لفاح ( تشخيط ) على طريقة البوبنج - مزيزي

[مخلد المحنا]

السلاااااام عليكم ورحمة الله وبركاااااته


تكملة لموضوع اللفاح السابق واللي رزقنا الله شعري يضرب على البوبر Popper

وبالمناسبة اللفاح في هالموضوع معناه ان الطراد ثابت وانا بالسناره احذف المجرور اللفاحه او اللعفه الصناعيه واسحبها بالسناره.

والبوبر Popper: نوع من اللعفات الصناعيه طافح ما يغطس.. ولما تسحبه يطشر ماي على سطح البحر يغري السمك للهجوم.


طبعا بعد سالفة الشعري عالبوبر السالفة دخلت مخي... طبعا دشيت النت وطلبت طلبيه خاصة بس بوبرز... ستورم و ربالا

قبل يومين كنا عند الطبعانه صوفيا صوب النيوه.. وقلت للربع شوفوا اكشن البوبر.. المكان مليان ضلع وحمام ودويلميه.. فكانت الطلعه اكشن مع الضلع اللي يكفخون البوبر بطريقه عنيفة وسينمائيه مرات!!!!

المهم وسط المعمعه ضرب الميرور شي مختلف تماما في كل شي... صوت الضربه وقوتها!!! والضلعه كانت اذا ضربت تطلع برا الطبعانه ونعابل فيها..

بس هاللي ضرب اخذ الخيط وطياااااااااره في بطن الطبعانه!!!

انا قلت يالربع هذي مو ضلعه!!!!


بعد هالسالفه بيومين قلت لبو عبدالله خلنا نغزي الطبعانه لعل وعسى تضبط معانا..

طبعا تم تغيير زاوية اللفاح بحيث ما يكون له فجه !!

وجااااان اشوح البوبر... وفي اللفحه الثالثه مغطها شي وطار باتجاه بطن الطبعاااااانه !! المكينه كانت مبطله جان احط ايدي عليها وقفلتها واسحبه.. لين وصل يم الطراد واشوف ذاك المزيون متوهق بميادير البوبر!!!

عشان لا اطول عليكم هذي الصور!!

http://i1092.photobucket.com/albums/i402/Mukled/e9f99214.jpg

http://i1092.photobucket.com/albums/i402/Mukled/c482b3c8.jpg

http://i1092.photobucket.com/albums/i402/Mukled/16a3600d.jpg



وتقبلوا تحياتي


مخلد المطيري

[شاهين2007]

ماشاء الله خوش مزيزي
والمكان اللي انتو فيه مايخلى من السبيطي وداخل الطبعانه متروس فسكر

[ذوالجناح7]

خوووووش مزيزي وعليك بـــ1000 عافية

وشغل مرتب ومثل ماقال أخوي شاهين داخل الطبعانه مليان فسكر

وفي الليل يكثر المزيزي

[k.fares]

ماشاء الله تبارك الله
بالعااافية اخوي

[Octopus]

ماشاء الله صيد موفق
تقبل تحياتي

[الفرضة]

رااااااااااااايق ربي يحفظك

[hunter78]

يا خوي ما شاء الله عليك في كل مرة تتحفنا بشيئ جديد وشغلك رااااااااااائع وما عليه أي كلام
والطريقة اللي تصيد بها اثبتت أن معظم أسماك البحر تهاجم الطعم المتحرك لكنها بحاجة للخبرة والمهارة باستعمال الطعم المناسب واستعماله بالطريقة الصحيحة عدا ذلك تصبح العملية مضيعة للوقت والجهد
أخوي وين الموضوع اللي وعدتنا به عن اللفاحلات وأنواعها ؟؟؟؟؟ ترانا ننتظرك للحين !!!
تحياتي لك و ربي يوفقك ويرحم والديك

[alqamr]

قوة اخوي مخلد المحنا ماشاء الله على هذا التقرير المميز
استاذ الغالي اكثر ما يعجبيني في تقاريرك انك مواكب التطور في عالم الصيد باحترافية ماشاء الله عليك
بصراحة اطمع انا والاعضاء في التعلم المزيد منك .

اتمنى في القريب العاجل ان تضع موضوع بخصوص انواع الفحات وما هو الانسب لكل نوع من الاسماك ومكان الانسب .

اكرر شكري لك والله الموفق

[غضباوى]

ما شاء الله تبارك الله :D

والله مبدع ومحترف علي طول طعمك صناعي وتشكيلة حلوة ما شاء الله :hot::hot::hot:

عايزين موضوع للطعوم الصناعية بانواعها يا ريت مثل ما قالو الشباب :director:

فيه العافية ان شاء الله :good2:

[B 7 R]

. ما شاء الله تبارگ الله أحجام طيبةة ..

[مخلد المحنا]

اشكر جميع من علق ورد على التقرير.. واخص بالذكر الشباب اللي طلبوا الموضوع.. وانا اعتذر منكم عالتأخير.. وانا محقوق لكم.. وان شاء ربي بشتغل على شي مرتب يعجبكم ...

وتحياتي لكم

[ماسيوم]

مساك الله بالخير .
ماشا الله تبارك الله صيد حلو وماقصرت عساك ع القوه تقبل تحيااااااااااااااااااتي..

[وليد الغربة]

ماشاء الله تبارك الله ماقصرت والله


ربي يحفظك ويعطيك الصحة والعافية

تدكرني برحلات بو شملان في الكويت في هذه الاماكن

كان ما يقصر ينقل لنا طلعات الكويت والسبيطي والنوبي

وهذا احدى ماضيعه اهداها لي
http://www.mekshat.com/vb/showthread.php?t=266710

اخوك وليد الغربة

[accentkool]

ماشا الله تبااارك الله
رحلة مووووووووفقة بارك الله فيك
اعجبتني طريقة صيدك واضم صوتي مع الاخوان نبي
موضوع عن الطعوووووم الصناااعية
وبالف عافية عليك المزيزي المزيون

[مخلد المحنا]

اخوي وليد الغربه... شرفتني بمرورك المميز.. والنعم فيك وفي بو شملان.. عز الله انه ونعم الرجل.. نوخذه وسفاح سبيطيه ماشالله تبارك الرحمن...

هلا بك اخوي اكسنت كول... ابشر من عيوني.. لو تبي نجيكم العقير!!