرياض لكن للأسف تطعم بالماء بشكل لايستساغ للشرب وحطيت ملح قلت يمكت يروح الطعم ولكن بدون فائدة ورميتها بالمستودع ما استفدت منها أبد الشي الثاني تهرب الماء

شي غريب ! ؟

أنا اشتريت القربة اللي ملبسة خيش من من موزع خارج الرياض

أول تعبئة طبيعي وجود طعم وتهريب ماء

ولكن بعد ذلك لم أجد طعم غير مستساغ ولا تهريب بل ( تندية طبيعية ) .

وهذا اللي دعاني لأشتري منها بعد ذلك من المحل المصنّع لها ( اليوسف ) بالرياض
كميات وعلى فترات بعضها للإهداء وبعضها موصى عليه .


أخي . . أتمنى إنك تزور المحل وتخبرهم بتجربتك مع قربتهم وأنا متأكد إنك ستخرج من عندهم راضي .

[rkorshed]

بيض الله وجهك وما قصرت

[م.بندر]

وعليكم السلام ورحمة الله وبركاته
حي الله اخي الكريم الجريوي
اشكرك على هذا الطرح الجميل والتصوير الرائع
موضوع يستحق التقييم الأعلى
اتمنى لك التوفيق
تم النشر عن طريق تويتر مكشات

[الطرس ممدوح]

وعليكم السلام ورحمة الله وبركاته
عافاك الله اخوي الجريوي
على الموضوع
وهذا هو وقتها
بيض الله وجهك وما قصرت
ولا تحرمنا من جديدك وابدعاتك
والله يحفظك ويرعاك برعايته .

[س.س.التميمي]

الله يعطيك العافيه على هذا العرض للمطارة
وهذا هو وقتها بيض الله وجهك وما قصرت

[@قرناص@]

ماشاء الله
يلزمنا وحدة .
لاهنت على التقرير الطيب

[أطلال نجد]

ما شاء الله تبارك الله
الله يجزاك خير أخي الجريوي على هذا الطرح المتميز والتصوير الرائع
مع كل الشكر والتقدير

[الرامي82]

لتغير طعم الماء بلقربه يجب ان تكون مليئه بالماء يوميا وكل يوم يفرغ ويعبأ من جديد

بلإظافه الى وضع ماء الورد بها ليتغير الطعم كليا الى طعم الورد