رجعنا لك يالباترول من بعد الشاص ، وعندي سؤالين

[sgl2002]

صبحكم ، مساكم الله بالخير جميعا

من بعد ماقلبت بالشاص وصار اللي صار وبعناه وهو مصدوم ، بدأت بالبحث من جديد عن الموتر الوافي والحبيب الاولي ( الباترول )

وتم شراء باترول صالون نظيف والحمد لله دفلك وقير عايدي وهذا اهم ماعندي

المهم ياشباب راعيه ماقد طببه البر لذلك ظهر لي حاجة ماني متاكد منها لاني اول مره استخدم الدفلك


اذا شغلت الدبل الثقيل وشغلت الدفلك تأشر لمبة الدفلك والABS البرتقالية ثم تثبت ثم تاشر وعلى هالحال ، طبعا راعيه ماقد شغله من عام 1998


ثاني شي المثبت ، يشتغل لكن لازم اخلي يدي على زر ON اللي هو المسؤول عن تشغيل المثبت واذا فكيت يدي يفصل الزر ، يعني اذا ظغطته ماينشب على ON


الموتر سوبر سفاري 1998

[RW7..ALBDAWA]

الحمد لله على السلأمــه بالحديد ولأ ببني ادم

كل شي يتعوض ونآ اخوك الا الانسآن

والله يكتبلك اللي فيه الخير ويعوضض عليك

ومبروك عليك البآترول والبآترول شيخ ششف يوم بعت البآترول حقك الاوله شكله دعى عليك هههه استغفر الله

وعلى قولتهم مآلك الا الحبيب الاول

على العموم يفيدونك الاخوآن يالذيب والله يطرحلك فيه البركـه

[abohmad]

الحمد لله على السلامة ومبروك ما شريت

[cz527]

مبروك الموتر الله يطعمك خيره و يكفيك شره...

من ناحية اللمبات عادي تشر الثنتين abs بين كل تأشيره و الأخرى تأخذ وقت أطول من

الذي يكون بين كل تأشيرتين للدفلك....فالوضع طبيعي....

من ناحية المثبت مدري لكن جرب بعد ماتتجاوز سرعة60كلم إذا ماثبتت فحاول إنك تعلق

عليها ثم أثناء التعليق إضغط على السهم المتجه للأسفل لمدة 3ثواني تقريبا ثم إرفع يدك

و لاحظ لعلها تشتغل...

[اذاني]

هههههههههههههه

تراي بايع موتري قبل سنتين لايكون هو ((سوبر سفاري قير عادي لونه ذهبي والاستمارة بيج ))

علي العموم الف مبروك الموتر

اللمبات تأشر مع الدفلوك الوضع طبيعي

الزر الي علي اليسار المسؤل عن تشغيل المثبت كان عندي نفس مشكلتك وكنت اضغطه ضغطه

سريعه براس الأضفر عدة مرات ويالله يشبك .


اي استفسار طال عمرك انا حاضر في اي شي ((خبره 6 سنوات))

[sgl2002]

جزاكم الله خير

وماقصرتوا


ويالبا الباترول بس يوم لفيت على النفود اليوم وازر عليه الا تقول سفينة تمشي بالبحر ماشاء الله تبارك الله