سنسر الاكزوز

[سعيد555]

يا جماعة انا من يومين سويت فحص كمبيوتر وكانت هذه النتيجة

Total codes: 001
71
egr fault (1) egr exhaust
gas temperature sensor
fault (2) egr vacuum
solenoid valve circuit or
(3) mechanical fault
module fault



طبعا الريال صاحب الورشة قالي لازم ايبطل الكزوز وينظف السنسر ماله
طبعا طلب ما يقارب من 1000درهم قيمة الشغل
ما ادري شو رايكم
وهل في منظف اقدر انظف في الكزوز ولا اسير عند الورشه وانظفه

[راعي الطلعات]

جداً غالي
اتوقع يكلف ربع المبلغ فك القزوز و تنظيف السنسر بين 300 و 250

[ms662]

اذا كان السنسر خارج تقدر تفكه انت بعد ماتفصل الكهرباء من السيارة
وتنظفه ببخاخ الاكترونيات او بخاخ كلبريتر مع المسح بفرشه حتى يرجع لونه للون الجديد وتتركه يجف
ثمن ترجعه مكانه وتشبك الكهرباء بس
سبق سويتها في فتك
لكن سيارتك هل هو خارجي تقدر تفكه او لازم فك اكزوز ماادري
ومسألة 1000 درهم مبالغ فيه جدا جدا
انت لو تسأل عن السنسر جديد مااظن يوصل القيمة هذي

[tevo]

اخوي الي اعرفه حساس القزوز قريب للبوجي وما يحتاج 1000 عشان تنضيفه
كلها صاموله وتنفك ويطلع بس ممكن يكون ضيق مكانه يعني 100 وتخب هذا اذا فعلا حساس القزوز.
ياليت تذكر سيارتك ومديلها

[سعيد555]

السيارة لكزس ال اس 400
موديل 94
ارجو من الي يقدر ايزودني بصور توضيحية
وتسلمون يالربع

[سعيد555]

ووووووووووووووووووووووين الردود يا جماعة اللكزس
نبي نعرف مكان هذا الحساس وين بالظبط
يعني يحتاج فك اكزوز ولا لأ

[ms662]

اخوي انت شوف القزوز
ابدأ من الراس وامشي علي المواصير راح تشوف فيه اسلاك موصوله بالاقزوز او مواصيره وتقدر تفصل الاسلاك من السنسر لانها تكون موصوله مع بعض بفيش هذا هو
سيارات يكون فيها واحد وسيارات يكون فيها اثنين

[PATHFINDER 4]

غالي جدا 1000 الا اذا كان موقع صعب ويحتاج فك قطع ثانية الله اعلم
الشغلة ماتكلف ولا 100 ريال

[قمة افرست]

في كل السيارات يجي الحساس في القزوز وغالبا تجي اربع حساسات مسؤله عن قياس التلوث و الكربون
فكما ذكروا الاخوان لوتتبعت القزوز بتلقاها واضحه
موضوع السعر فهو غالي حتى لو بينظف الاربع
والسعر هنا يخضع للورشه ورش غاليه وورش رخيصه
فممكن تروح لمحل عادي لوبنشر ويسويها كلها 200ريال ويدعيلك بعد
والسيارة بعد التنظيف لاتحتاج برمجه فقط تفصل اصبع البطارية السالب
ثم تشبكه ليتم عمل ريستارت لكمبيوتر السيارة لمسح الخطا السابق المسجل
عملية التنظيف بعد فصل السلك وفك الحساس يتم تنظيفه ببخاخ اي سي دلكو
حتى وازالة الكربون المتراكم بعد ماينشف يركب
اتمنى اني وصلت معلومه مفيده حتى لو اردت تقوم بعمله في اي ورشه ممكن تشرح للمعلم وتشرف عليه
مو شرط يكون عارف اوسبق فك الحساس اهم شي في الفك والتركيب لايخرب راس الفيش والاسلاك ويفك ويرجعه كالسابق بعد التنظيف
وهذا مقطع يبين سهولة فك وتركيب الحساس واكثر السيارات تتشابه



http://www.ngksparkplugs.com/images/prod_images/display/o2sensor.jpg

http://www.ngksparkplugs.com/images/prod_images/display/02sensor_illustration.jpg

oSPZ5rl0QH8

[راعي الطلعات]

ابد من تحت باب السائق بتشوفه تحت بس يبيلك حفرة زيت علشان تشوفه فكه و تنظيفه جداً سهل