كف الطير (ورم) [الأرشيف] - منتديات مكشات

مشاهدة النسخة كاملة : كف الطير (ورم)

yasser1389

05/07/2012, 10:11 AM

اخواني اعظاء ومشرفي هذا المنتدا الرائع
السلام عليكم ورحمة الله وبركاته
عندي طير حر فاكه بالمربط طلق والغريب لقيت به ورم براحة كفه يالربع وديته المستشفى بالرياض ويقول الدكتور عادي ماتخاف واعطاني مرهم ولم اشوف نتيجه يالربع اللي مجرب الشي هذا يوصفلي اقوى مرهم جربه وفعال والله اني خايف على الطير ومكذر خاطري تكفون ودي حل سريع وشكرا للجميع

خيرها بغيرها

05/07/2012, 05:16 PM

يروح باذن الله استمر على المهرم حق المستشفى ولاتكثر منة عشان مايوصخ الريش وقت ما يتفلا الطير

(هزاع)

05/07/2012, 06:13 PM

ما ادري هو انت اللي راسلني بهاذا الموضوع ام لا
اولا الله لايخسر المسلمين ويحفض حلالهم
اربط الطير بسبق واحد وترك الرجل المريضه
ضع له وكر من الطين (لبنه)
ادهن الساق والكف بمنقوع المره بمقدار حبة القهوه في ربع فنجال ماء قبل ساعتين من وضع المرهم مرتين بالليوم
وذا ماعندك لبنه حجر وتفقد السلق والكف اخاف بها جرح مادريت عنه
مالقيت للئلتهابات مثل المره

هاوي صيد

11/07/2012, 03:15 PM

حياك اخوي فية علاج شعبي
:f

MMMمخاويMMM

12/07/2012, 07:06 AM

حياك اخوي ... هذي صا رت لي في طير عندي نفس طريقتك فالمربط وطلق وحصلت له نفس المشكله

وحلها بسيط بأذن الله.. فيه دواء موجود في مستشفى فهدبن سلطان عباره عن قطرة تقطر منها اربع قطرات على العلف يوميا وبأذن الله راح يخف الانتفاخ..

جلاد الحباري

14/07/2012, 02:43 AM

مرحبا ابو عمار ارسل الصور للدكتور براء العثمان على الرابط المثبت

صقرالحروب

15/07/2012, 12:24 AM

اربط الطير بسبوقه ولا تربطه بسبق واحد تر اه راح يملع الطير واستخدم مرهم فوسيديم تلقاه في الصيدليه البشريه وكذلك امسح كف الطير بليمون وملح 3 مرات في اليوم
هذي بدايه حفاه اذا تطورت وصارت سده لايمكن علاجه

00مدريد00

16/07/2012, 09:40 PM

طرح السعودية

17/07/2012, 03:37 AM

السلام عليكم ورحمة الله

اخوي فيه طريقه بسيطه وسهله وتنتهي من وقتها
جيب منقاش ومطهر او المرهم اللي عطاك الدكتور
انقش الورم الى ما يطلع الدم او صديد اعزكم الله وتتكون من عدة
جهات للورم وبعدها ادهن مكان الورم بالمطهر او المرهم اللي معك
وان شاء الله يطيب طيرك
والسلام ختام
مدريد

القنفذه

26/8/1433ه

؟؟؟؟

يا أخي العزيز تبي الرجال ينقش كف الطير على شان يعدمها؟؟!!
أي جرح في كف الطير صعب شفاؤه وفي الغالب يتحول إلى سدة فكيف تريده ينقش كف الطير؟؟

ياأخي صاحب الطير

اربط الطير أرضي بكف الطير السليمة إذا كف الطير مافيها إلاورم بس خله على رمل بدون وكر واستعمل علاج المستشفى
وتابع الطير يومياً لوشفت الطير ضام كفه وهو متكي عليها لازم تقص شوي من مخالب الطير خصوصاً الصياد والنواش لأن ممكن يجرحن كف الطير

00مدريد00

17/07/2012, 04:26 AM

؟؟؟؟

يا أخي العزيز تبي الرجال ينقش كف الطير على شان يعدمها؟؟!!
أي جرح في كف الطير صعب شفاؤه وفي الغالب يتحول إلى سدة فكيف تريده ينقش كف الطير؟؟

ياأخي صاحب الطير

اربط الطير أرضي بكف الطير السليمة إذا كف الطير مافيها إلاورم بس خله على رمل بدون وكر واستعمل علاج المستشفى

وتابع الطير يومياً لوشفت الطير ضام كفه وهو متكي عليها لازم تقص شوي من مخالب الطير خصوصاً الصياد والنواش لأن ممكن يجرحن كف الطير

شف يا اخي العزيز انا مجرب الطريقه ذي مع وكريه ونجحت وانا واعوذبالله من كلمة انا شفت طيرتي بدا بها زي التقرحات الا ماورم بين الاصابع نزولا للكف وامتدادا للساق والحمدلله بعد 3 ايام شفت لكن السوال هنا هل بدا الورم(بداية مكان ظهوره ببطن الكف ام من الساق )والسوال يمكن اني فهمته غلط لكن ننوه لراعي الطير انه ينزل صورة لكف الطير يبين فيها الورم لكي نحكم بعلاجه
والسلام ختااااااااااااااام
مدريد

القنفذه
27/8/1433ه

راعي شلهوب

17/07/2012, 04:08 PM

صوره كف الطير

الجبيل -

18/07/2012, 02:32 AM

السلام عليكم ورحمة الله وبركاته ..
صبحكم الله بالخير جميع ..
وبعد.
هاذي ياطويل العمر حفاه
وعلاجها عند الله ثم عندي
ادهن كف الطير بالفازلين واخذ لك خيشة رز صغيره 10 صانتي في 10صانتي
وحط داخل الخيشه ملح وخل الخيشه فوق الوكر
استمر على الحاله 3 ايام ويتعالج طيرك باذن الله
ولا تحط الفازلين الى بعد العلف

والله يشافي طيرك وكل من طيره مريض
ونستودعكم الله والسموحه على القصور..