مني لابوماجد نسوقه بتلميح............الحل قريح وبازنه .............حله برق القصيم

[الخامسي1]

بسم الله الرحمن الرحيم


السلام عليكم ورحمة الله وبركاته


............


مني لابوماجد نسوقه بتلميح =لغزً غريب وعارفً كل فنه
انشدك عن رجلاً ورد بالتصاريح =اصبح مثل يضرب معا كل ونه
ان شلت راسه هبت النود ويصيح=وبنته على الكنود على غير ضنه
يجي ثمان وقائلة قام ويطيح=فرج هموم وخاطره ما يكنه
لله دره بين نقدً وتجريح=كانه حقيقة صارة الدار جنه





المطلوب المثل لانه أعجبني واريد معرفة قصته عن طريق طرحه في لغز ؟؟؟ وليس قائله !!!!!!!!!

[مقرنس الشيهان]

السلام عليكم ورحمة الله وبركاته
صبحك الله بالخير يابونايف وجميع الاخوان
تسجيل حضور للسلام عليكم والرمعه ماهنا لياقه
والا تدري محاوله طرت على
نطح الصياح صياح تسلم

[صقر السديرات]

صح لسانك ياابو نايف
مرور لقولة السلام عليكم ورحمة الله وبركاته
حضور للتوقيع والاشادة بهاالاطخم
دمت نجما لامعا

[الخامسي1]

السلام عليكم ورحمة الله وبركاته
صبحك الله بالخير يابونايف وجميع الاخوان
تسجيل حضور للسلام عليكم والرمعه ماهنا لياقه
والا تدري محاوله طرت على
نطح الصياح صياح تسلم


ارحب وياهلا وغلاء
حنا بخير دامك بخير
ولا نسائل الاعنك

والرمعه مالك لوااا

[الخامسي1]

صح لسانك ياابو نايف
مرور لقولة السلام عليكم ورحمة الله وبركاته
حضور للتوقيع والاشادة بهاالاطخم
دمت نجما لامعا


عليك السلام وتستاهل انت ومقرنس يشهد الله موقف السيارة علشان ارد عليكم من غلاكم

دمت اخ فاضل غالي لك مني الحب والتقدير والاحترام

[معتزة بثقتي]

هل يكون المثل ـ هذا بلى أبوك ياعقاب

[المزيدي4]

وعليكم السلام ورحمة الله وبركاته ..
صح لسانك يا أبو نايف ..
وأبو ماجد زعيمنا يستاهل كل خير ..
وجاري التفكير عسى الله يعينا بالرمع الصايب..
وأنت ما شاء الله عليك رجعت بلياقة عالية في دفن الالغاز ..
وحنا لياقتنا ضاعت في الاجازة .. زواجات وزيارات وسفريات ماغير نسرق من وقتنا القليل لمكشات حتى لا يحدث انقطاع..

[ابو الشبرميات]

وعليكم السلام ورحمة الله وبركاته
الله يصبحك بالخير يابونايف ومن يقرأ
صح لسانك ويستاهل ابو ماجد
كفو وانت كفو
مرور للسلام فقط
ولنا للرمعة عودة ان شاء الله
...

[محمد الظاهري]

حي الله باغالي
وصح لسانك يابعد الروح
وش رايك بمثل
عادة حليمه لعدتها القديمه

[ابو اسامه 2]

وعليكم السلام ورحمة الله وبركاته

صح لسانك ملايين يا الغالي


وحياك الله وبياك يا ابو نايف

الزعيم يستاهل وانت تستاهل معلقات

لله درك وبيض الله وجهك


وجاري التفكير

تحياتي لك

[torrjom]

صح السانك

اخوي ابونايف

وابوماجد يستاهل

تسجيل حضور

وجاري التفكير

[الخامسي1]

هل يكون المثل ـ هذا بلى أبوك ياعقاب


اشكرك اختي الفاضلة

ومالك لوااا

[الخامسي1]

وعليكم السلام ورحمة الله وبركاته ..
صح لسانك يا أبو نايف ..
وأبو ماجد زعيمنا يستاهل كل خير ..
وجاري التفكير عسى الله يعينا بالرمع الصايب..
وأنت ما شاء الله عليك رجعت بلياقة عالية في دفن الالغاز ..
وحنا لياقتنا ضاعت في الاجازة .. زواجات وزيارات وسفريات ماغير نسرق من وقتنا القليل لمكشات حتى لا يحدث انقطاع..


ارحب ياابوسعد
اللياقة صفر عكس ما تتوقع لأني رجعت للشغل والتعب
اشكرك وانتظر رمعتك بكل الشوق

[الخامسي1]

وعليكم السلام ورحمة الله وبركاته
الله يصبحك بالخير يابونايف ومن يقرأ
صح لسانك ويستاهل ابو ماجد
كفو وانت كفو
مرور للسلام فقط
ولنا للرمعة عودة ان شاء الله
...










اشكرك جزيل الشكر والتقدير
ولا عليكم زود
وافي الله يسلمك
وانتظر رمعتك

[الخامسي1]

حي الله باغالي
وصح لسانك يابعد الروح
وش رايك بمثل
عادة حليمه لعدتها القديمه


الله يحيك ويغليك
اخوي محمد
وصح بدنك
تسلم روحك
والرمعه مالك لوااا

[الخامسي1]

وعليكم السلام ورحمة الله وبركاته

صح لسانك ملايين يا الغالي


وحياك الله وبياك يا ابو نايف

الزعيم يستاهل وانت تستاهل معلقات

لله درك وبيض الله وجهك

وجاري التفكير

تحياتي لك







ارحب أبا أسامه
حياك وبياك والخير في محياك
تسلم والحمدلله على السلامه
ولاعليكم زود انتم الخير يا وجه الخير

[الخامسي1]

صح السانك

اخوي ابونايف

وابوماجد يستاهل

تسجيل حضور

وجاري التفكير






حضورك شرف
ومرورك افتخر فيه
دمت وافي وغالي
اشكرك ياابوعبدالعزيز
اخ وعزيز

[ابو الشبرميات]

وا معتصماه
...

[الخامسي1]

وا معتصماه
...



مالك لوااا

دور في وقتنا الحاضر المعاصر والوعد الساعة الثامنة ان شاء الله ؟؟؟

[حبيب المساكين]

وش رىيك في مثل عندما كان رجلا مسافراللحج فاتوا جيرانه يوصونه جب لولدي كذا والثاني جب كذاولم يعطوه نقودا واتى آخر واعطاه نقودا وقال جب لولدي زميره اوصفيره فقال مثلا ( والله اللي صفر او زمر ولدك)وبارك الله فيك

[الخامسي1]

وش رىيك في مثل عندما كان رجلا مسافراللحج فاتوا جيرانه يوصونه جب لولدي كذا والثاني جب كذاولم يعطوه نقودا واتى آخر واعطاه نقودا وقال جب لولدي زميره اوصفيره فقال مثلا ( والله اللي صفر او زمر ولدك)وبارك الله فيك


ارحب واشكرك على مرورك

ومالك لواااا

راجع الرد بالأحمر !!!!

[ال-رايق]

هذي البيوت تشابه احلى التفافيح=اذا اشتهيت الغصن قرب ودنه
احمر واصفر طيب الطعم والريح=مايتعب النشاد من وين مغنه
من زرع ابو نايف بعيد المشاويح=رجل على الماجوب رمحه يسنه
ذرب اليماني ماسمعنا انه شحيح=عجل الفعايل مابعد قال تنه
ترحيبة كبر الجبال المدابيح=به والتحيايا ياكثر عدهنه

[الخامسي1]

هذي البيوت تشابه احلى التفافيح=اذا اشتهيت الغصن قرب ودنه
احمر واصفر طيب الطعم والريح=مايتعب النشاد من وين مغنه
من زرع ابو نايف بعيد المشاويح=رجل على الماجوب رمحه يسنه
ذرب اليماني ماسمعنا انه شحيح=عجل الفعايل مابعد قال تنه
ترحيبة كبر الجبال المدابيح=به والتحيايا ياكثر عدهنه





يامرحباً اعداد ما هبت الريح ..... وإعداد مافي الكون انسه وجنه

ياشاعرً عنده جميع المفاتيح ..... يسخر القيفان من غير منه

وقصائده روضه بها الورد والشيح .... والذوق يرؤيها وهو ساس فنه

ولارضاك أنا باقوم ومحشوم ماطيح .... دام الحمل عندي على حسن ضنه

مديح ابومهند وباعطيه توضيح .... الحل وزن القاف ريح ودنه

[ابو الشبرميات]

بنت موجان
...

[الخامسي1]

بنت موجان
...



ارحب ياابوالشبرميات

مالك لوااااا

[الخامسي1]

اللغز ما احبه يطول علشان كذا اللي يبيه عند داوود الشريان الساعة الثامنه !!!!!!

[صقر السديرات]

يعني يا ابو نايف تقصد
داوود الشريان بزمه وعراه
دمت متالقا

[الخامسي1]

يعني يا ابو نايف تقصد
داوود الشريان بزمه وعراه
دمت متالقا


ارحب
ماانت بعيد

اعد المحاوله على وزن الأبيات

مالك لواااا

[ال-رايق]

الله حي ابو نايف
فيه كذل واحد
-مايل ويفك
-ملا ويفلك
-كذوب امعط
-مالك وفلك
والسلام

[الخامسي1]

الله حي ابو نايف
فيه كذل واحد
-مايل ويفك
-ملا ويفلك
-كذوب امعط
-مالك وفلك
والسلام



الله يحئيك
دور على وزن البيت
ايح وانه

افلحو جاهز والاهم عندي قصة اللغز حتى قوقل ما لقيتها فيه

[الخامسي1]

تكفون فكوني منه
ذا اللغز طاولني
وهو سهل جدً

[برق القصيم]

صح لسانك اخوي الخامسي

اظنك تبي مقولة : قريح ابوزنه :)

[الخامسي1]

صح لسانك اخوي الخامسي

اظنك تبي مقولة : قريح ابوزنه :)


نعم هي اللي اشغلنا بها كل ما خذا قال ( في قريح وابوزنه)

كفوووووووووووووووووووووووووووووووووووووووووووووووو وووو

بيض الله وجهك دمت قناص مع مرتبة الشرف واذا فيه من يعطينا

قصة ذا المثل او المقولة لا يبخل علينا بها ......................

[الخامسي1]

صح لسانك اخوي الخامسي

اظنك تبي مقولة : قريح ابوزنه :)


نعم هي اللي اشغلنا بها كل ما خذا قال ( في قريح وابوزنه)

كفوووووووووووووووووووووووووووووووووووووووووووووووو وووو

بيض الله وجهك دمت قناص مع مرتبة الشرف واذا فيه من يعطينا

قصة ذا المثل او المقولة لا يبخل علينا بها ......................