اطيب طيور الطلع .

[عاذي]

المعروف ان جميع الطيور الجارحة مشهورة بحدة النظر وقوته .. ولكن هناك اختلاف من فصيلة الى فصيلة .. خاصة طيور الهدد ـ الحر ـ الوكري والشاهين .. وانا اتحدث الطيور الأصيلة ... ولكنني اسأل عن اطيب هذه الطيور المحددة اعلاه بالطلع واقواهن ... وشكرا .

[yasser1389]

الحر طبعا هو اكثرالطيور طلع وذكاء

[صقار مبتدىذ1]

اتوقع ان الوكري أحد نظر والعلم عند الله

[عواد الشمري2]

كل الطيور تشوف حتى العصافير
وشاهد على ان العصافير تشوف الطيور الي تحوم
مره قوانيص المهم وقفنا نفطر حول الساعه 11 الصبح وفيه عصفير يبن يخشن داخل السياره وكل شوي اما تحتها ولا دخل السياره هذا دليل انه تشوف والحمام بعد يوم تهده وقت قنص الطيور يرجع للسياره يشوف الطيور الي تحوم
اما تحدد اي طير اقوا شوف من الثاني مدري والله

[جبار1]

كل الطيور لها حدة نظر وتشوف

لكن واين الطير الفطين والنبيه

مر علينا حرار ومر عليناوكري كلها طلع
ولا لاحظنا فرق فيها اهم شي فطنت الطير

[المررزم]

والله شف وانا اخوك
الاولين ماخلو شي ....وحنا على دربهم انشاء في غير معصية الله
لاكن تلاحظ الاولين لاصار معك حر يقولك هو يطلع ولا لا ويركزون اكثر شي على الاحرار ليه مادري ولو قلت عندي وكري ولا شيهانه تطلع رد عليك وقال مابي لها طلع اهم شي تلحق والحر انا في اعتقادي انه هو افضل من الطيور الباقيه حتى وهي وحوش تلقاها موكره في اعلى القمم وكثير من الطيور بس الاحظ الاغلبيه للاحرار


والله اعلم

[أبوالحارث]

سلام عليكم اخي الكريم كل الطيور التي ذكرت طلع ولاكن يختلف كل طير حسب طريقت التدريد
والله اعلم هذا رايي وتقبل مروري

[(هزاع)]

ياهلا بخونا
كل الطيور الاصايل بخلقت ربي تصيد وتقنص صيدها ولاماعاشت بالخلى
الطلع فطنة الطير وصقاره الصقاربالتعلوم
اما الاشهر بالطلع الحرار

[الاشعل 316]

مرحبا اخوي عاذي
اقوى حدة نظر بين الحر والوكري والشاهين
طبعا في حدة النظر هي الشاهين والمسافات البعيده
والشاهين ما يستحدمونها بالطلع ما السبب ؟؟ لها عدة اسباب

الشاهين اغلب ما تشوف الا الشي الطاير من بعيد


والحر يستخدمونه للطلع لانه في حدة تركيزعلى اللي يراه لان حتى الحباري وهي تدرج او مخمر يشوفها

[جرناس دبي]

الحرار
يشهد لهن الطلع على باقي
الطيور

[بو عبدالله 11]

ما شاءالله الاخوان خبره وأفادوك

[ابودواس518]

الحرماهو حر ليصار مملوك عليك بالحر فطين وفيه شدة النظر

[ابوبندر2012]

اتوقع ان الوكري أحد نظر والعلم عند الله:f

[بن قنور]

السلام عليكم
الطلع والركاده طبعاً في الحرار من الطيور

واكثر من يبعد المقاليس الحر الصافي ومن ثم الشامي حسب معرفتي وهي وجهة نظر
ابو فيصل

[راعي لادن]

مرحباً با الجميع الحر الشقر الصافي خاصا اذا جا عاتقه طويل وا عليه قحف اما المثلوث والشواهين نظرها اقل والله اعلم تحياتي راعي لادن

[فيصل الذيب]

اشكرك يا اخوي عاذي على هذا الموضوع الذي يفتح باب النقاش بين اعضاء هذا الصرح الشامخ

انا الاحظ من وجهت نضري ان الصقار مايحرص على الشاهين بالطلع لينها حساسه وريشها قزاز

من يوم تتل ولا تكفخ الى منكسر ريشها والشاهين ماهو اركد من الحر

لكن لو تلاحظ ان الشاهين لو لحقت به على صيده دوبك تقطع عليها بالنظر وحذفت شاهين

بتشوف على طول <على حس ان الطير متعود على المخالا وهمته عاليه بالطرد البعيد

اما من وجهت نظري ان الحر السبب الرئيسي الي يخلينا نعتمد على الحر بالطلع هو انه اركد

من الشاهين واطيب من الوكري لكن الشيبان الاولين كانو يقنصون بوكارى طلع

وبعضهم يمدح الوكري بالطلع طبعا من طير لطير



تقبل مروري
اخوك

فيصل الذيب

[راعى شاهين]

مشكور ياراعى الموضوع فيه سنه من السنين قانصين انا واخوياى وكان معنا حرار تطلع وكان واحد من اخويان شارى وكريه راكد على التكايه وطلعت الوكريه وهدها الا بعد تقريبا 400 متر تطق وتشهر الا الحبارى تحتها انا اقول ان الوكارى احسن طلع ودق من الحرار وخاصه الى يعرف الحبارى وسلامتك

[المريعي]

الحر لانه اسبق من الوكري

لكن التصنيف عندي

1 الشاهين اذا تطلع مصيبة

2 الوكري

3 الحر

والحر مقدم عليهن عند الناس لانه هو الاكثر صفات يرغبها الصقار

هذا بالعام