الكل يدلي بدلوه

[جبار1]

السلام عليكم احبتي

الكل يشارك ويعطينا رايه أحبتي

حبيت أسئل

عن طير لواحد من أخويانا لاحضنا فيه قبل يومين بياض (أوضحه) في أعلا عينه

وهو يشوف فيها وماكانت فيه من قبل ؛؛

الطير فرخ جربنا معه قطره ماكسيترول للعين ومازالت مستمره الوضحه ؛؛

وفيه اللي عرض علينا طب قديم وهو مضغ ورق العوشز ومن ثما مجه
بالعين ...


أسؤال اللي يطرح نفسه هل فيه دواء للوضحه بحيث يخففها أو يخفيها ؟

وهل الوضحه تزيد لو أهملت ؟


للملاحضه :

الطير ماعنده شي صلب يطق فيه (مربوط) بس لاحظنا جرت الخنافيس حول وكره

وقد يكون مسك في واحد منها ورفس برجله عين الطير ؟ تعليقك؟

وشكرآ للجميع

[ســـبــار ربــعـــه]

للملاحضه :


الطير ماعنده شي صلب يطق فيه (مربوط) بس لاحظنا جرت الخنافيس حول وكره


وقد يكون مسك في واحد منها ورفس برجله عين الطير ؟ تعليقك؟



وشكرآ للجميع


اقرب الأسباب هو ماذكرته وما تحته خط بالأحمر.
ومدربي يسد عيون الطير. وزود على ذلك يسبب امراض واجد منها ديدان الكبد والرئه.
والطفيليات في الطير.
الله يشفي طيرك يابعدي.

[جـرح الشمـال]

رايي انك اتوديه مستشفى الطيور او رجال متخصص ومشهودله
لاتلعب بعين طيرك ولا تطببه او احد يقولك العلاج الفلاني
وانت عارف العين حساسه جدا
وجهت نظري

[صقار مبتدئ]

http://www.mekshat.com/vb/showthread.php?t=485932
خذ الرابط هذا

[حامد الحنيني]

السلام عليكم

شف وانا اخوك كان البياض بصبي العين والله اعالم اغسل يدك الى ماشاء الله

اما كانه على قولتك فالموضوع بصيط بأذن الله

وانصحك نصيحه لله لاتطببه ثم تعمي عينه العينه حساسه جدا واي خطأ يعوضك الله

رح لأقرب مستشفى والباقي انت ابخص

والخنفس تراه شر مبين طير لنا طبح عليه ولطسه والحين به رداد وحدى عيونه راحت

الطير هو دهام اللي كل سنه انزل علومه بالمنتدى الله يعوضنا بأطيب منه

تحياتي لك.

[(هزاع)]

رايي انك اتوديه مستشفى الطيور او رجال متخصص ومشهودله
لاتلعب بعين طيرك ولا تطببه او احد يقولك العلاج الفلاني
وانت عارف العين حساسه جدا
وجهت نظري

:good2::good2::good2::good2::good2:
مؤيد % الا العين ياولد لاتعبث بها

[فرخ العقاب]

الله يشفيه .

[هاوي الصلفات]

انشاء الله طيرك مايشوف شر
واتوقع راح تخف من نفسها اذاكانت وضحة بسيطة
وياليت لو تزرق للمستشفى احسن 100 مره
الله يشفيه

[سلطان 1]

اخوي جبار ١
مساك الله بالخير.
طيركم ان شالله مافيه الا العافيه هذي لطمه في عينه وعلاجها بعد الله
خذ لك وانا خوك سكر نبااات كبر ابهااامك
واطحنها لين تصر مثل الطحين وحطها في فنجال وصب عليها ماء
ملي الفنجال ماء المهم انه تذوب السكر نبات ولا تصير ثقيله يعني الماء كثره شوي وعقبها رش في عين الطير
مره مرتين في اليوم علي الاقل اسبوع
وان شالله ماقدامه الا العاااافيه.

[برق حرب]

ياخوي ود طيرك المستشفى افضل لاتعلب بالعين ترا العين حساسه

[yasser1389]

ياخوي ادا انها بسيطه اتركها وهي غالبا تجي من ظيق البرقع يمكن انها من اول فيه قبل الربطه وما اخذت بالك منها واذا انه يشوف منها ما عندك مشكله وعلشان تتاكد انه يشوف منها قص البرقع من جهة العين على قد العين لا توسعه ومشي يدك من جهة العين او خله يشوف حمامه حيه ادا كفك دورها فمعناه طيرك يشوف والحمدلله

[عواد الشمري2]

الله يشفيه

[المررزم]

السلام عليكم


شف آخوي لا شك ان المستشفى بعد الله هو آفضل شي وماقصرو الاخوان على آبداء رآيهم لك . لاكن انا بقولك شي صار مع واحد في طيره نفس مصار مع طيركم جته وضحه بسيطه في عينه .و نصحه شايب وقال حط في فنجال سكر وماء ويكونون متوازنين يعني لا يصير الماء اكثر ولا السكر اكثر وقبل تنام انت غرق عينه يالماء المخلوط مع السكر وبرقع الطير لمدة ثلاث او اربع ايام والرجال سواها ومن ثالث يوم معاد للوضحه مكان كان الطير مجاه شي وان ماقولك انها هي العلاج بس شي صار وحبيت ابلغك فيه والسكر والماء ماتضر الطير يعني لو سويتها


وياليت نفيد ونستفيد ولك منى فائق التقدير والاحترام

[جبار1]

الله يبيض وجيهكم وماقصرتم
كفيتو وفيتو

والغرض من طرح الموضوع للفائده
وكلن ويعطينا تجربته والعين حساسه ولا يبي لها
عبث لاكن بعض الأدويه مالها ضرر مثل السكر والماء
أشكر كل من مر على الموضوع والله يعطيكم العافيه