شغل مخك وادل بدلوك

[برق البروق]

سلام وافي للرجال المناعير ** في حزة الاشراق وفي حزة عصير

يالربع توني عليمي وفيه اسئلة في بالي واجد تحملوني انا افداكم وودي نستفيد من بعض بالذات اننا في وقت كلن متكي تحت المكيف ومتكي على الكمبيوتر :p

فيه تساؤل ونبي معلوماتكم وهو مالقيت له علم ولا جواب

هل يضر الطير او ياثر على الريش لاصار يصيد وهو ماصفى ؟ اذا كان الجواب لا ؟

الان الطير لاكان في الخلا طول وقته يصيد قيض وشتا سواء مصفي ولا باقي فيه الريش ؟

يعني ان الواحد لو اخذ طيره مثلا للجنوب ايام القيض وقام يدعيه ويطرب عمره الجو زين ولابه حر والطير باقي فيه الريش الى الان يضره مع ذكر السبب

يالربع نبي نقاش طيب نستفيد منه لاهنتوا

[صقار العنزي]

الله حيه شف انا عليمي مثلك واتمنا ان تلقى جواب دسم
لكي استفيد .....انشاءالله يفيدونك الاخوان

[(هزاع)]

ياهلابالموضوع وراعيه
ما أحد ركب كميرات مراقبه على ضهور الوحوش بالخلا وتابعها عن كثب
التغذيه الطبيعيه لها دور في قوة عضلات وعضام المخلوقات عامه
والطيرقبل فتره مقيضه بالخلا يكتسب قوه عضليه ومناعه ولياقه من حيث تنوع الغذاء وصيده مايشاء
ويكتسب اللياقه من عودته من الهجره لئالاف الكيلوات وهذي تعطيه بفضل الله قوت ريش من الشمس فتمين (د) للعضام والريش من مادة العضم وقوت مناعه
مما لايحتاجه في بذل الكثير من الجهد والكميه الغذائيه
اما طيور المقيض بالاسر فبماذا نغذيها؟!
لحم طيور بالاساس مبني على الكيماويات
التي نخرت عضام الاوادم قبل الطيور
تلاقي الشاب ابوخمس وثلاثين سنه يالله يقوم
وناضر الشيبان اللي 70% من حياتهم بالشمس وتغذيتهم طبيعيه وشلون قوتهم لامكيفات غير المهاف
فمابالك بالطيوربالمرابط كلش بها ضعيف ولاش شمس وكيماويات لويكفخ انفضخت ريشته
لاكن قرانيس الهوا معتني بها اللي خلقها ونوع معيشتها
ولاعندها من الكيماويات شيء
هذا رأيي الشخصي ولااعتبر نفسي اعلمكم بل لازلت اتعلم

[عاذي]

بارك الله فيك
وحنا تحت المكيف والا ماحنا تحته ابشر .
الطير فالخلا يطير ويصيد على سعته ويطير بهواه ولا يعسر نفسة .. اما انت لامسكته غيرت طبيعته كلها مايكل الا بامرك ولايطير الا برايك ولا يشوف الا بمزاجك .
اما هدده بالصيف ابا اعلمك بسالفه علمني بها الوالد يوم الزمان الزين للصيد طبعا يقول الوالد طول الله عمرة انه كان فيه شايب يهد حتى بعز الصيف ولا يربط طيرة طول السنه ولكن بالصيف مايهدها الا بعد صلاة الفجر والصيد ارانب يصب عليها من الماء لين تبرد كنها بالشتاء والى ارتفعت الشمس الا وهو راجع وهذه قصة مشاهدها الوالد بنفسة .
اما اليوم الطير بيدين بعض الصقاقير لاشفته تقول هذا ماهو طير هدد تقول طير مضاربات اما ريش منكسر والا اصبع قاطعته السكين والا ضربة مع انحرة والا ظهرة والا جناح منهدل ...
معلومة اخيرة الطير يهد لنفسة مايهد لك .

[عبدالعزيز610]

عليمي وصفيت طابور مع صف الاخووان ..

متابع للاستفادهـ القصوى من اي معلوومه..:D

[ذراع الذيب]

السلام عليكم ورحمة الله وبركاته..
صبحت بالخير يابرق البروق..


انا احيي امثالك يوم تسألوتبحث عن المعرفه وان شالله تعالى اسلوبك هذا راح يخليك صقار عشره على عشره..
والى يومك هذا نتعلم من هو سبقنا بهذا المجال ولاهو بعيب وبالمنتدى ناس كثر من هم ادرى عني بأمور الصقاره لاكن ابي اجاوبك بحد معرفتي..
واخوي هزاع (ابومشعل) كفا ووفا ورد عليك برد علمي واتسفدت من رده الله يجزاه خير هو وباقي الاخوه..
..............................................


هل يضر الطير او ياثر على الريش لاصار يصيد وهو ماصفى ؟ اذا كان الجواب لا ؟


الطير سبحان الله من طبعه حذر ويخاف على ريشه اكثر من راعيه


حتى اني شفت بأحد المقاطع لسمو الامير عبدالعزيز بن فيصل الله يحفظه صاقر له طير
وحش والطير فيه الموس ماتمت ومااكتمل نموها..
يوم هدوه على الحباره واخذها في مطراد يوم وقعت له وكوبرت ضايفها يعني(وقع قريب منها)
ويوم قربته الحباره هاشت عليه تحسبنه خاف منها..
وطار منها وابعد والبعض من الناس يحسب ان الحر خايف منها والصحيح ماهوب خايف منها الا وخايف على ريشه اللي مااكتمل..
ويوم طارت الحباره مبعده عنه جاها ويوم توقع يضايفها الين طيورها له الصقاقير
ومسكها وهي طايره شفت وشلون كيف هو حذير والامير ماقصر وضح المشكلة اللي صارت للطير الله يجزاه خير..
الطير حذير ويخاف على ريشه اذا كان ريشه يسوق وبالطبيعه يختار صيدته اللي ماتاذي ريشه اذا فارسها..
لاكن المشكله في نفس الصقار يوم يجبر طيره على صيده كبيره وريشه يسوق



الان الطير لاكان في الخلا طول وقته يصيد قيض وشتا سواء مصفي ولا باقي فيه الريش ؟



الطير سبحان اللي خلقه له اوقت وفترات محدده يبدل فيها ريشه..
عندك الحر والشيهانه الجبليه والوكاره اوقاتها متقاربه في حذف الريش الى ان تصفي..
وبشهر مارس وابريل تبدأ بحذف ريشها وبعضها يصفي في اواسط شهر سبعه ميلادي(يوليو)
وتعتبر اول الطيور اللي غسلت ريشها..
وغالبيتها تصفي بشهر ثمانيه ميلادي وشهر تسعه واغلب القرانيس الشواهين الجبليات والوكاره
اللي تطرح واعمارها من ثنو تطرح في شهر تسعه ميلادي ونحصل باقي من ريشها من ريشتين والى ثلاث وهذي تكون عندها فروخ..
وهي السبب في تأخير ريشها..
وعندك الشواهين البحريات تبدأ في حذف ريشها من شهر سته ميلادي وتنطرح بساحلنا في اكتوبر وباقي فيها من الريش من ريشتين الى خمس ..


واذا عندك طير تبي تقنصبه خله الين يصفي ريشه وانقله بشهر تسعه ميلادي لأن كل شي في وقته حلو..
واذا اصبت فهذا من الله سبحانه وتعالى واذا اخطيب من نفسي ومن الشيطان..
وتحياتي لك..

[عبدالرحمن بن ذياب]

بالنسبة لسؤالك الاول اكيد يأثر على الطير
و السؤال الثاني نعم يا اخوي يصيد و يحذف و يدبر اموره بقدرة قادر حط لكل شئ نظام دقيق سبحانه
و عن نقل الطير للجنوب الطير يا طويل العمر جميع الطيور وليس ( الصقور ) تقوم بتبديل ريشها مره كل سنة
فعملية القرنسة تتم لجميع الطيور

[قلب ذيب]

الله يحييك .
( الفكر شغال والدلو رشاها طويل )
ماقصروا من سبقوني في الشرح والتوضيح .
.................................................. ..
هل يضر الطير او يؤثر على الريش لاصار يصيد وهو ماصفى ؟ اذا كان الجواب لا ؟
..مايؤثر على الريش صيد الطير وهو بعده ماصفى واكتمل ريشه اذا كان في الخلا, حيث يعتمد الصقر في تلك المرحله من عدم أكتمال ريشه على الطرائد التي لاتؤدي الى كسر اي من ريشه او تكون اسرع منه .

الان الطير لاكان في الخلا طول وقته يصيد قيض وشتا سواء مصفي ولا باقي فيه الريش ؟
نعم الطير في الخلا يصيد سواء كان ريشه مكتمل او مازال هناك ريش لم يظهر او مرقع ببعض الريش , ويعتمد الطير احيانا في صيده على الطرائد التي لاتطير مثل الجرذي والضب وبعد الطرائد الزاحفه .

يعني ان الواحد لو اخذ طيره مثلا للجنوب ايام القيض وقام يدعيه ويطرب عمره الجو زين ولابه حر والطير باقي فيه الريش الى الان يضره مع ذكر السبب .
.. في بعض الصقاقير لاتربط طيورها في الصيف حتى في الاماكن الحاره خاصه الطيور المتأخره في حذف الريش او الصقور المرقعه بالريش ( خاصه الشياهين وعلى وجه الخصوص التبوع منها ) ويعتمد الصقار على نقل طيره في الصيف ودعوه عند الفجر ويهد بعض الحمام له حتى يحافظ على عدم حذف
ريشه او الريش المرقع به , والبعض يقوم بشنذرة الطير ورفع عدته حتى لايحذف , وهناك من يقوم بشنذرته على فترات متباعده للغرض نفسه .
... اذا كان لديك طير ولاتريده ان يحذف ريشه وتريد ان تقنص به في لفو الكراوين فلاباس ان تذهب به الى الجنوب وتدعيه بشكل يومي , وفي تلك الحاله ممكن ان يحافظ على ريشه وممكن يحذف مارقع به من ريش ان كان هناك بقايا ريش مرقع به ! اما اذا كان القصد التسليه وتضييع الوقت فمن الافضل ترك الطير في المربط لكي يغير ريشه مع الطيوووووووووور . تحياتي .

[سلطان 1]

الله يحييك .
( الفكر شغال والدلو رشاها طويل )
ماقصروا من سبقوني في الشرح والتوضيح .
.................................................. ..
هل يضر الطير او يؤثر على الريش لاصار يصيد وهو ماصفى ؟ اذا كان الجواب لا ؟
..مايؤثر على الريش صيد الطير وهو بعده ماصفى واكتمل ريشه اذا كان في الخلا, حيث يعتمد الصقر في تلك المرحله من عدم أكتمال ريشه على الطرائد التي لاتؤدي الى كسر اي من ريشه او تكون اسرع منه .

الان الطير لاكان في الخلا طول وقته يصيد قيض وشتا سواء مصفي ولا باقي فيه الريش ؟
نعم الطير في الخلا يصيد سواء كان ريشه مكتمل او مازال هناك ريش لم يظهر او مرقع ببعض الريش , ويعتمد الطير احيانا في صيده على الطرائد التي لاتطير مثل الجرذي والضب وبعد الطرائد الزاحفه .

يعني ان الواحد لو اخذ طيره مثلا للجنوب ايام القيض وقام يدعيه ويطرب عمره الجو زين ولابه حر والطير باقي فيه الريش الى الان يضره مع ذكر السبب .
.. في بعض الصقاقير لاتربط طيورها في الصيف حتى في الاماكن الحاره خاصه الطيور المتأخره في حذف الريش او الصقور المرقعه بالريش ( خاصه الشياهين وعلى وجه الخصوص التبوع منها ) ويعتمد الصقار على نقل طيره في الصيف ودعوه عند الفجر ويهد بعض الحمام له حتى يحافظ على عدم حذف
ريشه او الريش المرقع به , والبعض يقوم بشنذرة الطير ورفع عدته حتى لايحذف , وهناك من يقوم بشنذرته على فترات متباعده للغرض نفسه .
... اذا كان لديك طير ولاتريده ان يحذف ريشه وتريد ان تقنص به في لفو الكراوين فلاباس ان تذهب به الى الجنوب وتدعيه بشكل يومي , وفي تلك الحاله ممكن ان يحافظ على ريشه وممكن يحذف مارقع به من ريش ان كان هناك بقايا ريش مرقع به ! اما اذا كان لقصد التسليه وتضييع الوقت فمن الافضل ترك الطير في المربط لكي يغير ريشه مع الطيوووووووووور . تحياتي .

جوااااب صقاااااار متمكن. ولعااااااد بعد هالاجاااابه شي ينزااااد.
ولا يهونون الاعضااااء.

[عـــرادي]

الشبااااب و الشيبان كلهم ما قصرو ههههههه
بيض الله وجيهكم جميعاً
حبيت اضيف حاجه بسيطه وهي الأهم
الوحوش تهد وتصيد وتقرنس لانها في كامل صنعتها ( عديده )
والطير البيتي ما يهد ويصيد الا بعد ما تجوعه ( تقصر عليه ) ، والجوع هو اللي يؤثر على القرنسه

وتقبلوا خالص تحياااتي
بدر العرادي

[عيد العازمي]

السلام عليكم

ولايهونون الاخوان بس حبيت اوضح شغله والعلم عند الله




الطير لا صار بالصيف او مثل ماتفضلت كيف يصيد وهو حاذف ريشه


الطير الوحش ياشباب يقط السوابع والسوادس والخوامس ماعنده اي مشكله بالصيد بس لمن يكتمل ريشه السوابع والسوادس والخوامس يبدي يقط ريشه الين تسوق ويبدي يبلش الثالثه الين تبلش تعصب يبدي يقط النوايف الين حد بتعصب ويبدي بالنايفه وينتهي قرناسه


طبعآ ما اجزم بس اتوقع هذا الشي اللي يصير مع الوحوش


والله اعلم


تقبلو تحياتي

[رقاب الضرابين]

هلا بخوي السائل
الصقاره بير ما يغور ماه
وماطول ان البير يتحمل كل خارف لابد ان ادلي حتى يشرب من رميت الدلو لاجله
اخواني الصقاقير لست افضل من سبقني في الكلام والرد على من سال واأكن لكل صقار نضرته وابداء رأيه
اول شي
نقل الطير في الصيف لا يخلو من مخاطر اول خطر يهدد الريش هي شمال يد الصفار اذا ما كانت متمرسه
ربما لفحه وحده من يد راعيه تتلف ريشتين او اكثر خصوصا اذا كان في الطير نزاره
ثاني شي
الطير لاصار وحش لم يتوقف عن الحركه وبما انه لم يتوقف عن الحركه لا يجد ما يعيقه عندما تظهر الريشه
ولاكن اذا كان على وكره وحذف بعض ااريش ويجي من يدعيه اعلم ان الريش عند ما يسوق وهو دم يؤلم الطير وهذا مجرب خصوصا الطويله والي بعدها
ثالث شي
اعلم ان الارنب اذا غشمها الطير ومسكها وهي قويه لم تترك لطير ريشه جديده ما تكسرها وينبهل دمها انتظر فتره اطول لتنبت مره ثانيه
فانصيحتي لك ( لاتكون مثل الي عقب الشتاء بفروه) تحمل مني هذه الجمله
والله يوفقك بتوفيقه