استشارة بسيطة لاهنتو؟؟؟؟؟

[مكروف بالدوام]

طلب مني واحد يقربلي اشتري له عدة مفاتيح وسكاريب مقاسات مختلفة بس مدري منوين اشتريها بالرياض انا ماعرف الا ساكو وخايف تكون غاليه ولو احصل مستعمله يكون احسن لان الغرض منها للمزرعة للمكاين والرشاش وغيرها . ودمتم سالمين

[أَبوابراهيم]

رح لم الملز .. عندهم كل شيء

[مكروف بالدوام]

وين فالملز لاهنت

[ابو نايف التميمي]

عندك شارع الريل في البطحا ارخص من ساكو

[الطبيب]

إحرص على السكاريب اللي يجي بنهايتها حديده .. تراها أقوا من العاديه ..

وبالنسبه للمفاتيح .. خذ العده اليابانيه اللي تجيك بشنطه .. واحرص على ان فيها المقاسين .. المتري اللي يجي ارقام .. مثل 10 و11 و12 .. إلخ .. ويجي فيها مفاتيح النضام اللي بالانش .. مثل 3/4 و6 /16 .. إلخ ..

السكاريب .. الطقم ما يتعدى 30 ريال ..
والمفاتيح الطقم ما يتعدى 35 ريال ..

هذا والله أعلم ..
والسلام ختام

[GM_400]

انصحك بالحراج وناخوك كانها عده للمزرعه بتحصل عدد انواع واشكال أصليه المانيه وانجليزي مثل ستانلي


رخيصه جدا
\
عندي ورشه صغيره في البيت فيها اغلب انواع العدد شاريها من الحراج بنص التكلفه

ساكو مايجيب الا صناعه صينيه رديئه


حراج بن قاسم الدايري الجنوبي اسال اي شخص يدلك عليه بتحصلهم في وسط السوق باسطين انواع العدد كاسر واشتر

[مكروف بالدوام]

اشكركم على النصائح المقدمه من الجميع وجزاااكم الله خير اتوقع ان رايك يا اخ GM هو اللي بسويه بروح الحراج اذا لقيت فيه عده كامله شريتها بيكون ارخص من الجديد المقلد اللي ماعاد فيه شي اصلي بس مدري القى احد بالحراج الصبح والا الظهر عشان من الدوام امرهم .
تقبلوا خالص تحياتي