لا إله الا الله انقلبت على الشاص😥

[sgl2002]

الحمد لله حمدا كثيرا

اللهم ااجرني في مصيبتي واخلف لي خيرا منها

صار لي حادث انقلاب اليوم على موتري الشاص توه ماكمل معي شهر

المهم ياشباب اللي تاثر البودي فقط

فما رايكم اغير بدي كامل والا اسمكره

ووين افضل ورشة اصلح فيها

[خيال الغلبا]

الحمدلله على سلامتك يارجل

اذا سلم راسك الباقي يهون

[سامر الحارثي]

الحمد لله على سلامتك

[ابوعدي001]

الحمد لله ع سلامتك ياخوي ..والحديد يتبدل بالحديد

شوري لك تسأل شخص مختص او تنزل الصور ونشوف ونحدد

[... رجّه ...]

الحمدلله على سلامتك الحديد بداله حديد يالاجودي

[مطنوخ عبس]

الحمد لله على سلامتك اهم شى
في الحديد ولا فيك

[معاذ الخنيني]

الحمد لله على السلامة
والله يعوضك خير في الدنيا و الأخرة

[ابوشجون2011]

الف الحمد لله على السلامة والله يعوضك ان شاء الله

[الرجم النايف]

الحمدلله على السلامه ولاسلم العود الحال يعود

[قمة افرست]

الحمد لله على السلامه
والحديد بداله حديد

[فرخ العقاب]

الحمد لله على سلامتك أولاً . والحديد يتعوض أهم شي سلامتك .

[سندباد الخليج]

الحمد لله على السلامه

والله يعوضك خير ان شاء الله

[عطالله الحربي]

الحمدللة على سلامتك
اهم شي انك سلمت
والحديد بدالة حديد

[يزيد 999]

أمس نبارك لك واليوم نتحمدلك بالسلامة وبالحديد ولابالعبيد
والأفضل تنزل صورة للموتر بعد القلبة عشان نعرف وش اللي تأثر

[كاشت وحداني]

الحمدلله على سلامتك ودامك بخير الحديد معوض ان شاء الله
لو حطيت صور يمكن يكون الشباب افادوك اكثر

[patrol-fa]

إن لله وإنا إليه راجعون ..
الحمد لله ع سلامتك ..

والله يكفيك الشر

وهالصورة إلي بتوقيعك لو تشيلها احسن

العين حق ..

[ارحبو2012]

سلامتك من الشر اخوي والبقى برأسك ي أخواني انتبهو من السرعه بهـــ الصيف خاصتن للي يسافرون انتبهو من حرارة الشمس بالزفلت يأثر بالكفر وخلو سرعتكم 120 الدنيا ماراح تطير الحمدلله على السلامـــــــــه أخوي .

[وبل نجد]

لاحول ولاقوة الابالله
الله يكشف عنك ويكفيك شر الحساد
حمد الله ع سلامتك ي الغالي

ليتك ماحطيت صورة الموتر وتشيلها احسن لك

ع العموم قدر الله وما شاء فعل

[ناصح]

الحمد لله على السلامة

ونسأل الله أن يعوضك خير

والمهم أنك بخير

واحسب فرق السمكرة عن تغير البدي وهل تستاهل أم لا

[عقاري مع]

الحمدلله على سلامتك يارجل

[QEFARI]

الحمد لله على سلامتك

[sgl2002]

االله يسلمكم ياشباب

القلبة صارت بالنفود طلعت من سيف وتكا الموتر ع الكفر الامامي الايمن وانقلب واعتدل

اللي تاثر البدي فقط وغيره ماتاثر ولا بشي

ان شاء الله ابنزل صور قريب

وانا ودي ابيع الموتر خلاص كرهته

والمشكلة قبل امس حلمت بنفس القلبة وقمت واستغفرت وتعوذت من ابليس

واليوم قلبت عليه

[س.س.التميمي]

الحمد لله على سلامتك

[اذاني]

الحمد لله علي السلامه

لا تسمكر ابدااااااااااااااااا

يوجد في التشاليح بدي كااااااااااااامل لجيوب الشاص وسعرها كامل 20 الف او حولها

كامل من مجاميعه زجاج انوار ديكور كل شي كل شي ماعدا الشاص

وهي لمصنع المدرعات المصفحات العسكريه ياخذون المحركات والشاص ويتركون البدي كامل

مع الغمارة

كان لها اعلان في موقع حراج مع الصور بحاول اجيب لك الرابط

[vxr900]

الحمدلله على السلامة يالغالي والله يعوضك ان شاء الله بالي أحسن منه

[اذاني]

بعد اذن الاداره

هذا صور البدي لاكن الموضوع حذف من موقع حراج

طب وتخير
http://www.syartk.com/vb/t3075.html

[وليم]

اسمع الشور اشتر بودي كامل والبودي الاول بعه على الورش ولا التشليح

[You Like Me]

لا حول ولا قوه إلآ بالله
الحمد لله على السلامه

وانا رأيي من رأي الشباب دور لك بدي ولا تسمكر
مر التشاليح وشف اسعارها . والله يعينك ومعوض خير بإذن الله

[alhebro]

الحمد الله على السلامة
الحديد بداله حديد أهم شي انت ما جاك شي اللهم لك الحمد.

[محمد المدني]

الحمد الله على السلامه في الحديد ولا في العبيد

[ابن عكاش]

الحمد لله على السلامة والموتر بدالة موتر
انا قد انقلبت على موتر وجتني وساويس انها عين لكن الشي اللي بسبب ماتقدر تجزم انها عين لكن لو انه محترق بدون سبب او فيه عطل غامض هنا تجزم انها عين
ونصيحه مجرب مدام خاطرك طاب من الموتر بعه على وضعه لأنك لو صلحت بيقولون منقلب وبتخسر خسارتين تعب وبيجيب اقل من تكلفتك
انا كان عندي لاندكروزر انقلبت عليه يوم حسبها قلت ابيعه على حالته احسن والحمدلله بعته بيعه زينه
بعدين إذا بعته على حالته يجيك ناس يبي موتر رخيص لو منقلب وان بغيت فزعه تراي في الخدمه

[مطرح البكار]

الحمد لله على السلامة

الله يعوضك باحسن منة
عيون الناس الايام هذي معاد ترحم
الوالد عندة شاص 2002 محافظ علية وقبل كم 4 ايام واحد جننة الا بيشرية
والوالد مارضي يبيعة وامس خش في تريلة وراحت الواجهية كاملة للمكينة

شي قهر بس ماقول الاحسبي الله ونعم الوكيل

[وجعين]

الحمد لله حمدا كثيرا

اللهم ااجرني في مصيبتي واخلف لي خيرا منها

صار لي حادث انقلاب اليوم على موتري الشاص توه ماكمل معي شهر

المهم ياشباب اللي تاثر البودي فقط

فما رايكم اغير بدي كامل والا اسمكره

ووين افضل ورشة اصلح فيها
الحمد لله على السلامه ونا رايي تغير توقيعك قبل لان اللعين حق:good2:

[((ابو وعد))]

الحمد لله على السلامة .......لابد من الصدقة للجمعيات الخيرية او لتحفيظ القران شكر لله على السلامة

[ابوراكان تبوك]

الحمد لله ع السلامة والله يعوضك خير ان شاء الله

قالوا اول ان الصوره ماتجيب العين لكن بعد مواقف حصلت بمنتدى حراج وموقفك تأكدت من ذلك
نصيحه يا اخوي يوم الله فكك منه افتك منه انت حاط الصوره من جهه اليمين وانقلب ع اليمين
نفس الوضع حصل بمنتدى حراج

[jeep 2001]

الحمد الله على السلامة
والله يعوضك ان شاء الله

[sgl2002]

ولا ازيدكم من الشعر بيت

المكان اللي مصور فيه نفس المكان اللي انقلبت فيه

[سطامكو]

الحمدلله على السلامه
ونصيحتي اذا خاطرك طاب من الموتر
بيعه احسن لك ووفر على نفسك التعب والمطامر بالتشاليح والورش
ومعوض خير ان شاءالله

[رااعي الفزعات]

الحمد لله على سلامتك
والحديد بداله حديد ..
تقبل مروري ..

[صياد الجبل]

لا اله الا الله

محمد رسول الله

قبل فتره ليست بالعبيده كنا نبارك لك على شراء الشاص الجديد

وكتبت بانك بعت موترك على ماعتقد انه باترول وشريت شاص

واليوم نتحمد لك على السلامه

كل هذا قدر ومقدر من رب العباد

في الحديد ياخوي ولا فيك الحديد يروح ويجي بداله حديد لكن الرروح لاراحت ماعاد يجي بدالها روح

اخوي دام نفسك عافت الموتر

الافضل تبيعه

لان النفس لاكرهت شي كرهته معاد ينفع

ودام الشغله على قولتك عين افتك من الموتر افضل

ومثل مانصحوك اخواني شيل الصوره افضل لانها قد تكون احد اسباب العين

العين حق ياخوي

عوضك الله خير

وحمدلله على السلامه

وماشتوف شر

[sgl2002]

طيب يا اخوان وين ابيع الموتر

هل افر فيه بالتشاليح

والا شلون

[You Like Me]

لا يخوي من كلامك ماتوقع توصل للتشاليح
صور الموتر ونزله في المنتديات وفي موقع حراج
والله يعوضك

[صديق كلم رفيق]

الحمدلله على السلامه ماتشوف شر .

قدر الله وماشاء فعل ، الحمدلله ، ما اصابك لم يكن ليخطئك وما اخطاك لم يكن ليصيبك .

إن كانك كاره الموتر وطابت النفس منه ، انصحك ما تصلحه بعه على حاله ، بتلقى له زباين واجد ، وان شاء الله بيجيب لك قيمة زينه . صور الموتر ونزل الموضوع في منتدى حراج ولا تستعجل على البيعه بيجيب لك مبلغ زين كان المكينه والقير والشاص والدبلات سليمه .

موفق خير .

[عاشق القنص3]

الحمد لله على سلامتك

[نيسان فتك]

الحمد لله على سلامتك
الحديد يروح ويجي اهم شي انك سالم
ومادام ان النفس عافت الموتر افضل لك انك تبيعه وتفتك منه
والله يعوضك خير منه

[أبـو زهـرهـ]

الحمد لله على سلامتك

[طبيب المواتر]

الحمد لله على السلامة الحديد يعوض
بخصوص السمكرة
1- اذا كان فيه صفط لازم قطع جديدة.
2- اذا كان بس خدوش وطعجة يعدل .
الورش
الرياض . في الصناعية القديمة سوري حول المطيويع شغل وكالة بس ( غالي ) كل سياراتة فخمة. ومجرب
القصيم .الحسون في عنيزة . شغل مضبوط وسعر معقول . مشتغل عندة قبل سنتين . كانة على خبري.
( والربع ابخص )

[ك ن ق 222]

الحمدلله على السلامه ومتشوف شر اما الورشه فيه ورشة الوفاء في صناعية الدايري الي بعد مصنع الاسمنت ونت متجه شرق كنك بتروح لنسيم عند مستودع البان الصافي هي أفضل ورشه

[بحرالقلزم]

الحمد لله على السلامه
الله يكفينا واياكم شر الحديد امين

[BDER-C1]

الحمدالله على السلامه في الحديد ولا فيك

[بدوري7]

السلام عليكم
الحمدلله على السلامه يا آخوي
انا ارسلت لك رساله خاصه
ومثل ما قالو الآعضاء ياريت تشيل اولاً الصورة اللي بتوقيعك
وثانياً الأهم الشباب يبون يشوفون السيارة عشان يبلغونك بالكلام الزين
هل معدومه بالمره او شيئ بسيط ما نعرف على الآقل بالعين نقدر نشوف هل اهي مكلفه او لا
والحمدلله على سلامتك

[ولد وايل 2010]

الحمدلله على السلامة والله يخلف عليك

[رحال نجد]

الحمد لله على سلامتك يا اخوي
الحديد يفدا راسك

[هايبر]

الحمد لله على سلامتك
عندي لك بعض المعلومات يمكن تساعدك :
1- اذا كانت القلبه بسيطه و هذا المتوقع لان قلبة النفود ما تجي كايده خصوصا قلبة السيف افضل طريقه هي التعديل بدون بويه و هذي ميزته يحفض قيمة السياره في حالة البيع اكثر من السمكره .لكن عيوبه ياخذ وقت طويل علاشان يصلحونه و ورش التعديل محدوده .و انا انصحك بالتعديل لانهم يسون العجب
2- اذا كانت القلبه قويه سمكر الموتر و تراه يرجع جديد مع بعض التاثيرات البسيطه و لكن ميزته لو بعته قيمته افضل من انك تبيعه قبل السمكره .
3- تغير البدي ما انصح فيه لانه مكلف لو تبيعه و تشتري مستخدم نظيف افضل من انك تغير البدي .
4- بحكم انك راعي بر احتمال القلبه وارد في اي لحظه لذالك انصحك تزين سيارتك و استمتع فيها و تجنب الخسائر الزايده و في النهايه تراها سيارة بر و موترك جديد حسافه تبيعه .
5- ميزة القلبه انك بعد ما تصلحه بتاخذ راحتك في سواقته لان حرصك عليه قبل القلبه بي يتغير كثير

اذا محتاج و رشه تعديل في الرياض ارسل لي على الخاص اعطيك رقمه شغلهم طيب و عيبهم يطولون و سعرهم مناسب

و الله يعوضك بأطيب منها ان شاء الله

[بندر خلف]

الحمد لله على السلامه

والحمد لله انك سالم

والحديد ايتعوض

سواء سمكره والى بدي كامل

[الطرس ممدوح]

الحمد لله على السلامة
والله يعوضك خير في الدنيا و الأخرة

[راع الريمة]

الحمدلله على السلامه
بالحديد ولا بالعبيد

أنا شفت بتشاليح بريدة كذا بودي شااااص جديييييد بخطه بصداماته ب7000 ريال

واهل بريدة مايقصرون معك

[sgl2002]

جزاكم الله خير

الموتر ماتمخش البدي لاكن طعجات

والمشكلة التندة من الزاوية اليمنى انخفشت

المهم ابروح اليوم اصوره لاني موقفه بالحجز وابنزل الصور ان شاء الله

[rami52]

الحمد لله على سلامتك
عندي لك بعض المعلومات يمكن تساعدك :
1- اذا كانت القلبه بسيطه و هذا المتوقع لان قلبة النفود ما تجي كايده خصوصا قلبة السيف افضل طريقه هي التعديل بدون بويه و هذي ميزته يحفض قيمة السياره في حالة البيع اكثر من السمكره .لكن عيوبه ياخذ وقت طويل علاشان يصلحونه و ورش التعديل محدوده .و انا انصحك بالتعديل لانهم يسون العجب
2- اذا كانت القلبه قويه سمكر الموتر و تراه يرجع جديد مع بعض التاثيرات البسيطه و لكن ميزته لو بعته قيمته افضل من انك تبيعه قبل السمكره .
3- تغير البدي ما انصح فيه لانه مكلف لو تبيعه و تشتري مستخدم نظيف افضل من انك تغير البدي .
4- بحكم انك راعي بر احتمال القلبه وارد في اي لحظه لذالك انصحك تزين سيارتك و استمتع فيها و تجنب الخسائر الزايده و في النهايه تراها سيارة بر و موترك جديد حسافه تبيعه .
5- ميزة القلبه انك بعد ما تصلحه بتاخذ راحتك في سواقته لان حرصك عليه قبل القلبه بي يتغير كثير


اذا محتاج و رشه تعديل في الرياض ارسل لي على الخاص اعطيك رقمه شغلهم طيب و عيبهم يطولون و سعرهم مناسب

و الله يعوضك بأطيب منها ان شاء الله


كلام اخونا هايبر عين الصح
دائماً اول صدمة بالموتر تخليك تعافه بس لو بعتة على حالته بتخسر مبلغ جامد وموترك باقي بقراطيسة يغني لو بتاخد موتر بتنزل خمس موديلات عن القيمة اللي بعته بها ويمكن ماتغطي
صلحها ولا سمكرها حتى لو كلفتك خلها استخدام لك والشور راجع لك

[BoOnD]

لا اله الا الله


قبل فتره كنا نبارك لك على شراء الشاص الجديد

وبعت موترك على ماعتقد انه باترول وشريت شاص

واليوم نتحمد لك على السلامه

كل هذا قدر ومقدر من رب العباد

في الحديد ياخوي ولا فيك الحديد


عوضك الله خير

وحمدلله على السلامه

وماشتوف شر

[sgl2002]

الحمد لله على قضاءه وقدره

الموتر كنت ناوي استخدمه للشتاء وابيعه

اليوم حسبت لو صلحته وبعته بخسر فيه

لانك مهما صلحت ودروا الناس انه منقلب بيطح من سعره

المهم بعته بخسارة ٣٩ الف على حالته والحمد لله على ماصار

اللي تاثر التنده من جهة الراكب انخفشت واجد والكبوت وجوانب الصندوق والابواب

المهم قالوا بتكلفك حدود ١٥ الف

ولو جيت ابيعه يطيح من سعره حول ١٥ الف

الا وهي هي

فالاحسن البيعه والحمد لله

[تركي الضرغام]

الله يعوضك اطيب منه

[ramy asiry]

الله يعوضك خير وتذكر أن الله لايقدر على عبده إلا كل خير إذا وثق به

[عقيل2009]

الحمدلله على السلامه

[ذيب السريه]

الحديد معوض الحمد لله علي سلامتك ي اخوي

[السناعيس .f16]

الحمدالله على السلامه
واهم شي سلامتك وسلامت من معاك
والحمدالله على السلامه
و الحديد ينعوض بس انت ما تنعوض

................................................
وياليت توضح لناءوش السبب لايكون تفحيط صح هو موديله2010رفارف الي كان اول في التوقيع

الله يرزق بخيرن منه
و اذا تبي عوض ابشر به ............................

[sgl2002]

السبب بالنفود قلبة سيف وتكى على الكفر الامامي الايمن وقلب على ارض قاسية شوي

طبعا انا كل مواتري باترول من اول وتعرف الباترول رساوة بالنفود

ويوم خذيت الشاص يختلف اختلاف كلي عن الباترول خصوصا الرساوة والمكان اللي قلبت فيه كم مره اجي معه وعادي الوضع

لكن الله واعلم انها عين لان كم واحد شافه واعجبه البدي تقول جوهرة يبرق ولافيه مخش

[sgl2002]

ياشباب اللي يخبر لي باترول ربع نظيف من ٢٠٠٣ وتحت وممشى قليل يراسلني ويحط رقم جواله

[السناعيس .f16]

ابشر راح اندور لك انا و الشباب

ما تشوف شر وعلى فكراء
ممكن النزله صار التراب (الله يكرمك و يكرم من يسمع)خفيف من اشعة الشمس يعني ممكن صار النزله رباضه او ماشابه و معروف اذا نزله و رباضه علطول انقلاب

............................

[ابوراكان تبوك]

السبب بالنفود قلبة سيف وتكى على الكفر الامامي الايمن وقلب على ارض قاسية شوي

طبعا انا كل مواتري باترول من اول وتعرف الباترول رساوة بالنفود

ويوم خذيت الشاص يختلف اختلاف كلي عن الباترول خصوصا الرساوة والمكان اللي قلبت فيه كم مره اجي معه وعادي الوضع

لكن الله واعلم انها عين لان كم واحد شافه واعجبه البدي تقول جوهرة يبرق ولافيه مخش



قصتك ذكرتني بقصة جاري شرواكم المهم خوينا هذا كان عنده شاص 83 رايح فيها وعنده ابل وغنم قريب من تبوك وحالته المادية بسيطه المهم تقاعد الرجال من الشرطه عام 2008 وصفى حقوقه وقال ليه ما اشتري شاص جديد ادور عليه الابل ونقز المعارض وبعد اسبوعين اشترى شاص 2006 ماشي 26 جديد كرررررت وسوى له بايكه قريبه من البيت ومدلعه وكل اسبوع يقول لولده شغله نص ساعه حتى ما تضره الوقفه
وفي يوم جمعه صلينا وطلعنا من الصلاه وكان جيبه واقف والعصر راح لجيبه واللا البايكه فاضيه رجع البيت لقى ولده موجود وعرف ان السيارة مسروقه
جلس شهر كامل يدور عليه ما خلا مكان المهم جاه اتصال من شخص وقال معك الضابط الفلاني وسيارتك موجوده في القريات ومافيها شيء الا الهوايه مكسوره تجينا تستلمها
ونقز الرجال للقريات وجاء الشرطة وقالوا ما اتصلنا عليك ومامسكنا سياره ( وأصلاً السارق هو اللي دق عليه لقي رقم الجوال في الطفايه كل هذا للتظليل )
وبعدها بأسبوعين دقوا عليه شرطة الرياض وبعد ماتأكد من صحه الاتصال راح الرياض وجاء الشرطه والا هذا جيبه في الونش ومبنشر لأن العصابه بين الرياض والقصيم بنشر عليهم الجيب وشافهم امن الطرق دخلو حوش مهجور بسرعه وعلى البنشر وشكو فيهم ومسكوهم
استلم الرجال السياره وهو راجع لتبوك يوم اقبل على الجهراء نام وضرب في عباره وراح فيها الجيب وفكه الله وحلف انه مايطب غمارته وباعه في مكانه بـ 20 الف خسران 100 الف وخسر مشاوير وضغط نفسي


العين حق والواحد حتى على حلاله المفروض يذكر الله والله يعوضك خير والخساره بالعمر ولا المال يتعوض والمقسوم مقسوم

[صديق كلم رفيق]

الله يعوضك باطيب منه ، معروف اي سيارة مب الشاص بس في حالة ميلان ووقفت السيارة على طول انقلاب ، السيف اذا ماشديت الموتر ووقف راح ينقلب .

[المهاجر انا]

الحمدلله على السلامه ولاسلم العود الحال يعود فيه ورش تسوي تعديل دون سمكره في الصناعيه القديمه بالرياض

[انفاس الصباح]

الحمد لله على السلامة , والحديد بداله حديد , والله يعوضك خير منه .

[PATHFINDER 4]

لاحول ولاقوة الا بالله
الحمدلله ع سلامتك ياخوي والحديد بداله حديد
معوض خير

[abujod]

الحمد لله على السلامة
والله يعوضك خير في الدنيا و الأخرة

[ساهر اليل2010]

اول شي : الحمدلله على السلامه
ثاني شي : شف بكم يصلحونه وشف كم سعر التشليح للتبديل
وقارن بينها وبعدين قرر الأنسب لك
بالتوفيق

[ابوسند9]

الحمد لله على السلامه يوم الله فكك والحديد بداله حديد
والله يعوضك خير منه ان شاء الله والحمد لله على قضاءه وقدره
واذا كنت تهوى الشواصي انصحك با الشاص النيسان الجديد وبالامارات جديد ب 115 الف

[sgl2002]

ابو سند ودنا بالشاص النيسان لكن راحت الدراهم

الحين ندور عسى نلقا باترول ربع من حدود ال٤٠ الف وتحت

[do_it]

الحمدلله على السلامة

معوض خير إن شاء الله