مساكم الله بالخير .وشلون تميز التفريخ من الوحش

[ابوماجد6641]

السلام عليكم ورحمة الله ’ حبيت اطرح هذا السؤال للفائده. وكسب معلومات جديِدة. وخصوصن من إخواني الصقارين الذين لهم الخبره في هذا الأمر.

[الذحاح]

الوحش تجي اخر ريش الذنابه بها شقوق من لفح الهوا التفريخ يجي الريشه عادي بدون لفوح على اخر الريش
بالنسبه لباقي الريش في الظهر وباقي الاماكن يجي في الوحش محروق من الشمس واضح اما التفريخ يجي لونه زاهي مره مافيه اثر شمس بالنسبه لكفوف الطير في الوحش تجي حرش وفي التفريخ تجي ناعمه ملساء
على عجالة كتبت واسف اذا نسيت شي

[أبو فااارس]

بالنسبه للقرناس الوحش واضح من ريشته تلقى به من ريش الفرخ وصعب الواحد ينغش فيه لأن مايجيبون تفاريخ قرانيس&&&
الفرخ الوحش حسب نظرتي .. تجيك اصبعه عريضه وكوعه متجرحه من كثر ماينبطح على صيدته وشدقه ماهو طويل يجيك متناسق وبوزه متناسق وليا حطيته على يدك وكشفت برقعه يرص راسه ويحط عينه بعينك.. طبعآ الملاحظات هاذي مايقدرون يجيبونها راعين التفاريخ غير حرق الريش يعني مكشوفين مكشوفين

[جلاد الحباري]

يالربع الحين ولللاسف الشديد صارت فيه طرق للغش الله يكفينا شره ولايجي عندنا التفاريخ خلوها قرانيس هوى يفكونها في مناطق مفتوحه على اشعة الشمس ويحترق ريشها وفيه حركه جديده يقطبون عيونها عشان تقولون مقطب يعني اصلي ما يلفت نظر التفريخ الا طبوعه لادعيته وهديته يبين معك صح اما الريش ولونها يخلف الله عليكم صارت قديمه الله لايعاقبنا غش تجاري محبوك صح ولا يطري على احد