الى كل من جرب عزبه السنيدي وعزبه عروق الشمال يتفضل بالدخول *

[ااابوعابد]

السلام عليكم ورحمة الله وبركاته :.

انا ياشباب عندي عزبه للسنيدي له اكثر من 7 سنوات

وقررت اغير بس محتار بين السنيدي وعروق الشمال ايهم افضل للقماش التنزاني الاصلي

س1 : يقولون السنيدي خرب مهو زي اوول؟

[حلتيت]

كله واحد اهم شي تنزاني

[جيبي جايزلي]

عروق الشمال اشوفها اجود شوى

[ااابوعابد]

عروق الشمال اشوفها اجود شوى

مشكور ع المرور بس انا ابي من واقع التجربه للاثنين

[تصانيب خويلد]

مو بالضروره اسم المحل ، لان لكل محل له عدة خامات وعلى حسب الخامه ولابد انك تتفحص التخييط والخامه الي تبيها بغض النظر عن اسم المحل وكل الاثنين ينتجون الزين والشين وكله بسعره

[سيف الظفير]

السلام عليكم ورحمة الله وبركاته :.

انا ياشباب عندي عزبه للسنيدي له اكثر من 7 سنوات

وقررت اغير بس محتار بين السنيدي وعروق الشمال ايهم افضل للقماش التنزاني الاصلي

س1 : يقولون السنيدي خرب مهو زي اوول؟





اسمع يا الاجودي انا العزب اللي عندي ثلاث


وكلها غيرتها ( مع انها أخت الجديدة توها ما استعملت واجد )

وبدلتها بعزب محل البرية التنزاني ( اللي بمخرج 14 اسم راعيه ابو صالح+ ابو يزيد )


مر عليهم وقل ابي عزب تنزاني اللي انتم تفصلونها


والله والله ما شفت مثل طيبها بكل شئ كل شئ يخطر ببالك

وبحق لو ما جلست 10 سنين ولا تغيرت

[ااابوعابد]

مشكور اخوي سيف ع الافاده

[سيف الظفير]

جربت واااااااجد ولا شفت مثل حقات البرية ابد

[ماهر الحمد]

نعم أنا ممن جرب عزب السنيدي بجميع أحجامها قديما وحديثا تنزاني وصيني؟؟ أقولها بصراحه ما عاد زي اول !!يمكن لو تطلب تنزاني وتكلم اليماني حقهم وتشد عليه يضبطها لك... لكن اللي أنصح فيه من عزب وشنط بيلات (جميع مشتقات العزبه) هو محل الصحراء بالرس راعيه ابو سليمان والله ما مر علي خياطه وشغل صح مثله عندي شنطة البريموس كل من شافه انهبل على شغله ،عالعموم ليست هذه دعايه لمحل ابو سليمان(وهو يستاهل نعم الرجل قابلته في المحل) ولا أعرفه ولا يعرفني لكن شفت موضوع الاخ المشرف دهران كاتب عنه ورحت للمحل وفعلا وجدته كما قال وسأذهب اليه قريبا لبعض الاغراض..أرجو اني أفدتك،عذرا على الاطاله وراجع موضوع دهران

[مخاوي الليل1]

السلام عليكم ورحمة الله وبركاته

اخوي يالغالي

كل المحلات قريبه الا السنيدي صار يجيب اردى البضاعه

ولا انصحك بي بضاعه من السنيدي

شغل برق الحيا احسن مليون مره والمحلات كثيره


اخوك

مخاوي الليل

[ااابوعابد]

؟؟؟؟؟؟؟؟؟؟؟؟؟؟؟؟؟

[زايــ ابومحمد ــد]

مر على ابوخالد ولا راح تندم
الكشاته

http://www.mekshat.com/pix/upload01/prof021/mk118917_629.jpg

[الخفاق]

السلام عليكم
عندك اخوي برق الحيا وعندك البريه شغلهم زين في العزب
تحياتي لك

[«نجم الخير»]

الرجال يسأل عن السنيدي وعروق الشمال
وانتم تشطحون للرياض وغيرها


مابينهم فرق التنزاني كله واحد هنا او هناك


والتفصيل افضل لك
تايلندي لأنه افضل من التنزاني بمراحل للعزبه فقط
يتقبل الغسيل ولايتشرب الماء والزيوت
وجيد في التحمل وامتن


واذا ماسكه معك تنزاني فصل من برا تنزاني ومن داخل تايلندي

[ااابوعابد]

ايه بس انا استفسر عن المحلات اللي بالقصيم !!!

[النوبل]

عليكم السلام ورحمة الله وبركاته


تبي العلم الي يجمد على الشارب


مر اقرب محل لك وتفصيله جيد وفصل على مزاجك


تنزاني دبل ومبطن وحط الجيوب والسحابات الجيده


وكب عنك الفليني وفلون الفلان :)




والله يوفقك ومن يقرأ

[هبوب الشمااال]

اهم شي تنزااني

[الطبيب]

عليكم السلام ورحمة الله وبركاته



تبي العلم الي يجمد على الشارب


مر اقرب محل لك وتفصيله جيد وفصل على مزاجك


تنزاني دبل ومبطن وحط الجيوب والسحابات الجيده


وكب عنك الفليني وفلون الفلان :)





والله يوفقك ومن يقرأ



أنا مع هالكلام 100000 % :good2:

هذا والله أعلم
والسلام ختام

[WWS]

عليكم السلام ورحمة الله وبركاته



تبي العلم الي يجمد على الشارب


مر اقرب محل لك وتفصيله جيد وفصل على مزاجك


تنزاني دبل ومبطن وحط الجيوب والسحابات الجيده


وكب عنك الفليني وفلون الفلان :)





والله يوفقك ومن يقرأ




:good::good:

:good::good:

فيه محل شغله حلؤؤؤ ببريده جربته آكثر من مره
تفصيل كذـآ شنطه ؤ فرش
آسمه (( آلثـآيه )) (( بشـآرع عمر بن آلخطــآب رضي الله عنه )) بعد مستؤصف آلآحسـآن بـآتـجـآه آلشمـآل

ؤ جربت عزبه آلنفؤد من عرؤق آلشمـآل شـآريهـآ من حؤـآلي سنتين
ؤ الحمدلله ميه ميه

[ااابوعابد]

مشكورين ع المرور

[nice path]

خذ اللي عند الرماية ممتازة جدا
قماش ممتاز ووصطها بلاستك قوي

[الهوى الغربي]

السنيدي انتهى للاسف حسب ما رأيت من رداءة بضاعته

[ااابوعابد]

يعطيكم الغافيه ع المرور