ماهو شعووورك

[عاشق البسيتين]

اخواني الصقاقير

ويش شعوركم وانتم تقصون الجره وفجأه

طلعلك حر نادر فوق رجم

نبي نسمع ارائكم يالغالين

موقف صعب

[بدوي نمبر ون]

تصدق صارت قبل فتره بالجوي ( شعبة انصاب ) مع تغيير بسيط بمجريات القصه وهو يوم كانوا يقصون الحبارى شافوا طير من ورا التلاع تقل يلاعب ملواح والجره رايحه صوبه وهم يرسلون اصغرهم وكان معه سفاري ربع للطير قالو له كلم راع الطير خله يجذب طيره وقله انا على جره وبالفعل راح الولد وهنا صارت المعركه يوم صاح الولد الوحش الوحش الحبارا حبارانا احتاست الاجهزه والجيوب غدالها عجه ( غبيا ) طبعا هدو على الحبارى وطرحوها والقرناس الوحش حجز درجه اولى ورّوح واللي اذكره انا واحدن من الربع نزل من موتره ومعاه ريشة الايكوم شالعها الوليده بدون شعور ويصيح وش السالفه وش السالفه

[بدوي نمبر ون]

ايه نسيت اقولك ان الوحش كان ايطقطق الحبارا قبل يجونه

[عاشق البسيتين]

الرياجيل تلخبطو مايدرون هم يهدون ولا يشبكون

لحضات قوية وبالاخص اللي شايل ريشة الجهاز الله يكون بعونه لاتلومه

[ذراع الذيب]

السلام عليكم ورحمة الله وبركاته..
صبحت بالخير ياخوي..


شعوري شعور من مشي لحاله في سهول افريقيا وظهر له اسد من بين الشجر..
فيها لحظه بس وهي الفجعه من الوهله الاولى هذا هو الشعور اللي يبي يجيني وغيره لا ههههههههه..
والفجعه تجي على حسب نوع الحر ان كانه خضر يعني الفجعه ماهي باللي وان جاك حمر عادي يعني فجعه وتكه وان جاك ابوالحكايا..
عزالله اللي بتجي ماهي فجعه بس الاومعها خرشه هههههههههه الله يثبتنا لاشفناه واخبر واحد من خويانا حصله حر زين ويوم شافه موقع على الرجم
طفت عليه السياره وزهم واحد من جماعته قناص كبير قال فلان هو اللي يبي يحاوله رجال شديد
ومايبي يربشه الحر يوم جا وشاف الطير تفتفت السياره معه وطفى موتره جنبه ههههههههه وراح الطير الله يعوضهم..
ونشوف باقي خويانا وتحياتي لك,,

[أبو أمين]

على حسب الشخص واللي يميل قلبه اكثر

اما عن نفسي بدون تردد ابغى اقص حباري واهد عليها وبعدها احتمالين

١- اما ذكرته لربعنا الطواريح

٢- او عودت له بنفسي

واذا عودت وعينته مرحبا واذا ما حصلته ضحيت ولا كملت مقناصي وسلام عليكم اهم شي الحبارى لا تروح هههههه

تحياتي

×

[جـرح الشمـال]

السلام عليكم ورحمة الله وبركاته..

صبحت بالخير ياخوي..


شعوري شعور من مشي لحاله في سهول افريقيا وظهر له اسد من بين الشجر..
فيها لحظه بس وهي الفجعه من الوهله الاولى هذا هو الشعور اللي يبي يجيني وغيره لا ههههههههه..
والفجعه تجي على حسب نوع الحر ان كانه خضر يعني الفجعه ماهي باللي وان جاك حمر عادي يعني فجعه وتكه وان جاك ابوالحكايا..
عزالله اللي بتجي ماهي فجعه بس الاومعها خرشه هههههههههه الله يثبتنا لاشفناه واخبر واحد من خويانا حصله حر زين ويوم شافه موقع على الرجم
طفت عليه السياره وزهم واحد من جماعته قناص كبير قال فلان هو اللي يبي يحاوله رجال شديد
ومايبي يربشه الحر يوم جا وشاف الطير تفتفت السياره معه وطفى موتره جنبه ههههههههه وراح الطير الله يعوضهم..

ونشوف باقي خويانا وتحياتي لك,,


شعووووري من شعوووور اخوي ابو ناصر:good2::good2::good2:

[(هزاع)]

اما اللي حول والريشه معه كني اتصوره انه ماسك الريشه ويهرج بها اخوياه وهم قدامه
نعم تحصل وتيجي معها فهيه ثم حالة تأهب وملامه وين شبك الحمام و وين وين وارا ماهي والمه اغراضكم هههههههههه

الله ينول مشاهده وطرحه لك مشتهي

[سلطان 1]

والله وانا خوووورك
الصلااااه خير من النوووووووم
ابهمل الحبارا ولا كني أقص شي بعد
وابوجه يم اللي فوووق الرجم الناااااادر اللي يطرااا.
وان طرحته هنااااك احتمالين / اما أني أبيعه واطرب نفسي.
او أني اصقره والياااا صقرته هناااااك احتمالين / اما أنه يفشل ولا يجئ الحبارا ولا يصيده.
او انه يصيد الحباارااا ويجي فااارط والطبوع الزينه وهنااااك احتمااالين / آما انه يغدي او يموت
ان مااات هذا مقدر
وان غداا هنااااك احتمالين اما انه معااااد يرجع وعلي وجهه
او يطيح في يد ابن حلاااال
ان طاح في يد ابن حلال هنااااك احتمالين / اما يكلمك او مايكلمك.
ودي اكمل لكن بيروح ليلي وانا اكتب.

[عاشق البسيتين]

ياهلابكم اقول ذراع الذيب والفاجعه لامنك هديت على الخرب

ونتق من وراااه ههههههههههه الله يعين بس ويجيب سهيل على خييير

[ابو ساره 999]

والله وانا خوووورك
الصلااااه خير من النوووووووم
ابهمل الحبارا ولا كني أقص شي بعد
وابوجه يم اللي فوووق الرجم الناااااادر اللي يطرااا.
وان طرحته هنااااك احتمالين / اما أني أبيعه واطرب نفسي.
او أني اصقره والياااا صقرته هناااااك احتمالين / اما أنه يفشل ولا يجئ الحبارا ولا يصيده.
او انه يصيد الحباارااا ويجي فااارط والطبوع الزينه وهنااااك احتمااالين / آما انه يغدي او يموت
ان مااات هذا مقدر
وان غداا هنااااك احتمالين اما انه معااااد يرجع وعلي وجهه
او يطيح في يد ابن حلاااال
ان طاح في يد ابن حلال هنااااك احتمالين / اما يكلمك او مايكلمك.
ودي اكمل لكن بيروح ليلي وانا اكتب.




اخوي سلطان جاب السالفه كله والله يالغالي ضحكت لين دمعت عيني وانت الصادق هذي سالفتنا يالصقاقير باختصار الله يوسع صدرك بالعافيه

[عاذي]

والله ياراعي البسيتين مرت علينا هالحالة ولكن وحنا قانصين الا هاك الحر على ماصورة الكهرباء اللي نحرة ابيض وجهه ابيض تقول فنجال ونحط الحمامة بالشبكة الا يوم هد يوم ناظرنا حمامتنا الا عليها هك العقاب وينشه ويرجع لماصورته ويامر الله ونذبح العقاب ونفك حمامة ثانية والله يارياجيل ما قول الا الصحيح الا يوم هد يوم ناظرنا حمامتنا الا عليها عقاب ثاني وهو ينشه الا منطلق عليه ثلاثة عقبان ثانيات وهو يطقها حومة والحومة هي الحومة الي يومك اليوم ونقعد فوق خمسة ايام وحنا بحراوية لعل وعسى لكن الله يكتب الخيرة والله لاقنصنا ولا شبكنا الطير في هك الروحة ... ولكن اعجبني اللي نزل بالريشة .. هههههههههههه .

[قرناس ثالث]

الي نزل بالريشة حكايه ثانيه
هههههههههههههههه

[قلب ذيب]

حقيقه باخلي الحبارى وباروح للطير , على الاقل مايهد على طيري اذا هديت على الحبارى ويشبكه وتروح الحبارى , واحتمال ان يكون الطير طير عرب واقبضه بكل سهوله ومن ثم ادور للحبارى و ووجود الطير في مثل تلك الحاله دليل ان الحبارى مهيب بعيده عن مكان الطير.
... ومثل نلك الحاله تحصل في الكثير من المقانيص حيث تهد الطيور سواء وحوش او بيتيات ضايعه على القوانيص خاصه وقت الدعو ........ .

[بو غازي]

مرحبا اخوي عاشق البسيتين
ان كان حنا شله
انقسمنا قسمين قسم مع الحبارى يثبتها ويوكد محلها وقسم يتعاونون على الوحش لين يطرحونه
اما راعي الريشه قعدت اتخيله وهو ماسك الريشه ومحول من الموتر هههههههه الله يسعدكم يارب
:)

[سلطان 1]

اخوي سلطان جاب السالفه كله والله يالغالي ضحكت لين دمعت عيني وانت الصادق هذي سالفتنا يالصقاقير باختصار الله يوسع صدرك بالعافيه


ههههههههههههههههههه
جعلهااااا دووووووم الضحكة ولا تنقطع يابو ساره.

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير اخوي / عاشق البسيتين
.
شعور السعد والفرح والسرور.. حبارى وطير
اول شي بنشغل بالطير واليا جابه الله
برجع للحبارى

*
والسلام
AL Khapt Brother of Naif
الحجاز
13-8-1433هـ

[ذراع الذيب]

ياهلابكم اقول ذراع الذيب والفاجعه لامنك هديت على الخرب

ونتق من وراااه ههههههههههه الله يعين بس ويجيب سهيل على خييير

المواقف الطريفه عن الطواريح كثيره ومنها:

واحد من خويانا كان قانص ويكلم واحد بالجوال وبالصدفه يوم نظر يمين السياره ويشوف له فرخ شاهين تدري وش سوى!!!!!!!!! حذف الجوال للطير هههههههههههههه معاد يدري تبرمج المخ على ان اللي بيده زريق ملبس هههههه

وواحد من خويانا حصله طير وكل ماحذف للطير زريق يطلع ميت الين انتهى الزريق معه..

وش توقع
وخوينا في الله كل مارمى للطير قمريه ولا سمانه يضرب بها بقايم القزاز وتظهر ميته الله المستعان هههه..

[عاشق البسيتين]

مواقف لاتنسى تجمع بين المرح والمشقه

الله يوسع صدورنا بالدين

[ســـبــار ربــعـــه]

ابي اهد على الحبارى والنادر بيروح عيني عينك.
وقبل ثلاث شهور قرناسه تامه وردت على حمامه عيني عينك وضربتها وكملت طيارها و وقعت على تايل الكهرب والله مالديت فيها خلها تروح ويطرحونها الموسم الجاي.
لا يشوف ردي ذراع الذيب يزعل ههههههههههههه.

[ذراع الذيب]

ابي اهد على الحبارى والنادر بيروح عيني عينك.
وقبل ثلاث شهور قرناسه تامه وردت على حمامه عيني عينك وضربتها وكملت طيارها و وقعت على تايل الكهرب والله مالديت فيها خلها تروح ويطرحونها الموسم الجاي.
لا يشوف ردي ذراع الذيب يزعل ههههههههههههه.
الله يكثركم هههههههههههههههههه

ايه وش تبي بالطير ياراعي الحباري مايستاهل العنا خلوه لنا هههه..
وتراني ابي افرح مابزعل هههههههههههه