المخيال
28/06/2006, 01:39 AM
السلام عليكم ورحمة الله وبركاته
الحمد لله رب العالمين والصلاة والسلام على خير خلق الله
محمد بن عبدالله وعلى اله واصحابه الطيبين الطاهرين
اما بعد:
الستلهمتني ذاكرتي في هذا اليوم
إلى ان اذكر لكم قصتي وانا في منتزه السودة غرب مدينة أبها ب25كم
اعذروني بقلب القصة بالعاميه بصرقع وانا اكتب بالفصحى
طلعت انا وربعي في الصبح وانا ما ادري وين بنروح له
قالوا البسوا زين وتدفوا المهم انطلقنا عند الساعه 8:30
عشان زحمة هالعالم تعرفون ابها في الصيف زحمة بالذات منتزه السودة
في الطريق أبها مرتفعه المهم نمشي وكل مالنا ونرقى ونرقى وطلعات ويمين ويسار
والجو كل ماله ويبرد ويبرد والأرض كل مالها وتخضر وتخضر ألين قالوا منتزه السحاب يسراكم والسودة فوقنا
الشاهد دخلنا السودة بتلنا ثم خشينا يمين وبتلنا ثم يمين ويسار وشجره وحصاة الين جينا في مكان وسيع وزين
وفيه زي الثيل سبحان الله حولنا بتشديد الواو وكان الجو بارد وصافي ولاسحابه ركزوا على ماتحته خط ( صار اختبار ) ههههه
الشاهد قعدنا سواليف وسعة صدر وفله وجو طيب (ربيع) اللهم لك الحمد
قعدنا شوي ثم افطرنا
تقريبا الساعه 10:30 الوقت عائدعلى الفطور
الساعه 11 قبل الظهر
(ماجتمع قوم في بيت من بيوت الله يتدارسون ويتذاكرون فيما بينهم الأنزلت عليهم السكينه وغشيتهم الرحمه وحفتهم الملائكه وذكرهم الله فيمن عنده) سوينا درس عن الصحابي سعد بن معاذ
ياخواني اقرؤا قصة هذا الصحابي الفذ الشجاع رضي الله عنه
المهم وبين نحن في الدرس اذ بدأت بعض التشكيلات من السحب تتكون وتتكاثر
المهم 11:30 سحب متفرقة
12 ظهرا مابرحت سحب متفرقة بس انها ركاميه بعض الشيء
12:30 لازال
استجذبني منظر السحب مع الجبال الخضراء وكان معي كاميرا من نوع سوني
فصورت حتى طفا اللي في بالي
ثم عودنا مرة ثانيه صلينا الظهر ثم فكرنا نسوي برنامج مسابقات ثقافيه
والله ياجماعه هم لم المسابقات وانا اشوف السحاب شيء يهول
بدأ السحاب يتراكم فوق بعضه نصوب نصووووب يحبها قلبك
كان فيه سحابتين كبار وحده من الشرق كانت بعيدة وهي اللي جتنا والثانيه من الجنوب وكانت سوداء جدا وكانت مسديه يعني الرعد يدوي فيها دوي
المهم سوينا البرنامج والسحاب يتراكم ويزداد ويقترب من عندنا ثم جت السحابة اللي في الشرق علينا كانت سوداء بمعنى الكلمه بدأ صوت الرعد يطلع وكنت انا وخويي نناظر بعضنا من شدة مانرى من السحاب
كنا نشيل بعض الزل ونوديه السيارة عشان مايجيه المطر
المهم قرب السحاب وقام السدى اللي في السحابة يغطي الشمس ثم جاك الضباب من جهة الغرب
سبحان الله كان منظر جميل ومهيب في نفس الوقت
وبين نحن في اعماق المسابقة اذ بدأت السحابة ترش المطر الخفيف راعي الرحله ماوده اننا نقوم ولكن قوي الرش وقال يله على السيارات انا شفتهم موب صاملين على الروحه خذيت الكاميرا وبديت اصور السحاب وهو يبرق ويرعد شف المجازفة السحاب فوقنا وارفع الكاميرا عشان اشوف البروق مليت وانا رافع راسي البروق ضعيفة وفي وسط السحاب بس الرعد كان يدوي دوي متواصل (هذا اغلب ماظهر في التصويييييييييير)
اثناء التصوير بدأت حبات كبيرة من المطر تسقط بشكل مهوب طبيعي واصلت التصوير
وكان معي خويي يجسرني هو معه كاميرا من نوع jvc
المهم خف المطر صار رشات حلوه
بينما انا اصور اذ لفت انتباهي سحابه سوداء جايه من ناحية الغرب تمشي ببطء بدأت تصطدم بالسحابه
اللي فوقنا اصبح الجو مظلم كنك في المغرب عرفت من هالسحابتين وحده فوق ووحده تحت ان الدعوى فيها
المهم عودوا ربعنا يوم شافوا المطر خف يحسبون الدعوى رش وفهدت اثرهم مابعد شافوا شي
قاموا يلعبون لعبه حليوه اسمها كر وفر الحقيقة انا ماشاركتهم اللعب كنت منشغل بالتصوير
الشاهد نزلت انا وخويي اللي معي بالكاميرات نصور الوادي اللي حنا فيه كان فيه شلال صغير يمشي باستمرار قمنا نصور هالشلال على هالرعود الطيبه
بس ماش كل مال الرعود ويقوي صوتها ويزيد و
يزيد ويزيد الين سديت اذني اليسرى وقمت اصور بيدي اليمنى من شدة الصوت
تعرفون ياخوان ان مثل هذه الاوقات خطر التصوير فيها المهم قلت لصاحبي
رقينا عند الشباب ماله داعي يجينا برق يشوينا شوي
رقينا فوق واذ بي المح برق يضرب الجبل المجاور لنا لايبعد الجبل سوى 50 متر
سددت اذني وامرت صديقي ان يسد اذنيه لكن مالحق سمع الصوت
فصرخ بأعلى صوته فعلا كان الصوت يزلزل اللي مايتزلزل ( هذا رعد سوا فينا كذا ياخواني فكيف بالصيحة )
الشاهد قعدنا عند اخويانا خفنا من هالبروق اللي ماتفصل واغلبها ان ماكان كلها صواعق تضرب الأرض
بعد هالبروق والرعود اللي ماتكاد تفصل بدأ البياض يجينا من جهة الشرق اطمأننت ولكن ضاق صدري انه ماطاح مطر قوي
ارفع راسي اشوف هملول وسيع بدا ينزل من السحابة وبدا يقرب يقرب ثم مطرت مطرة طيبه ثم قمنا نتناقز للسيارات
من المطر بدت الأرض تمشي والمطر يسقط ويشتد تارة ويخف اخرى جلسنا على هالحال حوالي ثلث ساعه ربعنا شافوا المطر ماوقف قالوا عودنا بس يوم طلعنا من المكان اللي حنا فيه
اشتد المطر وطاح بقوة وبغزاررررة عالية جدا جدا
حتى لكأني لاارى امام عيني الا شلال نازل من السماء
والمطر في انهمار مالبثنا قليلا الا وسمعنا صوت اشبه بصوت الحصاة على السيارة
واذ بالبرد يتساقط والشباب يستجمعونه وياكلونه ماعاد تشوف الاسيول والبرد يطيح عليها ويبنط للاعلى
سرنا ومشينا في الطريق العام للسوده المؤدي الى التلفريك
والمطر عليه شديد جدا مع حبات البرد
طلعنا من السوده متوجهين الى السكن الذي نحن فيه وبين نحن في الطريق
اذ لفت نظري ارتفاع السحابه وضخامتها وسداها بالفعل كانت هذه ذكرى لاتنسى ابدا في مخيلة من يستجمع الذكريات
وعلى ابها العزم هذه السنه بإذن الله
على فكرة المقطع اللي صورته للسحابه موجود عندي بس ما اعرف طريقة تنزيله
كانت هذه الحادثه في يوم الاثنين الموافق 10/7/1426هـ
اي سؤال اي استفسار فزعه مطاقة ترانا مستعدين
اخواني اعتذر منكم شديد الأعتذار على الأطالة
ولكن تعرفون كل مامطيت في القصة زانت
تقبلوا تحيات اخوكم المحب لكم المخيااااااااااااااااااااااااااااااااااااااال,,,,, ,
الحمد لله رب العالمين والصلاة والسلام على خير خلق الله
محمد بن عبدالله وعلى اله واصحابه الطيبين الطاهرين
اما بعد:
الستلهمتني ذاكرتي في هذا اليوم
إلى ان اذكر لكم قصتي وانا في منتزه السودة غرب مدينة أبها ب25كم
اعذروني بقلب القصة بالعاميه بصرقع وانا اكتب بالفصحى
طلعت انا وربعي في الصبح وانا ما ادري وين بنروح له
قالوا البسوا زين وتدفوا المهم انطلقنا عند الساعه 8:30
عشان زحمة هالعالم تعرفون ابها في الصيف زحمة بالذات منتزه السودة
في الطريق أبها مرتفعه المهم نمشي وكل مالنا ونرقى ونرقى وطلعات ويمين ويسار
والجو كل ماله ويبرد ويبرد والأرض كل مالها وتخضر وتخضر ألين قالوا منتزه السحاب يسراكم والسودة فوقنا
الشاهد دخلنا السودة بتلنا ثم خشينا يمين وبتلنا ثم يمين ويسار وشجره وحصاة الين جينا في مكان وسيع وزين
وفيه زي الثيل سبحان الله حولنا بتشديد الواو وكان الجو بارد وصافي ولاسحابه ركزوا على ماتحته خط ( صار اختبار ) ههههه
الشاهد قعدنا سواليف وسعة صدر وفله وجو طيب (ربيع) اللهم لك الحمد
قعدنا شوي ثم افطرنا
تقريبا الساعه 10:30 الوقت عائدعلى الفطور
الساعه 11 قبل الظهر
(ماجتمع قوم في بيت من بيوت الله يتدارسون ويتذاكرون فيما بينهم الأنزلت عليهم السكينه وغشيتهم الرحمه وحفتهم الملائكه وذكرهم الله فيمن عنده) سوينا درس عن الصحابي سعد بن معاذ
ياخواني اقرؤا قصة هذا الصحابي الفذ الشجاع رضي الله عنه
المهم وبين نحن في الدرس اذ بدأت بعض التشكيلات من السحب تتكون وتتكاثر
المهم 11:30 سحب متفرقة
12 ظهرا مابرحت سحب متفرقة بس انها ركاميه بعض الشيء
12:30 لازال
استجذبني منظر السحب مع الجبال الخضراء وكان معي كاميرا من نوع سوني
فصورت حتى طفا اللي في بالي
ثم عودنا مرة ثانيه صلينا الظهر ثم فكرنا نسوي برنامج مسابقات ثقافيه
والله ياجماعه هم لم المسابقات وانا اشوف السحاب شيء يهول
بدأ السحاب يتراكم فوق بعضه نصوب نصووووب يحبها قلبك
كان فيه سحابتين كبار وحده من الشرق كانت بعيدة وهي اللي جتنا والثانيه من الجنوب وكانت سوداء جدا وكانت مسديه يعني الرعد يدوي فيها دوي
المهم سوينا البرنامج والسحاب يتراكم ويزداد ويقترب من عندنا ثم جت السحابة اللي في الشرق علينا كانت سوداء بمعنى الكلمه بدأ صوت الرعد يطلع وكنت انا وخويي نناظر بعضنا من شدة مانرى من السحاب
كنا نشيل بعض الزل ونوديه السيارة عشان مايجيه المطر
المهم قرب السحاب وقام السدى اللي في السحابة يغطي الشمس ثم جاك الضباب من جهة الغرب
سبحان الله كان منظر جميل ومهيب في نفس الوقت
وبين نحن في اعماق المسابقة اذ بدأت السحابة ترش المطر الخفيف راعي الرحله ماوده اننا نقوم ولكن قوي الرش وقال يله على السيارات انا شفتهم موب صاملين على الروحه خذيت الكاميرا وبديت اصور السحاب وهو يبرق ويرعد شف المجازفة السحاب فوقنا وارفع الكاميرا عشان اشوف البروق مليت وانا رافع راسي البروق ضعيفة وفي وسط السحاب بس الرعد كان يدوي دوي متواصل (هذا اغلب ماظهر في التصويييييييييير)
اثناء التصوير بدأت حبات كبيرة من المطر تسقط بشكل مهوب طبيعي واصلت التصوير
وكان معي خويي يجسرني هو معه كاميرا من نوع jvc
المهم خف المطر صار رشات حلوه
بينما انا اصور اذ لفت انتباهي سحابه سوداء جايه من ناحية الغرب تمشي ببطء بدأت تصطدم بالسحابه
اللي فوقنا اصبح الجو مظلم كنك في المغرب عرفت من هالسحابتين وحده فوق ووحده تحت ان الدعوى فيها
المهم عودوا ربعنا يوم شافوا المطر خف يحسبون الدعوى رش وفهدت اثرهم مابعد شافوا شي
قاموا يلعبون لعبه حليوه اسمها كر وفر الحقيقة انا ماشاركتهم اللعب كنت منشغل بالتصوير
الشاهد نزلت انا وخويي اللي معي بالكاميرات نصور الوادي اللي حنا فيه كان فيه شلال صغير يمشي باستمرار قمنا نصور هالشلال على هالرعود الطيبه
بس ماش كل مال الرعود ويقوي صوتها ويزيد و
يزيد ويزيد الين سديت اذني اليسرى وقمت اصور بيدي اليمنى من شدة الصوت
تعرفون ياخوان ان مثل هذه الاوقات خطر التصوير فيها المهم قلت لصاحبي
رقينا عند الشباب ماله داعي يجينا برق يشوينا شوي
رقينا فوق واذ بي المح برق يضرب الجبل المجاور لنا لايبعد الجبل سوى 50 متر
سددت اذني وامرت صديقي ان يسد اذنيه لكن مالحق سمع الصوت
فصرخ بأعلى صوته فعلا كان الصوت يزلزل اللي مايتزلزل ( هذا رعد سوا فينا كذا ياخواني فكيف بالصيحة )
الشاهد قعدنا عند اخويانا خفنا من هالبروق اللي ماتفصل واغلبها ان ماكان كلها صواعق تضرب الأرض
بعد هالبروق والرعود اللي ماتكاد تفصل بدأ البياض يجينا من جهة الشرق اطمأننت ولكن ضاق صدري انه ماطاح مطر قوي
ارفع راسي اشوف هملول وسيع بدا ينزل من السحابة وبدا يقرب يقرب ثم مطرت مطرة طيبه ثم قمنا نتناقز للسيارات
من المطر بدت الأرض تمشي والمطر يسقط ويشتد تارة ويخف اخرى جلسنا على هالحال حوالي ثلث ساعه ربعنا شافوا المطر ماوقف قالوا عودنا بس يوم طلعنا من المكان اللي حنا فيه
اشتد المطر وطاح بقوة وبغزاررررة عالية جدا جدا
حتى لكأني لاارى امام عيني الا شلال نازل من السماء
والمطر في انهمار مالبثنا قليلا الا وسمعنا صوت اشبه بصوت الحصاة على السيارة
واذ بالبرد يتساقط والشباب يستجمعونه وياكلونه ماعاد تشوف الاسيول والبرد يطيح عليها ويبنط للاعلى
سرنا ومشينا في الطريق العام للسوده المؤدي الى التلفريك
والمطر عليه شديد جدا مع حبات البرد
طلعنا من السوده متوجهين الى السكن الذي نحن فيه وبين نحن في الطريق
اذ لفت نظري ارتفاع السحابه وضخامتها وسداها بالفعل كانت هذه ذكرى لاتنسى ابدا في مخيلة من يستجمع الذكريات
وعلى ابها العزم هذه السنه بإذن الله
على فكرة المقطع اللي صورته للسحابه موجود عندي بس ما اعرف طريقة تنزيله
كانت هذه الحادثه في يوم الاثنين الموافق 10/7/1426هـ
اي سؤال اي استفسار فزعه مطاقة ترانا مستعدين
اخواني اعتذر منكم شديد الأعتذار على الأطالة
ولكن تعرفون كل مامطيت في القصة زانت
تقبلوا تحيات اخوكم المحب لكم المخيااااااااااااااااااااااااااااااااااااااال,,,,, ,