ترهيم مخزن اضافي للستوقر 2000 ؟

[بحر الخليج]

مساكم الله بالخير اعضاءنا الكرام

عندي سؤال حقيقه ابغى الرد من اهل الخبره ضروري عندي شوزن ستوقر 2000 جديده وابغى اركب مخزن عشر طلقات هل مخزن البانلي يركب بالترهيم او لا والسبب الي يخليه ما يترهم لاني محتار شوي ولا ادري هل الستوقر لها مخزن يركب بدون ترهيم واذا كان يترهم لها مخزن هل اقدر ارهمه بنفسي او يحتاج محل مختص لاني من المنطقه الغربيه ولا اعرف محل فيها يرهم مخازن اتمنى تفيدوني ولكم جزيل الشكر

أخوكم بحر الخليج

[ابو فزاع.]

*حياك الله بحر الخليج

والله يا غالي بنسبة لمخزن السوبر ما جربتة لاكن سألت عنه في محل من محلاتنا الي على خبرك اسعارها دبل 3 مرات ويقول مع الحاظن 1500 ريال <

وبنسبة مخزن بدون ترهيم وجاي للاستوقر والله انا قبلك دورة ولا لقيت ويمكن يكون موجود جهت القصيم و الديار هذيك

وبنسبة انة يترهم مخزن اكيد يترهم ولو تبغى ابو 1000 يسوون لك ههههههههههههه
ولا محل مختص ولا هم يحزنون اقرب مخرطة تدهنة 100 او 200 ويسوية زي ما تبغى .
الطلبات
1ماسورة بالمقاس الي تبغاه
2جلبة تتلحم مع الماسورة مقاس السنة الي تجي في المخزن
سستة ويكون مقاسها اطول من الماسورة وانت قص وجرب
وفي النهاية انت وكيفك اذا تبغى ترش بوية ولا تخلي الماسورة مصنفرة او تلزق عليها تموية او او او الخ


على العموم . مالك بالطويلة طال عمرك

اذا بغيت ترهم كلمني وبشر بعزك وعندي واحد انا مسوية ان شاء الله باكر او بعدة اوريك صورتة ويشيل 10 +1 ببيت النار = 11 ^_^
لاكن عيب المخزن الحديد انه يثقل على البندق
وثاني شي ما يحوج والله 10 فشقات يعني وين الاجوال الي تنتضر ارمي ال 10 ...؟
لاكن في الرهو و اجوال القطا خذ رجال < مسرع قلبت خخخخخخخخخ

بالتوفيق يا غالي

اخوك ابو فزاع

[بحر الخليج]

لا هنت اخوي ابو فزاع (snip3r ) على الافاده لكن الحديد ثقيل شوي ما جربت الالومنيوم اخف من الحديد
وفي انتظار الصور طال عمرك .

[علوش المقاطي]

ماقصر أخونا / أبو فزاااااع عطاك العلم الوافي

[فرخ الجني]

انا معي ستوقر ومركب مخزن عشر ترهيم بس شغل ممتاز لو تشوفه تقول حق سوبر بنلي ومجربه لا يعفط فشق ولا غيره ممتاز جدا وبالنسبه لك اخوي سنايبر مخزن البنلي اصلي مع سبرنقته والفراشه ب550 انا موقعي القصيم يمكن في منطقتكم غالي وهذي صور البندق اذكروا الله عليها http://im15.gulfup.com/2012-07-02/1341204610121.jpg (http://www.gulfup.com/show/X7ol834419v4sgg)

http://im25.gulfup.com/2012-07-02/134120472071.jpg (http://www.gulfup.com/show/X1x52vo67a1iov)

[بحر الخليج]

هلا بك اخوي فرخ الجني ماشاء الله ترهيم تقول شد بلد لكن لقيت ناس يقولون فيه مخزن لستوقر شد بلد هل يركب على طول ولو شريت مخزن بانلي ابو عشر وبغيت ارهمه هل يضبط اولا وثانيا بالنسبه للاشكاليه في الترهيم وين تكون اعذرني على الاسئله لاني في منطقة مكه ولا يوجد محل يرهم عندنا.
والسهم في الصوره التاليه يشير للقطعه اللي فيها السنه وين القاها ولاهنت .
http://www.mekshat.com/pix/upload05/images247/mk185555_1341204610121.jpg

[فرخ الجني]

حنا ما يضعنا الا يقولون خل اللي يقولون عنك انا هذاي قدامك المخزن اللي معي ممتاز جدا شكل واستخدام وبالنسبه لترهيم حق البنلي وش تبي فيه اللي معي ارخص من حق البنلي فما بالك لو ترهم حق البنلي وبالنسبه للاشكاليه في الترهيم تكون في السنه والوزن وفي تعفيط الفشق وكل ذوي ولله الحمد ما شفته باللي معي وانا ما اخذته الا يوم سالت رجال عن اللي باعه علي وقالي شارين منه ربع واجد وشغله مزبوط وتوكلت وشريته والحمد لله اتمنى افدتك واي استفسار انا حاضر ملاحظة :اذا بغيت تركب مخزن اضافي بعد ما تطلع السبرنق تشيل حبه جانبيه في فوهة المخزن حق البندق تسويله تنعيم او حك بسيط وهذا امره بسيط

[بحر الخليج]

لا هنت يافرخ الجني وباقي الاخوان سؤالي الاخير هل شريت المخزن مرهم جاهز او لازم تغيير سنة البندق الثابته لان ارسال البندق للقصيم صعب شوي علي
وشكرا لكم .

[فرخ الجني]

ما تغير شي ولا تجيب البندق معك اللي تسويه تشري هالمخزن وتشري فراشه لان المخزن يبيعه هو والسبرنق ثم تاخذ بندقك ولا اذا عندك ريشة حق وشوله اتكلم خذ هالمقطع شف http://www.youtube.com/watch?v=u4zSJsOctCY بعد ما تحك هالحبة دخل السبرنق وركب المخزن وركب الفراشه وحط الفشق ال10 وال11 ببيت النار وارم ولا تنسى تدعي لي واي استفسار انا حاظر ملاحظة : لا احد يضحك عليك يقولك لازم تحك المخزن نفسه كثير اسئلوني هذا مهب صحيح انا بغى يسويها معي نصاب من حقين الصيانه اللي تسويها تحك الحبه وتركب مخزنك سلام

[بحر الخليج]

مشكور يافرخ الجني ولاهنت على الافاده .

[النادر999]

ماشاءالله عليك اخوي الله يعطيك العافيه

[ابو سفيان]

الي يبي مخازن استوقرات ممتازه يراسلني على الخاص او اي مخزن لاي نوع من السواجن يبلغني ونخدمه في الغربية

[v506]

مشاء الله عمل متقن الله يطرح فيها البركه

[محمد_العبدلي]

الي يبي مخازن استوقرات ممتازه يراسلني على الخاص او اي مخزن لاي نوع من السواجن يبلغني ونخدمه في الغربية

أتمني تتصل علي ابي مخزن للشوزن ستوقر بعد اذن الاداره هذا رقمي ارجو التواصل لاني جديد في المنتدي والمنتدي لايسمح بارسال رساله /<
0544467600

[الهاروج]

ماشاء الله ,,,,,,

لوسمحتم من عنده فكرة عن مخازن الارثمس الاضافية لايبخل علينا ,,,,,,,,,, ؟

[abood994]

سيمت يا خوي؟