لغز وترحيب بأبو نايف الخامسي .............. حله ( ابو الشبرميات ) .. الحل ( البلوزه )

[ابو ماجد 2]

بسم الله الرحمن الرحيم

السلام عليكم ورحمة الله وبركاته

صفقن يامعاني زغرتّن ياقوافي =جالكن من نظمكن عقد زاهي جزيله
من اتى ياجماعه خيمة الغطو لافي=شاف نظمه على جيد الغنوج الجميله
مرحبا عد من يسعى بمكه وطافي =مرحبا عد ماتِنزِل مزونٍ هميله
مرحبا عد حبات الرمل بالفيافي =مرحبا عد ماتزهر زهور خميله
سقت غطوه ولا هي من عداد الخوافي =لاصعيبه صعيبه ولا سهيله سهيله
لغزنا عن هنوفٍ والبعض له يعافي=والبعض ماتلكك فايدٍ من حصيله
بادي اسمه جموعٍ بين ذيك السوافي=وحيةٍ باقي اسمه ماتشيل الجديله
لو حذفت الطوارف من كلاهن عوافي =اسم جمعٍ ولا ظنيت يغدي دليله


مع تحيات ابو ماجد

منتديات مكشات 0 خيمة الالغاز

[راكان الاول]

هلا ابوماجد
لمجرد المشاركة في الرمع
نجمة سهيل اليماني
ويا هلا ببونايف

[ابو ماجد 2]

هلا ابوماجد

لمجرد المشاركة في الرمع
نجمة سهيل اليماني

ويا هلا ببونايف


هلا بك اخوي راكان
ومشاركاتك تشرفنا يالغالي
الرمعه مالك لوى
انتظر مرماعك القادم

[ابو الشبرميات]

وعليكم السلام ورحمة الله وبركاته
صح لسانك يابو ماجد
وابو نايف كفو ويستاهل
والحمد لله على سلامته هو وباقي الاخوان
نرمع على بركة الله
ونقول
جمركة
او
حدادة
...

[صقر السديرات]

صح لسانك فارسنا وابو نايف يستاهل الترحيب
شريكات شري
دمت موفقا

[الخامسي1]

أنا اشهد انك يارفيقي سنافي ... وافي وصعب أنا ندور بديله






اشكرك جزيل الشكر
واعذرني طالع الشغل والمساء راجع ان شاء الله

[ابو ماجد 2]

وعليكم السلام ورحمة الله وبركاته

صح لسانك يابو ماجد
وابو نايف كفو ويستاهل
والحمد لله على سلامته هو وباقي الاخوان
نرمع على بركة الله
ونقول
جمركة
او
حدادة
...


هلا بك يالغالي
صح بدنك
مالك لوى
انتظر مرماعك القادم

[ابو ماجد 2]

صح لسانك فارسنا وابو نايف يستاهل الترحيب
شريكات شري
دمت موفقا

صح بدنك يابو فيصل
مالك لوى
انتظر مرماعك القادم

[ابو ماجد 2]

أنا اشهد انك يارفيقي سنافي ... وافي وصعب أنا ندور بديله







اشكرك جزيل الشكر

واعذرني طالع الشغل والمساء راجع ان شاء الله


هلا بك يابو نايف والوفاء انت من اهله
وقليل بحقك كل ماقلته يالغلا

[ابو الشبرميات]

ابو ماجد
ما تصير سبطة
البادي سبط
واللي ما تشيل الجديلة بطة
والاكلة بط
...

[ابو ماجد 2]

ابو ماجد



ما تصير سبطة
البادي سبط
واللي ما تشيل الجديلة بطة
والاكلة بط
...




هلا بك يالغالي
وصبحك الله بالخير
تفكير حلو
ولكن مابعد وصلت للحل
بادي اسمها جموع بين ذيك السوافي
وبادي الاسم تعودنا ان يكون دون من النصف
كذلك الحيه اللي في باقي اسمه غير الماكول اللي بالوسط اي ليس من جنسه
وبعدين من كلاهن اي ممكن ياكلهن واحد بينما البط يالله يالله ثلاثه ياكلون وحده
ههههههههههههههههه
ماعليش انا اقيس على البط اللي انا بحل بهن بالبيت 0 نسيت البط حق اهل المقناص والحقيقه مدري عن حجمهن

[ابو اسامه 2]

وعليكم السلام ورحمة الله وبركاته

صح لسانك زعيمنا الغالي

وبيض الله وجهك

ابو نايف يستاهل

وانت تستاهل كل خير

لله درك ولا فض فوك

جاري التفكير

تحياتي لك

[ابو ماجد 2]

وعليكم السلام ورحمة الله وبركاته



صح لسانك زعيمنا الغالي


وبيض الله وجهك


ابو نايف يستاهل


وانت تستاهل كل خير


لله درك ولا فض فوك


جاري التفكير


تحياتي لك


هلا بمشرفنا الغالي
سعدت بمرورك وبكلماتك العطره
صح بدنك يالغالي
وفي انتظار مرماعك

[ابو ماجد 2]

بسم الله الرحمن الرحيم


السلام عليكم ورحمة الله وبركاته

اليكم زيادة بيت لعله يوجه للحل

صفقن يامعاني زغرتّن ياقوافي =جالكن من نظمكن عقد زاهي جزيله
من اتى ياجماعه خيمة الغطو لافي=شاف نظمه على جيد الغنوج الجميله
مرحبا عد من يسعى بمكه وطافي =مرحبا عد ماتِنزِل مزونٍ هميله

مرحبا عد حبات الرمل بالفيافي =مرحبا عد ماتزهر زهور خميله
سقت غطوه ولا هي من عداد الخوافي =لاصعيبه صعيبه ولا سهيله سهيله
لغزنا عن هنوفٍ والبعض له يعافي=والبعض ماتلكك فايدٍ من حصيله
بادي اسمه جموعٍ بين ذيك السوافي=وحيةٍ باقي اسمه ماتشيل الجديله
لو حذفت الطوارف من كلاهن عوافي =اسم جمعٍ ولا ظنيت يغدي دليله
سعرها في تدني نوب ونوبٍ ياكافي =شفت رجلٍ قناها ويضا شفت الحليله


مع تحيات ابو ماجد


منتديات مكشات 0 خيمة الالغاز

[ابو الشبرميات]

ابو ماجد رمعاتي تدور حول هالدواجن
الشكوى لله
نقول انها
جوزة
والشرح
هي الشيشة او المعسل عند اخواننا المصريين
والغالب من الناس يعافها لحرمتها
واما من يستفيد منها هم من يبيعونها وتوابعها
شرح اللغز
البادي جو وهو معروف لاهل البر
الجادل اللي ماتشيل الجديلة وزة اخت البطة
الوسط وز جمع وزة وبالعافية على من اكلهن
وللاسف انها عادة سئية انتشرت بين ابناء مجتمعنا ذكور واناث

...

[ابو ماجد 2]

ابو ماجد رمعاتي تدور حول هالدواجن

الشكوى لله
نقول انها
جوزة
والشرح
هي الشيشة او المعسل عند اخواننا المصريين
والغالب من الناس يعافها لحرمتها
واما من يستفيد منها هم من يبيعونها وتوابعها
شرح اللغز
البادي جو وهو معروف لاهل البر
الجادل اللي ماتشيل الجديلة وزة اخت البطة
الوسط وز جمع وزة وبالعافية على من اكلهن
وللاسف انها عادة سئية انتشرت بين ابناء مجتمعنا ذكور واناث


...


اخوي ابو الشبرميات
انت اتيت بنصف الحل ومرماعك لن يمر دون الاشاده فيه وبالتالي من اتى بعدك لن يبذل مجهود كما بذلته انت بالتوصل للحل
وتستاهل من يقول صح لسانك ملايين
والحل الصحيح
بلوزه
بل جمع البعارين بين السوافي
والباقي حيه ماشالت الجديله كما تفضلت وزه
من دون طرافها لوز وهو يؤكل كجموع
والاضافي البلوزه تتفاوت السعر وملبوس لبعض الرجال والنساء
صح لسانك يالغالي وبيض الله وجهك

[ابو الشبرميات]

صح لسانك يابو ماجد
لكن كلمة بل متطرفة بقوة ومن الصعب الوصول لها
وقلبت اغلب النباتات والحيوانات والاماكن وهذا اللي تشوفه
بانتظار ابداعك وجديدك فارسنا
تقبل تحياتي واحترامي وتقديري لشخصك الكريم
...