استشاره عن الهدد قير عادي او اوتو

[فيصل العدل]

السلام عليكم ورحمة الله وبركاته
اخباركم ان شاء الله انكم بخير وعافيه انا ناوي باذن الله هدد 2007 او 2006 ومحتار والله اخذ قير تماتيك او عادي وانا والله راعي بر خفيف يعني كشتات ومقناص خفيف وبنفس الوقت زفلت وابي مشورتكم يالربع ايهم افضل والسبب وماخاب من استشار

[حريملاوي2]

انا جربت العايدي والتمتيك التماتيك ثقيب مرة والعايدي اخف منه

[فيصل العدل]

انا جربت العايدي والتمتيك التماتيك ثقيب مرة والعايدي اخف منه

الله يعطيك العافيه

[الشا صي]

من ناحيه استخادم بر وديره انا الان معي عادي ومجرب التماتيك العادي اخف واذا حملته يمشي اما التماتيك ماعندك احد

[((ابو وعد))]

الموديلات الجديدة 2011 و 2012 يجي القير تبرتونيك يعني اتوماتيك وعايدي هو الافضل والله اعلم

[أرجوك أعفيني]

خذ عايدي يابعدي ماراح تندم

[صاحب الذود]

من اوقع تجربة العادي اخف وازين من التوماتيك لانه التوماتيك ثقيل وخصوصا gx على حسب موديلك 2007 و 2006 يجي 6 سلندر وافضلها العادي

[الكاميكاز]

اختلف مع الاخوان المعذره منهم

اشوف التماتيك اريح لا بالبر ولا بالخط لكن الارغب عند الكثير وقت البيع العادي تشوف العادي اغلى شوي من التاماتيك

[.راعي الطير]

العايدي افضل لان التماتيك مع الجور في البر يحتر قيره اما العايدي مهنا خلاف والله يرزقك

[جي اكس ار2000]

عايدي افضل وانصحك لوجه الله التماتيك بالزحمة وغيرها ماينفع ولابريال سيارات البر عادي لو خلصت البطاريه تصرفت لو تعلق بالرمال تصرفت الله رزقك من واسع فضله

[الشهابة]

اخوي باختصار ..

تويوتا لاندكروزر موديلات 2007

اذا 8 سلندر خذ تماتيك .. اذا 6 سلندر خذ عادي

الموديلات 2008 و فوق الله اعلم ..

[شبل داورد 1]

السلام عليكم
في البر العااااادي وبس أما ذا كنت راعي ديره شي راجعلك
أنا مواتري كلها عادي ومره شريت تماتيك والله إني بايعه بخسااره علني في كبدي كنه جحش هههه
الله يوفقك لما يحب ويرضى