أستئارة عن مكاين الميركوري

[محبوب جده]

السلام عليكم ورحمة الله وبركاته :-
يا شباب حبيت استفسر عن مكاين الميركوري 55 حصان وش عيوبها وهل أذا اخذتها اقدر استخدمها ثلاثه سنوات بدون اي مشاكل وأستخدامي قليل ممكن في الشهر طلعتين او ثلاثه والي عجبني فيها ان بوتي 7 متر وابغى مكينه له ولقيت 85 ياماها موظبه بعشرة والميركوري جديدة ب 11750 وضمان ثلاثه سنوات عند عبدالله هاشم فياليت الي عنده علم لا يبخل علينا

[محبوب جده]

للعلم البوت الضاعن 24 قدم

[الفرضة]

انصحك زور منتدى قاروة الكويتي ستجد معلومات قيمة جدا عن هذه المكاين
لان اهل الكويت يفضلونها عن كثير من المكاين وكذا طراد اشوفه عندهم مركبين عليه ثنتين ٥٥ ميركوري
ابحث في قوقل منتدى قاروة وتجول في المنتدى
والله يوفقك

وبالنسبة للياماها والله طايرين باسعارها بشكل مبالغ فيه والله ودك تصدي عند اصحابها
يجيك واحد شاري مكينة قبل عشر او خمسة عشر سنة ياماها ٧٥ بسعر ١٦٠٠٠ ريال ويقد امها ويوضبها مرة او مرتين وبعضهم يغير ويرجع يوضب وبعدين يبيعها باقل من سعر شرائها بشي بسيط والله شي عجيب

حان الوقت لهجر الياماها

[wafi6556]

حي الله محبوب جده
المكينه 55 ماتكفي الـ24 قدم
الـ85 وحده يادوب
هذا بالنسبه لعدد الأحصنه
بالنسبه للميركوري والياماها
ولله الجديد مامثله
لكن نصيحه اذا الياماها من الشكل الجديد وهيدرولك ونظيفه جداً حتى لو موظبه ومعاها اغراضها ان راعاك بسعرها اشتريها وحتى لو شريتها بالعشره منت خسران...ابرك لك من ناحية الصيانه وتخدمك بكره بالبيع

الميركوري جباره
لكن وكيلها مايخدمها ابداً
سواءً عبدالله هاشم او ساماكو
وممكن على قطعه تخرب عندك ياخذ البوت واقف شهر الى ان يتصدق عليك الوكيل
وهذا الكلام عن تجربه
وحالياً عندي الميركوري والياماها

[محبوب جده]

الله يعطيك العافيه اخوي الفرضه صراحه كلامك مقنع جدا ودخلت حتى مقاطع في النت


اخوي وافي والله رحت مره ثانيه للبنقالي نزل معاي لين سبعه ونص المكينه ما معاها شي بدون لا كنترول ولا وايرات ولا هم يحزنون وموديلها اتوقع من سنه ابو جهل هههههه مغير الرفاس و وموظب المكينه
طيب فيدني الله يرحم والدينك دنيا واخره لو اخذت ال 55 وكبرت المروحه اخذت المروحه مقاس 17 تمشيلي البوت زين ناوي اخذ لي وحده ثانية بعد فتره واقلبها كنترول والله يجزاك بالخير دنيا واخره

[wafi6556]

الله يعطيك العافيه اخوي الفرضه صراحه كلامك مقنع جدا ودخلت حتى مقاطع في النت


اخوي وافي والله رحت مره ثانيه للبنقالي نزل معاي لين سبعه ونص المكينه ما معاها شي بدون لا كنترول ولا وايرات ولا هم يحزنون وموديلها اتوقع من سنه ابو جهل هههههه مغير الرفاس و وموظب المكينه
طيب فيدني الله يرحم والدينك دنيا واخره لو اخذت ال 55 وكبرت المروحه اخذت المروحه مقاس 17 تمشيلي البوت زين ناوي اخذ لي وحده ثانية بعد فتره واقلبها كنترول والله يجزاك بالخير دنيا واخره

هلابك يامحبوب ديرتي
الضاعن حتى الـ24 ثقيل ياصاحبي
والـ55 ما اشوفها مناسبه له وحتى لو كبر مقاس الرفاس بكذا تحمل الماطور بزياده ولا يعمر معك ياماها او ميركوري
اصبر ودور لك ياماها عسى ربي ييسر لك بأزين من حقة البنقالي

[faaaaaahad]

بالتوفيق للجميع