صيد سمك الخضرة ( لفاح، تشخيط) في جزيرة جنا ... [الأرشيف]

مشاهدة النسخة كاملة : صيد سمك الخضرة ( لفاح، تشخيط) في جزيرة جنا ...

عاشق البحرE

01/07/2012, 12:30 PM

السلام عليكم و رحمه الله و بركاته ..

صباح / مساء الخير

المعذره لعدم تنزيل التقارير منذ مده .. مرات بسبب قله الصور و الفيديوهات و مرات بسبب الأنشغال و عدم التفرغ ..

اليوم جايب لكم تقرير جديد مفصل لصيد لفاح او تشخيط قرب جزيرة جنا الواقعه في بحر الجبيل و اللتي تبعد قرابه 40 كم من شاطئ الجبيل ، مع الصياد المحترف ابو شديّد

تفاصيل التقرير :-

التاريخ : يوم الجمعه 29-06-2012
الوقت : من 9 الصباح الى 3:30 عصراً .
درجه الحراره : 32 الى 46
سرعه الرياح و اتجهاها : 13 الى 17 شماليه الى شماليه غربيه
الأداوات : خيط 160 + 120 + ثقل 3 كيلو + عظمه بيضاء او ملعقه لماعه .
سرعه الطراد في الصيد : 10 الى 14 كم/ في الساعه .
نوع الصيد : سمك خضرة + سمك براكودا .
الحصيله : 50 كيلو و الحمد لله .

من فتره ما نزلت تقارير لصيد اللفاح و الحمد لله تحسن البحر كثر عن الشهور اللي راحت .. و الصيد جدا جيد ..

يوم الخميس اتصلت بالأخ و الصديق "ابو شديد" .. طبعا هذا الشخص معروف عند اهل الجبيل بمهارته و خبره في الصيد اللفاح .. انسان يحب يفيد الناس .. و عني انا تعلمت الكثر منه في صيد اللفاح منه.. الله يعطيه على قد نيته ..
اتفقت معه على النزول للبحر يوم الجمعه الصباح ..

يوم الجمعه الصباح مشيت من منزلي في الدمام قرابه الساعه 6 الصباح و رايح الى مدينه الجبيل ... كان الجو جدا جميل و الطريق شبه فاضي .

http://im17.gulfup.com/2012-07-01/1341130269391.jpg

هذي الصوره منزلها لأخوي وايت شرك و الشباب .. عشان أثبت اني ما اسرع ..ههه

http://im17.gulfup.com/2012-07-01/1341130269972.jpg
النزول من فرضه الدفي القريبه من مدخل جزيرة ابو علي

http://im17.gulfup.com/2012-07-01/1341130269764.jpg

و هذي مدخل جزيره ابو علي .. المكان هذا لا تستطيع عبوره الا اذا كنت موظف في ارامكو السعوديه او لديك تصريح من حرس الحدود .. العضو الكبير وايت شرك يعرفه زين ..

http://im17.gulfup.com/2012-07-01/134113027075.jpg

و على يمين المدخل توجد فرضه (مرسى الدفي) الموجود فيه طرادتنا .. و هذي صور لها

http://im17.gulfup.com/2012-07-01/1341130270407.jpg

و هذا البحر وش حلاته و الموج هادي و المويه صافيه

http://im17.gulfup.com/2012-07-01/1341130270878.jpg

وصل ابو شديّد الساعه 7:30 و نزلنا طراده بالبحر

http://im17.gulfup.com/2012-07-01/1341130270709.jpg

http://im17.gulfup.com/2012-07-01/13411302709210.jpg

توكلنا على الله و حركنا من الفرضه متجهين الى جزيرة جنا و اللتي تبعد من الفرضه 42 كم .. حوالي ساعه و نص ..

http://im26.gulfup.com/2012-07-01/1341131724132.jpg

&&&&&&&&&&&&&&&&&&&

وصلنا الجزيره و ضبطنا درجاتنا و بدينا نلفح شمال جزيرة جنا .. و الحمد لله بعد 10 دقايق الا و الدرجه تنسمت و اسحب يا بطل

http://im26.gulfup.com/2012-07-01/1341131724723.jpg

و هذي 4 فيديوهات للفاح الخضرة

Pv5UvXmc4lM

qXg-alkeBT8

I8KzrzavyBI

sojbES1Sv8E

حمد الله الثلاجه بدأت تمتلي من السمك و الحمد لله ..

http://im26.gulfup.com/2012-07-01/1341131724804.jpg

الحمد لله الصيد ما وقف و احلى شيئ التسحيب .. في تسحيبات تفرط من العضمه و تروح و القهر اذا كان شيئ عووود و كبير .. تموت و تعرف هي وش نوعها ؟؟؟ هههه

و هذا الصور للسمك بعد ما فرغنا الثلاجه من أجل تصوريها

http://im26.gulfup.com/2012-07-01/1341131724765.jpg

و هذي أكثر من صوره للسمك بعد ترتيبه

http://im26.gulfup.com/2012-07-01/1341131724256.jpg

http://im26.gulfup.com/2012-07-01/1341131725497.jpg

http://im26.gulfup.com/2012-07-01/1341131725889.jpg

http://im26.gulfup.com/2012-07-01/13411317254710.jpg

و هذي صوره للصياد الماهر ابو شديّد

http://im14.gulfup.com/2012-07-01/1341133742421.jpg

و هذا لصوره لمحدثكم و صاحب التقرير .. معليش كنت ابي اجيب ثوب و شماغ و أصور مع السمك بس نسيتها .. خخخخ << أمزح :D

http://im14.gulfup.com/2012-07-01/1341133742742.jpg

و أخيرا .. اتمنى اني وفقت في تقريري هذا .. و ان التقرير يعجبكم .. و اذا اعجبكم حطوا ردودكم و اذا ما اعجبكم هم حطو ردودكم .. خخخ .. بالعربي اللي يدخل يحط رد و لا بدعي عليه .. خخخخ :D

هاوووي بحر

01/07/2012, 01:05 PM

ما شاء الله تبارك الله
الله يرزقكم من فضله ....

Seas Diver

01/07/2012, 01:16 PM

صيد موفق واحجام طيبة ماشاء الله

alqamr

01/07/2012, 01:40 PM

ماشاء الله تبارك الله
احجام ممتازة وصيد موفق الله يزيدكم من واسع فضله

ذوالجناح7

01/07/2012, 02:53 PM

مـــا شـــاء الله تبارك الله

الحمد لله أنك بطلت سرعه :alarm:

صيد حلوووو بوعبدالله مع كبير خبراء اللفاح بوشديد

تستهاهلون كل خير وعليكم بــ1000 عافيه :good2:

shark killar

01/07/2012, 03:04 PM

ما شاء الله تبارك الله صيد طيب عليكم بالعافية

@ بحار مجيرمة @

01/07/2012, 06:15 PM

ماشاء الله تبارك الله

الله يعطيك العافية اخوي عاشق البحرE

على التقرير الرائع والجميل

صيد وفير من رب العالمين

عليكم بالهناء والعافية

تحياتي لك

shaheen70

01/07/2012, 08:03 PM

hunter78

01/07/2012, 08:21 PM

ما شاء الله تقرير مرتب و صيد وفير عليكم بألف عافية

بوراشد911

01/07/2012, 10:17 PM

ما شاءالله تبارك الله خوش صيد جعل فيه العافيه

hassan jasem

01/07/2012, 11:09 PM

k.fares

02/07/2012, 02:13 AM

ماشاء الله تبارك الله
صاايدين وفااايدين
بالعااافية

بوفارس الشرقي

02/07/2012, 10:37 AM

صيد طيب والله بياركلكم فيه وجيات اكثر إن شاء الله

الفرضة

02/07/2012, 11:32 AM

أبوحافظ

02/07/2012, 11:43 AM

White_Shark

02/07/2012, 12:18 PM

ماشاء الله تبارك الله

صيد طيب أخوي ( عاشق البحر ) وكمية حلوة , الله يرزقكم كل خير واستمر على هذا المنوال مدام الخير موجود ولله الحمد .. وتحياتي لك وللأخ أبو شديد الله يعطيكم الصحة والعافية .

هذي الصوره منزلها لأخوي وايت شرك و الشباب .. عشان أثبت اني ما اسرع ..ههه

:)
الله يجزاك خير ويحفظك لأهلك .. ونصيحتي لك في المرة السابقة بعدم السرعة لوجه الله ثم لأني مجرب نتائج السرعة والحمد لله بأن الله ستر علينا وكانت درس لايمكن نسيانه , والواحد لازم يخاف على نفسه أكثر من خوف غيره عليه .. الله يستر علينا وعليك والمسلمين .

و هذي مدخل جزيره ابو علي .. المكان هذا لا تستطيع عبوره الا اذا كنت موظف في ارامكو السعوديه او لديك تصريح من حرس الحدود .. العضو الكبير وايت شرك يعرفه زين ..

الكبير الله أخوي ( عاشق البحر ) , وهذي البوابة بالنسبة لي عالم ثاني :D وكأني داخل حلم وفعلاً لما تدخل ويرفع لك الحاجز تحس بأن الهم انزاح عن صدرك , ودائما مانشرب بيالة شاهي بعد مانتعدى هذا الحاجز لأن لها طعم خاص :D .

لاهنت على التوثيق .. والقادم أحلى وأوفر .. وتقبل تحياتي .

ماسيوم

02/07/2012, 01:11 PM

ولهان البحار

03/07/2012, 03:09 AM

ماشاء الله تبارك الله

ولهان البحار

03/07/2012, 03:11 AM

ماصصصصصصصصصصصصصصصصصصرت

الجنك

03/07/2012, 07:34 AM

ماشاء الله تبارك الرحمن صيد طيب وصحبة اطيب الله يزيدكم من فضله

2AHMAD

03/07/2012, 08:50 AM

ماشاءالله تبارك الله

في سؤال......

اللفاح بدون طعم؟؟؟؟؟

أبو نوران

03/07/2012, 09:55 AM

ماشاء الله عليكم بألف عافية صيد طيب وتقرير ولا أحلى

عاشق البحرE

03/07/2012, 10:34 AM

ما شاء الله تبارك الله
الله يرزقكم من فضله ....

هلا بك أخوي هاوي بحر ..

شرفني مرورك و تعقيبك على الموضوع ..

عاشق البحرE

03/07/2012, 10:35 AM

صيد موفق واحجام طيبة ماشاء الله

حياك الله أخوي Seas Diver

الله يوفقك و مشكور على الرد الجميل ..

عاشق البحرE

03/07/2012, 10:39 AM

ماشاء الله تبارك الله
احجام ممتازة وصيد موفق الله يزيدكم من واسع فضله

منور أخوي alqamr ..

شرفني مرورك في الموضوع ..

الله يوفقك و يرزقك من فضله ..

عاشق البحرE

03/07/2012, 10:45 AM

مـــا شـــاء الله تبارك الله

الحمد لله أنك بطلت سرعه :alarm:

صيد حلوووو بوعبدالله مع كبير خبراء اللفاح بوشديد

تستهاهلون كل خير وعليكم بــ1000 عافيه :good2:

هلا و الله بالغالي أبو حبيب ..

نورت الموضوع بطلتك و ردك ..

ما عليك تراني ماشي 220 بس قلت خلني اخليها 120 عشان بس اصور لكم و ابين لكم اني ما اسرع .. ههه <<أمزح

ابو شديّد قمه في الاخلاق و يحب يعطي خبرته للناس .. الله يوفقه دينا و أخره ..

انا ادور لك هاليومين بس تنزل تغوص في جنا و انزل الدرجات عشان الفحك .. خخخخخ

لا تحرمنا من هالطله الجميله ..

عاشق البحرE

03/07/2012, 10:47 AM

ما شاء الله تبارك الله صيد طيب عليكم بالعافية

هلا بك أخوي shark killar ...

شرفني مرورك في الموضوع و الله يعافيك ..

عاشق البحرE

03/07/2012, 10:50 AM

ماشاء الله تبارك الله

الله يعطيك العافية اخوي عاشق البحرE

على التقرير الرائع والجميل

صيد وفير من رب العالمين

عليكم بالهناء والعافية

تحياتي لك

هلا و الله بصيادنا المميز استكوزة البحر ..

شرفني و حمسني مرورك في الموضوع ..

و مشكوور بالحيل على الأطراء و التعليق الجميل ..

الله يعافيك استكوزه و لا تحرمني من تعليقاتك الرائعه ..

عواد الشمري2

03/07/2012, 10:53 AM

مشالله صايد وفايد وعليك بالعافيه

عاشق البحرE

03/07/2012, 10:55 AM

وعليكم السلام

ماشاء الله عليكم طلعة رايقة بالحيل وصيد طيب
خاصة هالخضرة اجل واجد ,ماقصرتوا عدد يحبه قلبك
جعلكم على القوة هذا نصيد منه في الغوص
بكثرة بس باللفاح ماجربنا اقول بيض الله وجيهكم

تحيتي لك ومودتي وتقبل تقييمي

يا الله من قد اللحين مشرفنا shaheen70 يرد على مواضيعي ..

بيض الله وجهك و يعطيك ربي على نياتك اخوي شاهين ..

أحرجتني بالتقيم اللي ما استحقه .. و ان شاء الله اكون عند حسن الظن ..

مشكووور بالحيل على هالطراء الرائع و التعليق الأجمل ...

الصراحه عطتني حماس و اسرار على تقديم الأفضل و المميز ..

لا تحرمني من طلاتك و تعليقاتك الجميله . ..

عاشق البحرE

03/07/2012, 10:57 AM

ما شاء الله تقرير مرتب و صيد وفير عليكم بألف عافية

منور أخوي hunter78 ..

مشكور على التعليق و الاطراء ..

و الله يعطيك من فضله ..

عاشق البحرE

03/07/2012, 10:59 AM

ما شاءالله تبارك الله خوش صيد جعل فيه العافيه

يبارك فيك أخوي ابو راشد ..

مشكور على التعليق و ربي يعطيك من فضله ..

عاشق البحرE

03/07/2012, 12:12 PM

اللة عليك يا عاشق البحر تقرير جميل وصيد موفق فى ميزان حسناتك حبيبى بس عندى طلب واتمنى انك ما تردنى بصراحة اول مرات اشوف تشخيط مع الثقل اللى موزع على مسافات معينة بصراحة ابغى الطريقة كاملة لانة عندنا بالامارات التخشيط يكون بثقل واحد

مرحبا الساع بأهل الامارت الطبيين ..

شرفني مرورك أخوي hassan jasem و أطرائك الرائع ...

بعلمك الطريقه بس بشرط لو جيت الأمارات لازم تنزلني أصيد في بحركم .. ههه

%%%%

نسمي هذا الطريقه ( درجه لفاح) الطريقه يا طويل العمر :

تحتاج توفر : خيط 160 + خيط 120 + مدور عدد 8 + ثقالات مقاس 2 او مقاس 3 + سيم قوي لربط الثقلات ببعضها + عضمه بيضاء مقاس3 + حبل لمسك الدرجه طول 6 متر .

الطريقه :-
نقوم بعمل السلاسل الثلاث .. بوضع السيم بطرف المدور و وضع معه ثقالات بوزن 1 كيلو سواء كان مقاس 3 او مقاس 2 ، بعد الأنتهاء من وضع الثقالات نضع المدور الثاني و نربط السيم بأحكام بالمدور الثاني .. يعني نجهز 3 سلاسل كل سلسله فيها 1 كيلو أو اقل بشوي.

نأخذ الحبل (6متر) و نضع فيه المدور الأول طرف منه الحبل و الطرف الثاني خيط 160 (10متر) و بعدها (12 متر) خيط 160 و بعدها نربط السلسله الأولى و بعدها خيط 160 (12متر) و بعدها السلسله الثاني و بعدها خيط 160 (12متر) و بعده السلسله الثالثه و بعدها خيط 120 (14 متر) و بعدها تربط العضمه البيضاء او الملعقه اللماعيه (( ممكن ما تعرف اي نوع .. حاول ترجع للفيديو و تشوف العضمه او الملعقه.. موجوده و واضح شكلها))..

يعني بتصير بالشكل هذا : -

حبل (6متر) ------- (السلسله الاولى) ------- (السلسله الثانيه) ------ (السلسله الثالثه) ---------- العضمه.

طبعا تقدر تجرب اي عضمه او طعم صناعي على حسب المنطقه و نوع السمك اللي فيها .. و تقدر تزيد عدد السلاسل الى 6 او 7 سلاسل ... في ايام الشتاء نزيد عدد السلاسل عشان نصيد بالعمق و عشان الدرجه تنزل أكثر ..

بالنسبه للدرجه هذي نصيد فيها ( سمك الخضره - الكنعد - البراكودا - الضلعه - التبانه) .. السرعه تكون بين 11 الى 13 كم/ساعه و العمق بين 30 قدم الى 60 قدم .

تقدر تراسلني على الخاص و تحط لي رقم جوالك و ارسل لك صور بالواتس اب او الفايبر .

أن شاء الله اني قدر اوصل الطريقه بالشكل الصحيح و أتمنى انك فهمتها ..

عاشق البحرE

03/07/2012, 12:17 PM

ماشاء الله تبارك الله
صاايدين وفااايدين
بالعااافية

هلا بك اخوي k.fares ..

منور بردك الجميل ..

عاشق البحرE

03/07/2012, 12:22 PM

صيد طيب والله بياركلكم فيه وجيات اكثر إن شاء الله

حياك أخوي بوفارس الشرقي ..

و ان شاء الله الجيات أكثر ..

عاشق البحرE

03/07/2012, 12:26 PM

والله صيد مرتب ما شاء الله عليكم

وأبوشديد بسم الله عليه ما عليه كلام وغني عن التعريف والي يطلع معاه أبدا ما يمل سوالف وضحك وصيد وياخذ منه خبره ماهي بسهله

أتمنى لكم التوفيق في الدنيا والآخرة

و النعم فيه ابو شديد اخ و صديق عزيز .. الله يكثر من امثاله و يقدرنا على رد جماله ..

صدقت ابو شديد ما ينمل منه من سوالف و تعليم للصيد و خبرته الطويله و المفيده ..

شرفتني بمروورك أخوي الفرضة .. و لا تحرمنا من هالطله و بالتوفيق لك ..

عاشق البحرE

03/07/2012, 12:33 PM

ما شاء الله تبارك الله

الله يعطيك الصحه والعافيه على التقرير الاكثر من رائع

خصوصا مع وجود لقطات الفيديو الاكثر من رائعه

والصيد الوفير ما شاء الله تبارك الله خبره بحر

الف شكر على التقرير الرائع وبنتظار تقاريرك القادمه

تحياتي وتقديري لك

هلا بك أخوي الغالي و الصيد المبدع ابو حافظ ..

نورت التقرير بتواجدك فيه ..

مشكور على الأطراء و المدح .. و شهادتك اعتز فيها ..

تراك حمستني للتقارير الجايه، الله يقدرني و أنزل تقرير افضل منه ...

لا تحرمني من هالطله الجميله ..

عاشق البحرE

03/07/2012, 12:47 PM

ماشاء الله تبارك الله

صيد طيب أخوي ( عاشق البحر ) وكمية حلوة , الله يرزقكم كل خير واستمر على هذا المنوال مدام الخير موجود ولله الحمد .. وتحياتي لك وللأخ أبو شديد الله يعطيكم الصحة والعافية .

:)
الله يجزاك خير ويحفظك لأهلك .. ونصيحتي لك في المرة السابقة بعدم السرعة لوجه الله ثم لأني مجرب نتائج السرعة والحمد لله بأن الله ستر علينا وكانت درس لايمكن نسيانه , والواحد لازم يخاف على نفسه أكثر من خوف غيره عليه .. الله يستر علينا وعليك والمسلمين .

الكبير الله أخوي ( عاشق البحر ) , وهذي البوابة بالنسبة لي عالم ثاني :D وكأني داخل حلم وفعلاً لما تدخل ويرفع لك الحاجز تحس بأن الهم انزاح عن صدرك , ودائما مانشرب بيالة شاهي بعد مانتعدى هذا الحاجز لأن لها طعم خاص :D .

لاهنت على التوثيق .. والقادم أحلى وأوفر .. وتقبل تحياتي .

شرفني بالحيل مرروك الرائع اخوي وايت شرك ..

ردك في المواضيع يبث الحماس و التشجيع فيه ..

و شهادتك أعتز فيها و اتفاخر فيها لانها من صياد محترف ..

و ان شاء الله أقدم الأفضل ..

و بيض الله وجهك على النصيحه .. و السرعه ما فيها خير ..

بوابه راس ابو علي عمري ما دخلت فيها لاني احب صيد الطراد .. بس ما يمنع ان شاء الله نزورها و نجرب حداق السيف فيها ..

لا تحرمنا من هالطله الجميله و الردود التشجيعيه و المحفزه ..

عاشق البحرE

03/07/2012, 12:52 PM

السلام عليكم ورحمه الله..
ماشاالله تبارك الله صيد ولا اروع وطلعه حلوه وعرض احلا عليكم الطلعه والصيد بالف عافيه وصحه وعلا فكره فيه طريقه سهله جدا لصيد البياض القزالوالحمام {الخضره} خيط 80 او60 مع بشبش او اخطبوط صغير بلاستيك وثقل صغير داخله وشوكه مقاس 8 بدون تصفيره وفالك البياض تقبل تحياااااااتي ..:good2::good2:

هلا بك اخوي مايسيوم ..

نورت الموضوع بردك الرائع ..

مشكور على الأطراء و الله يبارك فيك ..

بيض الله وجهك على النصيحه و الطريقه .. بجربها و و ان شاء الله يطلع معنا شيئ ..

لا تحرمن من ردرودك الجميله ..

عاشق البحرE

03/07/2012, 12:53 PM

ماشاء الله تبارك الله

منور بمرورك أخوي ولهان بحر ..

و الله يعطيك بمثله و احسن ..

عاشق البحرE

03/07/2012, 12:55 PM

ماشاء الله تبارك الرحمن صيد طيب وصحبة اطيب الله يزيدكم من فضله

الله يزيد مقدراك أخوي الجنك ..

اسعدني مرورك و أطرائك ..

عاشق البحرE

03/07/2012, 01:01 PM

ماشاءالله تبارك الله

في سؤال......

اللفاح بدون طعم؟؟؟؟؟

هلا بك أخوي أحمد ..

نورت الموضوع ..

الصيد لازم يكون فيه طعم ... اقصد اللفاح نستخدم فيه طعم و هو السمكه الصناعيه او العظمه .. و ان كان قصدك ان نحط حبار الو ربيان او غيره .. اكيد لا لان السمك الصناعي هو الطعم ..

عاشق البحرE

03/07/2012, 01:05 PM

ماشاء الله عليكم بألف عافية صيد طيب وتقرير ولا أحلى

يعافيك أخوي أبو نوران ..

شرفني مرورك .. و مشكوور على الاطراء ..

عاشق البحرE

03/07/2012, 01:08 PM

مشالله صايد وفايد وعليك بالعافيه

هلا بك أخوي عواد الشمري ..

الله يعافيك و يرزقك من فضله ..

hassan jasem

04/07/2012, 06:30 AM

مشكور حبيبى واخوى عاشق البحر على الرد الجميل والوافى .... انتة بس تعال الامارات وحاطرين لطيبين اخدمك بعيونى .... 0504428566

عاشق البحرE

04/07/2012, 11:22 AM

مشكور حبيبى واخوى عاشق البحر على الرد الجميل والوافى .... انتة بس تعال الامارات وحاطرين لطيبين اخدمك بعيونى .... 0504428566

يسلمك ربي أخوي حسن ..

ان شاء الله ربي يرزقك بالصيد الطيب و تنزل تقرير يهز المنتدى ..

و ربي ما قصرت و أنتوا اهل الامارات معروف عنكم الكرم و الطيبه ..

رقمك خزنته عندي و ان شاء الرحمن بنلتقي يوم لاني ازور الامارات بين فتره و فتره ..

لو حبيت تستفسر عن أي شي عن دراجات اللفاح هذا رقمي 00966540320111

الوايلي2012

04/07/2012, 12:14 PM

ماشاء الله صيد طيب

اهوى الصيد

04/07/2012, 05:10 PM

ما شاء الله تبارك الله طلعه موميزه وصيد طيب وخصه مقاطع الفديو

عاشق البحرE

07/07/2012, 02:12 PM

ماشاء الله صيد طيب

منور أخوي الوايلي بمرورك الطيب .,.

مشكور و أسعدني تعليقك ..

عاشق البحرE

07/07/2012, 02:14 PM

ما شاء الله تبارك الله طلعه موميزه وصيد طيب وخصه مقاطع الفديو

هلا بك أخوي أهوى صيد ..
نورتني بمرورك و تعليق الرائع ,..

عادل المسمار

07/07/2012, 03:23 PM

ماشاء الله
صايد وفايد
وبالعافيه عليك

faaaaaahad

07/07/2012, 03:42 PM

ماشاء الله صيد طيب من ناس طيبين

عاشق البحرE

08/07/2012, 03:08 PM

ماشاء الله
صايد وفايد
وبالعافيه عليك

تسلم لي أخوي المسافر ..

نورت الموضوع بردك و تعليقك ,, و الله يعافيك ..

عاشق البحرE

08/07/2012, 03:09 PM

ماشاء الله صيد طيب من ناس طيبين

الطيبه هي ردك و تعليقك في الموضوع أخوي فهد ..

لا تحرمنا من هالطله ..