ما معنى كلمة الخمق

[hassan jasem]

السلام على الجميع وعلى احلى واجمل منتدى شفت بحياتى .... وبصراحة وانا اتابع فيديوعلى اليوتيوب عن صيدالصافى بالقراقير ...شفتة يخلط الحشيش مع الخمق ابغى اعرف شو الخمق ..... ومشكوررررين على المرور والمساعدة ..........

[فرخ العقاب]

يفيدونك الاخوان ان شاء الله أهل الخبره .

[محب الخبر]

اعتقد ان الخمق هو نوع من الطين اللزج جداً يخلط مع العشب الاخضر ويوضع داخل القرقور ويسمى القرقور مجنجن ويكون جاهز لصيد الصافي وهذا العشب والطين يجلب عموما من قرب الشاطئ

[كنعد]

عليك بالخبز التميس لفة مثل السندويشة الكبيرة وربطة بالمغاط يصير كأنة سندويشة كبيرة حط لك خمس سندويشات في القرقور والله يرزقك.

[ولهان البحار]

مشكوووووووووووور

[ra3ibox]

الخمق هو الطين
او لطين اللي ريحته خايسة وتلافيه دايم معشب او فيه شجيرات وهو موطن الصافي غالبآ

[alqamr]

مصطلح اول مرة يمر علي .. ان شاء الله ذوي الخبر يفيدونا

[زعيم الصيادين]

على ما اضن انه الطين

[Seas Diver]

مايقصروا الشباب

[hassan jasem]

الشكر موصول لجميع اللى شارك فى الاجابة وهذا دليل على طيبة وحب الخير وحسن الخلق لجميع الموجودين فى المنتدى والقيمة والفائدة العطيمة اللى يقدمة المنتدى للصيادين سواء للمحترفين او الهواة .........

[mostafa a a]

الله يعطيك العافية

[mostafa a a]

الله يعطيك العافية .

[accentkool]

الخممممممممق ما مرت علي هالكلمة يمكن طين زي ماقالو الاخوان

[Multi صياد]

الخمق هو الطين شديد اللزوجة و يقال في الامثال (طاب في خمق) للشخص المورط ورطة شايدة يصعب الخروج منها .

و يعتبر خطيرة في بعض الاحيان خصوصا في المناطق المقطوعة و غالبا ما يستهين فيها اللي ما عندهم خبرة تلاقيهم يمروا عليها و اول يصيروا وسطها السيارة تغوص تدريجيا لين يبتلعها الطين و ياما سمعنا بحوادث مؤلمة عن ناس ماتوا في الطينة.
طبعا تستخدم في القراقير لانها ما تذوب بسرعة في الماي, عشان كذا يخلطو معا طحالب و اعشاب لضامن عدم خروجها من القرقور
تحياتي