المساعد الشخصي الرقمي

مشاهدة النسخة كاملة : مكيف للسيارة والمكشات يعمل اكثر من 6 ساعات علي بطارية السيارة


بحريني1972
05/07/2012, 10:35 AM
في البداية السلام عليكم ورحمة الله وبركاته

منذ تسجيلي بالمنتدي الرائع هذا وانا كل يوم يزيد اعجابي به وبالاعضاء الكرام لما يقدمونه من افكار رائعه ومساعده للجميع فحبيت اني اشارك معاكم بفكرة بسيطة وان شاء الله انها تعجبكم

الجهاز تم تجربتة وعمل اكثر من 6 ساعات وبروده منعشة

الموضوع هو مكيف يعمل علي 12 فولت ينفع :
للسياره
للفان
للخيمة
واي مكان اخر لانه متنقل

البداية الادوات المطلوبة :

1 / راديتر مكيف صغير الحجم او كبير حسب احتياجك


2 / مروحة كهرباء نفس مروحة الراديتر بس الحجم الصغير
3 / عدد 2 سلك كهرباء واحد احمر والثاني اسود
4 / صندوق من الخشب
5 / براغي ومسامير للتثبيت
6 / ثلاجة كولمن او اي نوع اخر ويفضل ان تكون اكبر من 50 لتر
7 / عدد 2 لي ماء شفاف
8 /مضخة ماء اصغر حجم نفس اللي تستعمل في القوارب
9 / بطارية 12 فولت ( 100 امبير اللي انا استخدمتها )
10 / موزع هواء مثل مال التكييف حق البيت حجم صغير
طريقة العمل :

الفكرة ببساطة اننا نجعل مضخة الماء تسحب الماء البارد من الثلاجه وتمريرة الي داخل الراديتر الصغير ليخرج من الطرف الاخر الي الثلاجه مرة اخره مما ينتج عنه تبريد الراديتر ومع مرور الهواء القادم من المروحه الذي يمر بداخل الراديتر يصبح الهواء بارد

1 / نقوم بعمل صندوق من الخشب ويفضل من الالمنيوم لعدم تاثرة بالماء ويكون مقاس الصندوق مناسب للراديتر مع موزع الهواء مع المروحه يعني اول شيئ تشتري الراديتر اصغر حجم حق راديتر مكيف هواء السيارة وتشتري مروحه مناسبه لحجم الراديتر وتعمل لهم الصندوق

http://www2.0zz0.com/2012/07/05/06/871839457.jpg (http://www.0zz0.com)

2 / تركيب عدد 2 لي ماء اي نوع متوفر عندك بالراديتر مكان الدخول والخروج ويفضل الشفاف عشان تتاكد من مرور الماء بالداخل

http://www2.0zz0.com/2012/07/05/07/106797559.jpg (http://www.0zz0.com)

3 / ثلاجة كولمن او اي نوع ثاني نركب فيها مضخة الماء المذكورة بالاعلي

http://www2.0zz0.com/2012/07/05/07/227662473.jpg (http://www.0zz0.com)


4 / نقوم بتوصيل اسلاك الكهرباه من المروحه الي البطارية
نقوم بتوصيل اسلاك الكهرباء من مضخة الماء الي البطاريه



5 / اضافة الثلج الي الثلاجه مع القليل من الماء ليكفي فقط عمل المضخة تقريبا 3 او 4 سنتمتر ويفضل القوالب احسن من المكعبات لانها تدوم فترة اطول

شغل المروحه ومضخة الماء واستمتع بهواء باررررررررررررررد

صورة للثلاجه والصندوق والبطارية

http://www2.0zz0.com/2012/07/05/07/305748240.jpg (http://www.0zz0.com)


صورة المروحه المطلوبه
http://www2.0zz0.com/2012/07/05/07/521091704.jpg (http://www.0zz0.com)

صورة من الاعلي يبين طريقة التركيب داخل الصندوق

http://www2.0zz0.com/2012/07/05/07/702801139.jpg (http://www.0zz0.com)

صورة مضخة الماء المطلوبه

http://www2.0zz0.com/2012/07/05/07/488118442.jpg (http://www.0zz0.com)



ملاحظات :
وجدت ان الهواء بارد ومنعش مثل هواء مكيف السيارة
لاحظت ان صوت المروحه مزعج بعض الشي
استعملت ثلاجه كولمن حجم 100 لتر وظل يعمل معي من حدود جسر البحرين الي داخل دولة الكويت وكان الهواء بارررررد مع اني كنت امشي بوقت الظهر الساعه 1

ارجو ان تتقبلوا موضوعي وما استغني عن اقتراحاتكم وتعديلاتكم علي الموضوع لتعم الفائده علي الجميع ان شاء الله

اخوكم ابو فيصل
أبوباسم455
05/07/2012, 11:13 AM
ماشاء الله أبوفيصل شغل نظيف وتسلم على التقرير !!
http://img03.arabsh.com/uploads/image/2012/04/13/0e37444866fb04.gif (http://arabsh.com)
http://img03.arabsh.com/uploads/image/2012/04/13/0e37444866fb07.gif (http://arabsh.com)
ana_froos848
05/07/2012, 06:46 PM
ما شاء الله عليك فعلا شغل نظبف
yes999
06/07/2012, 09:55 AM
يعني الماء بالديتر بدل الفريون ؟ فكره جميله ونقدر نستغني عن الثلاجه وناخذ حافظه عاديه حق ثلج
بحريني1972
06/07/2012, 11:51 AM
ماشاء الله أبوفيصل شغل نظيف وتسلم على التقرير !!
http://img03.arabsh.com/uploads/image/2012/04/13/0e37444866fb04.gif (http://arabsh.com)
http://img03.arabsh.com/uploads/image/2012/04/13/0e37444866fb07.gif (http://arabsh.com)



شكرا لك وشاكر لك مرورك العطر
بحريني1972
06/07/2012, 11:52 AM
ما شاء الله عليك فعلا شغل نظبف


شكرا لك وان شاء الله في تعديلات راح تصير بس راح احطها بعد التجربه
بحريني1972
06/07/2012, 11:54 AM
يعني الماء بالديتر بدل الفريون ؟ فكره جميله ونقدر نستغني عن الثلاجه وناخذ حافظه عاديه حق ثلج


بالظبط ممكن تستغني عن الثلاجة وتستعمل فقط حافظة الثلج عاديه حق المكيف وبنفس الوفت ثلاجه حق الماي والعصاير وكل ما يلزم التبريد
بحريني1972
06/07/2012, 12:04 PM
جاري تطوير الفكرة لتصبح كالتالي :

اضافة موزع ماء بمضخة الماء ليصبح عدد المخارج 2 بدل 1 واضافة مروحه اخري مع راديتر صغير بمعني اوضح

الثلاجه تقسم الي قسمين

قسم خاص الثلج والماء يذهب الي هواء المكيف ويرجع نفس المكان

القسم الثاني راح تركب فيه راديتر ثاني صغير مع مروحه صغيره وتركب مباشره فوق الثلاجه عشان تستخدم كثلاجة عاديه

النتيجه راح يصير عندك مكيف هواء + ثلاجة بمجموع تقريبا 220 وات فقط

راح اضيف لكم الصور الجديده بمجرد الانتهاء من التجهيز
منــاكد
06/07/2012, 12:06 PM
فكرة رائعة وتنفيذ متقن...

الله يعطيك العافيه يابو فيصل...



تحياتي...
بحريني1972
06/07/2012, 12:21 PM
فكرة رائعة وتنفيذ متقن...

الله يعطيك العافيه يابو فيصل...



تحياتي...
الله يسلمك ويعافيك هذا ما تعلمناه من المنتدي الرائع
وارف الظلال
06/07/2012, 03:53 PM
فكرة رائعة من شخص ولا أروع
سلمت الأيادي وننتظر جديدك
كاسر البندق
06/07/2012, 11:49 PM
مجهود رائع وعمل جبار
بس وشي المروحه حقة اي سيارة
وعندي طريقة اخري لو تحط جيك ماء ابو 20 لتر الي يجي مربع الاسود معروففففف
وتفتح مربعات على الجوانب وتحط قش حق المكيف الصحراوي
وتحط المروحه وتحط الغطاس تحت يعني زي المكيف الصحراوي ....
تقبل مروري
طلاع 1970
07/07/2012, 12:17 AM
السلام عليكم
مشاءالله تبارك الرحمان صراحه شقل عدل عسا الله يوفقك
ابو فيصل اذا ماعليك امر دزلي مسج ابكلمك ضروري 0096566669733 ناطر اتصالك ضرورررررررري
واشنتن
07/07/2012, 06:43 AM
يا ليت يا أخ ابو فيصل المزيد من التفاصيل

وجزاك الله خيرا
بوجريس F-150
07/07/2012, 03:51 PM
ما شاء الله عليك :good: فكرة ممتازه والله يعطيك العافيه وهي مفتاح حق شغلات كثيره واول مفتاح انت راح تسويه وهو تبريد هواء وتبريد الثلاجه وبأنتظار القادم يا بحريني 1972 والله يوفقك .
طلاع 1970
08/07/2012, 04:46 PM
ابو فيصل دزلي رقمك على الخاص ضروري الله يجزاك خير
فزاع الخير
08/07/2012, 05:22 PM
ما شاء الله شغل طيييييييييييب
Zizo_1977
08/07/2012, 09:53 PM
مبدع وفكره جدا جميله
عندنا مثل بالشرقيه ابائنا واجدادنا يقولونه اذا شافو شي جديد وغريب عليهم يقولون
ماخلو شي اهل البحرين
يعطيك العافيه وتقبل مروري
بحريني1972
10/07/2012, 12:36 PM
فكرة رائعة من شخص ولا أروع
سلمت الأيادي وننتظر جديدك



الله يسلمك ويعافيك مرورك الاروع شكرا لك
بحريني1972
10/07/2012, 12:40 PM
مجهود رائع وعمل جبار
بس وشي المروحه حقة اي سيارة
وعندي طريقة اخري لو تحط جيك ماء ابو 20 لتر الي يجي مربع الاسود معروففففف
وتفتح مربعات على الجوانب وتحط قش حق المكيف الصحراوي
وتحط المروحه وتحط الغطاس تحت يعني زي المكيف الصحراوي ....
تقبل مروري


هلا ومرحبا

اخوي المروحه هذي انا رحت المحلات المتخصصه في قطع غيار مكيفات السيارة وحصلتها عندهم وتري مروحه عادية زي اللي نركبها حق السيارة بس هذي حجمها صغير

الطريقة اللي تقول عنها انا جربتها علي اكثر من شيئ بس الصراحه لقيت الطريقة مالت الثلاجه تعطيك هواء ابرد

الف شكر لك علي مرورك العطر وتقبل احترامي
بحريني1972
10/07/2012, 12:45 PM
السلام عليكم
مشاءالله تبارك الرحمان صراحه شقل عدل عسا الله يوفقك
ابو فيصل اذا ماعليك امر دزلي مسج ابكلمك ضروري 0096566669733 ناطر اتصالك ضرورررررررري


حاضر يا خوي وتحت امرك وامر جميع الاعضاء تم ارسال مسج علي رقمك
بحريني1972
10/07/2012, 12:58 PM
يا ليت يا أخ ابو فيصل المزيد من التفاصيل

وجزاك الله خيرا

حاضر وتحت امرك
راح اشرح شرح عادي وان شاء الله يكون الشرح وافي

المطلوب
ثلاجة اللي ينحط فيها الثلج مثل كولمن او اجلو او جت كولد او اي نوع ثاني

لي الشفاف زي حق المكيف يكون مناسب ليركب علي مظخة الماء
مظخة ماء تعمل علي 12 فولت ( بطارية السياره ) انا استعملت حقت الطراد ( مالت
البحر)

مروحة اصغر حجم ممكن انك تحصل علية زي اللي نركبها حقت السيارة عشان الحراره

راديتر مكيف حق اي سياره جديد او مستعمل ( الراديتر المطلوب هو حق ثلاجة مكيف السيارة )

موزع هواء زين اللي نركبه حق البيت حق التكييف المركزي بس حجم صغير

عمل صندوق من الخشب يكفي للراديتر والمروحه وفتحة توزيع الهواء ( موزع هواء زي مال سنترال البيت بس حجم صغير )

الفكره باختصار هي نقوم بتعبئة الثلاجه الكولمن بالثلج مع القليل من الماء

المضخه راح تسحب الماء البارد وتمرره من خلال فتحة الدخول بالراديتر ليخرج من الجهه الاخري الي ثلاجة الكولمن مما يسبب بروده راديتر الثلاجه ومن خلال مرور الهواء من فتحات الراديتر يتم تبريد الهواء لنحصل علي هواء بارد

اتمني انك فهمت الفكرة واي استفسار انا حاضر
بحريني1972
10/07/2012, 01:01 PM
ما شاء الله عليك :good: فكرة ممتازه والله يعطيك العافيه وهي مفتاح حق شغلات كثيره واول مفتاح انت راح تسويه وهو تبريد هواء وتبريد الثلاجه وبأنتظار القادم يا بحريني 1972 والله يوفقك .

الله يسلمك كلامكم هو المشجع وهذا قليل مما تعلمناه منكم
بحريني1972
10/07/2012, 01:02 PM
ابو فيصل دزلي رقمك على الخاص ضروري الله يجزاك خير

هذا رقمي بعد اذن الادارة

0096555224122
بحريني1972
10/07/2012, 01:05 PM
ما شاء الله شغل طيييييييييييب


شكرا لك وشاكر لك مرورك العطر
بحريني1972
10/07/2012, 01:07 PM
مبدع وفكره جدا جميله
عندنا مثل بالشرقيه ابائنا واجدادنا يقولونه اذا شافو شي جديد وغريب عليهم يقولون
ماخلو شي اهل البحرين
يعطيك العافيه وتقبل مروري


البحرين والسعوديه شعب واحد عسي ربي يجمعنا علي الخير ان شاء الله

شاكر لك وهذا قليل مما تعلمناه منكم

شكرا
بحريني1972
10/07/2012, 01:16 PM
راح احط لكم التكلفة التقريبية للجهاز مع العلم انني اشتريت افضل الانواع ومن الممكن تنخفظ التكاليف الي تقريبا 50 %

الاسعار راح تكون بالدينار الكويتي ( سعر الصرف تقريبا 1 دينار كويتي = 13 ريال سعودي )

الثلاجة الكولمن 41 دينار

مظخة الماء 8 دينار

لي ماء بطول 10 متر = 3 دينار

موزع الهواء 8 دينار

الصندوق الخشب انا سويته بالبيت

المروحة 5 دينار

راديتر ثلاجه مكيف سيارة 18 دينار

يعني تقريبا حول 83 دينار وممكن انك تسوي نفس الفكرة حتي ب 30 دينار بس انا حبيت انه يكون كل شيئ من النوع الممتاز عشان تكون قويه ودايمة
مخاوي الليل1
10/07/2012, 01:51 PM
السلام عليكم ورحمة الله وبركاته

ماشاءلله ..... ماشاءلله

تبارك الله


تسلم يمينك على الفكره الرائعه

انشهد انك جبتها ويسلم راسك وتستاهل خمس نجوم


وفي انتظار جديدك الغالي


اخوك

مخاوي الليل
بحريني1972
11/07/2012, 05:30 PM
السلام عليكم ورحمة الله وبركاته

ماشاءلله ..... ماشاءلله

تبارك الله


تسلم يمينك على الفكره الرائعه

انشهد انك جبتها ويسلم راسك وتستاهل خمس نجوم


وفي انتظار جديدك الغالي


اخوك

مخاوي الليل





الف شكر لك مرورك بموضوعي هو شرف لي الف شكر لك
جيبي جايزلي
11/07/2012, 08:02 PM
الله يعطيك العافيه عمل ممتاز وتستحق الثناء
no fear 78
12/07/2012, 06:57 PM
والله ابداع يا ولد عمي الصراحة ابداع بس ما اتحاول انه اتخليه كقطعه واحد مجمعه بصورة مكيف سهل الحمل وصغير لعمل عزبه له وحمله في السيارة من غيراخذ مساحة كبيره واسمحلي على الاضافة
بحريني1972
13/07/2012, 06:16 PM
الله يعطيك العافيه عمل ممتاز وتستحق الثناء


شكرا لك اخوي هذي شهاده اعتز فيها
بحريني1972
13/07/2012, 06:20 PM
والله ابداع يا ولد عمي الصراحة ابداع بس ما اتحاول انه اتخليه كقطعه واحد مجمعه بصورة مكيف سهل الحمل وصغير لعمل عزبه له وحمله في السيارة من غيراخذ مساحة كبيره واسمحلي على الاضافة


هلا فيك في البداية الف شكر لك علي المشاركه بالفعل كلامك صحيح انا اول ما عملت الجهاز فكرت اني اسويه قطعه واحده بحيث تكون المروحه ثابته فوق غطاء الثلاجه بس كنت متردد ان ما تنجح وبفضل الله نجحت الفكرة

والامر الاخر فكرت انها تكون علي الشكل الحالي اي ان اللي مع المروحه يكون منفصل عن الثلاجه عشان تكون متنقله يعني ممكن انك تخلي الثلاجه في السياره والمروحه خارج السياره حق الجلسات وما شابه

الف شكر لك
no fear 78
14/07/2012, 07:35 AM
هلا فيك في البداية الف شكر لك علي المشاركه بالفعل كلامك صحيح انا اول ما عملت الجهاز فكرت اني اسويه قطعه واحده بحيث تكون المروحه ثابته فوق غطاء الثلاجه بس كنت متردد ان ما تنجح وبفضل الله نجحت الفكرة

والامر الاخر فكرت انها تكون علي الشكل الحالي اي ان اللي مع المروحه يكون منفصل عن الثلاجه عشان تكون متنقله يعني ممكن انك تخلي الثلاجه في السياره والمروحه خارج السياره حق الجلسات وما شابه

الف شكر لك
من خبرتي معى الشباب المكشات اهم شي حق الكشات ان يكون الأختراع حجمه صغير ويتصفط يمكنك تركيب المرووحه من الداخل و عمل فتحه خروج الهواء البارد وبنسبه للثلاجه لا مانع من عمل الاختراع على ثلاجه اصغر حجماً و يمكنك مضاعفت برودت الماء باستخدام قوارير التي تحتوي على الجلي ازرق تحتفض بالبروده اكثر من الثلج العادي بالتوفيق
القنـاص2008
14/07/2012, 07:19 PM
شغل نظيف

بيض الله وجهك
بحريني1972
16/07/2012, 10:54 AM
من خبرتي معى الشباب المكشات اهم شي حق الكشات ان يكون الأختراع حجمه صغير ويتصفط يمكنك تركيب المرووحه من الداخل و عمل فتحه خروج الهواء البارد وبنسبه للثلاجه لا مانع من عمل الاختراع على ثلاجه اصغر حجماً و يمكنك مضاعفت برودت الماء باستخدام قوارير التي تحتوي على الجلي ازرق تحتفض بالبروده اكثر من الثلج العادي بالتوفيق

هلا فيك

جربت تقريبا لمده شهر اني احط المروحه داخل الثلاجه وكلامك صحيح راح يكون الحجم اصغر بس المشكله ان المروحه اذا كانت راكبة داخل الثلاجه تخرب بسرعه بسبب رظوبة الهواء الداخلي

ومن الممكن ايضا تثبيت المروحه باي مكان مناسب داخل السياره وعند الحاجه لها نقوم بتوصيل لي الماء الي الثلاجه فقط

شكر لك مداخلتك اللي استفدت منها الكثير

شكرا لك
بحريني1972
16/07/2012, 10:55 AM
شغل نظيف




بيض الله وجهك



شكرا لك اخوي اتشرف بمرورك بالموضوع

شكرا شكرا لك
ابومهند 5
04/11/2012, 09:09 PM
اللهم صلى على النبي
شغل تشكر عليه يا بو فيصل
راعي المرباع
14/11/2012, 03:57 AM
الله يعطيك العافية .
العطاوي a511
30/06/2013, 12:01 AM
اسمحلي اقولك اتعبت نفسك اخوي انا جربت مكيف صحراوي صغير مع محول كهرباء واشتغل 18 ساعه على السياره وهو زي براد طريقتك وموجود بكل مكان بس حنا نبي فريون نبي نرقد بالعربي هههههههههه
فارس الحجاز2
11/07/2014, 02:07 PM
لو سمحت يا ابو فيصل هل يوجد رطوبة مع المكيف مثل الصحراوي؟؟
محمد الصغير
07/05/2015, 12:09 AM
اختراع جميل بس ليه التعب الان بالسوق في مكيفات صحراويه حجم صغير خذه وريح مخك وقبل ماتعبيه ماء خل فيه ثلج
عاشق الددسن84
23/05/2015, 12:07 AM
كم تكلف التجربه هذي بالعمله السعوديه عشان نشوف نزينه ولااا لا
qasimy
23/05/2015, 01:01 AM
الله يعطيك العافية
مجاهيم
05/04/2020, 09:53 PM
جزاك الله خير...:s