ريحة غبار تطلع مع المكيف الرجاء المساعدة

[عرين نجد]

السلام عليكم ورحمة الله وبركاتة
صبحكم الله بالخير جميعا
شباب عندي فورنتشر 2006 انتاج شهر 5 ستة سلندر
عندي مشكلة المكيف اذا شغلتة اشم ريحة غبار تطلع معاة مع العلم انة الهواى مغلق حق الهواء الخارجي
سؤالى
هل يجي لة فلتر هواء مكيف...؟
الرجاء الافادة من اهل الخبرة ولكم جزيل الشكر

[نيسان فتك]

وعليكم السلام ورحمة الله وبركاته
اللي اعرفه عن فلتر هواء المكيف بسيارات تويوتا الجديدة يكون خلف الدرج الامامي يعني لازم تفك الدرج عشان تطلع فلتر الهواء شيك عليه يمكن ا نه مليان غبار واعرف واحد من الشباب معه كامري 2007 يقول لي امس اني كل سنه اغير فلتر الهواء للمكيف
اتمنى اني افدتك واسف على الاطاله

[العابر2222]

فلتر الهواء مهم تغييره واذا تسكر يسبب عدة مشاكل ضعف التبريد خروج روائح الضغط على الكمبرشن حق المكيف

مسألة انه يغيره بعد سنه اشوف انها فتره طويله لانه يتسكر بسرعه .... بالنسبة لسيارتي في الصيف شهر انظفه والشهر الي بعده اغيره بس اركب تجاري نوعيه ممتازه .... والله اذا فكيته بعد شهر انه مليان تراب اكرمكم الله مقفل تستغرب كيف وصلت هذه الكميه

[عرين نجد]

جزاءكم الله خير يا شباب ماقصرتوا
بس السؤال موديل 2006 يجئ لة فلتر هواء
اللى عرفتة الان من الشاب بموقع تويوتا العربية يقولون انة مايجئ لة فلتر هواء

[hassan-55]

نفس المعانات
المشكله قبل اسبوع صلحت المكيف
اضافه الى ذلكـ عندي وحدهـ من الفتحات حق المكيف دافيه تطلع هواء حار والباقي بارد
راجعتهم كذا مره وما في فائدهـ
مرهـ ناقص فريون وزودوهـ
ومرهـ بنلغي الحار والغوه ما عندكـ احد
الله يعين الجميع...

[shelboo21231]

نفس المعانات
المشكله قبل اسبوع صلحت المكيف
اضافه الى ذلكـ عندي وحدهـ من الفتحات حق المكيف دافيه تطلع هواء حار والباقي بارد
راجعتهم كذا مره وما في فائدهـ
مرهـ ناقص فريون وزودوهـ
ومرهـ بنلغي الحار والغوه ما عندكـ احد
الله يعين الجميع...

عادة فيه منظم كهربائي لبوابة الهوا يعطي الحار والبارد إحتمال فيه عطل ويفتح على الحار على طول .

تحياتي

[طيرشلوى 2]

اذا كان عند فلترهوءا فغيره اما اذا كان مافيه عليك فك الثلاجه وتنظيفها

[hassan-55]

عادة فيه منظم كهربائي لبوابة الهوا يعطي الحار والبارد إحتمال فيه عطل ويفتح على الحار على طول .

تحياتي

مشكور ومثل ما تفضلت قالو لي اخر احتمال المنظم
بسأل عن سعرهـ اذا رخيص غيرته ولا موب لازم
بلف الحرارهـ حق المكيف لحاله غيرته ب 655 ريال !!
والله معاناة هالسيارات
الله يعين الجميع...

[أَبوابراهيم]

عزيزي الغالي اسمح لي بادلاء دلوي حكم ان معي نفس سيارتك لكن موديل احدث ومعروف ان 2006 وفوق الشكل الجديد الين 2012 اختلف شوي تقريبا

بالنسبة لفلتر المكيف اي نعم يوجد وهو خلف درج الراكب الامامي
طريقة الفك

1- تقوم بتفريغ جميع محتويات الدرج
2- بعين ثاقبة افتح الكتلوج واعرف كيف :)

[ابن العجلان]

يوجد فلتر ابيض خلف الدرج وفكة سهلا جدا

[عرين نجد]

جزاءكم الله خير ياشباب ماقصرتوا وان شالله بغير فلتر الهواء وبنظف فتحات المكيف وان شالله تزين الامور

[ساهر اليل2010]

السلام عليكم
يا اخوي: عرين لاتنسى تعلمنا وش صار معك
بالتوفيق

[أبو راكان]

اخوي عرين انا صارت معي هذه المشكلة وحليتها والله الحمد
وسببها من مركز العضيب الله يهديهم فكيت المكيف السنة الماضيه في رمضان عندهم وقالو لازم نفك جميع الوحدات للتنظيف وفكو الوحدة الخلفية حلو
وركبوها مرة ثانية بدون احكام حيث يوجد انابيب الفريون اللي تدخل على الوحدة الخلفية ويوجد ربل يملا الفراغ اللي بين الوحدة والبدي لسياره هم رمو الربل او قطعوه المهم ركبو بدون العازل واستلمت السيارة يوم جا موسم الطلعات والبر صار يدخل السيارة غبار كثيف والمكيف الخلفي يكب غبار وصار يدخل ريح العادم وانا احترت في امري وش السالفة واراد الله وصار المكيف الخلفي يطلع صوت على وفيه حنة والكبرسور اللي ركبوه لي مستعمل وخرب بعد وديته ورشه غير العضيب وقالو بنفك ونظف كل شي ويوم فكو الوحدة الخلفية الا التراب في وجه العدو مالي الدنيا ودور وين دخل ذا كله ولقاه من عند مدخل مواصير الفريون ورحت لساكو واشتري التيب الاسفنجي الاصق من الجهتين وشريت سيلكون الماني اصلي وقلت للكهربائي اذا جيت تركب الوحدة الخلفية حط ذا التيب وحط السلكون لا تخلي ولا فتحة وركبت وناظرته من تحت الا كل شيئ مسكر ومن بعدها ولله الحمد كلش تمام لا يدخل غبار ولا يدخل ريح العادم وما اقول الا حسبي الله على العضيب وشغلهم البربسة + الغلا على الفاضي
اسف للاطالة ولكم تحياتي