وين اهل الخبره نشوف وش يقولون في ذا الونش

[صبي مسرد]

السلام عليكم ورحمه الله وبركاته

يالنشاما عندي سياره توي شاريها الله يطرح بها البركه ان شاء الله
وفيها ونش كفو يمدحه راعيه وانا والله ما عرف انواعها
المهم الزبده / الونش عطلان فيه الشنكار منقطع + الريموت حقه ضايع
وانا من الرياض وين الي يصلحونه ويبيعون الريموت حقه
وهذي صورته

http://www.mekshat.com/pix/upload05/images247/mk64674_wnsh.jpg

افيدوني جزاكم الله كل خير

[صبي مسرد]

سبحان الله وبحمده سبحان الله العظيم

[عاشق الفكسار]

ماشاء الله ... الله يبارك لك بموترك ويطرح فيه البركة

اذكر واحد من الزملاء خرب عليه الونش وراح للورش حقين السطحات في النسيم وصلحوه

يمكن يعرفون وين محلات قطع الغيار ، وخاصة اذا صار ماركة وارن بتحصل له قطع غيار.
ولا تنسى تمر السليماني وتسألهم فرع الغرابي أو فرع المرسلات طريق الملك عبدالعزيز

[ms662]

بالنسبه للواير الي يكبس لك حديدة التثبيت ( العكفه الي يثبت فيها الشنكار) حقين الوايرات والسلاسل في الصناعيه القديمه وفيه محل في شارع الريل بس ماادري موقعه بالضبط
وبالنسبة للريموت عندك طرقتين
الاولي معروفه انك تشتري تلقاه عند السليماني لان ونشك نوعيتة وارن اخبر سعره قبل اكثر من ثلاث سنين ٣٥٠ ريال
الثانية ترهيم وهي انك تسحب اسلاك الفيش الي في علبة الونش وهي ٣ اسلاك واحد للسحب والثاني للفل والثالث سالب وتشبكها علي سوتش خطين ( يعني فيش يشتغل كهربين والنصف يقطع )
سبق شغلناه علي افياش جرس باب واحد يسحب والثاني يفل الواير

[وبل نجد]

ماشا الله تبارك الله
الله يطعمك من خيره ويكفيه شره
هذا افضل انواع الونوش وهو ماركة وارن امريكي اصلي
بالنسبه للشنكار فيه محلات بشارع الريل تصلحه وتكبسه في الواير وشغلهم مظبوط وتخصصين فيه
والريموت مر ع السليماني ف الغرابي فيه واحد بشارع الغرابي قبل الاشاره وفيه واحد بعد الاشاره لف يمين تحصله ع يسارك هو الوكيل حق هذا الونش

واذا تبي ريموت ترى عندي واحد راسلني ومايكون الاخير