الستوقر 2000 حيرتني

[ابوعاشة]

السلام عليكم شخباركم ياشباب مبارك عليكم الشهر


كلنا نعرف ان شوزن الستوقر ممتازة من ناحية الرمي والحرارة وهذي مايختلف عليها اثنين


لاكن المشكلة اني عزمت على شرائها والنية انها لي وللعمر


السوال الحين هل الستوقر تكرف انا ناويها لي وللعمروياليت الشباب الي معهم يقولون كم لها سنة معهم وهل صادفو مشاكل منها


وهل فيها حذفة يسار ولا هذي تجي من كل عشر وحدة ياليت التوضيح

[بحر الخليج]

حياك الله يابو عاشه بالنسبه للستوقر انا توني قبل اقل من شهر ما خذ لي وحده جديده اللي لونها اسود بالكامل فيبر من خلال تجربتي لها ما فيها اي حذفه بتاتا الا على الحبه وتسوق سوق قوي والصيده القريبه تحط الحبه في اسفلها وفيها عيب واحد وهو بسيط لكن بعض الناس يعده عيب قوي اللي هو الندف ندفها حار شوي لكن اغلب الصياده يبي رمي زين موجود في الاستوقر وسعرها مناسب مايعادل ثلث سعر البنلي يعني على قد فلوسك وان شاء الله اللي جربوها مده طويله راح يفيدونك
اتمنى اني افدتك .

[شراري الكويت]

هلا ابو عايشه ماراح زود علا كلام اخوي بحر الخليج شوزن راح تثبت جودتها وعليك بلفيبر عند واحد اعرفه صارالها ٥ سنوات عمره ماشتكها منها وكل ١٠ دستات ينضفها وكل سلاح يبي تنضيف ويرمي فيها من ٢٤ الى ٤٢ قرام وتقدر ترمي ٥٢ ونت مرتاح لان النظام بنلي وبتوفيق انشالله

[ابوعاشة]

شراري الكويت يعطيك العافية ماقصرت

اخوي بحر الخليج كفيت ووفيت عندي سوال بسيط

طبعا اي حاجة من خلال استخدامك او مسكتها لك تحس بالجودة او عكس

فا ياخوي بحر الخليج هل تحس بجودتها ومتانة حديدها وتماسكها

[بحر الخليج]

يابو عاشه والله انا كنت ناوي سوبر بنلي ولكن اسعارها حقيقه مبالغ فيها ونصحني رجال شرواكم بالستوقر واخذتها وابشرك جودتها وشكلها وخفتها كنها سوبر بنلي ومنظرها حلو بعد لكن عيبها الوحيد كما قلت الندف شوي حار اما الباقي بندق حلوه وتطربك وجودتها ممتازه ومسكتها يعني بتعجبك ان كان تبي رمي وسوق وسعرها زين يعني ما هو مبالغ فيه واتمنى اني افدتك .

وهذي ما شاء الله ستوقر بمخزن عشر طلقات وهي بندق العضو فرخ الجني بعد اذنه على نشر الصوره
http://www10.0zz0.com/2012/07/06/18/718324718.jpg

[ابوعاشة]

شروك الطيب يالغالي وبيض الله وجهك ماقصرت افدتني وافدت غيري