لخبراء القير والدبل في الجمس 2005

[tevo]

السلام عليكم
اخواني معاي انا افلانش 2005 طبعا السيارة نفس الجمس وهي 1500 وفيها كم مشكله
1- كنت الاحظ لا دخلت نفود احيانن السيارة تثقل ويبرد عزمها ونا مشغل الدبل الخفيف مع العلم ان الارض مستويه او ارتفاع بسيط واكتشفت بعدين انه احيانن القير يعلق بنمره يعني ما عاد يرد نمره لا شغلت الدبل فعشان كذا يبرد عزمه لدرجة انه احيانن يوقف محله والكفرات ما تتحرك حتي ونا داعس الدعسه كلها اتوقع القير بالنمره 4 او 3 عشان كذا.
2- لا طفيت الدبل بعدها يرجف الموتر وفيه طقه لا عشق من النمره 1 الى 2.
3- اليوم مسكت عليه خط طويل وبعد ما وصلت الحمد لله ونزلت الاغراض جيت بوقف السيارة حطيته بالدي والدعس بنزين الا السيارة مفضيه حطيته بالريوس نفس الشي حطية الدبل علي وضع اوتو طق الدبل ومشت السيارة وبعدها رجعته علي الدفع الخلفي وتمام السيارة والتعشيقات تمام لاكن احيانن يفضي ورجع نفس الشي اشبك الاوتو وبعدها ارجعه علي الخلفي وتمشي الامور أعتقد المشكله يا حساس الدبل هنا او الدينمو .
يا ليت الي عنده خلفيه باي مشكله يفيديني انا اعتقد ان مشكلتي كهرباء وحساسات .

[يكفيني نظرة]

يمكن الحساس مثل ماتفضلت ويمكن زيت القير يحتر(يسخن).

[tevo]

يمكن الحساس مثل ماتفضلت ويمكن زيت القير يحتر(يسخن).

يعطيك العافيه
ما اعتقد الزيت يحتر لاني مركب مبرد زيت للقير اضافي صح موب عملاق لاكنه كبير والمراوح تكون شغاله تسمع صوتها تدوي دوي.

[stranger]

هذي مشكلة موديل 2005 عندنا جمس 1500 احيانا الدبل يشتغل من حالة وتظهر لمبة صيانة الدفع الرباعي وهذي المشكلة من يوم شريناه ودينا صيانة 1000 كيلو وعلمناهم بالمشكلة ما صلحوها والى الآن وهذي المشكلة فيه والحل الوحيد نطفي الموتر ونشغلة مرة ثانية يرجع طبيعي
بالنسبة في حالة التعشيق على D وما تمشي معك السيارة تأكد من اللمبة الحمراء عند ازرار الدبل اذا شغالة ما راح تمشي معك السيارة وكأنها في N

[tevo]

هذي مشكلة موديل 2005 عندنا جمس 1500 احيانا الدبل يشتغل من حالة وتظهر لمبة صيانة الدفع الرباعي وهذي المشكلة من يوم شريناه ودينا صيانة 1000 كيلو وعلمناهم بالمشكلة ما صلحوها والى الآن وهذي المشكلة فيه والحل الوحيد نطفي الموتر ونشغلة مرة ثانية يرجع طبيعي
بالنسبة في حالة التعشيق على D وما تمشي معك السيارة تأكد من اللمبة الحمراء عند ازرار الدبل اذا شغالة ما راح تمشي معك السيارة وكأنها في N

انا اخوي ما تشتغل عندي لمبة صيانة الدبل .
ولا طفيت السيارة وشغلتها نفس الوضع .
والمبة في ازرار الدبل تكون والعه اللمبة الدفع الخلفي فقط .
شكرا

[tevo]

اليوم مريت ورشه قالي تعال بعد يومين اشيك عليه زين ممكن يكون حساس ممكن تكون تروس الدبل الداخليه الصغيره ممكن يبيله برمجه .

[AxR979]

دبل الجموس من 2000 و فوق خراباته واجد و ان شاء الله قريبا بانزل موضوع عنهن

اذا فك الدبل خله يشيك على مكان طرمبة الزيت بالغطاء الخلفي

[tevo]

دبل الجموس من 2000 و فوق خراباته واجد و ان شاء الله قريبا بانزل موضوع عنهن

اذا فك الدبل خله يشيك على مكان طرمبة الزيت بالغطاء الخلفي

ايه ان شاء الله بشيك عليها بس ان شاء الله ما يحتاج افك الدبل .

[tevo]

للرفع..................

[tevo]

ياليت الي عنده خلفيه يفيدني.

[سعد الظاهري]

يالغالي اتوقع مشكلتك حساس الدبل جرب تفصل اصابع البطاريه وتخليه لمدة 10 دقايق مفصوله واذا كنت ودك تريح راسك افحص موترك كمبيوتر وتطلع العله الحقيقيه ان شاءالله

[tevo]

يالغالي اتوقع مشكلتك حساس الدبل جرب تفصل اصابع البطاريه وتخليه لمدة 10 دقايق مفصوله واذا كنت ودك تريح راسك افحص موترك كمبيوتر وتطلع العله الحقيقيه ان شاءالله

انا اليوم مواعد راعي الورشه علي انه يفحص السيارة ويفحص الحساسات ويفحص كومبيوتر بس ودي اني الم بأكبر كمية من المعلومات عشان انت عارف الورش ولعبهم وان كان الرجال صادق بس ممكن التشخيص ما يكون ممتاز.
ومشكور وما قصرت

[tevo]

الميكانيكي قالي المشكله من الدبل يبيلك يا توضيب يا تغيره تشليح وش رايكم يا جماعه؟

[AxR979]

وش اللي خربان به بالضبط ؟

[ابوريان]

نفس المشكلة حصلت معي بالتاهو 2005 غيرت الحساس والحمد لله الآن 100%
بعد أن قرأت هذا الموضوع لأحد الأخوة جزاه الله خيرا بهذه الخيمة
على هذا الرابط
http://www.mekshat.com/vb/showthread.php?t=416839

[tevo]

وش اللي خربان به بالضبط ؟
الي خربان يا طويل العمر لا حطيته بالدفع الخلفي ما تمشي السيارة وان شبكة لا شلت رجلي عن دعست البنزين فصل.
بس لو احطه علي الدبل او وضع اوتو تمام التمام



نفس المشكلة حصلت معي بالتاهو 2005 غيرت الحساس والحمد لله الآن 100%
بعد أن قرأت هذا الموضوع لأحد الأخوة جزاه الله خيرا بهذه الخيمة
على هذا الرابط
http://www.mekshat.com/vb/showthread.php?t=416839


انا فحصت كمبوتر وما لقي شي وغير كذا السيارة موب مبينه لي اي تنبيه لاكن شكلي بجرب الحساس قبل.

[AxR979]

اللي اقصده يوم يوم فحص عليه العامل وش اللي طلع به خربان ؟

[sa-z71]

السلام عليكم

اخوي فيه شغله الكثييير من الناس مايعرفها خصوصاً بالبر

وهي زر التراكشن ( ضرررروري ) تفصله عند دخول الرمل لأنه يمسك السياره ،

وأظن عندك حساس الدبل فيه مشكله

[tevo]

اللي اقصده يوم يوم فحص عليه العامل وش اللي طلع به خربان ؟


السلام عليكم

اخوي فيه شغله الكثييير من الناس مايعرفها خصوصاً بالبر

وهي زر التراكشن ( ضرررروري ) تفصله عند دخول الرمل لأنه يمسك السياره ،

وأظن عندك حساس الدبل فيه مشكله

يقول الي خربان نفس الدبل ولو بتفكه وتوضبه بيكلف عليك يقول خ1ه من تشليح احسن لك واضمن

والسيارة ما فيها تراكشن بزر عشان افصله

[tevo]

لقيت في القصيم الدبل بي 5000 مع التركيب .
ولقيت 3500 يغر الدبل بدبل استعمال امريكي (يغير القلب والجرم نفس الجرم حقي)
وش رايكم ايت افضل؟
وهل فرط الدبل وتجميعه فيه صعوبه وموب اي احد يضبطه ؟

[AxR979]

يا رجال شاري قبل شهر دبل بـ 2500 من الصناعية استخدام امريكي و الموضب تلقاه بحول 1600 تزيد او تنقص

تبي ترتاح ود سيارتك لمشعل العتيبي و هو بيعطيك العلم الاكيد و اذا احتجت تغير الدبل رح لحقين القيور بالصناعية القديمة و بتلقى اللي تبي

بعدين وش اسم التشليح اللي قال لك ب 5000 ؟

[tevo]

يا رجال شاري قبل شهر دبل بـ 2500 من الصناعية استخدام امريكي و الموضب تلقاه بحول 1600 تزيد او تنقص

تبي ترتاح ود سيارتك لمشعل العتيبي و هو بيعطيك العلم الاكيد و اذا احتجت تغير الدبل رح لحقين القيور بالصناعية القديمة و بتلقى اللي تبي

بعدين وش اسم التشليح اللي قال لك ب 5000 ؟

هذا يا طويل العمر كله عن طريق الجوال انا المشكله من سكان المدينه لاكن ان لزم الامر مريت الرياض واخذت لي دبل مثل ما تقول بس ياليت وصف المحلات وين بالضبط.
وبعدين اليوك مريت ورشتين واحد يقول المشكله من الحساس حق الدبل.
والثاني قال هذا من دينمو الدبل لازم اول شيء نغيره لان هو الي يفصل عليك وعقب نفحص نشوف لا يكون فيه عله ثانيه .
قلت له طيب حساس الدبل قالي الأزرار ولمباتها كلها تمام عندك يعني الحساس سليم .
توكلت علي الله ورحت طلبت دينمو الدبل من التوكيلات بي 1530 ريال .
والله ييسر ان شاء الله

[tevo]

الحمد لله تم حل المشكله غيرت دينموا الدبل جديد بي 1530 ريال وشغل اليد بي 250 طبعا الدينموا يجي معاه الحساس والترسين كامله .
والسيارة الحين مية مية

[برق شمال غربي]

السلام عليكم ورحمة الله

ياشباب ممكن لو سمحتوا احد يفيدني


السلام عليكم ورحمة الله وبركاته
أنا عندي سلفرادو موديل ٢٠٠٥ صار عندي عطل في الدبل وصار يطلع اصوات وقروشة وقرقعه
بعد ما رحت للمكانيكي وفكه قال لي يبي جرم الدبل الخلفي مع الجنزير وكمان كان بيقولو لي تراه غاليه القطع ولكن جيب دبل خلفي كامل من مكان مايركب الدبل مع الجير بوكس
؟؟؟؟
السؤال هل اقدر احصل دبل خلفي بالتشليح وفين وفي اي منطقة من المملكة وكم سعرة تشليح وكم سعرة في الوكالة ؟

هذا شاكر ومقدر لكم حسن استماعكم والله يحفظكم