░░░░........ ألــذ اللــذات ........░░░░

[الفيتو]

بسم الله الرحمن الرحيم
السلام عليكم ورحمة الله وبركاته
صباح الخير ياجماعه
.
من اللذات اللي تمر على الصقار
.
▓▒░ .... شبك الطير الوحش والحر بالذات وضفته بين الكفوف لذه من اللذات.... ░▒▓
.
▓▒░ .... صيد الفصيل لذه من اللذات ....░▒▓
.
▓▒░ .... محوال الطير مطلع لأول مره ويضايف وتديره بالموتر وتشوف حباراه مخمر لذه من اللذات.... ░▒▓
.
▓▒░ .... هدة الفوات اللي ينتج عنها اخذ الحبارى في المزن لذه من اللذات.... ░▒▓
.
http://www.mekshat.com/pix/upload01/prof021/mk8575_ty6 (1).jpg
هالطير ذقت لذت صيد فصيل به عشتها مع اخوي علي المعيبر الله يرحمه
.
http://www.mekshat.com/pix/upload01/prof021/mk8575_ty6 (3).jpg
هذا الطير غدى في اخر المقناص وماكنت بلتقط معه هالصوره وحنا منكفين لكن عقله الله على ابسط سبب
جزالله خير من سعى في إد خال السرور عليٍِِْ وعلى كل صقار
.
http://www.mekshat.com/pix/upload01/prof021/mk8575_ty6.jpg
هذا الطير ذقت لذات معه بالطلع قنص به نايف لديره وعره وما معه جهاز وكنت حاط يدي على قلبي خايف يغدي كانت فرحتي ماتوصف يوم لفى من المقناص وهو معه لانه
غدى............... وعقله الله
.
http://www.mekshat.com/pix/upload01/prof021/mk8575_ty6 (4).jpg
من المواقع اللي ضيعت الطير على الطيار مضمونه احذركم من مقناص(( الخرم ))
.
http://www.mekshat.com/pix/upload01/prof021/mk8575_ty6 (2).jpg
وهذا الطير من الطيور ذقت لذات صيد فوات به وضيعته كادت تفقدني شعوري
...
الحمد لله كل اللذات عشتها وعشت غيرها والله يعيدها
لكن هناك لذه اشوفها الذ اللذات
عشتها كم مره هي
عقلان الطير عقب ضياعه
مرت علي كثير وفرحت بعقلان الطير كثير
.
تخيلوا
(( ضياع الطير الوحيد في نص المقناص وفي ديره من المستحيل الحصول على طير طيب في ذاك الوقت بفلوس والا بناموس وبعد فتره بسيطه يجي اتصال يبشربعقلان الطير))
تابعوا السالفه
قانصين ومعنا طير الوحيد يطلع ويلحق ومرينا على ارض وعره جدا وفيها جره حبارى جديده وتشرف عليها جبال سروات
ماكنت متصور ان فيه حبارى بتتعلى هالجبال هي والطير ويختفون وراها .. ومع ذلك كنا حريصين مانهد الطير . مشينا مع الجره . نتسلى
ونُذكر بعضنا بعدم هد الطير في الوعره مهما كان لكن الطير تل وراح ورى حبارى شارد على البعد طارت واللي كنا مانتوقعه صار
وآخرالعهد بهم ذابوا في الدرابيل فوق سلسلة الجبال المتشابكه وهويخطف الحبارى وتسلم منه .
موقف الله لايجعله يمر على صقار .
لكن الله عقل الطير وتمثلت بهالأبيات ارجوا ان تنال اعجابكم
يا سعود ياسعود دوك النار فالدكَه ** روح وعلم ٍ لــفــاني يـبــري العله
علـم ٍِ يسـر الــفـؤاد ويـبـعــد التكَه ** ما ألذ من نادر ٍ ضاع إو عِقـِل لِـلـَه
النادر اللــي غــدى والله مـــا فكَه ** لكـن ليا تــــل طــبـــع ٍ فـيْ وإجبلَه
تــبـعته الـسـبـق وأقفى كنه البكَه ** لاشافت الدخــلـــــه فــي سهلةٍ خلَه
ذب إوعـر ٍِ لايـهــاط ولامعـه سكَه ** مافيه ريـشــه وذاك الــقــاع ما دلَه
وأتلا العهد به يخم الريش ويفكَه ** دخـان مـــورٍ ٍِ مــع الــخـــبــه يدبَله
.
وسلامتكم
هذا الذ مامر علي وودي اعرف ويش الذ ما مر على الأعضاء في المقناص؟؟
*
والسلام
AL Khapt Brother of Naif
الحجاز
11-8-1433هـ

[راعي لادن]

السلام عليكم ورحمة الله وبركاتة تقرير رائع الله يرحم علي المعيبر والمسلمن تحياتي راعي لادن

[بن محجن]

بسم الله الرحمن الرحيم
عليكم السلام ورحمة الله وبركاته

صباح النور والسرور أخوي
ابو صالح

الذ اللذات
مواضيعك بمنتدى مكشات
والسبب لأنك كبير كبير ... بعالم الصقاره
والحمدلله على العقلان , وصح لسانك

وتقبل مروري وتحياتي للجميع

بن محجن
10/8/1433هـ

[خلف الفار]

مقناص موفق لله درك على الابيات الجميله
وأتلا العهد به يخم الريش ويفكَه ** دخـان مـــورٍ ٍِ مــع الــخـــبــه يدبَله

[(هزاع)]

وأتلا العهد به يخم الريش ويفكَه ** دخـان مـــورٍ ٍِ مــع الــخـــبــه يدبَله
لاحول ولاقوة الا بالله
يا اخي انت روائي من الدرجه الاولى
كنت متمركي وقراء وتابع ويوم انتهيت الا انا خام اللاب تب على يدي
تفاعلت مع القصه ونا اتمنا ان تنتهي بسرور
والحمد لله على سرورك وفرحتك
اما الابيات تلفت انتباه اللي بجنبك ونت تقرا من الزفرات
رائعه من روائع الشعر المعبر عن مكنون النفس
اتمنا لك ما اتمنا لنفسي
اخوك ابومشعل

[بن قنور]

السلام عليك يابو صالح
((( الفيتو )))
صباح الخير وريحة قهوه وهيل
مبدع في كل جديد اخي العزيز
فعلن انها من اللذات ان يعقل الله عليك طيرك وانت في عز المقناص كنا في المقانيص في السبعينات ان ضاع الطير تجد راعيه شقيان وضايق صدره كل فجر على راس طويله وحزة المعشا كذلك على راس طويله للمدة ثلاث ايام وخوياه كذلك من السيارات وان جابه الله معلومه لن يمرح راع الطير ان كان مامعه الى هو الى ومعه طير من احد الخويا الي معهم طيرين او اكثر ونرجع ان جابه الله ارجع الطير الذي اخذه ويقول كفيت ووفيت ومقبول موفور والمبشر في الطير له بشاره
ويحلف الي عقل الله عليه طيره بذبيحه يتعشونها والجميع مستانسين هذاك اليوم
لئن اكثر مقنيصنا طويله من عشرين يوم الى شهر تقريباً انا طولت عليك
اعتقد ان عقلان الطير على راعيه هي اللذ اللذات على كبد صاحبه تقبل مروري اخي العزيز
ابو فيصل

[طيرالحمــــاد]

لله درك يابوصـــااالح وصــــح لســـااانكـــ


وأتلا العهد به يخم الريش ويفكَه ** دخـان مـــورٍ ٍِ مــع الــخـــبــه يدبَله


مااااله حل يابوصالح عن قصيدته كامله
هههههههههههههههااااااي
دائماااا مبدع

[أبو أمين]

الذ اللذات اللي شعرت بها

الهدد الفصيل لانه ببساطه كنه مثل الولد لادخل الجامعه وابوه يحرص عليه

بالدراسه والتفوق والنتيجه يتخرج بممتاز مع مرتبه الشرف يا ترى كيف تكون فرحه الأب ؟؟؟

انا غير متزوج ولكن حسيت بهذا الشعور وعرفت ليه الوالد يحث ولده على الدراسه

لكن للاسف ابوي ما ذاق هذي اللذه والسبب انا ابي اذوقها مع طيري والدراسه تحول دون ذلك !!! وقد فاتت

تذكره العوده !!! الله يغربل ابليسك يالفيتو قلبت مواجع هههههه

العقلان كذلك ، لكن الطير الوحيد اللي تمنيت انه ينعقل اكثر من غيره وكنت اتقطع عليه لم تراه عيني

الا هو يوم يطق ويشهر والوعر عرض في وجهي ويقول : محلك هنا والله ما تعداه !! وراح هامان على وجهه

اللى يومك الحاضر والامل معدوم بعودته ١٠٠٪ اشهد انه يطير ملعون الثوى .

انا صراحه المخطي لانني كنت ما اعترف بثقافه الريشه والله ان الربع يصيحون علي يا مجنون

اشتر لك جهاز ولا هو قاصرني عنه شي لو بغيت مارشال براسه جبته هههههههههه لكن اقدار رضينا بها

الين غدى وتعلمت الدرس بالطريقه الصعبه .

تحياتي على هالصبح العكر هههههه .

[عاذي]

النادر اللــي غــدى والله مـــا فكَه ** لكـن ليا تــــل طــبـــع ٍ فـيْ وإجبلَه
والله ابي اصارحك يالفيتو مواضيعك الي قريت عنوانها قلبي تزيد دقاته لانك ماتجيب الا المواضيع النادرة وكأنني اطلع على الهواء مباشرة ... اشهد شهادة حق ان شاء الله تعالى انك عطيت الطير حقة .

[صقار أبوظبي]

وعليك السلام ورحمة الله وبركاته

حي الله ابو صالح وحي ماجاب

بيض الله وجهك على التقرير المميز بارك الله فيك

والحمدلله على العقلان وصح لسانك

تحياتى لك

[أبو فااارس]

يابو صالح ماعقب مواضيعك مواضيع وقصص ماشاء الله عليك تحتفظ بصور من ذاكرة التاريخ .. اسمح لي اصنفك من أفضل ثلاث شعراء بالجزيره العربيه بوصف الطير إن لم تكن تغرد خارج السرب والله العظيم اني ماآجاملك لكن هاذي الحقيقه صح الله لسانك ياشيخ الصقاقير...

[تواق]

نعم نعم يابو صالح


انشهد كل الي ذكرتها لذه الذااات لكن عقلان الطير الي تحبه قمتها كلها

وعساك تستلذ ابها كلها الا لذه ضياع طيرك اعرف قلبك

[قرناس ثالث]

الحمد لله على العقلان وصح لسانك

[مزاريف]

السلام عليكم ورحمة من الله وبركاته مقناص موفق يابوصالح والحمدلله على العقلان وصح لسانك

[بو غازي]

مرحبا يابو صالح
وصح الله لسانك
وجعلك دوم تستلذ بالصيد والهدد وجعل جنات النعيم هي المأوى لنا جميعا
والضياع اقشر يكدر خاطرك بسبة لعواز اخوياك معك
اما ألذ اللذات عندي لالقيت جرتها جديده وبشرت أخوياي ابشروا بها ..هذي تسوى عندي هيييييي تسوى الشي الكثير :)

[طيرحوران]

السلام عليكم ورحمة الله وبركاته
*********
احيي كل بإسمه ونأسف عن الإنقطاع وذلك لظروف خاصة
*************
ولكن هيضتني يالفيتو وذكرتني بمواقف كثيرة ولكن سوف اذكر منها اثنين وبإختصار
الأوله طرحت الوحش عام 1427هـ
كنت بالمدعى قبيل المغرب في شهر رمضان المبارك وتوي ناقل الطيور وبدعيها ومتواعدين على الفطور في المدعى
على بال مافكيت حمامه لأول طير والحمامه مطيرها وسط لعدم جاهزية الطيور الا يوم حول على الحمامة هاك الوحش المزيون الوافي
وفقني الله وطرحته
وتعتبر لذة من اللذات الندر اللهم لك الحمد والشكر
*******************
الثانية

قانصين عمان ومعنا أربعة طيور من ضمنها جير شاهين
المهم راعي الطير فك الريشة من الجير وقال ترى مالي هداد بعشي الطير ووجه للمعشى يبي يشب ويعشي طيره وجهنا سوا للمعشى يوم نفجت الارنب ويعطيه سبوقه ونسى انه ماركب الريشه
الغريب الطير خلى الارنب وخذ يرتفع ويروح جنوب ونسوق معه ولا جول القطا قدام الجير وبعيد والله
المهم مسكناه بالدرابيل لين قطع لا ريشة وارض وعر
ويومين وحنا في عالي المراقيب صياح وملواح وعقله الله في ثاني يوم وقفت بعد ما ايسنا قلت خلني الوح لعل الله يعقله
ولوح بالملواح بس ما اصيح من الياس ثواني والطير مقبل علي لا قط الارض

وصارت عقلان الطير لذة من اللذات وكذلك لذتنا يوم شفنا راعي الطير ماسك طيره يخمه ويحبه وينشده انت متعشي الـبـارح وكانت بـــرد وشـمــالٍ قــويــه


هذا وسامحونا على الأختصار


والسلام عليكم ورحمة الله وبركاته

[عـــرادي]

(( ابـــو صالح ))
وعليكم السلام ورحمه الله وبركاته
صح الله لسانك و بيض الله وجهك
كمااااااال و جمااااااال يالغالي
انت منبع الفن و الابداااااااااع
الله لا يهيينك ويجعلك ذخر لنا
انا جربت كل شي من اللذات
ولكن اتوقع احسن اللذات عندي
انك توَفي في وعدك وتطب محلي
مع خالص تحياتي
اخوك / عرادي

[@قرناص@]

حي الله ابوصالح
صح لسانك على الابيات ولاهنت على التقرير المميز
والحمدلله على العقلان

[جفنان ينبع]

هلا وغلا بابو صالح
وصح الله لسانك
وجعلك دوم تستلذ بالصيد

[عواد الشمري2]

الله يعطيك العافيه على هتقرير

[ابوظافر90]

صح لسانك
بيض الله وجهك على التقرير
اذا بدايت اقراء موضوع لك احس اني خارج العالم المحيط بي
ما شاء الله تبارك الرحمن اسأل الله لك دوام التوفيق والابداع وان تستمر في كتاباتك واذا تاخذ بنصيحة اخ فكر كيف تجمع هذه الخبرة والقصص والصور وتضعها جميعها في كتاب من اجزاء تستفيد ويستفيد منها الاجيال القادمة ، ويمكنك ان تدخل عليها الشعر والمقناص وكيفية تعليم الشباب الواعد الصقارة والقنص ....الخ

[سلطان 1]

5"]الله يمسيك بالخير يابو صالح
وانا مرت علي كل اللي قلته
لكن مثل عقلاااااان الطير
عقب يوم يومين وانت في المقناص
وانت خلاص قفدت الأمل ويجي يوم
وتقول خلني اللوح في هالطويل
بس لحااااجه في نفسي ولا تدري
الا هو محول عليك.
أنا اتوقع انهاااا أحسن وابرك اللحضاااااات عندي. [/CENTER]


اما هالبيت يابو صالح مدري قد احد من الشعاااااار سبقك عليه والا /

وأتلا العهد به يخم الريش ويفكَه ** دخـان مـــورٍ ٍِ مــع الــخـــبــه يدبَله

[جـرح الشمـال]

مرحبا اخوي الغالي ابو صالح
الله يبيض وجهك
وقول فعلا انها لذة اللذات
وش يبقى لانسان غير الذكرى الحلوه
بس احسدك على احتفاضك لصور ههههههههههههه
ماشاء الله عليك ودايم طيورك طيبه والطيب مايقني الى الطيب
ومثل ماقال اخوي العرادي احلا اللذات انك توفي الوعد
او سوف يتم القبض عليك في احد المحاير والريضان حولنا هههههههه
احترامي لك يابو صالح

[كلي فخامه]

بصراحه لاضاع الطير الغالي على الصقار تضيق الدنيا فيه ويوم الله يعقله عليه يفرح افرح من انه يطرح طير وحش

[حامد الحنيني]

السلام عليكم ورحمة الله وبركاته

مساء الخير يابو صالح

دائما متميز يابو صالح

والله الذ اللذات وخص بوقتنا الحالي ليا قلت خوياك عندي جرة جديييييييييييييييده بسرعه قبل تفقع

وقولت طااااااااار ت طااااااااااااارت

وضياع الطير والله انه مصيبه ليا ضاع طيرك قلت انا ورى مافتك من الطيور كلها بلى هم ولى وجع راس

وليا عقل الله الطير انسته كل هواجيسه


تحياتي لك

[الشلاعي]

يا سعود ياسعود دوك النار فالدكَه ** روح وعلم ٍ لــفــاني يـبــري العله
علـم ٍِ يسـر الــفـؤاد ويـبـعــد التكَه ** ما ألذ من نادر ٍ ضاع إو عِقـِل لِـلـَه
النادر اللــي غــدى والله مـــا فكَه ** لكـن ليا تــــل طــبـــع ٍ فـيْ وإجبلَه
تــبـعته الـسـبـق وأقفى كنه البكَه ** لاشافت الدخــلـــــه فــي سهلةٍ خلَه
ذب إوعـر ٍِ لايـهــاط ولامعـه سكَه ** مافيه ريـشــه وذاك الــقــاع ما دلَه
وأتلا العهد به يخم الريش ويفكَه ** دخـان مـــورٍ ٍِ مــع الــخـــبــه يدبَله
.
الله اكبر علي الملازيم انك تغرف من بحر ماشاء الله عليك صح لساااااااانك مليون ولا يكفون ومشكور على الموضوع الكامل المتكامل


وصراحه مافيه اصعب من ضياع الطير وهاك هالقصيده




يامن يبشرني ويلقى البشاره*** عز الله انه راح لي فرخ شيهان

يطرد عشاه ومصخرً في طياره*** لين ان من دونه قصر شوف الاعيان

وجدي وجود اللي عليه الخفاره***اللي دخل بالسجن ظلمً وبهتان

عليك ياطير السطا والجساره*** ياللي عنك ماني بعازي وقنعان

امرح خلاوي ماعرف وين داره***الجوع ساقه لاخدعني ولاخان

موكارها طفيت عنه الأناره***وصكيت لي من دونه اثنين بيبان

من يوم جفن العين سبل عباره***وصديت عاوي عوية الذيب سرحان

قلب المولع ولع الولف ناره***والعين هلت صافي الدمع هتان

لو الخساره مال ماهي خساره***مير الولع بعضه غريزه بالانسان

[وزاري]

http://www.7ammil.com/uploads/13410583941.jpg (http://www.7ammil.com/)

[ســـبــار ربــعـــه]

بسم الله الرحمن الرحيم

يا سعود ياسعود دوك النار فالدكَه ** روح وعلم ٍ لــفــاني يـبــري العله
علـم ٍِ يسـر الــفـؤاد ويـبـعــد التكَه ** ما ألذ من نادر ٍ ضاع إو عِقـِل لِـلـَه
النادر اللــي غــدى والله مـــا فكَه ** لكـن ليا تــــل طــبـــع ٍ فـيْ وإجبلَه
تــبـعته الـسـبـق وأقفى كنه البكَه ** لاشافت الدخــلـــــه فــي سهلةٍ خلَه
ذب إوعـر ٍِ لايـهــاط ولامعـه سكَه ** مافيه ريـشــه وذاك الــقــاع ما دلَه
وأتلا العهد به يخم الريش ويفكَه ** دخـان مـــورٍ ٍِ مــع الــخـــبــه يدبَله
.
وسلامتكم
هذا الذ مامر علي وودي اعرف ويش الذ ما مر على الأعضاء في المقناص؟؟
*
والسلام
AL Khapt Brother of Naif
الحجاز

11-8-1433هـ


ما شاء الله تبارك الرحمن عز الله انها سالفه توقف شعر الراس.
وصف ابدااااااع خصوصا راعي اللوري الي يدبل مع الخبه ههههههههه.
تقبل اوفر تحياتي.

[ذراع الذيب]

السلام عليكم ورحمة الله وبركاته..
مسيت بالخير يابوصالح..

هلاااا والله وغلاااا تدري وشهي الذ اللذات اللي نعرفها هو انت يالفيتو..
جعل يمناك تسلم يوم كتبت لنا هالموضوع الطيب وافكارك ماشالله واسعه وانت كاتب وروائي ماله مثيل ولايهون احد من خويانا وشاعر متمكن..
ابياتك قويه جداً وعندك وصف للطير والمقناص غير شكل ماحد جابها الا انت ولاهو قصور في شعار مكشات وهناك شعار بالمنتدى يسوون الفين شاعر بالساحه الشعبيه..
وتسلم يابوصالح يأمير صقاقير الحجاز على هالموضوع الطيب اللي اعده من سوالف فنجال وعلوم رجال..
ويستحق التقييم الاعلى وختم التميز والارسال عبر جوال مكشات وعبر تويتر والتثبيت على هذا الرابط..
"صــقــــار مـجـيـرمـه ــــ واسـطـورة الـسـاحـل الغـربـي" (http://www.mekshat.com/vb/showthread.php?t=490941)


***************
وصدقت ان طرح الوحش لذه من اللذات وخصوصاً الحر مثل ماتفضلت واول طير اطرحه بحياتي حر
شفت يالفيتو وشلون تعلقت ماهوب انا اللي علقته هههههههه
لاهنت واشكر مشرفنا القرناس المهاجر على تثبيت الموضوع وتراك سبقتني:)..
تحياتي لكم..

[القرناس المهاجر]

حي الله ابوصالح

عزالله ان من الذ اللذات وجودك بها الخيمة
ياخي معك نرى معرفات لأعضاء فقدناهم من زمان
موضوع جميل وشامل .. ومميز بكل ماحوى من لذات
تسابقنا انا وذراع الذيب على تثبيته لكنه سبقني هههه
فجزاه الله كل خير .. وشكراً يابو صالح وحفظك الله

[ابو ساره 999]

النادر اللــي غــدى والله مـــا فكَه ** لكـن ليا تــــل طــبـــع ٍ فـيْ وإجبلَه



تــبـعته الـسـبـق وأقفى كنه البكَه ** لاشافت الدخــلـــــه فــي سهلةٍ خلَه


وهذا يابو صالح الميزه اللي تميز الصقار الحقيقي انك ماترد شي بخاطر طيرك حتى لو تدري ان فيه مخاطره عليه ووالله العلي العظيم انك شخص مميز بمواضيعه ولك نكهه خاص بهالمنتدى ولايهونون الربع الباقين عسى ايامك يابو صالح كلها لذات وتفرح باذن الله باللذه العظيمه وهي لذة الجنه الله يرحم اثنين جابوك

[الـسـاطـع]

ياهلا فيك وفي مواضيعك أخوي
ماشاء الله قصص ووصف وابيات في قمة الروعه
الله لايحرمنا منك ومن مواضيعك الطيبه

[ربع خالي]

وعليك السلام ورحمة الله وبركاته

حييت ياجرناس سمر الجباه وخضر اللحى

وأتلا العهد به يخم الريش ويفكَه ** دخـان مـــورٍ ٍِ مــع الــخـــبــه يدبَله

لو فقط لاغير هذا البيت نزل في موضوع لحاله ؟
لأستحق كاس التّميز
مبدع بكل ماتعنيه هذه الكلمه
تقبّل مروري

[مذخور]

وعليكم السلام ورحمة الله وبركاته
ياسلام عليك يابوصالح
ماخليت شي مدرسه بكل اطروحاتك
مجهود مميز
اتمنى لك التوفيق والنجاح
اعلم انها كلمات لا توفيك حقك ..ولكن هذا جهدي
تقبل تحياتي ,,,

[بحر الخليج]

موضوع مميز
وصراحه ألذ اللذات جبتها على الجرح يالفيتو ولاهنت .

[هاوي هدد 11]

وعليكم السلام ورحمة الله وبركاته
مسيت بالصحة والعافية
يابو صالح
الذ اللذات
هوشوفت معرفك في هذا المنتدى الغالي
كلن يسابق الثواني على الدخول على موضوعك
لمافيه من اثارة وقوة سرد
وأبيات في الصميم نابعة من صقار هاوي للطير
صح اللسانك لا عدمناك
وهذه أبيات للشاعر حمد السعيد
أهداء لك يالذيب


قال الشاعر

يالطلح مامرك مع الصبح صافي

طير غدا لي امس والشمس حيه

اتلى العهد به راح يطرد مقافي

خبري به اوما في جناحه هنيه


ورد الطلح


لاوالله الا مرنا العصر وافي

كنه غلام مستغير بهيه

اقبل علينا ثم اخذ بانحرافي

يوم الحباري وقعن له سويه


قال الشاعر


يالطلح قل لي عل مابه خلافي

البارحه برد وشمال قويه

كانه تعشى قلت عله عوافي

والحي يجمعه الولي مع خويه


ورد الطلح

لاوالله الا صاد خرب متعافي

واخذ عليه من الثنادي شويه

لامفلس مره ولاقال كافي

يوم اخلفنه عن عشاه حقبيه


قال الشاعر


خابره والله قاطع مايخافي

دايم على الصيده تجي له حميه

انشدك باللي منبتك بالسوافي

عساه في خير ولافيه سيه


رد الطلح

خبري به اقرش في سبوقه خلافي

مابه بلا وامرح على هالحصيه

والفجر شخص بالنواظر وشافي

طلعه بعيد ويمته ساحليه


قال الشاعر


يالطلح ذا حبه ولاهو بخافي

متعادل حبه بحب البنيه

بعض الطيور ان راح قلنا عوافي

لاشك هذا وين ابلقى حليه


رد الطلح

اتعب عليه وعادت الحر يافي

اضرب سهلها والوعر والشقيه

يجيبه اللي رازق هالعجافي

بهايم تمشي على غير نيه


قال الشاعر

يالطلح لك مني يابو غصن ضافي

لاجابه الله وكل نيه مطيه

لاجيك انا في موتر القش هافي

واسقيك هاللي باقي بتانكيه

وآطا على رملة سوافيك حافي

وكل على ماقيل يذكر خويه

ولكن اذا فقدت طيرك ومافيه أمل للرجعة
هذا أوجع الوجعات
لك مني ألف تحية

[القناص الليبي]

بسم الله ماشا لله موضوع شيق وجميل الله يجعل حياتك كلها سرور ولذاااااااات تقبل مروري

[قلب ذيب]

وعليكم السلام ورحمةالله وبركاته .
وأتلا العهد به يخم الريش ويفكَه ** دخـان مـــورٍ ٍِ مــع الــخـــبــه يدبَله


صح لسانك على هذه الابيات الجزله المعبره عن موقف حقيقي .
حكايات مثيره مخضبه باللذات المفعمه بالفرح والسرور . جعلك سالم وفرح وسعيد يابوصالح , مواضيع شيقه قيمه ومفيده, تبقى شخص المتواضع علم من اعلام هذا المنتدى الشامخ بوجودك وبوجود امثالك من الحاضرين .
...... سوف اطرح ماخبرته من مواقف في المقناص مستقبلا بأذن الله .
تقبل تقديري واعجابي .

[صاحب نوماس]

لاهنت يابو صالح
ابيات من ذهب وصح لسان شاعرها

[بـــن خــتروش]

بوصالح مساك الله بالخير
صح لسانك على القصيده والسالفه يالشاعر
البارح انسولف مع ربعٍ تعرفك بعضهم تشرف بمواجهتك والبعض يتمنا
واتفقنا ان الدكتوراه الفخريه في المقناص والصقاره بلا منازع من هل الامارات واهل الشويب بالذات لك يابوصالح

يعلم الله انك غالي وانا نحبك في الله من طيب راسك وسمعتك ومروري على مواضيعك لذه لما تكتب وثقافه ومعرفه لخوك خليفه بن ختروش وكل من يمر على دررك يابوصالح
أسأل الله العظيم أن يديمك بصحه وعافيه ولك سلامي وسلام الاخوان من الشويب وخاصه ابورداد

[عبدالرحمن بن ذياب]

صبحك الله بالخير يا بو صالح
أشكرك على هالموضوع المميز لا هنت ولا عدمناك
صح لسانك و الله يرحم امواتكم و اموات المسلمين اجميعن

[البروالطير]

يامرحبا بخوي العزيز
ابو صالح
من الذ اللذات ان ادخل الموقع وأجد موضوع جديد للفيتو:D
قبل ما أدخل أكون مطامن اني أشوف الجديد والنادر
وأقرأ ابيات الشعر وفسرها شي افهمة وشي اعمل حالي فاهمة
ودي ازورك ومعي هارد 1000 ميقا
استانس بشوفتك يالغالي وأسحب ارشيفك
من الصور ;)
تقبل تحياتي

[501]

بسم الله الرحمن الرحيم
ياابو صالح الذ اللذات انت في ذا المنتدى والله يطول في عمرك ويرحم من توفى
انت الواجب يعمل لك مكشات تمثال بسم الفيتو
501

[حصريا001]

سلام عليكم ورحمة الله وبركاتة


...................


ماشاء الله ،،، يا الفيتو ،،،
بيض الله وجهك و ما شاء الله تبارك الرحمن
مبداع دائماً في اختيار العناوين ومبدع في التوقيت
ومبدع في كل شيئ


حتى في اختيار اسمك


لااحد يستطيع حق النقد بحقك


نسقت العنوان واخترت التقرير وختمتة بقصيدة محكمة
سلمت يداك

[نوووماس]

السلام عليكم ورحمه الله وبركاته
ابو صالح دايم مواضيعك شيقه وتعيشنا الجو فعلا والشباب مابقو لي شي
اكتبه لاكن عسى الله يوفقك وشاكر على موضوعك تقبل مروري

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير ياجماعه
*
أخوي / راعي لادن
حياك الله والله يقبل دعاك
سرني مرورك
*
أخوي /بن محجن
عشت واللي الذ منها
حضورك وردك الكريم
*
أخوي /خلف الفار
سلمت ودمت
مشكور على المرور
*
أخوي /هزاع
اشكرك ياغالي
على الحضور
والثناء
وماعليك زود
*
أخوي /بن قنور
يالله حيه .. حضورك
سرني واضافتك
اثرت الموضوع مشكور
*
أخوي /طير الحماد
عشت .. ثناءك على البيت
زاد ه جمال
*
أخوي /ابو امين
يامرحبا .. حيالله الطالب
المهمل هههههه سلمت والله يعقل طيرك
حضورك سرني
*
أخوي /عاذي
تسلم ماتصدق كيف قريت الرد
واثلج صدري
اشكرك على المتابعه
وماعليك زود
*
أخوي /صقار ابو ظبي
يامرحبا بالصقار السعيد
حياك الله مشكور
*
أخوي /ابو فااارس
سلمت ودمت وماعليك زود
اشكرك من كل قلبي على الحضور والثناء
*
أخوي /تواق
من طول الغيبات جاب الردود الزينه
يالله حيه ,..سرني مرورك
*
أخوي /قرناس ثالث
تسلم ومشكور
*
أخوي /مزاريف
يالله حيه .. مشكور على المرور
*
أخوي /بو غازي
امين الله يقبل دعاك
فعلا لذة الجره الجديد شي ثاني
جعلك دايم ماتفلس من شوفها
وصيدها
*
أخوي /طير حوران
يامرحبا تراحيب المطر
عشنا معك فرحت الطير والله يعيدها
شرفت مكشات يابو سعد
*
أخوي /عرادي
مرحبا هيل .. انت دايم على البال
لاتباطاني جايك ان شاء الله
اشكرك
*
أخوي /قرناس
صح بدنك .. اشكرك على المرور
*
أخوي /جفنان ينبع
وياك ياغالي
اشكرك
*
أخوي /عواد الشمري
تسلم وتعيش
اشكرك
*
أخوي /ابو ظافر 90
اشكرك على الحضور والثناء
ماعليك زود والفكره طور الدراسه
عشت
*
أخوي /سلطان 1
صدقت .. شاكرا ومرورك
اعجابك باالبيت سرني وزاد تمسكي به
انا راعيه ولاسبقني عليه احد
مشكور
*
أخوي /جرح الشمال
مرحبا هيل عداد السيل
ماعليك زود يا غالي وان شاء الله
اني جايك
سلمت
*
أخوي /كلي فخامه
صدقت .. سرني حضورك
*
أخوي /حامد الحنيني
هههههه شعرت بفرحتك
فعلا لذه عجيبه
اشكرك على الحضور
*
أخوي /الشلاعي
سلمت ودمت ثناء تاج على راسي
ياغالي
اشكرك جزيل الشكر
على القصيده المعبره
*
أخوي /وزاري
يامرحبا .. حضورك نور الموضوع
اشكرك
*
أخوي /سبار ربعه
عشت . سرني متابعتك
اشكرك جزيل الشكر
*
أخوي /ذراع الذيب
الغالي اشكرك جزيل الشكر
ومرورك وتقييمك للموضوع
شرف ودعم
*
أخوي /القرناس المهاجر
يامرحبا .. انت وذراع الذيب
مكملين لبعض واللي يحضر يسد
اشكركم جزيل الشكر
وماعليك زود
*
أخوي /ابو ساره999
كلامك في محله
فعلا من يقدر يمسك عمره ؟؟!!
حضورك سرني ياغالي
*
أخوي /الساطع
تسلم وتعيشاشكرك على المتابعه
*
أخوي /ربع خالي
سلم ماعليك زود
غالي ياربع خالي مرورك سرني
اشكرك
*
أخوي /مذخور
يالله حيه
ماعليك زود
حضورك وثناءك
سرني مشكور
*
أخوي /بحر الخليج
ههه اكيد انك معي على الخط
الله يسعدك
مشكور
*
أخوي /هاوي هدد11
يامرحبا هيل عداد السيل
مشكور على حضورك اللي يعتبر
اضافه للموضوع وتطريزه بهالرديه
الجميله صح السانك والسان السعيد
مشكور وماعليك زود
*
أخوي /القناص الليبي
عشت
اشكرك على الحضور الطيب
والله يقبل دعاك
*
أخوي /قلب ذيب
حيالله بو ماجد
اشكرك على الحضور والثناء وفي انتظار
جديدك
*
أخوي /صاحب نوماس
صح بدنك
مشكور
*
أخوي /بن ختروش
يامرحبا يابو مطر
حياك الله وحيالله هل الشويب
تسم ويسلمون ربعك ويسلم ابو رداد
شهاده ووسام اعلقه على صدري
واحفظه في قلبي
ماعليكم زود ومنكم نستفيد
*
أخوي /عبدالرحمن بن ذياب
سلمت وصح بدنك والله يقبل دعاك
مشكور
*
أخوي /البر والطير
سلمت ودمت .. اشكرك على
المرور الطيب
*
أخوي /501
عشت سعيد
حورك وثناءك اثلج صدري
سلمت
*
أخوي /حصريا001
الله يطول عمرك على الطاعه
والعلم الزين .. ثناءك تشجيع ووسام
اشكرك
*
أخوي /نوووماس
ياهلا .. ماعليك زود
ياغالي اشكرك على التواجد
*
والسلام
AL Khapt Brother of Naif
الحجاز
13-8-1433هـ

[عبدالله بن الشيخ]

بارك الله فيك يالفيتو

[ارقبان]

يا حي طاري الفيتو و حي ما جاب
حروف تكتب بالذهب و عزالله
ما كذب من سماك
"اسطورة الساحل الغربي"

[عنيد]

واتلا العهد به يخم الريش ويفكه .......دخان مور مع الخبه يدبلهانا اشهد ان غديان الطير شيء لا يوصف الا لمن عايشه ولكن لكل جواد كبوه وهناك العقلان

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير ياجماعه
*
أخوي / عبدالله بن الشيخ
حياك الله
سرني مرورك
*
أخوي /ارقبان
ماعليك زود يالغالي .. اشكرك
على الحضور والثنا
*
أخوي /عنيد
سلمت .. صدقت
مشكور على المرور والتهنيه
*
والسلام
AL Khapt Brother of Naif
الحجاز
28-8-1433هـ

[السومر]

الله يهنيك ويعيد عليك كل المسرات

[عامج432]

مرحبا ابوصالح
مساك الله بالخير
صح الله اللسانك
ألله يعقل كل ضاله الي راعيهاـ
تحياتي للجميع


http://im23.gulfup.com/2012-07-15/1342377037101.jpg (http://www.gulfup.com/show/X2cb508dhjxgkg)

[راعي - عديم]

صح الله لسانك
وهناك العقلان وعلى كل مسلم
وتقبل مروري

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير ياجماعه
*
أخوي / السومر
امين الله يقبل دعاك ولك مثله
سرني مرورك
*
أخوي /عامج432
صح بدنك.. اشكرك . والشهر مبارك
*
أخوي /راعي - عديم
سلمت .. هناك خير
مشكور على المرور
*
والسلام
AL Khapt Brother of Naif
الحجاز
1-9-1433هـ