المساعد الشخصي الرقمي

مشاهدة النسخة كاملة : وجهة نظر000000بخصوص الكفرات المستعملة


بواسامه
02/07/2012, 04:05 PM
بداية بسم الله الرحمن الرحيم

(( لا يغني حذر من قدر ))

أرى من تالي كثرة اعلانات لبيع الكفرات المستعملة الله يرزق اصحابها
بحجة انها لازال فيها عمر او بسبب تبديل لنوع آخر او او 0000الخ

وتزداد هذه الظاهرة مع قبالة الصيف لكثرة السفريات
فيتهافت عليها بعض الأخوة نظرا لارتفاع سعر الجديد فيقنع بالمستعمل
او بحجة استعمالها لفترة بسيطة لعدة اشهر

((ولو فيها خير ما خلاها الطير))
اما اخو الجديد فالأمر اهون بكثير
والبعد كل البعد عن المخزن والتواريخ القديمة

ووالله اني لكم من الناصحين
لاتسترخصوا أرواحكم وحلالكم بسبب ريالات
خصوصا للمسافرين في هالخطوط الطويلة والطقس الدافي:D

((السعيد من وعظ بغيره))

وفق الله الجميع في حله وترحاله
عقيل2009
02/07/2012, 04:55 PM
الله يجزاك خير
منتهى الرقه
02/07/2012, 05:22 PM
والله كلامك سليم يرخص بروحه واهله وعياله
ماتسوى عليك يبنشر وتوقف تركب استبنه في الجو الدافيء
abohmad
02/07/2012, 11:33 PM
اخى الحبيب ابو اسامة جزاك الله والله صارلى مدة افكر فى ها الموضوع اللى اهو تواير مستعملة للبيع ماهى فكرة حسنة ان الانسان يشترى تواير مستعملة ويغامر بنفسة ومن معة الى التهلكة بارك الله فيك اخى اسامة
ساهر اليل2010
03/07/2012, 01:49 AM
أول شي أنا أوافقك في : إنها ماتسوى قيمه جرح من الجسم
وأخالفك بحاجتين :
(1) موكل مبيوع مهوب زين او مايصلح بالعكس تماما قد تحصل شي أخو الجديد
(لانه يمكن شراها وماعجبته ويبغى يشتري نوع ثاني احسن)
(2) يمكن إن اللي يشتريها تكون ميزانيته ضعيفه ويبغاها ديرة إلين تزين الامور
ومايبغاها خط وسفريات
لكن الله يكفينا الشر من هالكفرات وغيرها
بالتوفيق
كنز المشاعر
03/07/2012, 01:57 AM
شوف اخي الكريم هناك اشخاص يقوم ببيع كفراته وهي جديده بغرض تركيب كفرات على مزاجه وليس كل الكفرات سيئة وانا عن نفسي سبق وان ركب بسيارتي كفرات مستعلمه وعاشت معي سنة ونصف والحمد لله ولكن الافضل ان تركب جديد حتى ترتاح ولا تقلق في السفريات

تحياتي لك
كنز المشاعر
03/07/2012, 02:00 AM
اضافه والله هناك اناس لايملك قيمة كفرات جديده حيث انك تعرف الان الكفرات وصلت اسعار خياليه وارقام فلكية والعياذ بالله

فوجود المستعمل يغني ذوي الدخل المحدود عن امور كثيرة فكما قال اخي ساهر الليل يركبها الشخص لين الله يفرجها عليه وتتيسر الامور ثم يشتري جديدة والحمد لله مع مراعاة عدم السفر عليها في الخطوط الطويله
مسير عليكم
03/07/2012, 02:08 AM
كلامك يالغالي سليم
بس مثل بعض الحالاتنا معي موتر حق بر وديره ومشاوريي عليه بسيطه حرام اركب له طقم بحول ال2000 وكله مايسوى استخدامي ونا بحصل مستخدم بيخدمني ب1000
والكفرات ولعت الصيني الحين 500 والياباني من 650 وطالع للجيوب
الله يعين بس
سهم الجزيرة
03/07/2012, 08:03 PM
ماقصروا الأخوان
مانعم على كل مبيوع و الحذر مطلوب

(مستعمل) كلمة تشمل اكثر من مادة , فيه المستعمل القديم و لو أشتريت موتر بقراطيسه استخادم يوم يسمى مستعمل .

وصلوا على النبي الهادي
abomohannad
04/07/2012, 09:46 AM
ماقصرت يابواسامه
لكن الي يشري كفرات مستعملة ويحطها على سيارته وهو يبي يسافر فأنا أعتبره ضلم نفسه وعياله
لكن أشوف الغالب من الي يشترون المستعمل علشان الديره فقط أو لسيارة قديمة أو اسبير
PATHFINDER 4
04/07/2012, 10:30 PM
أول شي أنا أوافقك في : إنها ماتسوى قيمه جرح من الجسم

وأخالفك بحاجتين :
(1) موكل مبيوع مهوب زين او مايصلح بالعكس تماما قد تحصل شي أخو الجديد
(لانه يمكن شراها وماعجبته ويبغى يشتري نوع ثاني احسن)
(2) يمكن إن اللي يشتريها تكون ميزانيته ضعيفه ويبغاها ديرة إلين تزين الامور
ومايبغاها خط وسفريات
لكن الله يكفينا الشر من هالكفرات وغيرها

بالتوفيق



+1

وكلامك صحيح اتفق معك خصوصا في النقطة الاولى
كثير ناس تشري كفرات جديدة ثم تتفاجأ انه كبير على السيارة او ثقيل ويضطر يبيعه
ايضا اسعار الكفرات الان ناااار وبالتالي اكيد راح يرتفع الاخذ والطلب في الكفرات المستعملة

وفيه كثير مستعمل ونظيف
(هزاع)
05/07/2012, 03:40 AM
اي شخص يشتري كفرات مستعمله وهويمكن يسافر بالسيارررره غلطااااان
اما سيارت الديره اومثل مايسموها مساحة الديره
هذي ماني شاريلها جديد ابد
تخسي المساحه عن الجديد
عندي باثفندر 2001 مساحه الرياض
وبعد فاك الدبل والعكوس لجل يخف
اركبله جديد لا