مشاهدة النسخة كاملة : مشكلة يوكن 2001 طرنمبة البنزين للمرة الثااااااانية حسبي الله
راعي المجهم
05/07/2012, 08:40 AM
عندي يوكن 2001 غيرت له طرنمبة فكسار قبل سنتين وماشي مزبوط
قبل يومين وانا مسافر عليه طفى فجاة وقفت وفحص الفيوزات وجدت
فيوز ECM كذا أسمه منحرق
وفيوز اواكس بور كذا اسمه منحرق
غيرتها بنفس رقمها أشتغلت السيارة وكملت مشواري 100 كيلو
بس انبير الحرارة صار نازل تحت مرة كنه طافي
وإذا طفيت السيارة وشغلت مرة ثانية يرتفع 4 ثواني ويرجع ينام تحت
المهم وانا راجع طفت السيارة فجأة شيكت الفيوزات سليمة
قست دفع الطرنمبة لقيته صفر
ماهي المشكلة بالضبط ياخبرى
قمة افرست
05/07/2012, 11:50 AM
افحص الكتاوت حق الطرمبة بعلبة الفيوز الي بالكبوت خل كهربائي يشيك عليها
واعتقد لها علاقة بمشكلة دينمو امبير الحرارة
او انك كنت تدق سلف بكثرة واثر على دينمو عداد الحرارة
افحص كتاوت الطرمبة كبير وليس فيوز
افحص توصيلات الطرمبة من جهة التانكي
افحص بلف الرجيع للبنزين
اذا احتجت تغيير طرمبة غير حقت الوكاله وابعد عن الترهيم لو حصل اي خطاء بالتوصيلات احرقك انت والسيارة
خذ طرمبة الوكاله والفيش مطابق طبعا
وحاجتين حافظ عليها
البنزين ماينقص عن ربع ابدا
اذا جيت تعبي بنزين طف السيارة وهذا ينطبق على كل سيارة طرمبة البنزين بالتانكي
وماراح تشكي من الطرمبة بعد كذا
http://www.mekshat.com/pix/upload05/images224/mk100183_image1.jpg
راعي المجهم
06/07/2012, 09:23 AM
اخي افرست الطرمبة منهية مافيها كلام قست ضغطها
لكن هل أستطيع تركيب طرمبة خارجية بجانب الفلتر ؟؟؟
هل أستطيع شق البودي اسفل المرتبة الأخيرة لسهولة تغيرها إذا تعطلت ؟؟
قمة افرست
06/07/2012, 09:49 AM
السلام عليكم ورحمة الله وبركاته
بالنسبة لتوليف الطرمبة الخارجيه يصير ممكن تولف طرمبة
ولاكن المشكلة بدفع الطرمبة الي بالتانكي كهربائيه ( اكترونيه )
واقوى دفع للبنزين
ممكن تولف حقت شبح مرسدس الموديلات القديمه وتكون بازرار منفصل لحالات الطواري
تمشيك
لو ولفت خارجية واعتمدت عليها ممكن تواجه مشكلة بضعف وصول البنزين
وانا ضد اي توليف مع الكهربا والبنزين
ايضا لاننسى في حال الغاء الطلرمبة السابقه بنواجه مشكلة بعوامة البنزين الي بالتانكي ؟
معلومه بضيفها
الطرمبة الكهربائيه ميزتها تشتغل مع فتح الاسوتش وبكذا ماتحتاج تدوس بنزين مثل السيارات القديمه وتشتغل السيارة على طول
اي تغيير لازم يكون يؤدي نفس الغرض يعني التوليف طرمبة كهربائيه
المقصوده مشابهه للصورة
وليس مطابق
وممكن تختار اي نوع مو شرط مرسدس اهم شي تكون بنفس قوة الاولى
http://www.autohausaz.com/secure/PartImages/69608.jpg
http://mercedessource.com/files/gascleanstart05(2).jpg
http://www.bestcarsguide.com/wp-content/uploads/2009/11/Ford-F-150-Fuel-Pump-Problems.jpg
هنا الي مفروض يتغير عندك بالسيارة وهو اصلاح الطرمبة بس المشكلة انه غير موجود وسعره ربع قيمة الطرمبة
ويستغنون عنه بتوليف طرمبة الفي اكس ار بتغيير القلب او دلفي او دنسو
وهذا خيار رخيص جدا كامل مع الشغل مايتجاوز 400 ريال
http://i.ebayimg.com/t/New-Fuel-Pump-Module-Repair-Kit-/04/!CDsPZQ!BGk~$(KGrHqMOKjEE0iJb6g80BNPcboV6Jg~~_3.JP G
http://i.ebayimg.com/t/New-Fuel-Pump-Module-Repair-Kit-/05/!CDsP,V!Bmk~$(KGrHqUOKiME0ovYh)+hBNPcbqle!w~~_3.JP G
وهنا توليف على اكاديا
http://www.automedia.com/Content/Articles/Images/ccr/ccr20051101fp/ccr20051101fp_s07.jpg
http://www.automedia.com/Content/Articles/Images/ccr/ccr20051101fp/ccr20051101fp_s06.jpg
هنا الطرمبة والاصلاح الموضح برقم 4
http://ww2.justanswer.com/uploads/GUYVANIDERSTINE/2010-02-26_011813_93_grand_am.gif
اتمنى اكون طرحت مايفيد واعطائكم صورة توضيحيه من خلالها تستتطيع حل المشكله
دمت بخير
راعي المجهم
06/07/2012, 01:18 PM
يعني أقدر اركب خارجية واخلي القديمة مكانها وهي خربانه ؟؟؟؟
عادي
طيب الخارجية وشلون تسحب بنزين والقديمة عطلانه داخل التانكي ؟؟؟
قمة افرست
06/07/2012, 09:41 PM
لا طبعا مايصير موضوع التوليف بهذا الشكل
انا قلت يمشيك في حال تعطلت يعني طرمبة اضافيه
ولازم يكون توليف كامل
او تلغي السابقه وتصلح طرمبة خارجيه
وقلت لك بتواجه مشكلة بعوامة الامبير
وانا اقول ضد اي لخبطة او توليف
الحل طال عمرك
تركب طرمبة بلده كامله بعوامه وفلتر
تركب قلب حقت طرمبة في اكس ار
او تركب نوع دلفي يركب القلب
لوسالت بالورش عارفينها
اذا لوبتركب خارجي فقط لازم تلغي السابقه
والخارجيه ميزتها انها في الفك والتركيب اسهل مايحتاج فك التانكي
ولواني اشوف ان كل هذي الحلول لاتنفع
الي مناسب تركيب قلب للطرمبة او طرمبة جديده
وعموما هذي المشكلة يعاني منها الامريكان ودايم تعطل
ولالقوا لها حل الا بتغيير الاصلاح
لاان اغلب الي ولفوا خارجيه بعد فترة واجهوا مشاكل
وجميع ماطرحت لك هو حلول رغم اقتناعي بعدم التوليف ابدا
الافي قلب الطرمبة المشابه للاصلاح
دمت بخير
قناص*07
07/07/2012, 12:34 AM
ركبت طرمبة المرسيدس على جمس حوض م 1999 وكانت ممتازه و ادائها ممتاز بس يعيبها صوتها كانه صوت مرسيدس مو جمس
.أبوعبدالرحمن
07/07/2012, 08:58 AM
ينقل للقسم المناسب
Lover gmc
07/07/2012, 08:34 PM
اكبر غلط تركب طرمبه غير طرمبه البلد
ياخي انا معي جمس 2005 جلس معي اربع سنوات ما اشتكيت من الطرمبه
حتى كثييييييييييييييييير ما اعبي الا بعشره او 15 ريال يعني فوق الربع بشوي
وما اعبي الا اذا ولعت اللمبه واجلس يوم او يومين كذا عادي
وما اشتكيت منها
اشور عليك لو تقدر تركب حقت 2005 او 2006 تمام صدقني
مانع767
07/07/2012, 09:00 PM
السلام عليكم ورحمة الله اخي لاتتعب نفسك المساله هذي ماره علي قبل 4سنوات غيرت من الطرمبات بحدود5000ريال واخر المطاف وقفت على باكستاني رهم طرمبه مرسيدس بنز وفرض 1500ريال وبعدها الان 3سنوات والحمدلله الامور زينه اذاكانك بالرياض عطيتك وصف الورشه على طريق الدمام وللجميع تحياتي
الفيصل66
13/08/2014, 02:54 AM
السلام عليكم
اخوي مانع ليتك ترسل لي وصف الباكستاني او رقمه علنا نجد عنده حل
و تقبل تقديري
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir